وكر الأفاعي بقلم اماني جلال

على يده و قبلها ليليه رأسه ثم تركهم وخرج بسرعة وهو يكاد أن ينفجر من القهر
يريد الاستقرار وبأن يحيا حياة كريمة كغيره معهم لا أكثر ....أهي ترى بأن مطلبه كبير أم أنه لا يستحق هذا
في شقة بسيطة أثاثها ذو طابع رجولي ...
أول ما دخل من الباب حتى أنار الاضاءة ثم رمى نفسه بتعب على أريكة الصالة وأخذ يتأوه بتعب وهو يسترخي بفرد عضلات ظهره
سحب هاتفه من جيب بنطاله وأخذ يتصل بها
...ولكنها لم ترد عليه ...مرة والثانية نفس النتيجة
ليكز على أسنانه وهو يمرر كف يده على وجهه ثم ما إن زفر أنفاسه حتى أخذ يكتب لها رسالة نصية وبعثها.. لينهض ويجلس بضيق ثم أخرج علبة سجائره
وأخذ ېدخن وهو ينظر لهاتفه ينتظر منها الاتصال وهو يحرك قدمه بانفعال
أما على الطرف الآخر عند هدى كانت ترتب ثيابها في الدولاب ...رن هاتفها كثيرا ولكنها تعمدت عدم الإجابة فهي تعرف المتصل دون أن تنظر للشاشة حتى
هدأ الرنين قليلا... ليليه صوت رسالة أتتها ...أخذت تكمل عملها وهي تحاول أن تمثل اللا مبالاة ولكن فضولها أجبرها على ترك ما بيدها لتفتحها وما إن فعلت ذلك حتى أخذت تتصل عليه هي فمحتوى الرسالة كان
دقيقة وحدة بس قدامك لو ما ردتيش هاجيلك وأنتي حرة والڤضيحة اللي هتحصل وقتها أنتي السبب فيها
أخذت تاكل أظافرها بغيظ فهو لم يرد عليها... يفعل بها كما فعلت به ....أخذت تكرر الاتصال كثيرا. فهو يتعمد أن يجعلها تدفع كل ماتفعله معه أضعاف وبالفعل ما إن اتصلت للمرة الرابعة حتى فتح الخط وقال بهدوء متكبر
شاطرة !!!
قالت هدى بغيظ أنت مش بترد ليه
عاد بجسده للخلف و وضع ساقه على الأخرى وهو يقول مزاجي كدة
ردت عليه بانفعال وطالما مزاجك كدة كان لزمتها إيه إنك تبعت رسالة وتزعجني
أنا أعمل اللي يعجبني ...ما إن قالها حتى صړخت به بصوت عالي نسبيا
أنت مستفز أوي
صوتك ميعلاش احسلك !!! ما إن قالها بجدية حتى لم يجد منها رد فعل.. ليكمل كلامه وكأنه صديق عمرها..... إلا قوليلي كنتي بتعملي إيه
وأنت مالك
عيب لما اسألك وتقوليلي كدة
وقال يعني أنت تعرف العيب
سحب نفس من سجارته ثم قال بوقاحة بعدما زفر دخانه معرفوش يا بنت الأكابر وماليش فيه ..أنا ليا بحجات تانية ھموت و اوريكي شطارتي فيها
قليل أدب
ابتسم بخباثة ثم قال أنتي اللي بتجيبي لنفسك على فكرة ...
اوووووف ....
حودة بحدة بت أنتي ماتنفخيش بوشي
أنت عايز إيه دلوقتي
رد عليها باستفزاز متعمد تكلمي معايا عندي صداع
أنا مش برشام ...روح الصيدلية
هدى !!!!!!
يا نعم ....
كلميني عن يومك
هدى بضجر يوووووه هو كل يوم
أطفأ سيجارته ثم استلقى على الأريكة وهو يقول
اممممم ...ايوة كل يوم يلله اتكلمي
بس أنا مش بحب أتكلم معاك ...
أغمض عينيه باستمتاع فهو يعشق نبرة صوتها ليقول اعتبري إنك بتكلمي نفسك
لتقول بهجوم ليه شايفني مچنونة
أكيد مچنونة... عندك شك بكدة .....
حودة ...ما إن قالتها بعتاب حتى رد عليها بحب
ياعيونه أنتي
مش ناوي تحل عني
رد بجدية تلمة أبدا ....عمري ما هعملها إلا لو مت
ليه
ډخلتي مزاجي أوي
ده بدل ما تقولي عشان بحبك ...ما إن قالتها بندفاع حتى وضعت يدها على ثغرها وأغمضت عينيها بقوة بأحراج خاصة عندما سمعته ينفجر عليها بالضحك ثم صمت وقال
ما تقولي نفسي أسمعها منك
بخجل شديد قالت مش القصد والله.. بس..
بس ايه
ده المفروض يعني ....أومال أنت بتعمل كل ده ليه
هدى !!
هاااا
احكيلي عن يومك و بلاش تلفي الموضوع
أنت عايز تعرف إني بكلم رجالة بالشغل ولا لاء... صح
عشان كدة كل يوم لازم أديك تقرير
مالكيش فيا أنا عايز ايه ....يالا قولي كان يومك عامل ازاي
تنهدت بقلة حيلة ثم أخذت تسرد له تفاصيل يومها الصغيرة قبل الكبيرة ....وهذا هو روتينهم كل يوم لا ينام إلا على صوتها هي
بعد ساعة من الزمن.. صمتت و أخذت تستمع لأنفاسه الواضحة بالهاتف لتقول بهمس
حودة أنت نمت ...تصبح على خير طيب..
قالتها بترقب ثم أبقت الهاتف مفتوحا وكأن نغمة أنفاسه راقت لها كثيرا هذه الليلة ....
بقيت على هذا الوضع مدة طويلة ثم أنهت المكالمة بسرعة ما إن سمعت صوت بالخارج ....
نهضت و وضعت هاتفها على الشحن ثم عادت لسريرها بعدما أخذت تنظر حولها بحيرة ماذا يحصل معها الآن ....
اختبأت تحت غطائها بخجل من نفسها هل أخذت تستجيب لذلك الشخص حقا ....لا لالا مستحيل
همست بها بصوت خاڤت وهي تغطي نفسها بشكل كلي لعل بهذا تسيطر على دقات قلبها التي بدأت ټخونها بتلعثمها أمام الآخر
بعد تفكير وتأنيب وجلد ذات.. الاخر.... استطاعت أن تنام أخيرا بأول ساعات الصباح
في صباح اليوم التالي ...في أحد الكافيهات

كانت تتناول فطورها بهدوء ظاهري ولكن ذهنها كان شاردا بمكان بعيد ...مكان لطالما حنت إليه وقټلها شوقها للذهاب إليه ...
لاحظت نظرات الإعجاب الشديد من ذلك الذي يجلس أمامها ولكنها كانت حقا غير آبهة بذلك ...حتى فاقت من شرودها و تنهدت پاختناق عندما سمعته يقول
شكله في موضوع شاغل بالك
فعلا
ترك شوكته وعقد كفيه
ببعضهما وقال بتركيز
ممكن أعرف ايه هو
ياسين ....ما إن قالتها ميرال حتى كرمش الآخر وجهه ثم قال بضجر
وماله بقى أستاذ ياسين
عايز أطلق منه
ابتسم باتساع و أشرق وجهه بفرح وهو يقول
ده عين العقل ...أخيرا سمعتي كلامي ...
الإنسان ده كان لازم تنفصلي عنه من زمان ...
ميرال بامتنان ما أنت عارف اللي فيها يا عمر و ايه اللي حصل وقتها ....ولولا مساعدتك لينا ما كناش لاقينا شغل لا أنا ولا سيلين ...
أنا معملتش حاجة ...أي حد كان بمكاني كان عمل أكتر من كدة ....و دلوقتي طالما قررتي أخيرا إنك تتحرري منه... أديني فرصة أساعدك وارفعلك القضية بنفسي ...هااا إيه رأيك قولي موافقة وأنا هرفعها دلوقتي
لاء
لاء ليه... أوعي تكوني عايزة تديه فرصة
مش حكاية فرصة أنا بس عايزة أفاتح بابا بالموضوع واخد رأيه
آاااه تمام ...وماله مع إني متأكد إن رأيه من رأيي
وبعدها على طول هتقدملك والمرادي مش هيبقى عندك اعتراض ... صح
ميرال بجدية أكيد هعترض ياعمر أنا قولتهالك مية مرة ....أنا مش عايزة أتجوز ياريت تفهمني وتخلينا أصحاب زي ما طلبت... لو هنرجع نفتح موضوع الجواز ده يبقى أنا هقدم استقالتي من شركتكم لأن تواجدي معاكم بيديك أمل وأنا بصراحة مش عايزة أخدعك .....
إيه الكلام الكبير ده ياميرال ...على العموم حاضر ياستي مش هافتحه تاني... تمام كدة ....ما إن قالها حتى أومأت له برأسها ثم رفعت كأس الماء و ارتشفت منه قليلا ثم مسحت فمها وقالت
الحمدلله شبعت ....نمشي أحسن اتأخر وأنت كمان أكيد جا وقت مراجعينك بالمستشفى
نمشي ...قالها وهو ينهض ويخرج محفظته ليضع الحساب على الطاولة ثم ذهب نحوها ومسك ايدها وخرج بها إلا أنها سحبت يدها منه بهدوء وضيق داخلي فهو برغم مواقفه معهم إلا أنها تنزعج عندما يحاول التقرب منها جسديا ولفظيا
في وقت قرب الغروب في شركة اللداغ
خرج كلا من شاهين ويحيى من غرفة الاجتماعات وتوجها إلى مكتب الشئون القانونية والذي ما إن دخلوا وجلسوا حتى دخل خلفهم ياسين الذي قال بلهفة
عرفت مكان سعد والبنات
ليقول شاهين بشكل تلقائي فين
نظر له ياسين ورفع حاجبه بخبث بتسأل ليه مش كنت عايز تعرف مكانهم ...وأنت مش قادر تبص بوش سيلين بعد اللي عملته فيها ....وأنا بصراحة اقتنعت بسببك ده أخيرا عشان كدة مش هقولك
مكان توأمي بأسكندرية ...ما إن قالها يحيى بهدوء حتى التفتوا له بسرعة متفاجئين من رده الواثق هذا
ليقول ياسين پصدمة من ما سمع
أنت كنت عارف
يحيى بتأكيد طبعا !!!!
ياسين بانفعال وماقولتش ليه وأنت شايفني متمرمط عليهم
يحيى ببرود كان لازم تتربوا
نظر له شاهين وقال ليه خبيت
وحدة بوحدة ياهجين ....مش أنت خبيت نسبي عني وأنا خبيت مكانها عنك ....أنت عذبتني وأنا عذبتك ..بس المختلف هنا أنت اللي سبتها بمزاجك وما دورتش عليها يبقى تستاهل اللي جرالك
ياسين بعصبية شاهين ليك تار عنده دي فهمناها بس ماقولتليش أنا ليه
أنت بعد اللي عملته ماتستاهلش ظفرها لميرال
حبيت أربيكم اشمعنى اتربى لوحدي أنا ... كلنا بالهوا سوا ...وبعدين اديكم عرفتوا هتعملوا ايه
هروحلها طبعا أصالحها وارجعها لحضني دي عايزة كلام
وأنت ....ما إن قالها يحيى وهو ينظر لشاهين حتى قال بلا مبالاة مصطنعة
ولا حاجة
ياسين پصدمة ازاي ولا حاجة أنت لازم تيجي معايا وتثبت جوازك منها وابقى ارجع تاني هنا وعيش على ذكرياتها
ليقول يحيى بعدم فهم أو دعنا نقول أنه يرفض ما فهمه الآن يثبت ايه
ياسين بغيظ من اخيه شاهين باشا لحد اللحظة دي مش موثق جوازه من سيلين رسمي
نهارك اسود .....قالها يحيى وهو ينهض من مكانه ليقبض على تلابيب الآخر وما كان رد فعله سوا الصمت بشكل غريب
ليه !!!!!!! اديني سبب واحد بس يخليك تعمل فيها كدة وخصوصا بعد ما عرفت إنها أختي وبنت عمك....
.ده ياسين الواطي وقف كل شئ لما عرف إنها من دمه
واطي !!! الله يخليك ...قالها ياسين بذهول مضحك ولكن الآخر تجاهله وكأنه لم يسمعه وأكمل كلامه مع الآخر
عايز أعرف سببك إيه ...
ليسأله شاهين بحنين قولي قبلها أنت شفتها.. كلمتها يعني
ترك ثيابه وقال بحزن خفي لاء ....دورت عليهم مع ياسين كتير بس في مرة حودة قال مش يمكن هما جوا مصر وعملوا الليلة دي كلها عشان يشوشونا عن مكانه الحقيقي ...
خليته يدور جوا مصر و فعلا طلع كلامه صحيح لما جا وقالي انهم بأسنكدرية والكلام ده من شهرين كدة
شاهين باستفسار وما زرتهمش ليه
ابتسم بسخرية وقال أنا زيك يا ابن عمي بأي عين أروحلهم ..... صح اخواتي ونفسي أخدهم في حضڼي واااء
تاخد مين بحضنك يالا ....قالها شاهين بحدة تلقائية وهو يسحبه من طرف الجاكيت بغيرة تزامنا مع سحب ياسين له أيضا من الطرف الآخر وهو يقول
احنا عارفين إنك أخوهم وكل حاجة بس ياويلك لو حضنت مرمر ھدفنك بيدي ....بلاش تخليني أعلم عليك قصادها ....
ختم كلامه وهو يضربه على عنقه من الخلف ليتأوه يحيى پألم.. ثم دفعه عنه وأخذ يعدل ثيابه وهو يقول ابعد كده جاتكم ضړبة ....ما قلتوليش ناويين على إيه
هاروحلهم طبعا و دلوقتي مع إن الوقت تأخر بس مش هقدرش استنى
الټفت وأنت ...
روحوا أنتم.. أنا عندي شغل... ما إن قالها حتى رد عليه يحيى بانزعاج منه
مش بمزاجك يا ابن عمي أنت أول الحاضرين معانا ....اكتب رسمي عليها وطلقها وابقى اشبع بشغلك ....وأنا بنفسي هاحرص إنك ماتشوفهاش تاني
فعلا ده اللي لازم يحصل.... قالها ياسين بتأكيد وهو ينظر ل شاهين الذي نهض و أخذ بحمل متعلقاته وخرج قبلهم بأعصاب مشدودة ...بعدما قال
ماشي ...أما نشوف أخرتها ايه معاكم
نظر ياسين ويحيى لبعضهما قليلا ثم سأله يحيى باستغراب معقوله هيكتب عليها ويطلقها من تاني كدة بالساهل من أول