رواية بقلم رباب سيد

ولا عمك ولا مريم .
ريم ماما حضرتك نسيتى ان مريم هتتغدى مع أصحابها .
الام بحدة أنتى هتقفى تردى عليا كلمه بكلمة....خلصى يالا....
ريم انا اسفة مش قصدى.....انا بس بفكر حضرتك .
الام وانا مش ناسيه .....يلا ولا شكلنا مش هنتغدى النهاردة.
ريم ان شاءالله ساعة وكل حاجة هتخلص. .
انتهى عمرو من حمامه واستئذن والدته بأن يرتاح قليلآ
ولكنها أصرت ان تنام بجواره لأنها مشتاقة له كثيرآ...
انتهت ريم من أعداد الطعام واستغرق منها الأمر ثلاث ساعات لم ترتاح فيهم ريم ولا ثانية وكان كل الذي يشغل بالها ما سر هذا التغير تجاهها من زوجة عمها
فقد طلبت منها بجانب ورق العنب اعداد ملوخية وصينيه جلاش وفراخ مشويه وأخرى محشية بالأضافة الى السلطات وكانت ريم بأنتهاء عملها فى المطبخ لم تستطيع أن تقف ثانية واحده
وذهبت لتأخذ حمامآ وتغير ثيابها التي اتسخت للغاية عندها سمعت طرق على باب المنزل...وعندما فتحت وجدته عمهاوهو يجر حازم من لياقته .
ريم بخضه خير يابابا ماله حازم.
الاب الحلو فاكر نفسة كبر وعايز يتخانق في الشارع بعد العمر ده كله يجي عيل صغير زى ده ويعملنا سمعه مافيش نزول الشارع تانى انت فاهم ....
حازم يابابا بس....
ريم حازم اعتذر
حازم انا اسف يابابا ....
ريم لوالدها وانت ياحبيبى سيبك منه وانا هتكلم معاه
ادخل بس غير هدومك عقبال احضر الغدا ....واصحى عمرو...
عمرو عمرو صحى لوحده ...
الاب ازيك يابني
عمرو مقبلا يد والده الحمد لله وحشتنى اوى يابويا.
الاب وانت كمان....بتفكرنى بعمك هو كان الوحيد اللى بيقول كلمه ابويا ديه
عمرو تعيش وتفتكر ياحج...
الاب طيب هدخل اغير.....آمال امكو فين
عمرو نايمة يابابا...دخل الوالد غرفته
ريم لحازم زومه انا عارفة ياحبيبى انك خلاص كبرت والكبير مش خناق .....الكبير مسئوليه وانا بدل نزول الشارع ده عندي حته مفاجأة ليك جامدة
حازم بعد أن كان حزينا ...بفرحة أيه هي .
عمرو وهو يخبطه على رأسه بتقولك مفاجأة.
حازم عمرو ده انا نسيتك حمدالله ع السلامه.
عمرو الله يسلمك ....يلا بقا شوفلك سكة.
حازم الله يسهلو.....
ريم بكسوف ينفع كده...
عمرو وحشتيني ........
ريم هو انت ايش عرفك أن ماما نايمه
عمرو اصلي يعني يعني كنت نايم فى حضنها
ريم بجد ..هههههههه...طيب كنت قلي عشان اجي اصورك وانت شحط كده ونايم في حضڼ ماما هههههههههههه
فقاطعها عمرو وهمس لها عقبال ما انام فى حضنك
ريم بكسوف شديد وخدود مثل بركة الډم عمرووووووو
وكان عمرو سوف يمزح معها حين تدخلت والدته وفيه ايه يعني ياستى ريم لما ابنى ينام فى حضنى هتغيرى هتغيرى عليه منى والله
ريم پصدمه وابتلعت ريقها وتحدثت مع نفسها ده اللى كان ناقص. .....
البارت الخامس عشر
تقف ريم بجوار عمرو وهي تحاول استجماع الكلمات على لسانها لترد على زوجة عمها
ريم ابدآ ياماما انا بس بهزر وبنكشه ما اقصدش حضرتك اى حاجة .
الام بحسب يعني.....المهم خلصتى الاكل .
ريم آه طبعآ...وبابا جه وهروح هحضره .
الام الأول غيري هدومك ديه وانتى عاملة زى الأطفال كده .
ريم وهى تتماسك لكي لاتبكى حاضر...وذهبت .
عمرو لوالدته هوحضرتك زعلانه من ريم فى حاجة .
الام إشمعنى .
عمرو اصل حضرتك بتكلميها پحده ...
الام هى عشان بقت مراتك هتعلمنى ازاي اتكلم معاها.
عمرو مقبلا يداها ياحبيبتى ماقصدش آمر وانهى واتكلم براحتك ياجميل ..
الام بضحك أضحك عليا بكلمتين....واوعى أدخل اشوف ابوك...
كل هذا وريم تستمع لما يحدث في الخارج ايعقل أن تعاملها زوجه عمها كحمى لها وتنسى انها الام التى ربتها.....وقالت لنفسها ربنا يستر.
حتى سمعت احد يطرق بابها فطلبت منه الدخول
ريم عمرو .....انت ايه اللي جابك !
عمرو جاي اصالحك عشان عارف ان حبيبى زعلان. ..
ريم لا مش زعلانه بس من فضلك أخرج ....ولا اقولك انا اللى ماشية
عمرو امسكها من ذراعها استني مش هنتمسك اداب ماتخفيش
ريم مش خاېفة بس الاكل وماما هتزعق وكده...
عمرو ما انا اصلا جايلك عشان افهم بقا ايه اللي حصل وانا مش موجود وحكاية ماما وكده
ريم بعدين ياحبيبي وافلتت ذراعها منه وتركته وذهبت
___________________________________
جهزت ريم الطعام ونادت على الجميع ودخلت للمطبخ لتحضر الماء فنادى عليها عمرو....
عمرو يلا ياريم خلصى تعالى اقعدى عشان الواحد ياكل بنفس
الاب لم نفسك...
قامت الام ودخلت المطبخ لريم وطلبت منها ان تغير ثيابها لتشترى لها بعض أشياء من السوبر ماركت..
وما كان لريم الا أن تستجيب....وحين وجدها عمرو ترتدى ثياب نزول .
عمرو أنتى لابسه وراحة فين!
ريم وهى تشعر انها ليست بخير هنزل اشترى شوية حاجات ...
عمرو مش المفروض تقولى قبل ما تنزلى.....وعما تعالى كلي وننزل سوا
ريم لا....
فقطاعتها الام يابنى ديه حاجات من السوبر ماركت وبعدين انا اللى طلبت منها ايه هتستأذنك عشان نازله السوق.
عمرو تمام مش مشكلة بعد الاكل.....
ريم ياحبي...فنظرت زوجة عمها بضيق. ياعمرو اصلا
مش جعانه ....يلا سلام
ولم تعطى ريم فرصه لأحد بأن يرد عليها ففتحت الباب سريعآ وذهبت.....في نفس الوقت شعر عمرو بالغيظ الشديد لما فعلته والدته....وانعدمت شهيته اتجاه الطعام...
حين قالت والدته يلا ياحبيبى كل ولااحنا مش هنفتح نفسك
عمرو ازاى تقولى كده ......ده انتى حبيبتي وامي وكل دنيتي ......وقبل يداها.....عمرو فى داخله يعلم ان والدته مخطأة ولكنها أمه ولايقدر ان ېؤذيها حتى بكلمه..
اماعند ريم فركبت سيارتها حيث أصرت زوجة عمها ان تذهب لسوبر ماركت بعيد نسبيآ. ...وكانت هذه الطلبات سهل تأجيلها ليوم آخر....
كانت ريم حزينه وتعبه ايضآ فكان هذا اليوم مرهق لها جسديآ ونفسيآ...واخذت تحدث نفسهاعما تفعله معها زوجة عمها اهذه هى غيرة الام على الابن يكاد عقلها ان ينفجر من كثرة التفكير....فأنهت شرائها وركبت سيارتها ووجدت أكثر من 20مكالمه من عمرو ورسالة من والدتها ....ففتحت الرسالة اولا ووجدت والدتها تطلب منها شراء حلويات وتورتة بمناسبة اجازة عمرو من مكان آخر ....فأففت وقالت يارب حقيقى مابقتش قادرة اسوق حتى....
واتصلت بعمرو وفى سرها تدعو ان ينتهي هذا اليوم الو....ايوه
عمرو طيب ما انتى زى القردة اهو مابترديش ع الزفت ليه واصلا ايه اللى آخرك بقالك ساعة ونص...
ريم بتماسك لكى لاتبكى معلش ياحبيبى والله كنت سايبة التليفون في العربيةومعلش ع التأخير عشان انا فى هايبر_______
عمرو وايه اللى وداكى هناك كده
ريم اصل ماما......عادي ياعمرو مالقتش كل حاجة فى اللى جنبينا وانا اصلا واخده العربية.
عمرو بهدوء طيب وخلصتى..
ريم مع الآسف لسه. ...
عمرو أنتى مش دلوقتي فى العربية. .
ريم آه.......اصل ....
عمرو اخلصي ياريم .
ريم اصل فيه حاجات تانية هشتريهامن مكان تانى
عمرو حاجات ايه ومنين
ريم حاجات ياعمرو يلا سلام بقا..
عمرو والله لو قفلتى ومانطقتى لطلع عليكى القديم والجديد...
ريم لسه هجيب تورتايةمن ____عشانك
عمرو أنتى كده قدامك يجى ساعتين والساعه اصلا 8انتى هتستهبلى مش عايز زفت
ريم ياعمرو ياحبيبى ربنا يهديك ماما اللى طلبت واصلا هى مش طيقانى انا لو عليا نفسي فى السرير .....ده انا بقالى 48ساعه بالظبط مانمتش ...فأن شاء الله مش هتأخر
عمرو بعد ان هدئ وعلم ان والدته السبب وانا بحسب هتقولى نفسي فيك. ...أمال واحشنى واحشنى طلعتى بوق
ريم ..............
وعندما لم تعلق ريم احس انها تعبة بالفعل ووالدته السبب ولكنها والدتها أيضا وهو لايعرف ماذا يفعل
عمرو هتوحشينى ...وخلى بالك ع نفسك....
وماتنسيش انها مامتك برده وماحدش بيزعل من أمه!!!
ريم انا مش زعلانة...
عمرو ريم انتى عارفة مابحبش الكدب دارى وخبى براحتك ....بس وقت ما اتكلم معاكى ماتنكريش....فهمانى
ريم حاضر ....انا قصدي انى استحالة ازعل منها
ويلا بقا عشان اركزفى السواقة .
عمرو ماشي باجلبى بس ماتتأخريش
ريم ماشى ياعم الصعيدي
ذهبت ريم إلى المنزل وهي يكاد يغشى عليها رصت جميع ما آتت به فى مكانه....ونادى عليها عمرو حيث كان يجلس مع أبويه
عمرو ريمى بتعملى اية تعالى عشان احكي اللى حصل مرة واحدة...
ريم ايوة.....بص الاول محتاجة دش وبعدين افضالك
الام طيب الأول قبل الدش ظبطى المطبخ ولا انتى ماشفتهوش ...
ريم معلش والله ما اخدت بالى ..
عمرو طيب ماتخلى مريم تعمله .
الام مريم نامت اول ماجت
ريم ايه ياعمرو بتتكلم فى ايه انا ومريم واحد
عمرو بس
ريم عمرو بعد اذنك عيزاك فى كلمه
عمرو وهو يشعر بالضيق الشديد نعم!!!!!
ريم ممكن من اللحظه ديه ماتدخلش فى حوار بينى وبين أمى اعتبر نفسك مش موجود .
عمرو بس...
ريم أرجوك تسمع كلامي عشان خاطرى....ويلا روح اقعد معاهم .
انهت ريم المطبخ فى اقل من نصف ساعة حيث انها كانت انهت منه الكثير أثناء الطبخ ...ثم أخذت حمامآ كان عمها قد دخل لينام وكان عمرو يجلس مع والدته ومع حازم ...
حازم تعالى ياريمي ده فيه فيلم جامد هيجي دلوقتى
ريم. متابع انت ياكبيير
وذهبت وجلست بجوار حازم واحتضنت ظهره
عمرو ياريتنى كنت

حازم
فأحمر وجه ريم ولم تعلق. ...
الام حبيبي ركز معايا هو انت هتقعد ان ايه
عمرو أربع أيام عدى يوم وناقص تلاته......بقولك ياحازم قوم هاتلى اشرب......وبعد أن ذهب حازم جلس عمرو مكانه وهمس لريم .....انا نفس الوضع اللى كان مع حازم..
فعلى صوت ريم بالضحك
وقال عمرو اموت انا......
الام قومي ياريم اعمليلى شاى....وبعد كده ممكن تدخلى تنامى. ...
عمرو لا تقعد معايا شويه وبعد كده تنام..
أحضرت ريم الشاى لزوجة عمها وعملت لنفسها كوب نسكافيه لكى تستطيع أن تسهر قليلا......لانها تريد بالفعل ان تجلس مع عمرو .....وعندما عادت وجدت زوجة عمها تجلس فيه مكانها.....فسلمت أمرها
فجلست تشرب ما اعددته وأخذت تتابع التلفاز وتتسلل بالنظرات إلى عمرو......ولكن عمرو لم يحتمل فقال
عمرو ريم عايزك فى البلكونة شويه .
تنفست ريم الصعداء حاضر
___________________________________
دخل عمرو وريم البلكونة واغلقها وراءه
ريم عمرو افتح عيب كده يقولو ايه...
عمرو هو انا لازم كل شوية اقول انك مراتى
ريم بس ماما....وسكتت
عمرو ايوة ماما .....مالها أنا مش فاهم حاجة خالص
ريم ماتحيرش نفسك .....مرات عمى زيها زى اى أم ابن بتحس ان مرات ابنها هتاخده منها وتحرمه منها ..
عمرو اول مرة تقولى مرات عمى مش امى .
ريم پبكاء انا آسفة ..اهئماتزعلش من اللى هقولوه .
عمرو عشان خاطرى ماتعيطيش .....وعلى مهلك
ريم بشحتفه اول كل احس انها مش امى.....عمرى ماتخيلت انها ممكن تعمل عليا حما. ...
عمرو بضحك بتهزرى أمى حما..... زى مارى منيب وكده
بس وعادت تبكي مره آخرى
عمرو حبيبى انت بتوجعينى كده....طيب اعملك ايه عشان تضحكى...فأبتسم ابتسامة شريرة واقترب منها.
ريم انت بتعمل ايه
عمرو ليه عندك 6بوسات هاخدهم دلوقتي
ريم لااا....خلاص هضحك اهو ....هههههه
عمرو ايوه كده بعرف اجيبك برده
ريم لك يوم.
سمع عمرو والدته تنادى عليه
ريم هههههههههههه
عمرو هوريكي ماشي وخرج لوالدته وترك ريم مع افكارها
البارت السادس عشر
مازالنا فى اول يوم فى إجازة عمرو من الجيش وحتى الآن لم يستطع أن يجتمع بريم منفردين يجلسون جميعآ أمام التلفاز وتتثئاب زينب أكثر من مرة فقال لها
عمرو امى قومى ارتاحى جوه الساعة بقيت واحده وحضرتك مش واخدة على
السهر..
الام وانت ياحبيبى مش هتنام..
عمرو آه لاحسن خلاص مش قادر..ونظر لريم
ريم وانا كمان مش قادرة افتح عينى تصبحوا على خير...
ودخل الجميع عرفهم ....ثم اتصل عمرو بريم
عمرو تعالى