الجزء الأول .. رواية يارا رشدي

ايه رايك طيب نفتحه ونشوف هوصل لحاجه ولا لا
.. وقتها محدش هيتعب غيرك انسي يا نهي انسي وارمي الماضي ورا ضهرك
نهضت من مكانها واقتربت من حسن هاتفه.. ياريت النسيان كان سهل اوي كده علي اقل كنت ارتحت
مسح علي راسه بقوه هاتفآ.. انتي مكبره الموضوع ليه إلى حصل كان بمزاجها.
صړخت به والدموع في عينيها.. انت ضحكت عليها فهمتها انك بتحبها وهتجوزها وهي عيله عندها 16 سنه صدقتك ومشيت وراك وفي الاخر هي إلى دفعت التمن لوحدها وانت عايش حياتك عادي جدا اتجوزت وخلفت لكن هي خسړت كل حاجه

.. حد قالها تروح ترمي نفسها من البلكونه هي اتصرفت بغباء
.. صح كان مفروض تولد وتخليك تعترف ڠصب عنك بالطفل وتكتب عليها كمان بس هي غبيه ضيعت حقها بس انا هجبهولها منك مش هرتاح غير لما اجيب حق صحبتي منك يا حسن.
غرس يديه في ذراعيها هاتفآ پغضب.. الموضوع ده يتمحي من دماغك البت ماټت وخلصنا
ابعدت يديه عنها هاتفه وهي تحرك راسه بالنفي والدموع تسقط من عينيها.. لا مخلصش انا بشوفها كل يوم وانا صاحيه ووانا نايمه بتظهر لي كل دقيقه لاني انا السبب كل إلى حصل بسببي صدقت انك بتحبها وخليتها تصدق هي كمان.
انهت جملتها تلك وهي تضغط علي راسها بقوه هاتفه.. كنت قاعده بذاكر فيزياء وانت دخلت عليا وقولتلي انك معجب بسهيله صحبتي وعايز تخطبها لما تدخل الجامعه طلبت مني رقمها علشان تعرف رايها وانا صدقتك واديتك رقمها ولما كلمتني قولتلها انك بتحبها فعلا وهتخطبها بعد ما نخلص تانيه وتالته ثانوي يارتني ما كنت قولتلها كده انا السبب انا السبب
ومن الواضح ان نهي تحمل نفسها الذنب باكمله هتف حسن.. خلاص إلى حصل حصل كنت طايش.
.. بالبساطه دي!
قالتها باكيه ليزفر حسن بقوه قائلا.. يعني انتي عايزه ايه من الاخر تقولي لسلمي روحي قوليلها إلى عندك اعمليه انا مش ناقصك
قالها ورحل من امامها لتقول نهي بتوعد وهي تمحو دموعها.. إلى هعمله يا حسن اكبر من اني اعرف سلمي
ابتسم لها قائلا.. مش ملاحظه ان ملك بطلت زن
.. اه فعلا هديت شويه مبقاش زن باستمرار
ليقول رشاد.. باين عليها اعصابها كانت تعبانه من النكد إلى في البيت والزعيق.
.. لا يا شيخ ده علي اساس انها فاهمه وحاسه بحاجه يعني
اجابها رشاد بتاكيد.. ايوه طبعا بتفهم وبتحس
حركت راسها بتفهم واغمضت عينيها هتف رشاد وهو ينظر اليها.. هتنامي
وماذا يريد الانهكذا سألت نفسها لتجيبه.. ايوه هنام الساعه اربعه ساعتين وهصحي علي صوت الباب بتاع مروه
.. خليكي صاحيه الساعتين دول وابقي نامي بعد ما تنزلي عمرو من زمان مسهرناش مع بعض واتكلمنا.
نظرت إليه وقالت هي.. انت وراك شغل بكره يدوب تلحق تنام
.. مش هروح عادي انتي اهم من الشغل عندي
.. كل التغير ده يا رشاد علشان مشكله الاكل اتحلت
قالتها بتساؤل اعتدل هو من علي الفراش قائلا.. اهلا النكد اشتغل
.. عايزه افهم بس كل ده علشان الاكل.
.. انا طلبت ان كل حاجه في البيت تبقي كويسه وارجع من شغلي القي لقمه كويسه وعمرو ميفتهوش اليوم بسبب انك راحت عليكي نومه طلبت هدوء واستقرار في البيت وكل ده حصل وانتي طلبتي تسمعي كلام حلو واهو بقيت بتعلم ايه المشكله بقي
.. مفيش مشكله يا رشاد اهم حاجه انك تكون مرتاح
ربت علي خديها وهو يقول.. طول ما انتي جمبي انا مرتاح يا لولو.
قفز في عقلها صوره حسن فاغمضت عينيها وهي تبتسم 
مرت الايام وعادت نهي إلى منزلها وهدات الامور بين رشاد ولبني اصبح المنزل هادي تمامآ...
يوجد تقصير من لبني في بعض الاشياء مثل ملابس رشاد والاهتمام به وهو يحاول معها في ذلك الامر.
يجلس الصغير علي الفراش يتابع علي التابلت الخاص بيه الفيلم الكارتوني سبونج بوب واثناء متابعته وجد ان البطاريه نفذت واغلق الجهاز زفر بعدم رضا ثم نهض حتى يبحث عن الشاحن ليجد والدته تضع هاتفها به. اضاء الهاتف حتى يعلم ان كانت بطاريه هاتفها اكتملت ام لا ليجد رساله علي شاشه الهاتف من تطبيق الماسنجر باسم الفارس الأسود والحساب بصوره شخصيه رجل ممثل غربي.. عايز بكره اشوفك في العزومه قدامي دايما يا حبيبتي اوعي تختفي زي ما حصل عندك وتفضلي قاعده مع سلمي وتحرميني من شوفتك بحبك اووي يا لبني
شعر ب لبني وهي تجذب الهاتف منه هاتفه بعصبيه.. ماسك موبيلي ليه
وعمرو يفكر في الرساله شخص يعلم بالعزومه وسلمي ويغازل والدته وبالتاكيد ليس والده فهو يعلم حساب والده شعرت لبني بشرود عمرو وتفكيره فهتفت.. اوعي تكون رديت علي رساله بتاعه صحبتي الفيس بتاعها اتقفل فبتكلمني من اميل جوزها
قالتها عندما لمحت رساله علي الهاتف الخاص بها ومن المؤكد ان عمرو راها.. وهي صحبتك هتيجي في العزومه بتاعه عمو حسن بكره
قالها عمرو بتساؤل لتجيبه هي بارتباك.. عايزاني اعدي عليها بكره تشوفني قبل ما نروح وهات تابلت وروح شوف المذاكزه