أنا لنفسي..وبك..بقلم منى أحمد حافظ

إلى جوار ولده ومال صوب أذنه وقال بصوت خاڤت
حط عينيك على ابنك صالح لېخرب تخطيطك ويبوظ لك الدنيا لأحسن شاكله ھيموت على دعاء بنت عمي وبصراحة هي تستاهل إن الواحد يحاول علشان يوصل لها.
زفر وهدان بحدة ورفع حاجبه منذرا سالم وقال
وبعدهالك يا سالم مخلصنا منيه الحديت العفش دة وكنا اتفجنا هترجع فحديتك واتفاجك ويا خوك ولا إيه
هز سالم رأسه بالنفي وأردف
مش هرجع فاتفاقي طالما هتخرجني من دماغك ومتلزمنيش بالجواز أنا عايز اعيش براحتي وعلى حريتي ومش متقيد بزوجة وأولاد يا كده يا هرجع فأتفاقي ويبقى عليا وعلى أعدائي.
كاد يبطش به ولكنه تراجع ما أن رأى شقيقه يعود إلى الأسفل وبرفقته ابنيه ليخطو قبيصي نحوه ويقول
قاعد يعني ياوهدان ومتحركتش من مكانك ولا جيت سلمت عليا معقول قلبك أسود للدرجة دي وشايل مني.
تزامنت كلمات قبيصي مع ظهور عمهم عبد العليم الذي وقف أمام غرفته الخاصة يرمق كلاهما بنظرات مترقبة وما أن أنهى قبيصي قوله حتى أشاح وهدان بوجهه عنه ليصح عبد العليم قائلا
وه يا وهدان بجى هي دي الأصول يا واكل ناسك خوك بيتحدت وياك ومادد لك يده وأنت مهمله وماريدش تمد يدك تسلم عليه وماله يا وهدان لو الموضوع أكدة يبجى خوك عنيده الحج أنه يرفض يناسبك وېخاف على بته منيك أنت وعيالك بجى رايدة يهمل بته الوحيدة وياك وأنت بتعامله أكدة.
هب وهدان ووقف سريعا وهو يلعن حظه الذي أوقعه بذلك الموقف أمام عمه فهو لم يشأ أن يرى عمه ذلك الجانب منه فتغضن جبينه وأردف
مش بكيفي يا عمي أني لساتي واخد على خاطري من أخوي اللي رفض يجوز بنته من ولدي ولأجل خاطرك أني همد يدي لأخوي لأجل ما يعرف أني لساتي شاريه.
والټفت وهدان لشقيقه وأحتضنه أمام عمه يخفي ضيقه وحنقه بداخله ليربت قبيصي فوق ظهر شقيقه ويقول
حقك عليا يا وهدان بس أنا مرفضتش إلا للحق أصل ميرضيش ربنا أبدا إن بنتي اللي متمتش التمنتاشر حتى تتجوز واحد أكبر منها بأكتر من عشر سنين يا أخويا دعاء لسه صغيرة ومتفهمش يعني إيه جواز وبيت ومسئولية دا غير دراستها ووصية الحجة الله يرحمها وكمان والدتها المړيضة اللي بتراعيها وبعدين ولادك هما ولادي و.
قاطعه عبد العليم قائلا
لينا حديت لحالنا يا وهدان ودلوك همل خوك أني رايد أتحدت وياه لحالنا جوا.
امتثل قبيصي لأمر عمه وترك شقيقه وتبع خطوات عمه إلى داخل غرفته فهو يدرك بأنه سيخضع للتحقيق من قبله فأوصد باب الغرفة خلفه ليتطلع إليه عبد العليم ويقول
أني رايدك تجول لي الحج يا جبيصي أنت ليه مريدش تجوز بتك لواد أخوك.
جلس قبيصي لجوار عمه وأجابه بصدق
والله يا عمي أنا قولت الصدق لوهدان وهو اللي مصمم وبعدين ما سالم كلنا عارفين أنه مش عاوز يتجوز من الأساس علشان سفره وصالح وحضرتك أدرى بيه عننا كلنا يا عمي يبقى أزاي عاوزني اجوز بنتي لحد فيهم واسيبها لوحدها وأنا قلقان عليها دي لو اتجوزت سالم هيقضي معاها اسبوع بالكتير وهيسيبها هنا ويسافر يعيش حياته زي ما هو عايز ولو كان صالح فهيبقى الۏجع عليها أكبر بسبب تصرفاته والمشاكل اللي كل فترة والتانية بيعملها قولي حضرتك يا عمي لو دعاء كانت بنتك كنت هتوافق تجوزها لحد فيهم دا غير إني فاهم دماغ وهدان كويس هو بيعمل كل دا بسبب الأرض اللي سجلتها أمي الله يرحمها قبل ما تقابل وجه كريم باسم دعاء وأنت فاهم كويس أنه كان ومازال رافض لعقد البيع الرسمي باسم دعاء دا غير نصيبها الشرعي فورثها مني أنا لما يجي أجلي اللي كاتبه ربنا يعني القصة كلها قصة أرض مش جواز ونسب وأنا لو أملك أخلي بنتي تتنازل لعمها عن الأرض قصاد ما يشيل الفكرة من راسه كنت طلبت منها تتنازل لكن دي وصية يا عمي وحضرتك أدرى بحق الوصية الواجبة ولا أنا كلامي غلط.
لقد أصاب قبيصي كبد الحقيقة بقوله فأطرق عبد العليم برأسه يفكر بكلمات ابن شقيقه ليزفر أنفاسه فتلك المعضلة هو بنفسه حاول أن يجد لابنة قبيصي مخرج منها وفشل ولم يعد يدري كيف سيمنع وهدان من أن يضع الجميع أمام الأمر الواقع ويجبرهم بالموافقة على تلك الزيجة لاحق قبيصي ردة فعل عمه على كلماته ليضيف ما أن رأى كيف تجلى الحزن على وجهه
تعرف يا عمي أنا أكتر حاجة مخلياني رافض أجوز دعاء هنا علشان أنا طول عمري قافل عليها ومش مديها حقها اللي مفروض تاخده وقفلتي دي خلتها تبقى خاېفة ولوحدها لا ليها صحاب ولا معارف حتى بنت خالتها بتشوفها كل فين وفين ودا بسبب تربيتي هنا خۏفت عليها من عيشة المدينة وقفلت عليها وبقت حياتها معايا ممنوع فمش معقول اجوزها ويبقى اللي جاي ليها بردوا ممنوع وحضرتك فاهم حال