لم يبق لنا إلا الوداع..بقلم منى أحمد حافظ
المحتويات
منار ما بين حاجبيها وحاولت إيجاد تفسير لما تشعر به من فتور نحوه فأتتها الإجابة واضحة كضوء الشمس تنير بصيرتها وإدراكها وجعلتها ترى بوضوح أنها سجنت نفسها طوال العام المنصرف بين جدران محبتها له ومحاولتها إيجاد الخطأ والعيب بشخصها الذي دفعه للتخلي عنها لټلعن سذاجتها فهي لم تخطأ وقلبها لم يجرم بل أحبت وأخلصت وهو غدر وخان وإن كان على أحد منهما أن يشعر بالذنب فهو من عليه الشعور بخزي الذنب وليس هي.
شكرا بجد أنا مش عارفة أشكرك أزاي على جميلك بظهورك دلوقتي في اللحظة دي بالذات.
عارف أنا لو مكنتش شوفتك دلوقتي كنت هفضل ظالمة نفسي وأنا بدور على الغلط اللي عملته وخلاك تروح لوحدة تانية ياه يا أمجد أنت متعرفش أني بمجرد ما شوفت فهمت أني معملتش إلا حاجة واحدة بس غلط وهي أني حبيتك أيوه تخيل أنك الغلطة الوحيدة اللي غلطتها والحمد لله أنك صلحت غلطتي لما بعدت عني عارف أنا أول ما هطلع المكتب هتوضى وهصلي ركعتين شكر لله أنه خلاني أفوق قبل ما حياتي تضيع مني على الفاضي.
أنا عارف أني أذيتك كتير يا منار وعارف أن ماليش الحق أقف قصادك دلوقتي خصوصا بعد موقفي الأخير من عمي شهدي بس والله الفترة اللي فاتت دي خلتني أعرف قيمتك وأعرف أنك النعمة اللي كان لازم أحافظ عليها علشان كده جيت لك ومش مكسوف أني أقف قصادك وأنا ندمان وأعترف لك بغلطي وأطلب منك فرصة أخيرة أصلح فيها كل أخطائي بحقك وحق عمي شهدي و...
أمجد أنا أسفة بس أنت حقيقي صعبان عليا ومن واجبي أني أوضح لك حاجة غابت عن تفكيرك وأنت جاي على هنا إن اللي واقفة قصادك دي مش هي منار اللي كنت بتهددها أنك هتسيبها فتخاف وټعيط وتوطي تبوس إيدك علشان تفضل معاها لا يا أمجد اللي واقفة قصادك واحدة تانية واحدة فهمت إن الحياة مش مهم تلاقي فيها الحب على قد ما هو مهم جدا تلاقي فيها الاحترام والتقدير والأمان وحقيقي أنا بحمد ربنا أنه شال الغشاوة من على عيني وبطلت أحبك ولو على أحترامي ليك فهو معدش موجود من بعد ما هدمت كل حاجة حلوة ليك جوايا ومسبتش فقلبي غير القهرة والحسړة علشان كده من واجبي أقولك فوق لنفسك احنا ما فيش حاجة باقية بينا غير الوادع.
ظنها تسخر منه فرمقها بضيق وهم بإجابتها ولكنها منعته بإضافتها
على فكرة أنا خلصت تصميم الديكور الداخلي والروف اللي حضرتك طلبتهم مني.
زفر وأشاح بوجهه وخطى بعيدا عنها بضع خطوات ولكنه عاد وتوقف والټفت إليها وأردف بغيرة واضحة
أمجد كان عايز إيه منك يا منار
للمرة الأولى منذ أشهر طويلة تشعر بالسعادة تداعب قلبها لاهتمامه الواضح بها وغيرته الهادئة ولكنها تداركت سعادتها وأجابته بسؤال آخر
وحضرتك بتسأل ليه
ازداد وجومه وأحسها تتهرب منه فأردف بحزن
هو أنت بجد مش عارفة أنا بسألك ليه
زفر بقوة حين ازدردت لعابها وأضاف
واضح أني كنت بخدع نفسي طول الفترة اللي فاتت وفاكر أنك لما تعرفيني كويس وتتعرفي عليا وتفهميني هتقدري تفرقي بيني وبينه وهتشوفيني بالطريقة اللي نفسي تشوفيني بيها وتحسي بمشاعري ليك و...
قاطعته بجدية بعدما أدرك عقلها أنها بطريقها لخسارته
على مهلك يا بشمهندس واسمعني كويس بالنسبة لإجابة سؤالك فأنا كنت بشكر أمجد علشان أنا لو مكنتش شوفته كنت هفضل فاكرة أني لسه مچروحة وموجوعه منه وفهمته إن معدش له أي وجود فحياتي وإني معدتش متاحة له ولو لا حتى فالأحلام أما بخصوص كلامك الأخير فأسمح لي أقولك أني وعدت بابا بعد ما انفصلت عن أمجد أني مستحيل أكرر غلطي وأخون ثقته بيا مهما كان فلو في أي حاجة عايز تتكلم
متابعة القراءة
