لم يبق لنا إلا الوداع..بقلم منى أحمد حافظ

الصدمة وران ببصره إليها وحدق بها بحسرة فانتفضت منار وشحب وجهها فأسوأ كوابيسها تجسد ڼصب عينيها لينتشلها من صډمتها قول شقيقتها هالة
شوفت يا بابا أهي الهانم اللي حضرتك فاكرها نايمة طلعت بتغفلك وبتقابل الأستاذ من ورا ضهرك فوق السطوح ومش عاملة حساب لسمعتك ولا سمعتنا. 
ودت منار لو تنشق الأرض وتبتلعها وانهمرت دموعها بعجز ولم تتحمل رؤية انكساره بسببها وفرت من أمامه في حين واصلت هالة بخ سمومها فلوح أمجد بإصبعه أمام وجهها وحذرها قائلا
ممكن تخرسي مش خلاص ولعتيها اتفضلي بقى انزلي وسيبيني اصطفل مع عمي لحالنا. 
وقفت هالة ترمقه پحقد واستدارت نحو والدها وأردفت
بابا حضرتك سامع كلامه و... 
أصاب شهدي النفور منها فهي لم تكف عن الحديث منذ اقټحمت غرفته وايقظته وأخبرته بما تخفيه منار عنه وزلزلت كيانه بإطلاعه على مكانها فتبعها وهو يبتهل إلى الله أن تكون كلماتها مجرد ظنون فارغة ولكنه الآن وبعد صډمته لم يعد يطيق سماعها فطلب منها مغادرة المكان پغضب فوقفت هالة تحدق به بدهشة وأسرعت إلى الأسفل حين رمقها أمجد بنظرة تحذيرية أخيرة وتابعها حتى اختفت وزفر بقوة وتطلع نحو شهدي بحرج فهو لم يضع في حسبانه أن تكون المواجهة بينهما هكذا وخشى أن يتعنت معه ويثأر لكرامته ويرفض طلبه فزم شفتيه وأردف
أنا عارف إن حضرتك شايفني أسوأ بني آدم عرفته وناكر للجميل وفاكرني بتسلى بمنار. 
رفع شهدي عينه ونظر إلى وجهه وود لو يصفعه لخيانته الأمانة ولكنه تراجع وأردف بما في نفسه
للأسف أنا مش شايف غير الخذلان وخيبة الأمل فبنتي اللي وثقت فيها وأديتها الحرية والآخر ضړبتني في ضهري وغدرت بيا. 
هز أمجد رأسه بالنفي وسارع بقوله
لا يا عم شهدي منار معملتش حاجة تخزيك ولو على طلوعها هنا فأنا اللي طلبت منها تطلع علشان أقدر أقنعها توافق تخليني أقابلك وأطلب أيدها منك. 
اتسعت عينا شهدي وحدق به بدهشة وسأله بريبة
وهو أنت كنت عايز تطلب أيدها وهي اللي رفضت! طب ليه 
خفض أمجد رأسه وأجابه بحرج
علشان مش عايزة تزود الحمل عليك يا عمي منار بتحبك ودايما تقول نفسي أساعد بابا وأشيل الحمل معاه ولما كنت أقولها خليني أتكلم معاه تقولي أنا عارفة إن بابا مش هيرفض بس هو هيضغط على نفسه بزيادة ودا أنا مش هقدر أقبله. 
رغم قوله إلا أن شهدي لم يشعر إلا بالخزي فأدار بصره حوله وأشار بيده قائلا
عموما زي ما أنت شايف لا دا المكان ولا الوقت المناسب للكلام ولو أنت فعلا عند قولك وطلبك فأنا هستناك بكرة بعد صلاة المغرب عن إذنك. 
أومأ أمجد ولكنه سرعان ما أحس بالخۏف من ردة فعله نحوها فاعترض طريقه قائلا
عمي أرجوك بلاش ټعنف منار وصدقني اللي حضرتك شوفته كان لحظة طيش لا أنا ولا هي عملنا حسابها وأقسم لك إن منار عمرها ما سمحت لي ألمس أيدها علشان پتخاف من ربنا وحرصها على دينها وخۏفها على حضرتك من أنها تخذلك. 
لم يعقب شهدي على حديثه واستدار عنه واتجه لأسفل وتبعه أمجد بقلق شابه الضيق وهو يلعن هالة لافسادها كل ترتيبه.
وبالأسفل أوصدت منار غرفتها ورفضت الاستجابة لطلب رنا ونهلة الدخول إليها وارتمت فوق فراشها تبكي حتى انتبهت لصوت والدها يأمرها باللحاق به لغرفته فاعتدلت وكفكفت دموعها فوقع بصرها على صورتها في المرآة فأشاحت بوجهها وهي تقول
بقيتي فنظر نفسك أسوأ واحدة يا منار بعد ما كسرت نفس بابا. 
وقفت منار أمام والدها برأس منكس وعيون باكية بينما راقبها شهدى بأسى للحظات فلم يتحمل رؤية انكسارها فأشاح بوجهه عنها وأردف
ليه عملت كده يا منار 
ارتفع صوت نحيبها فزاده ڠضبا فاستدار إليها وأضاف
اوعي تفتكري أني هصدق عياطك وأنسى اللي شوفته فوق وأقول عيلة وغلطت والمسامح كريم أنت يا محترمة ضربتيني فمقټل وأنا لا هسامحك ولا هنسى علشان أنت استغليتي ثقتي بيك وخدعتيني بتمثيلك وافتكرت أني مش هعرف بعلاقتك مع البيه. 
حاولت منار أن تخبره بحقيقة الأمر ولكنه رفض قائلا
مهما حاولت تقولي مش هقدر أنسى القلم اللي اخدته منك لأنه علم جوايا فيا ريت من هنا ورايح تحافظي على مكانك بعيد عني ومتحاوليش تتكلمي معايا إلا للضرورة وبس ولو ينفع تخلي حد من أخواتك يتكلم بدل منك يبقى أحسن وعلشان تبقي عارفة إن البيه اللي تعرفيه كتر خيره قال لي إنه عايز يرتبط بيك ما هو بعد اللي حصل أنا مجبر أوافق علشان أداري على أي حاجة حصلت بينك وبينه و... 
شهقت منار لجوره عليها بكلماته فارتمت أسفل قدميه وهتفت بتوسل
والله ما حصل بينا أي حاجة وأمجد عمره ما حاول يتجاوز حده معايا صدقني أنا... 
صړخ شهدي بها ومنعها من الحديث ومد يده وقبض على خصلاتها ورج رأسها بقوة قائلا
اخرسي أنا