زفاف في طي النسيان لعبير علي

صوت خبط على الباب ويبدو ان الطارق فى عجله من امره 
_حاضر حاضر ياللى بتخبط 
وجه مبتسم وبشوش _صباح الورد على الورد صباح الخير يافريده يﻻ علشان احنا اتأخرنا انتى ناسيه ان النهارده اول يوم دراسه وبعدين دى سنه رابعه واحنا ﻻزم نلتزم علشان السنه دى تعدى على خير وﻻز. 
_بس بس ايه حرام عليكى بالعه ايه على الصبح ايه الرغى دا كله وبعدين قوليلى يا ست داليا من امتى الهمه والنشاط دا كله دا انتى كنتى ضارباها طناش خالص طول التلت سنين اللى فاتوا ايه اللى جد بقى وﻻ دى بركات سى هانى بركاتك 

_ايه يا فريده الله هو انا يعنى مكسله مش نافعه نشيطه مش نافعه وبعدين يا ستى هانى حلف عليا يمين طﻻق انى لو معدتش السنه دى وبتقدير كمان هيأجل الجواز سنه يرضيكى يعنى بقالى سنه وداخله فى التانيه ومكتوب كتابى وهو راسه ناشفه ومش راضى ان احنا نتجوز غير لما أخلص علشان كده ﻻزم اجدعن وانجح بتقدير اى نعم مش عارفه ازاى بس اكيد هﻻقى طريقه 
_ماما ماما انا خلاص لبست وكمان جبت الشنطه يلا علشان انا كده هتأخر ومس منى هتزعل منى 
_ ايه يا روقه انا زعلانة منك مفيش صباح الخير يا داليا ..
رقيه _ يا داليا انتى بتتكلمى كتير واحنا هنتأخر يلا بقى يا ماما 
فريده بضحكه _ طب يلا يا حبيبه ماما البسى الشنطه ويلا 
داليا _هى مستعجله ليه كده 
_عندها رحله النهارده فى الحضانه وهيروحوا حديقه الحيوان علشان كده منامتش من امبارح وسهرتنى معاها وصحتنى من الفجر علشان البسها 
_وانتى عايزه تقنعينى انك هتسيبيها تروح كده بكل بساطه دا انتى بتخافى عليها من الهوا 
_اعمل ايه بس يا داليا وبعدين كانت بټعيط والحضانه كلها طالعه كلمت المس علشان تاخد بالها منها 
_متخافيش مش هيجرالها حاجه بس يا بنتى هتفضل تناديكى ماما لحد امتى انتى ﻻزم تفهيميها انك اختها مش مامتها 
_وهى هاتفرق فى ايه يا داليا 
_علشانك يا فريده يا حبيبتى مسيرك هتتجوزى وهى هتعرف كل حاجه 
_انتى عارفه كويس انى مش بفكر فى الجواز وبعدين سيبك منى وخلينا فى جوازك انتى ويﻻ قبل ما تيجى تشتمنا احنا اﻻتنين 
بعد ان وصلوا الصغيره الى حضانتها ذهبوا الى كليتهم كانوا فى الفرقه الرابعه كليه التجاره فريده كانت اﻻولى على الدفعه الثلاث سنوات الماضيه وكان الكل يشيد بتفوقها وأخلاقها اما داليا فإنها جاره فريده وهى مكتوب كتابها على صديق اخيها ويعمل محاسبا فى إحدى الشركات فى الخليج وقبل سفره اصر على كتب كتابهم كى يستطيعوا التحدث بحريه وداليا كانت من الفئه التى تريد النجاح فقط وﻻ تهتم بالتقدير او هذه اﻻشياء ولوﻻ وجود فريده فى حياتها كان من الممكن ان تأخذ السنه بسنتين  فريده كانت مهتمه جدا بمستقبلها وتريد النجاح لكى تستطيع ان تربى رقيه على افضل ما يكون وهذا ما حدث بالفعل مرت السنه كأنها ايام وتخرجت فريده بتقدير امتياز وتعينت معيده فى الكليه وطلب منها الحضور ﻻستلام اﻻوراق الخاصه بها وبعد ان استلمتهم كانت ذاهبه حتى نادى احدهم بأسمها تلفتت لكى ترى من وجدت دكتورها 
_انسه فريده ممكن كلمه لو سمحتى 
_دكتور محمد ازى حضرتك 
_انا الحمد لله انا كنت عايز اباركلك على التعين 
_الله يبارك فى حضرتك متشكره جدا بعد اذن حضرتك 
_انسه فريده لو سمحتى انا كنت عايزك فى موضوع تانى انا كلمت البشمهندس أحمد جارك وان شاء الله هاجى النهارده وكنت عايزك تبقى حاضره 
_انا مش فاهمه حاجه يا دكتور حضرتك عايز ايه بالظبط وعايزنى اكون موجوده ليه 
_انا اسف مش هاقدر اوقفك اكتر من كده وانتى هتفهمى كل حاجه ان شاء الله النهارده بعد اذنك 
لم تفهم الكثير من كلامه ولم تفهم لماذا يريد ان تكون حاضره اجتماعه مع احمد ومن اين يعرفه باﻷساس اسئله كثيره كانت تفكر فيها وﻻ تجد لها إجابه وعندما وصلت الى البيت ذهبت الى شقه صديقتها فهى تترك رقيه هناك دائما فهؤﻻء القوم ساعدوها كثيرا دون ان يسألوها اى شئ عن ماضيها ووالده صديقتها ترعى الصغيره دائما وهى غير موجوده 
أول ما سألت عليه مكان وجود احمد على الرغم من انه ﻻ يمت لها بأى صله ولكن مع ذلك من يوم وصولها واقامتها فى هذا البيت فإنه اعتبرها أخته الصغيره وكان يعامله مثلما يعامل اخته وهى ايضا كانت شاكره له ذلك فكان نعم اﻷخ لها  كانت تريد ان تستعلم منه ما هو الموضوع الذى يربطه بالدكتور وذهلت عندما علمت منه انه يريد ان يتزوجها وان موافق على اى شروط تقولها واستغربت من ذلك فهو لن ينظر اليها قبل ذلك ومعاملته لها كانت كأى طالبه اخرى عنده 
فى المساء حضر بالفعل وتكلم