دموع ممنوعة بقلم هناء

تحييها بطريقة باردة ... أهلا فريدة ..
ابتسمت فريدة وهى تقول ... أهلا ...
ثم التفتت لمحمود متسائلة... انت تعرف سهام
... لسة حالا ...
اجابته اشعرت سهام بالضيق فقد انتظرت مدحها خاصة أمام فريدة فأكملت هى ... انا ومحمود كنا لسة بنرقص وكان بيحكيلى عن نفسه وأنا كمان كنت بحكيله عن نفسى ...
اتسعت ابتسامة فريدة أكثر وهى تنظر لمحمود بإندهاش واضح قائلة
..بتحكيلك وبتحكيلها والله كويس طيب اسيبكم انا بقى تكملوا حكى براحتكم بس متركزش اوى مع سهام أصل حكاويها كتير ...
قالت سهام پغضب .. تقصدى ايه بقى
كانت فريدة قد خطت لتبتعد عنهم فأجابتها بلهجة جادة ... أما تبقى تخلصى حكى هبقى اقولك ...
ثم التفتت لمحمود مرة أخرى وقالت .. أبقى كلمنى فى حاجة مهمة ...
... اوك ..
وتركتهما وذهبت فى حين كان محمود يستمع فقط ويبدوا أنه قد فهم بعض الشئ حتى أنه قد لاحظ ناحية واضحة من شخصية سهام وهو يحدثها منذ دقائق قد أكد له أنها ليست من النوع الذى يستهويه إنما فريدة فقط هى من يريد .
.................................................................................
... ادينا ياسيدى جينا المكتب بقينا لوحدنا ممكن افهم بقى فى ايه وايه اللى اخرك لحد دلوقتى
...
... اقعد واهدا عشان تفهم انا هقولك ايه لأن الموضوع كبير ومش سهل ...
... انت قلقتنى على فكرة يامجدى ما تنطق على طول ...
بدأ مجدى فى قص المشكلة التى اكتشفها فى المصنع منذ ساعتين والتى كانت السبب فى تأخيره
... انت عارف انت بتقول ايه ده مصنع مستحضرات تجميل يعنى مصېبة زى دى ممكن تضيعك ....
... للأسف عارف عشان كدة قلت لازم اعرفك بالموضوع ده الليلادى قبل بكرة ...
... دى ملايين ده غير سمعة المصنع ..
... انا معملتش أى حاجة جيتلك الأول ...
.. حد عرف عن الموضوع ده حاجة ...
... لا لحد دلوقتى دكتور حمزة وانا وانت وبس ...
... طيب قوم انت دلوقتى غير هدومك وأنزل للناس اللى تحت ...
... لا ارجوك مش قادر ...
.. خلاص اطلع ارتاح شوية ..
.. وانت هتعمل ايه ...
... هشوف من هنا لبكرة ...
... تصلح على خير ...
..وانت من اهله ..
خرج مجدى واخرج عادل هاتفه من جيبه وبحث عن أحد الأرقام واتصل بها فمن طرق عادل فى متابعة أعمال جده هى قدرته على تجنيد شخص معين من كل الفروع لموافاته بأخبار ما يحدث فى مكانه
وكان رجله فى القسم الكيميائي فى مصنع المستحضرات التجميلية هو دكتور حمزة نفسه وهو من أهم المسؤولين عن إنتاج المواد الرئيسية للتصنيع
.. ألو أيوة يادكتور ...
... كنت عارف انك هتكلمنى ...
.. وانت مكلمتنيش الأول ليه كنت مستنى ايه ...
... انا اكتشفت الموضوع ده انهارضة بس غير أنى تهت فى الحلول ...
... ممكن افهم الموضوع بالظبط ومن البداية ..
... زى ما مجدى قالك صدفة نزلت اشوف الإنتاج واخدت منه علبة واحدة وحللتها تانى واكتشفت المصېبة دى ...
... وانت ايه اللى خلاك تفكر تحلل اصلا المفروض التجارب انتهت والإعلان هينزل بكرة والمنتج هينزل اول الاسبوع ..
... من باب التسلية ياعادل ما انت عارفنى بشك فى صوابع ايدى ...
... والنتيجة كانت ايه بالظبط
... تركيب الكريم اتغير وآخر ما وصلت ليه دلوقتى بتقول أن فى مادة اتضافت وقت الإنتاج بكمية صغيرة جدا غيرت من تركيب المواد الأساسية وعكست النتيجة يعنى ممكن تشويه بدل ترطيب ....
تقدم عادل للامام واتك بكوعيه على المكتب
... عايز تقول ان الموضوع ده مقصود والمادة دى اتضافت عن عمد ...
... طبعا التركيب الاساسى فى ايدى دلوقتى اهو وسليم جدا وثابت ...
...فهمت طيب يادكتور لو فى حاجة جديدة كلمنى فورا وفى آى وقت متستناش تبلغ حد عشان يبلغنى ...
... حاضر يااحمد ...
وضع وجهه بين كفيه وضغط بأصابعه على جانبى رأسه وكأنه يساعد نفسه على توليد أفكار جديدة داخل رأسه فانتفض على صوت من جلس أمامه والذى لم يشعر بدخوله يقول
... فى ايه ياعادل ...
رفع عادل رأسه وهم بالوقوف فأشار له جد
بأن ببقى جالسا فعاد ليجلس مرة أخرى وهو يقول
.. مفيش حاجة ياجدى ...
... لا فى غياب أكرم لحد دلوقتى ومجدى اللى لسة واصل والشكل اللى انا شايفك عليه دلوقتى ده بيقول أن فى مصېبة ...
تنهد عادل وضغط على أسنانه من
غضبه فلا مفر الآن من أن يعرف جده رغم أنه قد كان من الأفضل إلا يعلمه بما يحدث
بدأ لقص كل شيء من بدايته والجد فى حالة زهول مما يخبره به حفيده
... احنا وصلنا للمرحلة دى ..
... للأسف ياجدى ويمكن اكتر...
.. وتفتكر مين عملها ...
... محدش من برانا منا فينا ..
أطال جده النظرات له وهو يحاول الفهم دون كلام
تابع عادل ... اللى عمل كدة كان قاصد سمعتنا مش فلوس وكفاية اوى خط انتاج واحد يوصل للناس بتركيبة غلط يعمل تشوه يبقى كدة انتهت والمشكلة أن المصنع ده وهو الرئيسي عندنا يعنى ضړبة فى مقټل ...
فقال الجد بحزن ... ضړبته كانت فى مقټل يعنى ...
.... بالظبط ...
... وهتعمل ايه ...
... ملهاش غير طريق واحد طبعا هعدم خط الانتاج ده وهأجل الدعايا لحد ما أنتج خط جديد بتركيبته ...
.. يانهار اسود دى ملايين ...
وقف عادل وأتجه الشباك ليفتحه واشعل إحدى سجائره فلم يعد يسيطر على ما به من ڠضب وأراد شيئا لينفث فيه غضبه
ثم أجاب جده ... ملايين ولا المصنع كله ياجدى ...
تنهد الجد پغضب ثم بدأ يفكر فيما وصلت إليه عائلته إلى الآن فى الوقت ذاته الذى فيه عينى أحمد تدور فى الحديقة بين الناس تبحث عنها
ابتسم دون أن يشعر عندما وجدها تقف بعيدا عن الكل بجانب حوض الزهور يبدوا أنها لم تحتملهم فى غيابه ثم تلاشت ابتسامته تدريجيا عندما وجد محمود يقترب منها وللحظة مر بخاطرها رآه فى المكتب مرة من قربه منها وهو جالس بجانبها
اخذ يتابع من بعيد مسار الحديث الذى لا يسمع منه شيئا لكنه يتابع فقط الايمائات والابتسامات ويكفى هذا ليوصل غضبه لطيات السحاب دقيقتين ووجد سهام هى الأخرى أراحه هذا نوعا ما رغم عدم رغبته فى اقتراب سهام من فريدة لكن ان كانت ستقطع حديث لا يريده فليكن
ثم تابع فريدة وهى تبتعد يبدوا أنها فى اتجاهها للفيلا هنا لكنها توقفت عندما رن هاتفها لترد عليه
استدار مقررا التوجه لها لكنه فوجئ بجده الذى نسا وجوده تماما وهو يتابع فريدة مستندا برأسه على عصاه وهو فى عالم أخر
اقترب منه وجلس على الكرسى الذى يقابله رفع الجد رأسه له ليفاجئه بما لم يتوقع ابدا سماعه
... كله من مراتك هى السبب فى كل اللى بيحصل ده من يوم ما دخلت البيت ده وهو اتحول لخړاب ....
الفصل الثالث وثلاثون
طيب يارشا اللاب فوق أول ما هطلع هشوفه
اوكى يافيري بس والنبى متأخريهوش قصدى يعنى لازم تشوفيه لأنه باين مهم غير أنه اصلا متسجل من الساعة 11 بس مشفتهوش عشان المقابلات اللى دبستينى فيها انهارضة دى غير أن فى كمان تسجيل بس لسة شغال دلوقتى اقطعه وابعتلك الجزء اللى اتسجل ولا اسيبه يكمل
لا سيبيه وأما يخلص ابعتيهولى
تمام ياريسة تصبحى على خير
وانتى من اهله
تلفتت حولها فى أرجاء الحفل بعد أن أنهت مكالمتها مع رشا يبدوا أن دورها هذا الحفل قد انتهى خاصة مع اختفاء عادل ويبدوا انه هو صاحب التسجيل الذى يتم الآن فى المكتب
لهذا قررت الانسحاب الآن فصاحب الدعوة الوحيد قد اختفى أما باقى أصحاب الحفل فلو بيدهم لاطلقوا عليها الړصاص
ابتسمت عند هذه النقطة يبدوا أنها تتوقع هذا منهم حقا وإلى الآن لا تعلم ما السبب الذى جعلها تعود لهذا المكان
استوقفها نداء سهام من خلفها لتقف وتلتفت لها
أنتى طالعة بدرى كدة ليه
أجابتها فريدة بعدم اهتمام وهى تضع الهاتف فى الحقيبة السواريه الصغيرة وانتى مالك اطلع وقت ما اطلع
براحة كدة يافريدة اللى بينا مبدأش لسة لسة لينا سوا حكايات
قالت فريدة بعد أن ارتفع أحد حاجبيها انا وانتى معتقدش
وهمت بالابتعاد استوقفتها سهام للمرة الثانية لكن هذه المرة بيدها وهى تمسك بزراعها وهى تقول استنى بس لسة مقولتش اللى عندى
اتسعت عين فريدة وارتفعت من يد سهام التى تمسك بزراعها لوجهها المبتسم وكأنها لم تفعل شيئا
رفعت فريدة يدها وأنزلت بها يدها وقالت
انا وانتى مفيش بينا كلام من الاساس ولأول وآخر مرة تعملى كدة روحى شوفيلك حد اتسلى عليه بعيد عنى
أفندم لتانى مرة
لم تدعها فريدة تكمل بل أكملت هى لتانى ولاخر مرة هقولك الكلام ده إلا صحيح فين محمود روحيله ياحلوة يمكن يكون له نصيب هو كمان وياخد حتة منك زى غيره
أنتى اتجننتى ايه اللى بتقوليه ده
بقول اللى بيحصل ياقمراية ونصيحة منى وطى صوتك احسنلك انتى بدل ما أى حد يسمعك ويحاول يفهم وانا بصراحة عندى اللى يثبت كلامى صور وفيديوهات آخر دلع
تجمد جسد سهام تماما ولم تعد قادرة على الرد بحرف واحد لكن لم تهتم فريدة برد فعلها
فتابعت ما تقول اسمعى ياسهام انتى كشخص متفرقيش معايا بحاجة لا شئ بالنسبالى يعنى مش هرهق نفسى عشان أئذيكى أو حتى اديكى مساحة من تفكيرى احسنلك تشيلينى من دماغك وبطلى تلفى ورايا وعادل كمان تبعدى عنه وبلاش الهبل اللى انتى كنتى ناوية عليه وخلاكى تستنيه عند باب الاسانسير عشان لو مبعدتيش هحطك فى دماغى وهضيعك تماما من غير ما اتعب فى حاجة كفاية اوى أبلغ اسمك لمرات ريان
اتسعت عيني سهام على آخرهم وبدأ صدرها يرتفع ويهبط بشكل ملحوظ تماما من تسارع أنفاسها دون أن تنطق بكلمة
تابعت فريدة اه ريان النقلى مش عارفاه تخيلى دى دفعت اكتر من 300 الف عشان تعرف بس انتى مين وبصراحة صورك راحتلها بس حظك حلو أنها طلعت مش عارفاكى وأنا مرضتش أقولها انتى مين مع انى متأكدة أنها مش هتهدى غير لما تعرف اسمك
عشان كدة بقولك لمى الدور ياسهام وابعدى عنى خالص
ثم تحركت من امامها وهى تقول انا مش هنبهك تانى
وضعت سهام يدها على صدرها
وحاولت أن تسحب أعلى كمية من الهواء بشكل أسرع وكأنه كان قد منع عنها بوقوف فريدة أمامها
اسرعت سميرة لسهام بعدما رأتها من بعيد وهى تقف مع فريدة لكن على ما يبدوا انه لم تكن سريعة لتلحق بالعرض من أوله وصلت على الحال الذى وجدت عليه سهام بعدما أبتعدت فريدة
فى ايه انتى مالك هى قالتلك ايه عمل فيكى كدة
قالت وانفاسها مازالت تتصارع مفيش مفيش حاجة انا حاسة انى تعبانة انا طالعة الاوضة
وابتعدت مهرولة وتركت سميرة فى حالة زهول وحيرة مما قالته فريدة ووصل بسهام لهذا الحال
أخذت تستمع للمقطع