أنتِ نوري

وهى بتنزل كانت ماسكه فى إيد مليكه وهما الإتنين لابسين نفس لون الفستان اللون الأحمر ولابسين عليهم فرو كانوا فعلا ملكه وأميره شاف حياته فيهم ومعاهم حس إن الصوره إكتملت دول عيلته إللى خلاص باقوا معاه مراته المستقبليه وبنته وإتمنى يكون عنده أولاد وبنات كتير من رقيه عشان تملى الصوره أكتر...فاق من تفكيره على صوتها...
رقيه فى إيه مالك
سيف بذهول إيه القمر ده!!
رقيه حست بالخجل الشديد من كلامه قطع ذهوله صوتها...
مليكه إيه رأيك يابابا فى فستانى وشعرى
سيف وهو بيشيلها أميره ياروح بابا. ...
نزلت على الأرض وهو بص لرقيه بهيام...
سيف وإنتى يارقيه
رقيه أنا إيه
سيف يعنى ماسألتينيش إيه رأيى.
رقيه انا مش عارفه إنت حابب تكلف نفسك ليه ماكنت قضيت الموضوع بالروج أبو خمسه جنيه أإللى إشتريته من قدام الكليه و.......
سيف بضيق وهو بيقاطعها إيه!! نازله رغى رغى وبعدين ثوانى كده روج أبو خمسه جنيه إيه إللى بتقولى عليه ده!! إنتى ماتتكلميش خالص انا غلطان أساسا يلا إمشى قدامى إنتى وهى.
حاولت تكتم ضحكتها وخرجوا من الفيلا....
بمرور الوقت...فى قاعه كبيره مفتوحه على البحر كانت قاعده مع مليكه والبنات على ترابيزه وبيرغوا وبيتكلموا فى أى حاجه... ولورا كانت طول الوقت بتبص بحزن لحسين إللى بيحاول يتجاهلها عشان مايفسدش أى حاجه...وأشرف كان قاعد مع ناريمان وبيترقبوا كل حاجه وناسيين إنهم فى فرحهم...
حسين لسيف بقولك إيه أنا مش قادر أصبر كفايه كده.
سيف لو قولت كلمه زياده هتتضرب.
مروان براحه عليه شويه.
سيف عايزين ننفذ كل حاجه زى ماخططنالها.
حسين بتأفف الخواتم هتيجى إمتى طيب
سيف حالا أنا.......
قطع كلامه صوت رنة موبايله..
سيف أيوه ياصبرى.
صبرى الخواتم معايا يابيه.
سيف أوك تعالى إدخل.
قفل المكالمه وبالفعل صبرى دخل وإدا الخواتم لسيف فى خفيه وبعدها خرج...
حسين ها هنعمل إيه
سيف فى فقرة السلو ياحبيبى تتقدملها إرتحت
حسين وإنت
سيف مش عارف بس خلينا فيك الأول.
حسين طيب.
وفعلا بدأوا فقرة السلو وكل شخص بدأ يرقص مع حبيبه...أشرف بيرقص مع ناريمان وسيف راح لرقيه وأخدها من إيدها عشان يرقصوا وفى نفس الوقت محرجه لإنها أول مره تبقى فى الموقف ده وحسين إتنهد بصعوبه وراح للورا إللى ماصدقت إنه عبرها مروان إحم إحم تسمحيلى ياقمر ترقصى معايا
مليكه بفرحه ماشى يا أونكل.
مروان ههههههههه ده أخرى يلا مش مشكله.
أخدها من إيدها وراحوا على الإستيدج وشالها وبدأ يرقص بيها...
لورا لحسين بحزن أنا آسفه ياحسين على إللى حصل ده صدقنى مكنش قصدى انا معرفش أنا عملت كده إزاى و.......
حسين بهيام وهو بيبص فى عيونها وبيقاطعها من أول يوم شوفتك فيه وأنا بعشقك بعشق كل تفصيله فيكى كنت دايما بشوفك أم لأودلاى وقبلهم كنت شايفك حبيبتى أنا ماتجوزتش السنين دى كلها لإنى بحبك إنتى وبس يا لورا
ماشوفتش غيرك وده لإنه مستحيل حد ياخد مكانك فى قلبى مهما حصل أنا بحبك جدا بطريقه ماتتخيليهاش.
كانت لسه هتتكلم لاحظت إن الموسيفى وقفت لقته بيخرج حاجه من جيبه وبيركع قدامها وبيقدملها خاتم...
حسين بهيام تقبلى تتجوزينى ياعشرة 16 سنه
الكل واقف منتظر ردها حتى رقيه وسيف واقفين ... بس رقيه متابعه الموقف بحماس وإنبهار لكن سيف متابع حماس رقيه بهيام وإتأكد إنه إختار الوقت المناسب إنه يتقدملها هو كمان بس هو ناوى على بعد الرقصه...كانت واقفه فى مكانها والدموع مكتومه فى عيونها ومش عارفه تقول إيه بس فرحانه جدا إنه بيطلب إيدها..
رقيه بتشجيع ساكته ليه ماتردى قوليله إنك موافقه.
لورا بدموع موافقه يا أحلى 16 سنه فى حياتى.
لبسها الخاتم وقام من على الأرض وحضنها بقوه... الكل سقفلهم وبدأ يباركلهم حتى رقيه وسيف باركوا ليهم...وبدأت الموسيقى تشتغل تانى سيف شدد من حضنه لرقيه وهما بيرقصوا...ورقيه محرجه وحاسه بخجل شديد من كده بتحاول تتحكم فى تنفسها إللى بدأ يزيد...سيف بص فى عيونها بهيام وبدأ يتكلم...
سيف أنا بحبك يارقيه.
كانت لسه هتتكلم...
سيف وهو بيكمل عارف إنك إنتى كمان بتحبينى بس أرجوكى أنا محتاج أتكلم ... إتنهد بصعوبه وكمل...عايز أقولك إنى ماليش فى جو الشباب المراهقين ده إنتى طبعا عارفه أنا عندى كام سنه يعنى خلاص أقصى طموحى حاليا هو إنى أستقر معاكى.
رقيه بعدم فهم مش فاهمه تقصد إيه
سيف بتنهيده صعبه مع توتر أنا بتمنى إنك تكونى مراتى وحبيبتى وأم أولادى يعنى تبقى أم لمليكه ونجيبلها إخوات كمان يعنى نعيش مع بعض لآخر العمر تبقى فى حضنى دايما من غير خوف من غير قلق أشكيلك همى وإنتى تشكيلى همك...
دموعها كانت بتنزل فى صمت وهى بتسمعه وكل كلمه بتسمعها بتكرهها فى نفسها أكتر...إتفاجأت بيه لما لقته بيسحبها وراه بعيدا عن كل الناس أخدها ووقفوا عند الشط..قرب جبهته من جبهتها وبدأ يتكلم...
سيف وهو بيبص فى عيونها أنا بحبك وبعشقك يارقيه بحبك بطريقه إنتى ماتتخيليهاش عايزك تبقى ليا النهارده قبل بكره مابقتش قادر أستحمل وجودك وإنتى بعيده عنى كده لا عايزك تبقى قريبه منى أكتر من كده.
مسك إيديها الإتنين بكل حب وركع على الأرض...وهى كل إللى بتعمله إنها بټعيط بقهره لإنها نفسها فى كده فعلا مع سيف بس ماينفعش نهائى...خرج عليه الخاتم من جيبه...
سيف بهيام وهو بيرفع العلبه المفتوحه تقبلى تبقى أجمل وأرق زوجه فى حياتى يا أطيب وأحلى بنت شافتها عيونى
الفصل الثلاثون
كانت واقفه فى مكانها ومش عارفه تبطل عياط من إللى بيحصل إتكسرت أكتر لإنها مجبره تكسر فرحته عيونها جات على الخاتم السوليتير إللى سيف مقدمهولها وإتمنت إن يكون ليها الحق فى إنها تلبسه قطع تركيزها صوته...
سيف بإبتسامه رقيه مردتيش ليه قولى ردك.
مكانتش عارفه تقول إيه بس إستغربت من إللى هى قالته...
رقيه قوم ياسيف.
سيف أقوم ليه
رقيه بدموع أرجوك قوم.
قام من مكانه...
سيف بإستغراب من تصرفها فى إيه يارقيه مالك
رقيه ماينفعش ماينفعش ياسيف إللى بيحصل ده.
سيف پصدمه وعدم إستيعاب ماينفعش إزاى!!
مش عارفه تبررله كلامها إزاى أو تقوله إيه...
سيف بعصبيه قوليلى ماينفعش إزاى!!
رقيه بدموع عشان..عشان...
سيف بصوت جهورى عشان إيه!! مش إنتى بتحبينى!! ليه ماينفعش!!! ليه!!
رقيه بعصبيه عشان إحنا كده بنتسرع إنت بتتسرع بطريقه رهيبه إنت ناسى إنى فى كليه وعندى دراستى وحياتى ده غير إن عندى أهل وأنا مش هينفع أتخطب كده عادى من غير ما أهلى يكونوا موجودين إنت ليه محسبتهاش ها ماينفعش بالطريقه دى إحنا عندنا عادات وتقاليد فى بلدنا يعنى لازم تتعرف على أهلى الأول وتتقدملى من خلالهم وده بعد موافقتهم عليك و.......
رقيه لنفسها وهى فى حضنه والدموع بتنزل من عيونها أرجوك ياسيف ماتقتلش اللحظات الحلوه دى بسرعه بينى وبينك سيبنى أعيش أجمل أيام حياتى معاك سيبنى أبقى معاك عشان أعرف أشبع منك كويس ماتخلينيش أفوق دلوقتى سيبنى أحلم وأنا بين إيديك. ...
سيف بهيام وهو ماسك وشها برقه بين إيديه ماشى يارقيه عشان خاطرك هستنى مافيش مشكله المهم إنك تبقى ليا فى الآخر.
رقيه بدموع أكيد.
مسح دموعها ...مسك إيدها ورجعوا للفرح...الكل لاحظ دخولهم قرروا يسألوهم...
حسين بإستفسار إيه النظام وافقت صح
مروان يلا فرحنى يابنى.
سيف غيرت رأيي هتقدملها رسمى بعد ماهى تخلص إمتحاناتها.
مروان بس ده متأخر أوى.
سيف مش مشكله المهم إن ده ميأثرش على دراستها صح ياحبيبتى
رقيه بحزن أيوه صح.
أشرف كان نفسى أفرح بيكم والله.
سيف مره تانيه كده كده هبقى أعزمكم كلكم على فرحنا ماتقلقوش.
حسين إن شاء الله.
قعدوا كلهم وكملوا الفرح للآخر .. سلموا على أشرف وناريمان وبعدها سيف سلم على حسين ومروان والبنات كلهم ..وأخد رقيه ومليكه ومشيوا...بمرور الوقت وصلوا للقصر ومليكه كانت نايمه فى حضڼ سيف كانت لسه هتطلع لأوضتها...
سيف رقيه خليكى شويه هنيم مليكه وهرجعلك.
رقيه وهى بتبصله حاضر.
دخلت الصالون وفضلت مستنياه...نزل من أوضة مليكه وراحلها وقعد جنبها كان ساكت مابيتكلمش فى حاجات كتير فى دماغه محتاج إجابه ليها...
رقيه بإستفسار وهى ملاحظه شروده مالك ياسيف
سيف بإستفسار وهو بيبصلها بتحبينى
رقيه بإستغراب ليه السؤال ده
سيف ردى عليا بتحبينى ولا لا
رقيه أكيد أكيد بحبك.
سيف ليه
رقيه سي......
سيف بعصبيه وهو بيقاطعها بتحبينى ليه
رقيه والدموع بدأت تنزل من عيونها معرفش بس كل إللى أعرفه إنى حبيتك من أول يوم شوفتك فيه.
سيف طب ليه بتعملى فيا كده
رقيه بقلق سيف إنت بتقول إيه
سيف ردى عليا ليه بتعملى فيا كده
رقيه بتوتر بعمل فيك إيه
سيف بحزن ليه دايما حاسس إنك بعيده عنى ليه دايما بحس إنى واحد غريب عنك لما ببقى معاكى
رقيه وهى بتقرب منه أنا قريبه منك أهوه أنا......
سيف وهو بيبص فى عيونها وبيقاطعها مش ده القرب إللى أنا بتكلم عنه إنتى بعيده عنى بعقلك قبل قلبك عارف إنك بتحبينى بس إنتى فين!! بحس إنك مجبره على وجودك معايا وفى نفس الوقت بقول لا مستحيل رقيه تبقى مجبره على وجودها معايا لإنى شايف لهفتك عليا دايما فلا مستحيل.
رقيه صدقنى ياسيف أنا بحبك أوى.
سيف عارف بس إنتى فين يارقيه أنا مش لاقيكى.
رقيه أنا موجوده معاك و.....
سيف ماقصدش على وجودك أقصد فين رقيه إللى بتضحك فين رقيه إللى من قبل مانرتبط ببعض كانت كويسه ومبسوطه هو أنتى مش مبسوطه معايا ليه!! أنا مقصر فى إيه قوليلى عشان أصلحه.
رقيه بدموع إنت مش مقصر فى حاجه صدقنى.
سيف بعصبيه من دموعها برده هتعيطى!! كل كلامك عباره عن دموع وبس عندك إيه تانى طب فين ضحكتك إللى بتمنى أشوفها مش ده أقل حق ليا إنتى ليه بتعملى فيا أنا كده!! أنا عملت إيه فى حياتى عشان تعذبينى بدموعك إللى بتعب منها دى
رقيه إنت معملتش حاجه أنا بس تعبانه الفتره دى.
سيف تعبانه من إيه إحكيلى طمنينى عليكى لكن ماتسيبينيش بفكر لوحدى فى كذا حاجه مع نفسى.
رقيه بدموع قولتلك قبل كده فى مشاكل فى البيت.
سيف بهدوء ممكن أعرف إيه المشاكل إللى مخلياكى باهته كده قدامى
رقيه بدموع ياريت ياسيف مانتكلمش فى الموضوع ده أنا بحاول على قد ما أقدر أنسى مشاكلى وأنا معاك لإنى ببقى فرحانه وإنت معايا حتى لو مش بتشوف الضحكه فى وشى بس خليك عارف وواثق إنى مبسوطه من كل قلبى وده كفايه عليا أوى...وجودك فى حياتى هو أكتر حاجه بتسعدنى.
سيف بتنهيده وهو بيمسح دموعها أنا آسف على إللى حصل وعلى إللى قولته.
رقيه بإبتسامه وهى بتبص فى عيونه أنا عايزه أقولك إنى بحبك أكتر من أى حاجه فى حياتى يمكن إنت الوحيد بعد بابا وماما طبعا إللى برتاح معاه.
سيف طب وأخوكى مش بترتاحى معاه
رقيه بتنهيده صعبه وهى بتغير الموضوع صحيح ماقولتليش أنا ملاحظه إن صبرى أكتر واحد من الحرس بتوعك قريب منك يعنى أقصد إللى يشوفك بتتعامل معاه كده عادى يقول إنه صاحبك.
سيف بتنهيده صبرى أنقذنى من المۏت قبل كده.
رقيه بعدم إستيعاب