همس الجياد مروة جمال

البوكسات وتعملي تقرير بكل فرس إسم ووزن مع رقم البوكس والتطعيمات والمقويات اللي ممكن يحتاجها بشكل فردي وكمان لو تعب بتكتبي في التقرير العلاج اللي أخده والكمية دلوقتي حتيجي معايا نمر على البلوكات وتشوفي الفرس علشان برده حوريكي كام مشكلة بواجهها هناك تمام
كانت صامته تحاول إستيعاب الكثير مما قاله خاصة أنها لم تفهم لفظ البوكس الذي كرره أكثر من مرة وإستنبطت أنه يقصد ربما الغرف الصغيرة الخاصة بالخيل

توجه نحو السيارة وهي خلفه قفز سريعا داخل السيارة وركبت هي بهدوء وكانت تشعر بالإرتباك لإضطرارها للركوب بجانبه على عكس ركوبها مع المهندس حسن الذي إعتبرته كأخ أكبر قال وهو يحرك السيارة بتعرفي تسوقي يا دكتور
إيناس لأ
خالد أصل يوميا لازم تفوتي الصبح على الإسطبلات بس مش مشكلة ممكن تروحي معايا أو أي حد يوصلك من العمال لو أنا مش رايح وإذا إتعلمتي السواقة العربيات مكانها هنا والمفاتيح بتكون فيها
أومأت برأسها بالإيجاب ثم ظلت صامتة بقية الطريق وصلوا سريعا للإسطبلات وعندها لاحظت إرتباك العمال عند وصوله وخوفهم الشديد من كلماته وإمتثالهم السريع جدا لأوامره أما هو فكان يبدو كمن عاد لمنزله بعد غياب إنطلق سريعا ليطمئن على الخيل خاصته ويسأل العمال عن كل جواد بالإسم والحالة وبمتابعة دقيقة جدا لكل ما يحدث
أخيرا توجه نحوها ببصره بعد أن ظنت انه ربما نسي وجودها
نظر خالد نحوها وقال بلهجة آمره تعالي يا دكتورة
تقدمت سريعا داخل الغرفة الصغيرة وكان وقتها يجلس على الأرض وقد أمسك بإحدى قدمى الحصان ورفعها قليلا ثم قال شايفة الحافر
لم تستوعب ماذا يريد فالحافر يبدو كأي حافر أو ربما لا تلك هي المرة الأولى التي ترى فيها حافر جواد حاولت ان تخفي إرتباكها وتابعت أيوه
خالد پغضب بصي يا دكتورة عندي المشكلة دي مع كذا حصان چروح ومشاكل في الحوافر والعمال مش واخدين بالهم والإسم سايس خبير أرجع أنا ألاقي الخيل بقه أعرج ساعتها حاكسر رجلكم قال جملته پغضب شديد وصوت زاعق وهو يوجهه للعمال ثم تابع بجدية وهو ينظر نحوها إكتبي معايا رقم البوكس والفرسة إسمها ياسمين وحنفوت على الباقي وبعد ما نخلص ترجعي على العيادة تشوفي مراهم الچروح اللي عندك وفي كام رباط ضاغط و كمان لو محتاجين مضادات حيوية وترجعي وتخلي الباشوات دول يشتغلوا مفهوم
إيناس مفهوم
قالتها سريعا حتى قبل ان تستوعب كل الكلمات وتحاول أن ترتب داخل عقلها كل ما طلبه منها مر سريعا على بقية الأفراس ولم يخلو مروره من التوبيخ والإهانة لكل سائس وعامل مقصر ثم نظر نحوها سريعا وتابع كتبتي يا دكتورة
إيناس أيوه كتبت في 4 عندهم مشاكل في الحافر و عندهم مغص
خالد بيسو يا بيسو
جاءه على الفور شابا صغير السن والحجم أيضا له وجه بشوش ولكن كان يبدو عليه بعض القصور العقلي تحدث بتلعثم شديد وهو يجيبه بيه بيه بيه
خالد وبنفس نبرته الجادة خد الدكتورة إيناس على العيادة حتجيب شوية حاجات وبعدين حترجعها هنا تاني معاه يا دكتورة
ظلت جامدة لمكانها لوهلة وهي تفكر في إنتقالها مع هذا الشاب وقدرته على قيادة السيارة جاءها صوت خالد بنبرته القوية وهو يقول يلا يا دكتور تجيبي الأدوية وترجعي تنبهي على المساطيل دول وتشرفي عليهم وتتأكدي إن الخيل خد العلاج ومټخافيش من بيسو مش خطړ
تعالت ضحكات بعض العمال بعد جملته ومنهم بيسو نفسه ولكن خالد نظر نحوهم نظره جعلتهم يصمتوا على الفور وتابع بتضحكوا على إيه على خيبتكم يلا كل واحد على شغله
إنطلقوا جميعا كالنحل كل إلى عمله وهرع بيسو مسرعا إلى السيارة في إنتظارها وتوجهت هي وراءه على الفور ربما هربا من هذا ال خالد الذي رأت منه في أقل يوم النقيضان
كان يوما طويلا مر بسرعة البرق كانت مرتبكة وهي تبحث عن الأدوية المناسبة في العيادة وزاد إرتباكها عندما عادت ووجدت خالد قد إختفى وأن عليها القيام بكل شئ وحدها كان السائس دسوقي بنظر نحوها بخبث وكأنه لمس حيرتها وإرتباكها ولكنها إستجمعت شجاعتها وبدأت في توزيع المهام على الجميع بما فيهم دسوقي نفسه ومر اليوم بسلام بل وشعرت بالرضا عن نفسها حيث إستطاعت في النهاية تدبر أمرها بمفردها لم تكد تسند رأسها على الأريكة حتى سمعت طرقات الباب قامت متكاسلة فإذا بها رقية
رقية إيه الأخبار
إيناس مدام رقية إتفضلي
رقية شكلك مجهد أكيد خالد طلب منك شغل كتير النهارده
إبتسمت إيناس قائلة يعني شوية
رقية ده الطبيعي يلا بقه مفيش أعذار النهارده حنتغدى سوا يعني حنتغدى سوا
إيناس أيوه بس 
رقية هو إنتي مكسوفة مني دنا أختك وبعدين مش حيجيلك نفس تاكلي
لوحدك
إيناس وبرده مينفعش أتقل عليكي كده إنتي وبشمهندس حسن
رقية إيه الكلام اللي يزعل ده
إيناس معلش خليني براحتي أحسن
رقية خلاص نتغدى سوا النهارده وبعد كده خليها بظروفها أنا عملت حسابي يلا بقه
إيناس خلاص حغير بس هدومي وأحصلك
رقية ماشي يا جميل مستنيينك
وبالفعل بدلت إيناس ملابسها وتوجهت لمنزل