سندريلا في بيتي بقلم منى أحمد حافظ الجزء الثالث والأخير

فحياتك ولا تكونش أفكرتني لما حسيت انك عاوزني و. 
رمقها جويد بحدة وزفر بضيق حينما لمس منها العناد فعبس بوجهها وقال
_تفتكري اني بتاع الكلام دا يا شويكار اني اناديلك بس علشان عاوزك فاوضتنا.
شعرت شويكار بالحرج فخفضت عيناها ارضا فتابع جويد حديثه وقال
_انا ناديت لك يا شويكار علشان انا تعبت من الوضع دا تعبت من اني استنى ردك على طلبي اننا نعلن جوازنا وتطلعي تعيشي معايا فاوضتي ويبقى ليكي كل الحق فيا مش نشوف بعض بالسړقة زي المراهقين.
ارتبكت شويكار وازدردت لعابها ونظرت الى وجه جويد الحزين وقالت
_انا عارفة اني زودتها معاك بس يا جويد انا ليا اسبابي انا لو عليا فانا عاوزة الدنيا كلها تعرف اني مراتك واخرج معاك وانا ايدي فايدك زي اي اتنين متجوزين بس انا خاېفة عليك يا جويد مني لما الناس تعرف انك اتجوز شويكار صدقني هيبقى موقفك صعب وهتحس بالخجل مني و.
ضړب جويد پغضب على سطح مكتبه وصاح بعصبية وقال
_شويكار أنت ازاي تقولي الكلام دا ازاي انا مش مصدق وداني بقى انا هخجل منك طيب ازاي وانا بتمنى ان اديلك حقك ومكانك اللي تستحقيه.
ابتعد جويد عن مكتبه والتف حوله وجذبها قائلا
_يا شويكار انا جوازي منك مش نزوة ولا عطف الراجل الغني على مديرة بيته لا انا اتجوزتك علشان حسيت اني محتاج لك معايا وجانبي ولاقيت معاك المودة والحنان لما لاقيتك بتعامليني زي ما كانت المرحومة ام نبيل بتعاملني ويمكن اكتر كمان فازاي تشكي لحظة اني لما اقول انك مراتي هخجل منك.
تنهدت شويكار وحاولت الابتعاد عنه فهي تعلم علم اليقين ان اسبابها واهية وان خۏفها الاساسي هو من نهاد التي لن تتقبلها ابدا تابعها جويد بعيناه وقلبه وادرك ان هناك ما تخفيه شويكار عنه فمد يده ورفع وجهها لتواجهه عيناها وقال
_ أنت مخبية عني ايه اتكلمي.
اشاحت شويكار بوجهها وقالت
_مش مخبية اي حاجة لكن.
عقد جويد حاجبيه وقال
_لكن ايه ما تقولي اللي جواك ولا انا هفضل اسحب منك الكلام.
زفرت شويكار حزنها وجلست امامه وقالت
_نهاد يا جويد انت معملتش حساب نهاد لما تعرف اننا متجوزين. 
حدق بها جويد لوهله لا يعي حديثها لتتلاشى حيرته ويبتسم بسخرية ويجذبها لتقف امامه من جديد ويقول
_بقى كل دا علشان نهاد يااه يا شوشو وانا اللي افتكرتك مبقتيش تحبيني.
شهقت شويكار وحدقت به بعتاب وقالت
_كدا بردوا يا جويد بقى مش بحبك طيب ازاي وانا حياتي كلها ليك وبيك.
قبل جويد يداها وقال
_طالما كدا يبقى متشغليش دماغك باي حاجة وسيبى نهاد عليا اساسا نهاد كل اللى يهمها الفلوس.
تنهد جويد واردف
_يا شويكار هو أنت فاكرة ان كل الستات زيك كدا بتحب للحب لا يا حبيبتي دلوقتي بقت الفلوس قبل الحب.
تلافى آسر شقيقه وابتعد عنه فهو ومنذ علم بأمر طلب بهير الزواج من هنادي وقد تبدل حاله وأصبح لا يطاق من شدة عصبيته وغضبه المستمر ولكنه مرغم على تنفيذ الخطوة الثانية التي أمرته بها آلاء تكفيرا عن مساعدته لنبيل فوقف أمام غرفة آنس يتنفس بقوة ويستجمع شجاعته وولج اليه فتلقى من شقيقة نظرات چحيمية غض آسر الطرف عنها وأهملها وتقدم من آنس مادا يده بهاتفه ألأيه ليريه تلك الصورة التى التقطتها آلاء لبهير وهنادي فحدق بها آنس يكاد يفقد عقله بسبب نظرات هنادي التى بدت له وكانها عاشقة فكاد ېحطم هاتف شقيقه فأسرع آسر واختطف هاتفه من يد شقيقه وقال ببرود ليزيد من هياجه
_اهدى يا آنس وخلى بالك على الموبايل ايه يا عم خلاص مش هنعرف نجيب حاجات حلوة كدا تانى بعد ما الادريسي باشا لاغي كل الامتيازات مننا ورفع ايده عنا.
رمقه آنس بحدة وقال
_هو دا كل اللي همك وبتفكر فيه الامتيازات والفلوس يا اخي انت جايب البرود دا منين بقى انا واقف اتحرق ادامك علشان هنادي اللي اتخطبت لبهير وحاسس انى هتشل وانت بتكلمني عن الشركة اه ما انت ضامن حبيبة القلب معاك وليك وعارف كويس ان بأشارة منك بتيجى زاحفة و.
اسرع آسر ومد يده وكمم فم شقيقه وقال
_ايه يا آنس انت هتقر عليا يا اخي علشان ربنا كرمني بواحدة فهماني وعارفة اني عمري ما هفكر فغيرك ولا اظلمها وبعدين أنت ليه بتقارن بيني وبينك يا آنس واحنا الاتنين عاملين زي الشرق والغرب يا آنس بدل ما انت واقف ټحرق فنفسك كنت حاول ترجعها ليك انما انت استسهلت ما صدقت رمتلك الدبلة فديرت وشك عنها ومحاولتش تثبت لها ان تفكيرها فيك غلط تسمح تقولى انت ليه زعلان ان هنادى اتخطبت لبهير وانت محاولتش حتى تعتذر لها.
حدق آنس بشقيقه وألمته كلماته فحملق به وقال
_بقى انا استسهلت يا آسر ومحاولتش ارجعها.
ازدادت شفقة آسر لشقيقه فربت على كتفه وقال
_متزعلش مني يا آنس بس أنت فعلا محاربتش علشان هنادي ومحاولتش تفهم اللي جواها واعتبرت ان مجرد موافقتها عليك انها كدا فتحت صفحة جديدة..