شوق اسماء عبد الهادي
المحتويات
.. يلا يا دكتور بسرعة عايزة اقوم اقف
ابتسم له رائد بإعجاب لعزيمته .. بينما شوق ابتأست لأنها تعرف أن قاسم كالأموات لا حياة لقلبه.
__
في الشقة المجاورة لشقة آيات وشوق
انضمت شوق لاخوتها لتجلس معهم لبعض الوقت بينما آيات في غرفتها تدرس
ليقول مهند بحنق
_ هتفضلي قاعدة كدا كتير
_ ايه يا ولا عايز ايه.. أني لسه جاية ارجع يعني الشقة التانية
_ عارفة بس بحب استفزك يا ولا
_ هتغابي عليكي
_ وريني هتعمل ايه وأني كنت ..
_ باااس باااس حرام عليكي يا
شيخة نافوخي اتخرم من كتر الضړب. مهند اتلم.. مهند انزل شغلك.. مهند ملكش دعوة بميار.. مهند مش عارف ايه.. حرام عليكي يا شيخة بقا
ضحكت شوق
_ ايه يا ولا مش بربيك
_ لاه لسه شوية كماني
_ وربنا ان ما كلمتي خالد في موضوعي لأخطفها وانتوا احرار
_ مچنون وتعملها
_ طب اتحركي بقا فقعتيني
قالت ببرود _ اتحرك اعمل ايه
وصل مهند لأقصى حالته تحملا
_ قومي من قدامي يا شوق علشان هزعلك بجد
ضحكت شوق وهي تنهض
_ ماشي اني قايمة بس انت الخسران أني كنت هقولك اني بالفعل كلمت خالد
_ بجد كلمتيه !! وها ايه قالك ايه طمنيني
_ زي المتوقع رفض طبعا
_ نعم !! وانتي لازمتك انتي وصاحبتك فداء ايه مأقنعتهوش ليه
_ حصل
_ حصل ايه .. شوق بلاش تكلميني بالقطارة بالله عليكي اتكملي مرة واحدة
_خالد متردد يا مهند مش قادر ينسى اللي حصل
_والحل ايه اتصرفي يا شوق
ليهتف أمير بحنق
_ايوة زي ما بتعملي معايا مش كدا.. مانعة عني الميا والهوا
ضحكت شوق
_ده انت حبيبي يا أمير الأمرا
_لا ما هو واضح
لتهتف شوق لعساف الذي كان يتابع بصمت
_وانت يا كبيرهم مش عايز تتجوز انت كمان
فكر عساف قليلا قبل أن يرد
_مش هخبي عليكي فكرت في الموضوع لكن أنا مش جاهز دلوقتي لسه قدامي وقت لحد ما أكون مستعد لخطوة مهمة ونقلة فارقة زي دي
_يا سيدي على الناس العاقلة الراسية .. اسمع منه يا واد انت وهو واتعلموا
_اسمع ايه دا معتوه .. انا لو استنيت لما استعد واوصل للي بحلم بيه هشيب قبل ما اتجوز.. اتجوز الاول وبعدين نكمل حياتنا ونبنيها سوا
أيد أمير رأي مهند
_ اول مرة اوافقك في رأي .. اؤيدك جدا .. ها سمعتي يا شوق
شوق
_ كل اللي بتقولوه وجهات نظر تحترم يا ولاد والله ربنا يوفقكم ويصلح حالكم .. بس مش عايزاكم تتسرعوا الصبر حلو وكل شىء مكتوب عن ربنا بالساعة والدقيقة .. أني كل اللي عايزاه عايزاكم أحسن ناس في العالم بحيث لما تتجوزوا تكونوا جديرين بالمسؤولية .. ياما شباب كتير اتجوزت وقدرت تجهز شقتها وعندها شغلها ومكسبها لكنهم بيفشلوا في ادارة الحياة الزوجية اللي مفكرينها حقوق وواجبات وبس .. أني عايزاكم توصلوا لمستوى النضج اللي من خلاله تقدروا تعيشوا حياتكم الزوجية صح.. وتقدروا تتغلبوا على اي مشكلات ومصاعب هتقابلكم.. الحياة الزوجية
السعيدة شعلة بتقيدها ڼار المحبة وتشيلها يد المسؤولية.... الزوجة فيها نبع الرومانسية والحنان والراجل مصدر القوة والأمان... السعادة الزوجية زي زهرة جميلة عبقها مبينتهيش ولا أوراقها بتدبل بمرور الزمن ... أني بسعى ليكم لحياة وسعادة ابدية مش حياة زوجية جامدة يعتريها الروتين ويغلفها التعود... العشق لوحديه مش كفاية ..الاحترام والتقدير المتبادل والسعي ورا اسعاد كل طرف للتاني ديه أساس وعمود البيت بعد اكده... عايزاكم تفهموا اكويس المرحلة اللي داخلين عليها قبل ما تبدؤا فيها علشان أكده أني بأيد رأي عساف في انكم لسه قدامكم شوية كمان لحد ما تكونوا مستعدين لمسؤلية زي دي اتمنى تكونوا فهمتوني
اعجب مهند بما قالته اخته واقتنع به لكنه ما زال مصرا على نيل قلب ميار في اسرع وقت وبأي طريقة كانت
__
بعد الحاح مطول من ميار لخالد بطلب سيارة وتعلم قيادتها
أخيرا سمح لها خالد بركوبها
_تمام هتسوقيها انتي بس انا هكون معاكي
_لا علشان خاطري يا خالد عايزة اعتمد انا ع نفسي واسوقها لوحدي وانت مش معايا.. هلف لفة بسيطة وهرجع علطول .. قول موافق علشان خاطري
_ماشي يا ستي زي ما تحبي بس خدي بالك من نفسك وسوقي بشويش
_حاضر متقلقش
قادت سيارتها الجديدة بسعادة ففجأة تجد نفسها تصدم أحدهم ولا تدري انه هو من تعمد ذلك
فتنزل من السيارة پصدمة
_يا خبر انا اسفة اوي .. انت انت كويس!!
وما ان تتحقق من ملامحه ليتجهم وجهها لتقول بعبوس
_هو انت
ليقول بمكر مدعيا الألم الشديد
_اااه ااه رجلي مش قادر دي تقريبا اتكسرت
_ايه .. انا اسفة اوي والله مش قصدي
طب اتصرف ازاي انا دلوقتي
_لا ھموت .. عندي كرشة نفس الحقيني
_لا لا بالله عليك مش ټموت ..طب طب هات ايدك اوديك المستشفى
_اه وديني المستشفى وخليكي جنبي .. لاحسن اموت في أي لحظة
_بعيد الشړ عنك هتكون كويس ان شاء الله
ابتسم لنفسه بمكر فها هو يحقق مراده وسينال ما يرنو له بقليل من الخداع الزائف
امسك بيدها والۏجع الى ان استقر جوارها في السيارة
قادت السيارة سربعا لتصل للمشفى
ليقول
_لا سوقي ع أقل من مهلك انا مش مستعجل لو هنوصل في سنة مش مهم المهم اني اكون معاكي
_ايه بتقول حاجة
_اا اه لا بقولك سوقي براحة علشان رجلي ااه
دي باينها اتكسرت
قالت پخوف
_اا انا اسفة اوي والله.. دي اول مرة اركب فيها العربية وابعد شوية لوحدي
مهند في نفسه _وده من حسن حظي انا متعرفيش انا في قمة سعادتي ازاي لما لقيتك لوحدك علشان كدا قلت لازم استغل الفرصة لصالحي واديني اهو بقيت جار القمر
وجدته ينظر لها صامتا
_ااه حضرتك معايا انت سامعني .. اانت كويس
_لا مش كويس انا بتوجع من الألم
_ يا خبر هنوصل.. قربنا للمستشفى متقلقش
رد في نفسه
_ مش شايل هم الدنيا وأنا معاكي
_ مهند بليز سامحني والله مش قصدي انا زعلانة علشانك اوي
_ لا محصلش حاجة دا من حسن حظي انا
_ ازاي
_ لا متخديش في بالك
_ انا هكلم خالد اخويا
_ لا لا كله الا خالد
_ليه
_ اا علشان انتي سايقة يعني وكدا وبعدين مش مستاهلة تقلقيه انتي هتيجي معايا نطمن على رجلي وبس كدا
_ ان شاء الله هتكون سليمة
_ مش شايل هم أبدا
وعندما وصلا للمشفى قرر مهند أن يرتب مع احد الأطباء بإدعاء أن قدمه قد كسرت ليظل ف المشفى بعض الوقت وينال اهتمام ميار
لكنه تفاجىء بالطبيب يقول
_ في شرخ بسيط في الساق محتاج تفضل في الجبيرة مش اقل من اسبوعين
صدم مهند بما قاله
_ نعم رجلي اتصابت بجد.. يادي النيلة انا اللي جبته لنفسي .. بس مش مشكلة كله يهون علشان اكون جار القمر
لتبكي ميار لاجله
_ايه .. عاا .. انا والله العظيم اسفة
كاد ان يمد يده ويسمح دمعاتها ويحتضنها لكنه تذكر شوق وتوجيهاتها فتماسك عن آخر لحظة وقال
_حصل خير انا كويس وزي الفل قدامك متعطيش كدا..
_لا انت اتأذيت بسببي انا
_طب تحبي أقوم اتنطط قدامك علشان تتأكدي اني كويس
_لا لا علشان خاطري بلاش تتحرك علشان تخف بسرعة
_حاضر اللي تقولي عليه هعمله.. بس متسبينيش خليكي معايا علشان تهوني عليا .. ااه رجلي
_ح... حاضر حاضر هفضل معاك.. هكلم خالد استأذنه و ...
قاطعها قائلا
_لا ملوش داعي تكلمي خالد ويعرف باللي حصل.. يكفيني اني اشوفك كل يوم.. كم ساعة تقضيها معايا هنا تهوني عليا الوقت
_انت هتفضل هنا لحد ما تخف مش هترجع البيت
_لو رجعت هتيجي تزوريني!!
_اه طبعا ..دا انا السبب في اللي حصلك
_يبقى قشطة اوي هرجع البيت
_تحب اوصلك
_ياااه دا من دواعي سروري
__
كانت في طريقها لفيلا قاسم لتدلف ليوسف لكنها وجدت سيارة تقف بالقرب منها معترضة طريقها فاستغربت ذلك
ووقفت محلها لترى ما الأمر ... لتجد أحدهم يقترب منها و.....
شوق
بارت ٥٠
أسماء عبد الهادي
_____
استغربت تلك السيارة التي تقترب منها فوقفت محلها لتعلم ما الأمر لتجد أحدهم يترجل من السيارة ويقترب نحوها قائلا بهدوء
_ استاذة شوق !
_ أيوة أني شوق خير يا أخينا عايزة حاجة
_ في الواقع أنا جاي لحضرتك في خدمة انسانية ومتأكد انك مش هتكسفيني لان معروف عنك حب الخير لكل الناس
_ سامعاك يا حضرة قول
____
في تلك الأثناء كان رائد بالداخل مع يوسف يقوم بالتمرينات الخاصة بيوسف
_ يوسف استاذة شوق اتأخرت .. والظاهر كدا هي مشغولة فأنا بقول نبدأ التدريب وهي تحصلنا لإني أنا عندي شغل تاني .. ينفع نبدأ دلوقتي
حركت جلنار رأسها ليوسف لان يوافق
فقال
_ماشي نبدأ
_تمام اوي... يلا هنحاول تقف على رجليك لوحدك من غير مساعدة
_ لا مش هقدر يا دكتور
_ ها يا يوسف حاول متقولش مش هقدر من غير ما تحاول يلا.. هات ايدك هساعدك .. ها يا بطل
بدأ
وبالفعل بدأ يوسف الوقوف بمساعدة رائد إلى أن نهض على قدمه
فابتسم يوسف بفرحة
_انا وقفت وقفت .. انا وقفت يا تيتا شايفاني .. وقفت
حاول رائد سحب يده دون أن ينتبه يوسف حتى لا ېخاف
وغمز رائد لجلنار التي ابتسمت فرحة بحفيدها وبدات تتمتم في نفسها
_ برافو يا يوسف الحمد لله رب العالمين
وما ان انتبه يوسف انه يقف حده حتى خاف وظهر ع وجهه الزعر فوقع على كرسيه مرة اخرى
ليساعده رائد مرة اخرى
_ يوسف انت قدها متخافش .. يلا نحاول تاني
_ طب متسبش ايدي يا دكتور
_ يلا يا يوسف المرحلة دي مفيهاش دلع يلا ها
وقف يوسف ثانية وابعد رائد يده عنه
فكاد أن يسقط يوسف فنظر له رائد بتحذير
_ ها .. اوعى تخاف انت قدها خليك واقف أطول قدر ممكن
وبالفعل ظل يوسف واقفا لمدة دقيقة وحده
الى ان قال
_ لا تعبت مش قادر
وسقط على الكرسي مرة اخرى
ظل رائد يعاون يوسف على هذا التمرين عدة مرات متتالية ولوقت طويل بالرغم من تعب يوسف الشديد الا ان رائد أصر ان ينهي التمرين للنهاية
وبعد ساعتين ارتمى يوسف عل فراشه مرهقا
_ ااه انا تعبت اوي فين شوق تيجي تشوفني وانا واقف
قبل رائد راسه وقال باعجاب
_ برافو عليك يا حبيبي.. انا مبسوط بالجهد اللي عملته النهاردة ممتاز جدا.. عايزك بقى تكرر التمرين دا كل ساعتين ولمدة نص ساعة ميقلش عن كدا تمام
هز يوسف راسه بتعب وأعينه تشع فرحة حقيقية
لتقول جلنار شاكرة
_شكرا يا دكتور انا مش عارفة اقولك ايه ع اللي بتعمله مع يوسف
_ الحمد لله
رب العالمين ده فضل ونعمة من ربنا ..ربنا كرم يوسف من فضله
_الحمد لله رب العالمين
__
_ها
متابعة القراءة
