سندريلا في بيتي بقلم منى أحمد حافظ الجزء الثالث والأخير

غيرته التي سيطرت عليه حين رأها تتسامر مع شقيقه ولكنه فشل تماما فخرج منه صوته حادا وهو يقول
_ انا بقول ان مافيش داعي انك تفضلي هنا فلو سمحتي حضري شنتطتك علشان هترجعي الشقة تاني و.
اكفهر وجه آلاء واحست بالحزن حين ادركت بأن نبيل يحاول ابعادها عن حياته خاصة انه لم يأت على ذكر تولين فأشتعلت نفسها بالغيرة ونظرت له بحدة وقالت
_ طيب ما اقولك على حل اريح إيه رأيك ترجعني بيت بابا احسن وتفكك مني خالص وتعيش حياتك براحتك وزي ما انت عاوز بدل ما كل شوية وضبطي شنطتك هنروح نقعد مع بابا وبعدها بخمس دقايق تقولي يلا هترجعي الشقة نبيل هو انت عاوز ايه بالظبط.
أحتلهما الصمت وهما يتبادلان النظرات ليقطع صوت تولين التي ظهرت فجأة تلك اللحظة بينهما وهي تقول
_ بلبل انت هنا يا حبيبي وانا بدور عليك تحت.
بوغتت آلاء بتصرف تولين وهي تحاوط بيدها جزع نبيل فبدلت عيناها بين وجهه ويد تولين حوله فأغمضت عيناها وقالت بحزن
_ انا بقول ان معاك حق انا هروح احضر الشنط عن اذنكم.
اسرعت آلاء في خطواتها الى غرفتها تنهر نفسها لتأثرها بما رأته وبالاسفل توارت بسمة خلف ذلك العمود حتى اكمل نبيل هبوط السلم برفقة تولين التي التصقت به تماما فشعرت بالضيق لالتصاقها به بتلك الطريقة وما ان رأته يغادر حتى اظهرت نفسها لتولين التي اجفلت لرؤيتها فأقتربت بسمة منها وقالت بعصبية
_ ممكن افهم معناه ايه اللي شوفته دا.
اشاحت تولين بعيناها بعيدا وقالت
_ وهو أنت شوفتي ايه بالظبط.
صاحت بسمة تنهرها بحدة وقالت
_ تولين بلاش تستغبي معايا أنت كنتي قريبة من نبيل بالشكل دا ليه انا عاوزة افهم معانها ايه حركاتك دى
نظرت لها تولين باستخفاف وقالت
_ انا مبعملش حركات يا بسمة وبعدين انا كنت بتكلم مع نبيل فموضوع ولا هو ممنوع عليا اتكلم مع جوزي.
اشعلت كلمات تولين ڠضب بسمة ورمقتها بنظرات ساخطة وقالت
_ نعم يا تولين هو مين اللي جوزك ااااه ايوة كدا باني على حقيقتك
صمتت بسمة وسحبت نفسا غاضبا واردفت
_ قال جوزها قال لا وبتسألي ممنوع اه يا ست تولين ممنوع عارفة ليه علشان أنت اللي جيتي وطلبتي تنضمي لنا وفضلتي ټعيطي وتقولي ساعدوني وانا اختكم وكلام كتير فاضي تصدقي ان انا غلطانة اني كدبت احساسى وسمعت كلام آلاء وشوفتك بعيونها فاكرة آلاء اللي قالت لي اوعي تظلمي تولين دي محتاجة للي يقف معاها ويصاحبها وأنت أهو طلعتي ممثلة ډخلتي بينا علشان تعرفي اسرارنا وټضربي آلاء بيها عموما انا كنت شاكة فيك اصل اللي تفضل تتكلم مع ماما ليل نهار استحالة يتصلح حالها.
ارتبكت تولين امام هجوم بسمة ولكنها اخفت ارتباكها ورفعت اصابعها تتأمل اظافرها ببرود وقالت لتزيد سخط بسمة
_ عموما انا منسحبة من الحزب بتاعكم ولو على اسراركم فهي متهمنيش لان اللي يهمني هو نبيل وبس وبما اني عرفت كل حاجة كنتم عاوزين تعملوها فيه فاحب اقولك اني صارحته بيها علشان ياخد حذره منك أنت وآلاء اما بقى النص اللي يخص آنس فأنا محبتش أزود المشاكل عليكم وسكت يعني صعبتم عليا فقلت بلاش احكى حاجة عنه لنبيل علشان الكلام ميوصلش لآنس.
لمعت عينا بسمة بالڠضب ورمت تولين بنظرات اشمئزاز وقالت
_ لا كتر خيرك عموما الواحد مش بيتعلم ببلاش وبعد كدا هناخد بالنا قبل ما نصاحب حد واطى زيك.
لم تقوى بسمة على البقاء بجانب تولين اكثر فاستدارت وصعدت الى آلاء التى ما ان ولجت الى غرفتها حتى وجدتها تبكي بقلب منفطر فأقتربت منها ولمست كتفها وقالت
_ لولو.
ادارت آلاء وجهها وحدقت بوجه بسمة بحزن وهزت رأسها فجلست بسمة بجوارها واردفت
_ تفتكري في حد يستاهل انك ټعيطي عليه بالشكل دا.
أشاحت آلاء بعيناها بعيدا عن بسمة وقالت
_ اه في اللي يستاهل اعيط علشانه وپحرقة كمان لما تكون دموعي دي عليا انا.
اضطربت ملامح بسمة وشعرت بالحيرة فمدت آلاء يدها ومنعت بسمة من الحديث واردفت
_ انا يا بسمة عشت حياة كل واحد وحاولت اصلح لكل واحد حياته على حساب حياتي انا وقلبي اللى كسرته بايدي لما حبيت اخوك اللي واضح اني مفرقش معاه بس عارفة يا بسمة انا اللي غلطت من الاول لما رخصت نفسي ووافقت نبيل انه ېكذب على والدك وقبلت امثل اني مراته عموما انا خلاص هصلح كل غلط عملته.
صمتت آلاء ووقفت أمام صديقتها بوجه متجهم وقالت
_ انا قررت اني ارجع بيتي يا بسمة وأطلب الطلاق من نبيل.
وفي غرفة المكتب جلس جويد يحدق بوجه شويكار يشعر بأنه على وشك الانفجار وتابعت هي بسكون حالته التي انذرتها بالخطړ ووجدت ان عليها ان توضح له بتأجيل اعلانه لزواجهما فقالت
_ جويد لو سمحت ممكن تهدي وتحاول تفمهني انا لما طلبت انك تأجل مش لحاجة غير اني شايفة الوضع متأزم فالبيت ونهاد مش عاوزة تهدي وطايحة فالكل فبلاش نزود المشاكل