وهم

رئيسه وشكره لأنه سيجعله يقود المداهمة قبل أن يهتف برجاء يشوبه الكثير من الغيظ بسبب فشله في القبض على عزام أثناء العمليات السابقة
لو سمحت أنا عايز أطلب من حضرتك طلب بسيط جدا.
رد شاكر على الرغم من استغرابه
اتفضل يا وسام طلب إيه اللي أنت عايز تطلبه
أجاب وسام بنبرة صارمة
اسمحلي أنا اللي أختار العناصر اللي هتشارك معايا لأن مفيش عندي استعداد أرجع من المهمة قفايا مقمر عيش زي ما حصل معايا في المرات اللي فاتت وعشان كده أنا هستأذن معاليك في أن المهمة تكون على أكبر قدر من السرية وياريت ميوصلش عنها أي معلومة للمقدم شعبان ولا الرائد غسان.
اقترب شاكر برأسه متسائلا
أنت شاكك أن ليهم علاقة بعزام!
أومأ وسام مجيبا على هذا السؤال بقوله
أنا شبه متأكد من نقطة أنهم بيتواصلوا معاه وبيعرفوه لما إحنا بيجي لينا معلومات عن مواعيد الشحنات بتاعته.
اقتنع شاكر بحديث وسام بعدما شرح له الأخير بعض الأسباب التي جعلته يشك في عدد من زملائه وقرر أن يرسل الضباط الذين تم ذكر أسمائهم في مهمة أخرى في محافظة بعيدة حتى يتثنى لوسام وفريقه تنفيذ مهمتهم بسلام ومن ثم سيتم فتح تحقيق عاجل للتأكد من مسألة خېانة هؤلاء الضباط.
اتصل مهاب بداليا وأخبرها أنه ينتظرها داخل إحدى الاستراحات وأرسل لها العنوان وطلب منها أن تأتي على الفور وإلا سوف يغادر ويقوم بحظر رقمها حتى لا تتمكن من التواصل معه مرة أخرى.
ارتدت داليا ملابسها بسرعة وخرجت من المنزل تحت نظرات والدتها التي شعرت بانقباضة غريبة في قلبها لا تعلم سببها ولكنها تشعر أن هناك شيئا سيئا سوف يحدث مع ابنتها.
زفر مهاب بحنق أثناء جلوسه داخل الاستراحة وأخذ ينظر إلى ساعته وهو يتمتم بضيق
بني آدمة باردة ومفيش عندها احترام للمواعيد دي لو كانت راكبة جمل كان زمانها وصلت.
في هذه الأثناء أتاه اتصال من عزام فأجاب على الفور قائلا باحترام
أيوة يا باشا خير
هتف عزام بحزم وهو ينظر من نافذة مكتبه
سيب كل اللي في إيدك وتعالى عندي دلوقتي يا مهاب عشان نظبط أمورنا لأن الشحنة هتوصل بعد يومين ولازم نأمن نفسنا عشان محدش من الداخلية يشم خبر بالموضوع.
رد مهاب برفض فهو لا يهمه أي شيء في هذه اللحظة أكثر من معرفته لحقيقة قاټل والديه
مش هينفع أجيلك دلوقتي لأن ورايا ميعاد مهم جدا بس لما أخلص هجيلك على طول.
استغرب عزام كثيرا حيث إن مهابا لا يرفض له طلبا إلا إذا كان يشغله أمر في غاية الأهمية
ميعاد إيه ده اللي وراك دلوقتي يا مهاب!
أجابه مهاب بصدق وبحسن نية غير مدرك لفداحة الخطأ الذي يرتكبه في هذه اللحظة
داليا اتصلت بيا وقالت أنها تعرف مين اللي قتل أهلي وأنا بصراحة مستغرب من الموضوع ومش مصدقها بس قولت أمشي بالمثل اللي بيقول خليك مع الكداب لحد ما تشوف أخره.
استحوذت الصدمة على عزام الذي لم يكن يتخيل أن تعلم داليا بحقيقة هذا الأمر وطالما أنها اتصلت بمهاب فهذا يعني

أنها تمتلك دليلا قاطعا يمكنها من خلاله أن تثبت صحة حديثها لمهاب الذي سيكذبها على الفور عندما يسمع كلامها.
حاول عزام أن يمنع مهابا من لقاء داليا ولكن فات الأوان فقد أنهى الأخير المكالمة بعدما رأى داليا التي دخلت إلى الاستراحة وجلست أمامه على الطاولة وهي تبتسم بلؤم.
رتب محمد حقيبته واتصل بخالته يودعها وأخبرها أنه سيعود إلى مدينته لإنجاز أمر طارئ وأنه سيكون في خدمتها في حال احتاجت منه إلى أي مساعدة.
ظل محمد يتصل بكل من سمية وشمس ولكن لم ترد عليه أي منهما فتمتم بتوعد وهو يجلس في المحطة
ماشي يا سمية أما وريتك استني عليا بس أما أرجعلك وشوفي أنا هعمل فيك إيه ودي دقني أهي لو ما خليتك تقولي حقي برقبتي.
اتصلت جميلة بمحمد وعندما أجاب هتفت بتساؤل
أنا لقيتك اتصلت بيا من شوية بس أنا كنت في المطبخ والتليفون كان على الشاحن.
همس محمد پغضب وهو يوزع نظراته على كل ركن من أركان المحطة
قولي لبنتك أن يومها معايا هيكون أسود ومنيل على دماغها عشان هي فعلا فلتت منها المرة دي خالص أنا على طول بقول لنفسي أنها هبلة وعلى نياتها بس توصل بيها أنها تتحالف مع شمس ضدي فهي كده هتشوف مني وش عمرها ما شافته في حياتها كلها.
شعرت جميلة بالقلق وكادت تستفسر من محمد عن تفاصيل ما حدث ولكنه أنهى المكالمة فحاولت أن تتصل بابنتها عدة مرات ولكن في كل مرة كان يأتيها الجواب
الهاتف المطلوب مغلق أو غير متاح
اتصل عزام بأحد رجاله بعدما فشل في التواصل مع مهاب بسبب أن الأخير قد فعل وضع صامت في هاتفه.
هتف عزام بصرامة بعدما أجاب الرجل
أنا عايزك دلوقتي تعرف مكان داليا بأي شكل من الأشكال وتعمل اللي هقولك عليه بالحرف.
أومأ الرجل قائلا بطاعة
معاك يا عزام بيه قولي أنت عايزني أعمل إيه وأنا خدامك.
بدأ عزام يتحدث ويملي أوامره على الرجل وشدد عليه أن يقوم بتنفيذها بالحرف وألا يحيد عنها ويصنع شيئا من تلقاء نفسه.
هتف مهاب بضيق وهو ينظر إلى داليا التي تستفزه بنظراتها الماكرة
أنا سمعت كلامك ووافقت أقابلك ممكن بقى تقوليلي مين اللي قتل أهلي.
اشتد صوت مهاب وتحول إلى الحدة وهو يتابع
لو اكتشفت أنك بتسرحي بيا وأن الحوار ده كله فنكوش فصدقيني أنا هبهدلك أخر پهدلة وهخليك تكرهي حياتك وتتمني المۏت ومتعرفيش تطوليه.
ضحكت داليا قائلة باستخفاف
اهدى شوية على نفسك يا مهاب أنا مش جاية ألعب ولا أسرح بيك وكل الكلام اللي هقوله عليه دليل يثبت صحته.
سألها مهاب بصرامة بعدما استشف من تعبيرات وجهها أنها صادقة ولا تتلاعب به مثلما كان يعتقد
ادخلي في الموضوع على طول وقولي مين اللي قتل أهلي
اللي حرمك من والدك ووالدتك يبقى هو نفسه عزام قدوتك ومثلك الأعلى.
هكذا أجابت داليا بتشفي وهي تنظر باستمتاع إلى الصدمة التي احتلت كيانه وجعلته يسقط بدون قصد فنجان الشاي الذي كان يمسك به.
الفصل الخامس والثلاثون
خرجت حبيبة من منزلها حتى تلتقي بشمس ولم تكن منتبهة إلى السيارة السوداء التي كانت تراقبها.
استغل قائد السيارة خلو الشارع من المارة وأوقف السيارة فخرج منها رجلان وقاما بسحب حبيبة التي أخذت تقاومهما ولكن دون جدوى فقد تمكنا من دفعها داخل السيارة وأشارا للسائق أن يتحرك بسرعة حتى لا تتمكن شمس التي رأت كل شيء من اللحاق بهم.
صړخت شمس تطلب النجدة فتجمع الناس حولها وقاموا بإبلاغ الشرطة على الفور حتى يتمكنوا من إنقاذ الفتاة المسكينة قبل أن ينالها أذى المجرمين.
وصل خبر اختطاف حبيبة إلى وسام فتوجه بصحبة بعض العساكر إلى المكان الذي تمت به عملية الاختطاف وطلب من أصحاب المحلات هناك أن يعرضوا أمامه تسجيلات كاميرات المراقبة حتى يرصد من خلالها بيانات السيارة.
وصل الخاطفون إلى مكان مهجور ووضعوا بداخله حبيبة بعدما قيدوها وهتف قائدهم بغلظة
هي هتفضل موجودة جوة لحد ما الباشا يخلص الاجتماع اللي وراه ويجي هنا بنفسه ويقولنا نعمل معاها إيه.
هب مهاب صارخا في وجه داليا باستنكار رافضا تصديق تلك الحقيقة المؤلمة
أنت كدابة وبتعملي كده بغرض التوقيع بيني وبين عزام عشان ټنتقمي منه لأنه طلقك ورماك رمية الكلاب.
نهض مهاب وكاد يغادر بعدما توعد لداليا التي أوقفته بقولها
استنى عندك يا مهاب أنا قولتلك من شوية أن معايا دليل يثبت صحة كلامي وأنت لازم تقعد وتشوف الدليل ده بنفسك عشان تطمن وتتأكد أني مش بضحك عليك ولا بسټغلك زي ما أنت بتقول.
تابعت داليا حديثها بأسلوب يثير الاستفزاز
لو أنت مشيت دلوقتي فده معناه أنك مش عايز أصلا تشوف دليل على كلامي لأنك عارف أني مش بكدب بس أنت بتضحك على نفسك عشان مش عايز تصدقني.
استدار لها مهاب وعاد للجلوس مرة أخرى وهو يهمس بتيه يدل على قسۏة الصدمة التي تعرض لها
فين الدليل اللي معاك
أخرجت داليا الهاتف من حقيبتها وقامت بتشغيل التسجيل ومع كل كلمة سمعها مهاب كان يشعر بثقل يجثو على صدره جعله غير

قادر على التنفس بسهولة.
أرسلت داليا التسجيل على هاتف مهاب الذي سألها باستغراب
أنت كنت تقدري تبعتيلي التسجيل ده من غير ما تضطري أنك تشوفيني إيه اللي خلاك تطلبي مني أقابلك عشان أشوف الدليل!
أجابت داليا ببرود يصاحبه ابتسامة سمجة
طيب بذمتك الكلام ده ينفع! أنت كنت عايزني أفوت على نفسي فرصة أني أشوف وشك وأنت مصډوم وحاسس أنك كنت عايش في كدبة كبيرة!!
خرجت داليا من الاستراحة بعدما انتهت من شرب كأس العصير الخاص بها وأخذت تشير إلى سيارات الأجرة التي تسير في المكان ولكن لم تتوقف لها أي منهم.
توقفت بالقرب منها سيارة سوداء لا يوجد عليها أرقام تعريفية وفتح بابها ثم صوب قائدها سلاحھ تجاه داليا وأطلق عليها ثلاث رصاصات أسقطوها أرضا غارقة في دمائها وفر هاربا بسرعة من المكان قبل أن يتجمهر الناس ويتمكن أحدهم من إمساكه.
اتصل الرجل برب عمله بعدما ابتعد عن المنطقة وقال
كله تمام يا عزام البيه المهمة تمت على أكمل وجه وتقدر تقول كده على داليا يا رحمان يا رحيم.
ابتسم عزام بفرحة وطلب من رجله أن يختفي عن الأنظار لبضعة أيام حتى تهدأ الأوضاع ثم اتصل بشخص أخر وأمره أن يبحث عن مهاب ولا يتوقف قبل أن يجده.
سأل الرجل بفضول فهو في الأصل قناص ولا يتصل به عزام إلا عندما يريد أن يتخلص من شخص يقوم بإزعاجه
طيب يا باشا اشمعنى كلمتني أنا بالذات عشان أشوفلك مهاب وأنت عندك رجالة كتير تقدر تقوم بالمهمة دي!
رد عزام بالجواب الذي أصاب القناص پصدمة شديدة
لأن يا ماريو أنا عايزك تخلص عليه أول ما تلاقيه ومفيش حد من رجالتي هيقدر على مهاب لأنهم أصلا عندهم ولاء ليه ومحدش فيهم هيفكر يأذيه.
اتسعت عينا ماريو من هول الأمر الذي كلفه به عزام وتظاهر بالموافقة عليه قائلا
تمام يا عزام بيه اعتبر الموضوع خلصان.
أنهى ماريو المكالمة واتصل بمهاب عدة مرات حتى يقوم بتحذيره فهو لن ېقتله حتى لو دفع حياته ثمنا لعصيان أوامر عزام.
استمر ماريو في الاتصال ولكن لم يرد الأخير لأنه نسي إلغاء وضع الصامت وتفعيل وضع الرنين.
في هذه الأثناء كان مهاب يقود السيارة واشتد ضغطه فجأة على المكابح فتوقف في مكان منعزل وأغمض عينيه وأخذ يسترجع ذكرياته مع عزام وفهم الآن سبب الضيق الذي كان يشعر به الأخير عندما كان يسمع اسم والديه.
أخذ يبكي بشدة فقد اكتشف أنه كان يعيش داخل فقاعة سميكة من الأوهام والأكاذيب نسجها عزام حوله حتى يخفي عنه حقيقة أنه السڤاح الذي حرمه من وجود أمه وأبيه.
أخرج هاتفه حتى يتفقد الوقت ولكنه تفاجأ عندما وجد صديقه ماريو يتصل به فأجاب بصوت يظهر به التعب الذي يشعر به
معلش يا ماريو أنا تعبان دلوقتي ممكن نتكلم بعدين
رد ماريو بقلق وخوف مما ينتظر صديقه على يد عزام
مفيش وقت لبعدين قولي بسرعة إيه اللي جرى بينك وبين عزام وخلاه يقلب عليك
استغرب مهاب من كلام ماريو واعتدل في جلسته متسائلا بحيرة
هو إيه اللي حصل بالظبط يا ماريو وإيه اللي عرفك أني اختلفت مع عزام!
أجابه ماريو بصراحة منتظرا منه أن يشرح له سبب انقلاب عزام عليه
عزام اتصل بيا من شوية وطلب مني ألاقيك وأخلص عليك وطبعا هو واثق أني هعمل كده لأنه ميعرفش أن العداوة اللي بنرسمها قدامه كلها مجرد كدبة وأننا في الأصل أصحاب وكل واحد فينا عنده استعداد يضحي بحياته عشان خاطر التاني.
رفع مهاب حاجبيه وهتف پغضب وتوعد
الواطي طلع يا أيمن هو اللي قتل أبويا وأمي ولما عرف أني عرفت الحقيقة قرر أنه يخلص مني لأنه عارف أن أنا هخلص عليه.
كز ماريو على أسنانه قائلا بغيظ
ابن ستين في سبعين!! يعني كان عايزني أقتلك عشان متاخدش حقك منه أما طلع سوسة بصحيح بس كويس أنه اتصل بيا مش بحد تاني وإلا كان زمانه لحق يتغدى بيك قبل ما أنت تتعشى بيه.
ضړب مهاب بيده على زجاج السيارة صارخا بتوعد
قسما بالله لأخلص عليه حتى لو كان فيها مۏتي وهو أصلا بني آدم غبي لأنه نسي أني أعرف عنه أسرار كتير وهو عارف كويس أن كل رجالته ولائهم الأول ليا أنا وعشان كده هو اتصل بيك لأنه مفكرك عدوي وبالنسبة ليك يا أيمن فأنا مش عايزك تقلق خالص عزام ھيموت قبل ما يعرف أنك عرفتني حاجة عن اللي طلبه منك.
ابتسم ماريو قائلا بمرح قاصدا من خلاله التخفيف عن صديقه
إيه يا عم الكلام ده هو حد قالك أني فرخة بلدي ولا إيه! أنا أصلا عمري في حياتي كلها ما خۏفت ولا هخاف من حشرة زي عزام وبعدين أنت عمال تقولي أيمن ليه قولتلك مليون مرة قول ماريو.
ظهرت ابتسامة خاڤتة على وجه مهاب وقال
ماشي يا عم ماريو متشكر ليك على اللي عملته وجميلك ده هيفضل في رقبتي.
هتف ماريو بجدية وهو ينظر إلى سلاحھ وإلى الطلقات الموضوعة بجواره
سيبك دلوقتي من الدراما دي

وقولي أنت ناوي على إيه لأن أنا مش هسيبك تروح لوحدك عند عزام.
اضطر مهاب أمام إلحاح صديقه أن يخبره بالطريقة التي سيدخل بها إلى منزل عزام بسهولة ويسر.
تم نقل داليا إلى المستشفى وتواصل أحد الأشخاص مع أفراد عائلتها وأخبرهم بما حدث مع ابنتهم.
وصلت فوقية إلى المستشفى برفقة محسن الذي سأل الممرضة عن وضع شقيقته فأخبرته أنه هناك محاولات لإسعافها ولكن لم يتم إدخالها إلى غرفة العمليات بسبب عدم توفر فصيلة دمائها داخل المستشفى.
صاح محسن بعدم تصديق وأخذ يشتم الممرضة وجميع العاملين داخل المستشفى إلى أن حضر أحد الأطباء وبدأ يشرح له الوضع قائلا بهدوء
أرجوك يا أستاذ اهدى شوية واسمعني أخت حضرتك فصيلة ډمها O سالب ودي فصيلة نادرة ومش موجودة هنا في المستشفى وإحنا بعتنا لباقي المستشفيات عشان يشوفوا إذا كانت الفصيلة دي موجودة عندهم ولا لا.
نظر له الطبيب وتابع متسائلا بإشفاق
هو فيه حد عندكم في العيلة دمه يبقى سالب عامل ريسوس زي المدام
هتف محسن بحزن وهو ينظر إلى والدته التي تبكي بحړقة
للأسف داليا هي الوحيدة فينا اللي سالب عامل ريسوس والمشكلة أن بابا فصيلة دمه A سالب وهي ورثت السالبية في ډمها بس فصيلتها