ذاكرة مؤقتة بقلم إسراء عبد اللطيف

شعر عمر قائله
لأ يابني مش ممكن اللي بيحب بجد عمره مايشوف حد غير اللي بيحبه حتي لو كان اسوأ واحد في الدنيا لكن ممكن يعجب مره و أتنين و تلاته
عقد عمر حاجبيه متسائلا
أزاي بقي مش لم يعجبني حد أبقي بحبه و لم أحب حد يبقي عاجبني !
عمر ما كان الأعجاب هو الحب ده شئ و ده شئ تاني خالص لم تعجب بحد هيعجبك حاجه معينه فيه ممكن شكله طريقته دمه أو حتي أفعاله لكن لم تحب حد مش هتلاقي سبب علشان تحبه هتلاقي قلبك بس اللي بيتحكم مش هتبقي حاسس حتي بتصرفاتك معاه ڠصب عنك هتضايق لم تلاقي حد تاني معاه و من غير ما تحس هتفرح ب قربه منك
أبتسم عمر قائلا ب مزاح
الله يرحمك يا خيري خليت أمي فيلسوفه بحبك هههههه
ضړبت عفاف عمر علي كتفه ب خفه قائله
عيب كده يا عمر اسمه بابا مش خيري
ضحك عمر و حك فروة رأسه قائلا
للدرجه دي كنت بتحبي بابا !
أطرقت عفاف رأسها في حزن و أبتسمت أبتسامه باهته قائله بحنين
خيري ده كان دنيتي عمري ما حبيت غيره بس سابني بدري بدري و سابك ليا و أنت عندك سنتين و ماټ
أمسك عمر كف والدته و قبله قائلا
ربنا يخليك ليا يا أحلي أم
رفعت عفاف كفها و جففت عبراتها التي خانتها قائله ب أبتسامه
مش هتقولي بقي أيه اللي حصل
أخذ عمر نفسا طويلا و زفره ببطء قن نظر إلي والدته ب عمق قبل أن يقول
بص يا ستي اللي حصل إن
سرد عمر كل شئ صار معه لوالدته ف هي بالنسبه له خزانة أسراره و ملجأه و مدبرة أي مأزق يتعقر به
عبثت تقسيمات وجه عفاف قبل أن تقول ب نبره معاتبه
ماكنش يصح ابدا يا عمر إنك تكسف البنت و تقولها كده
أطرق عمر رأسف في خزي قائلا و هو يلوم نفسه علي ما بذر منه
عارف يا أمي أنا حاسس نفسي وحش أوي باللي عملته ده حاسس إني من
غير مشاعر ماكنتش أعرف إن الحب بيبقي ڠصب عننا كده بس أنا دلوقت بقيت بفكر فيها كتير أكتر من نور تقريبا نور مابقتش بتيجي في بالي حاسس إني عايز أتكلم معاها و اتأسفلها علي اللي قولته ليها
أبتسمت عفاف قائله ب حكمه
أوعي تتكلم معاها دلوقت و لا تعترف بحاجه ليها لأن ممكن يكون أحساسك ده شفقه مش حب
عقد عمر حاجبيه متسائلا
طيب هعرف أزاي إذا كان حب و لا شفقه !
وقفت عفاف قائله ب أبتسامه
أصبر و أوعي تاخد قرار من دماغك بحاجه زي كده لأن الحب مش سهل و مش سهل تعلق حد بيك و حكم قلبك
توجهت عفاف ناحيةالمطبخ و تركت عمر جالس ب مكانه و أبتسامه عذبه تزين ثغره
ب مشفي معتز الخاص
كان معتز جالس ب غرفة مكتبه مرتدي نظارته الطبيه و يعبث ببعض الملفات أمامه علي المكتب حتي أوقفه صوت طرقات علي باب المكتب ف صاح قائلا دون أن يرفع
أدخل
و بمجرد أن فتح الباب و رفع معتز رأسه ليري من حتي وقف مذهولا و أنفرجت أسارير وجهه ليظهر شبح أبتسامه علي ثغره هاتفا ب
ز ينا !
تقدمت زينا ب خطوات ثابته و جلست علي أحدي المقاعد المتواجده أمام المكتب و رفعت وجهها ناحية معتز قائله ب هدوء
أسفه إني جيت من غير معاد بس عايزه أتكلم معاك شويه لو ينفع يعني و مش هعطلك !
ألتف معتز حول المكتب ليجلس علي المقعد المواجه ل زينا و أستند ب مرفقه علي ركبتيه و مال ب جذعه قليلا ناحيتها و ظل يتطلع إليها ب شوق قائلا ب أبتسامه
كنت عارف إني مش ههون عليك و هترجعي
ثم مد يده و أمسك ب كفها و وضعه بين كفيها قائلا ب حنين
وحشتيني جدا
توترت زينا بشده و ألتفتت برأسها حولها ثم سحبت يدها من بين كفيه ب هدوء و أبتلعت ريقها ب صعوبه قبل أن تقول
مفيش داعي يا معتز للكلام ده
رفع معتز أحد حاجبيه مستفهما
يعني أيه مفيش داعي ثانيه بس هو هو أنت جايه ليه بالظبط يا زينا !
بللت زينا شفتيها بطرف لسانها و أستجمعت قواها قائله
علش علشان نتفق علي الطلاق !
أنفرجت شفتي معتز من الصدمه و وقف مذهولا و أولاها ظهره و هو يفرك وجهه ب كلتا يديه ثم حدق ب زينا مرددا ب صډمه
ط طلاق !
طلاق يا زينا عايزه تطلقي مني !
وقف زينا و فركت كلتا يديها معا قائله ب تفهم
أيوه يا معتز أحنا أتكلمنا قبل كده و أظن إننا صعب نكمل بالشكل ده
ألتف معتز ناحيتها قائلا ب حزن
طيب ليه يا زينا أنا زعلتك في أيه
أطرقت زينا رأسها لأسفل قائله ب خفوت
أنت عارف كويس ليه يا معتز !
أقترب معتز من زينا و أمسكها من ذراعيها ب هدوء و نظر ب عمق إلي عينيها هاتفا ب رجاء
ليه يا زينا دا دا أنا بحبك جدا خلين خلينا نبدأ من جديد و أنا هروح أتعالج و نعيش سوا و صدقيني صدقيني يا زينا مش هطنشك هعملك كل حاجه أنت عايزاها بس بس ماتسبينيش أنا بحبك
حركت زينا رأسها يمينا و يسارا ب النفي مردده و العبرات تسقط من عينيها
لأ لأ يا معتز مش هينفع لأ
و حاولت تخليص نفسها من بين يدي معتز
هز معتز جسدها لتثبت أمامه و لمعت عينيه ب الدموع صائحا ب
لأ أيه يا زينا بصيلي و كلميني أسمعيني بس يا زينا أسمعيني !
ظلت زينا تحرك رأسها ب النفي و هي تتلوي ب جسدها حتي نجحت في تخليص نفسها من بين ذراعي معتز و بسرعه ألتقطت حقيبتها و توجهت ناحية الباب و أمسكت المقبض بيديها و لكنها ألتفتت ناحية معتز قائله ب دموع قبل أن تهرول راحله تماما
ياري ياريت ورقتي توصلي في أقرب وقت يا معتز !
و خرجت صافحه الباب خلفها ب قوه بينما ظل معتز محدقا ب الباب و جلس علي المقعد مصډوما مذهولا مما حدث توا مرددا ب داخله أيعقل أن زينا ستتركه و للأبد !
في فيلا الحاج علي
جلست نور علي الأريكه أمام شاشة التلفاز و ظلت تعبث ب القنوات و هي لا تشاهد شيئا بل محدقه ب نقطة ما و شارده تماما لكن قطع شرودها صوت رنين جرس الباب ف ألقت جهاز التحكم علي الأريكه و وقفت متوجهه ناحية الباب لتعرف من الطارق
فتحت نور الباب لتجد صديقتها المقربه مها أمامها
بمجرد أن رأت مها نور حتي أحتضنتها ب قوه قائله ب شوق
وحشتيني أووووي يا نور !
دخلت الفتاتان و جلسن علي الأريكه معا
ظلت نور تطلع إلي
صديقتها المقربه قائله ب حنين
أنت وحشني جدا يا مها
أيه يابنتي مختفيه ليه كده فينك !
أبتسمت نور ب حزن قائله
في الدنيا هكون فين !
عقدت مها حاجبيها و ضعت كفها علي يد نور قائله
لأ دي مش نور اللي أنا أعرفها أيه اللي مضايقك كده ده أنا صاحبتك يابنتي
تجمعت العبرات في عيني نور ف لم ټقاومها و أرتمت في حضڼ مها باكيه قائله ب مراره
أده أدهم أختفي و مشي و خد قلبي معاه مش قادره أعيش من غيره يا مها و لا أكمل حاسه إن إني مش هقدر أعيش بالشكل ده من غيره سامحيني
أبعدت مها نور و نظرت إلي عينيها متسائله
أسامحك علي أيه يابنتي دا أنت أختي !
أخذت نور نفسها من بين دموعها قائله ب بكاء
سسامحيني لأني كن كنت بتريق عليك علشان بتحب عمر أوي ماكنتش أعرف إنه بيبقي ڠصب عننا
أبتسمت مها ب مراره قائله ب سخريه
و أهو ياستي لا أنا و لا أنت طولنا بلح الشام و لا عنب اليمن !
عقدت نور حاجبيها متسائله
يعني أيه يا مها هو هو أنت و عم
من غير ما تكملي يا صاحبتي عمر بيحب واحده تانيه و متعلق بيها جدا بس أنت معاك فرصه أنت قولتيلي إن أدهم قالك بيحبك بعد ما عمو علي ما أتوفي لم كنت في المستشفي أيه اللي جد بقي !
ضحكت نور ب سخريه قائله ب دموع
اللي قولتلك عليه إن زينا بتحب أدهم و هتطلق من معتز علشانه غير كده أدهم أختفي فجاءه خاېفه أوي ليكون جراله حاجه أو زهق مني وسابني و مش عايز يشوفني تاني !
مسدت مها علي شعر نور قائله ب أبتسامه
بصي بقي أنا و أنت ماينفعش معانا جو الحزن و الأكتئاب ده عايزين نرجع أيام زمان و ضحك زمان
أبتسمت نور ب سخريه معلقه
فكرك هينفع !!
ياستي بلاش تشاؤم أمال لو كنت مكاني و أدهم قالك أنا مش بحبك و بحب واحده تانيه المهم سيبك في رحله طالعه بعد أسبوعين كده للساحل أنا كتبت اسمنا أحنا الأتنين فيها
أسندت نور للخلف و أغمضت عيناها قائله ب حزن
مافيش داعي يا مها الرحله هتعمل أيه !
ياستي أهو نطلع من جو الحزن ده يومين نغير جو بس ها قولتي أيه !
نظرت نور إلي مها و أبتسمت قائله
أوكي علي الأقل الواحد ينزل البحر هههههه
ههههههه عندك مايوه يابت ههههههه
وقفت نور و ظلت تضحك معلقه ب
لأ بس و ماله نجيب يا أوختشي هههههه
وقفت مها الأخري و أحتضنت نور قائله ب فرحه
أيوه كده عايزين نرجع زي الأول خدنا أيه من الحزن !
ب القاهره
في فيلا الشناوي
نزل جاسر حاملا حقيبه صغيره ب يده و ألقاها ب السياره و ألتف ل يركب ب الجانب الأخر و لكن أوقفه صوت والدته مناديه عليه ب
جاسر أستني يا جاسر
ألتف جاسر للخلف ليجد والدته واقفه عند باب القصر ف توجه ناحيتها و هو يبتسم و خلع نظارته و أحتضنها
نظرت صفاء إلي جاسر ب حزن قائله
كده برضو يا جاسر هتفضل تسافر علي طول كده
ضحك جاسر قائلا
أيه يا أمي هي دي أول مره ولا أيه و بعدين بيني و بينك كده من غير ما عاصم بيه يعرف أنا حاسس إني بحب البنت دي أوي مش طايق أي واحده غيرها دخلت دماغي أوي و محترمه جدا يا أمي
أبتسمت صفاء و وضعت كفها علي كتف جاسر قائله ب هدوء
ربنا يجعلها من نصيبك بابني طالما أنت بتحبها أوي كده
أبتسم جاسر قائلا ب فرحه
يارب يا أمي يارب بس هي توافق لأنها مش بطيقني !
و هي تطول برضو !
دا أنت جاسر الشناوي يعني أي واحده تتمناك !
ياستي و

أنا مش عايز غير نور بس هي توافق
أن شاء الله يابني هتوافق
ثم أقترب جاسر من والدته قائلا ب خفوت
المهم أنت يا صفصف ماتقوليش قدام بابا إني واخد الموضوع جد لأنه هيقف فيها و يقولي