ثقب بالقلب بقلم إيمان فاروق

طول
هناك أربعة من المقل تناظرها في هيام وسعادة تود لو تنقض على الهاتف ليتشاركن معها في حديثها مع زوجها العطوف لتنتهي من المحادثة وهي ومازالت مستمرة في الضحك فزوجها دائم المزاح برغم أنه يحمل بباطنه الكثير من الألم
يتسارعن تجاهها في شغف لمعرفة ما يضحكها وتباغتها نادين متفوهة
ضحكينا معاكي ياخلتو
وتقترب الأخرى نحوها وتردف في غيرة مصطنعة اعترفي ياست مامي بابي كان بيقولك ايه ضحكك كدة !
حركت رأسها مستنكرة تطفلهن عليها أثناء حوارها مع عشقها الابدي مما جعلها تهتف بحزم
في إيه يابنات واحده وجوزها بيتكلموا اظن اللي انتو فيه دا اسمه تطفل وعيب جدا إلي بتعملوه ده
اقتربت فتاتها في وهي تقول بعبوس خرج بدلال أثر لبها
آسفة يامامي بس بردوا عايزة اعرف بابي حبيبي كان بيقولك ايه ضحكك!
تدخلت نادين هي الأخرى بحماسة وهي تتسلق أكتاف مثيلتها بشكل اضحكهن
اه والله يا خالتو احنا اسفين بس الفضول وحش قوي وعمو شكله قالك نكته
تحدثت بيأس من بين ضحكاتها فهي لن تستطيع السيطرة على فضولهن
والله انتو إلي نكته
واكملت في حزم جاد فهي لن تجاريهن في شيء خاص بينها وبين خليل روحها
يالا عيزاكم جاهزين خلال ربع ساعة
لتكمل بحنو لتتلثم وجه صغيرتها برفق بابي هيبعت العربية علشان نلحق معاد جلستك ياروحي وتوجهت إلى ابنة اختها واكملت
وبعد الجلسة هنعمل زيارة لمامي يا نادين علشان نطمن عليها
اجابتها ندين بضجر من حديث الخالة التي كانت شاهدة على ما حدث معها هي وشقيقها
إحنا بردوا ياخلتو إلي المفروض نطمن عليها والا هى إلى لازم تدور علينا مش كفاية الوضع اللي إحنا فيه
تدخلت ميرال برفق في محاولة لتهدئة صديقتها
نادين اهدي لازم تعرفي أن خالتو مش عملت كده في يوم وليلة وأنتي اكتر واحده كنت شاهدة على كده وكنتي بتزعلى عليها يمكن هي غلطت بس ڠصب عنها
اقتربت كامليا تربت على ظهر ابنتها
كما لو أن كلامها كان زورق نجاة لها فأكدت عليه متحمسة
فعلا يا نادين عايدة عمرها ما قصرت معاكم ويمكن هي تسرعت فعلا لأنك كنت محتجاها اليومين دول بس صدقيني ڠصب عنها والواحد لما الكيل بيفيض بيه مبيقدرش يتحمل وكلنا كنا عارفين
الضعوط إلي عليها كانت ازاى
حاضر يا خالتو
بيأس أجابت الخالة واكملت في استكانة لا تبشر بالخير
أنا هروح اجهز ونروح مكان ما انتو عاوزين يا خالتوا حاضر
هتفت كامليا بعد أن زفرت راحة
تمام ياحبيبتي يالا ربنا يكملك بعلقلك واكملت متوجهة لصغيرتها التي تعلم أن صديقتها تدبر لشئ ما لتحثها على الاستعداد للخروج
وانت ياميرال وراها وحاولى تتكلمي معاها وخليها تساعدك علشان متفكرش في حاجة تزعلها
حركت ميرال رأسها بإيمائة متفهمة واردف وهي تتوجة بهدوء يشبهها نحو غرفتها
حاضر يامامي أنا هتصرف معاها
دلفت حجرتها لتجد الأخرى تضحك لنفسها وهي تشاهد أحد الرسائل الخاصه بالواتساب
اهتزت كتفيها وهي تجيب بلا مبالاة
عادي بطلت ازعل من زمان أنا هزعلهم بس من هنا ورايح
نادين بطلى كلامك ده ياريت تركزي في مذكرتك وكفاية نت ورغي عليه ويا ريت كمان تبعدي عن أفكارك السودة إلي هتودينا في داهية دي
قابلتها برفع أحد حاجبيها واردفت بريبة
انتي بتفتشي ورايا والا ايه
انا لا بفتش ولا حاجة أنا بس فهماكي وعارفة دماغك وعارفة أنك بتسمحي للولاد في السنتر وربنا يستر منك
نادين بارتباك قليل وبعدما حاولت رسم الثبات على محياها
انتي فهماني غلط ياحبي دول مجرد أصحاب بس وبنتسلى سوا
ميرال بجدية حازمة
اتمنى ذلك طب يالا علشان منتأخرش على معاد الدكتور سعد في الدار
حركت رأسها بإيمائة وتوجهت لمساعدتها في استبدال ملابسها واستعدلت من هيئتها هي الأخرى وهى بداخلها بركان خامد يود أن يلتهم والديها من الڠضب ولكن عليها الهدوء الأن
في الجامعة
يمشى فخورا بنفسه في ذهو وثقة بالنفس يتعمد أن ينظر لاقرانه بنظرة متعاليه لأثارة وافتعال المشاكل حتى يثير ڠضب والده ولكنه اليوم سيتعمد الهدوء حتى ينجز مهمتة ويسلم مشروعة في سلام ليقابل في طريقه أحد الأشخاص الذين يفتعل معهم المشاجرة دوما من أجل الفتيات ليحاول الآخر مقاطعة طريقه في استفزاز
إيه يا كريم مفيش سلام والا مقلب امبارح لسه مفقتش منه يا معلم
استنشق الهواء واطلقه في ثبات هاتفا
مش كريم البنهاوي إلي يتأثر بسبب واحدة هو راميها بنفسة بعد مقرف منها يا عصام باشا وبعدين أنا عارف انك عكاك وبتحب تاخد فضلات غيرك يعني مش جديد عليك
احتقن وجه عصام من سخرية الآخر فهو زميل له من نفس الطبقة العليا التي لا يحمل هم للحياة فوالده من أكبر رجال الأعمال ولديه اعمال مشتركة مع شركات البنهاوي فلذالك دوما يتهافت لما بين يديه ويتسابق معه في النيل من الفتايات ويعتمد على مظهره الجذاب والمميز بفضل ملابسه التي تحمل اكبر الماركات العالمية ولكنه لا يحمل للوسامة عنوان فملامحه قاسېة قليلا ولكن هناك من لا يشغله سوى المال والمظاهر فقط ذاد عصام في المشحانة بينه وبين كريم لدرجة أنه كاد أن يتطاول عليه لولا تدخل أدهم ورأفت وبعض الزملاء الذين تجمهروا حول مشاجرة الشباب ليهتف أدهم فيهما
كفايه بقى ياعم انت وهو ليرد عليه عصام بتبجح مصحوب بالعجرفة وانت مالك أنت ملكش فيه يا عم واصلا أنت مين علشان تدخل
كريم وقد استفز من أسلوب الآخر عصام لم الدور لاندمك دلوقتي على إلى بتعمله
سحبه أدهم وهو يردف بعقلانية حتى لا يتصعد الأمر أكثر من ذلك
كريم متدلوش فرصة أنه يستفزك والنهاردة بالذات كلنا لازم نكون مستعدين لتقديم المشاريع
نفض كريم ملابسة وتحرك مع الآخر وهو يردف انت مش شايف قرفه جاي يرمي بلاه بني آدم سمج
رأفت وبعض الشباب يحاولون تهدئة عصام الذي مازال يتوعد ويرفع صوته متعمدا حتى نال مقصده عند قدوم أحد أفراد الأمن واخر من أفراد هيئة التدريس بالجامعة يطالبهم بالحضور أمام مكتب رئيس الجامعة
ممكن اعرف ايه سبب الشجار يا باشمهندس انت وهو هدر بها عميد الكلية وطالبهم بهويتهم الجامعية الخاصة وقام باستدعاء الدكتور فايز الذي كاد أن يفقد صوابه فور معرفته بالأمر ليتوجه نحو كريم و هو يريد أن يناوله صڤعة قاصدا تأديبه فور دخوله حجرة العميد لولا تدخل أدهم الذي استوقفه متفوها بحمية كريم ملوش ذنب حضرتك عصام هو الي بداء يادكتور وكلنا شاهدين حتي اسأل رأفت والزملاء كلهم
استوقفته كلمات تلميذه النجيب وردته عن فعلته الحمقاء الذي كاد أن يقترفها دون أن يتحرى الصدق فيما أخبر به ليتحدث فايز متنهدا وهو يتمنى أن يكون أدهم صادقا فيما يقول
تمام يا أدهم هشوف الكلام ده لتوجه بصريا إلى العميد مستفسرا بعد أن استشف الصدق فيما يقوله الشباب
ممكن اعرف ايه الي حصل يافندم وايه الإجراءات إلي هتتاخد مع الولاد دول
أومأ بتفهم فهو يعلم هوية كريم وحتى لا يتأذى باقي الشباب فهو يعلم شخصية عصام وأبيه الذي قام

بمهاتفة العميد هو الآخر ليقوم بحل تلك المشكلة فأردف في حزم
اظن عيب عليكم لما تبقوا رجالة وتعملوا لعب العيال ده أنا هكتفي بلفت نظركم ودا علشان الدكتور فايز والسيد شرف والدك ياعصام وياريت تنتبهوا لنفسكم شوية واظن إن خلاص انتو بتنهو حياتكم الجامعية وهتخرجوا للحياة العملية فعيب جدآ اللي حصل اتفضلوا الكرنيهات ويالاا على المدرجات بتاعتكم
تحدث فايز بحزم وهو يرميهم بسهم نظراته الحاړقة والمتوعدة لهم جميعا
اتفضلوا اسبقوني وياريت تكونوا مجهزين المشروعات بتاعتكم وانا هاجي وراكم وياريت حركات الاولاد الصغيرين دي نبطالها شوية
توجه الشباب للمدرج وقاموا بتسليم المشروعات على أمل الا تنقص لهم هذه المشاجرة بعض الدرجات
على الجانب الآخر
انتهت الفتاتان من استعدال ملابسهن وخرجن برفقة كامليا وصعدن السيارة التي أرسلت لهن ليتوجهن جميعا إلى مركز التأهيل والتدريب لذوي الاحتياجات الخاصة
من داخل أحد مراكز التأهيل والتدريب لذوي الهمم كانت تسير برفقة أمها وابنة خالتها فهنا تهداء نفسها الثائرة عندما تسخط على حالها هنا ترى من هم يحملون إعاقات اكبر حجما مما تعاني هي فيتلاشى ڠضبها ونقمها الداخلى الذي يتوارى خلف قناع الثبات المزيف الذي يبدو على محياها دائما متسترا خلف مسمى الرضى لقد كانت علتها بسيطة بالنسبة لهؤلاء
تتوه بينهم من السعادة في تلك الجنة النقية فالذي تراها في عيون هؤلاء الصغار الذين يلتفون حولها وهي توزع عليهم بعض الحلوى والشيكولاه المغلفة من افخر الأنواع كما تحبها هي فقد أرسل إليها ابيها حقائب محملة بها كما تعودت هي أثناء زياراتها للدار في كل مرة
تقدم احد الأشخاص ممن هم يرتدون المعاطف البيضاء في تحية لهم وهو يبتسم لمشاهدة سعادة الأطفال برفقة هذه الفتاة التي انتقلت من مرحلة الطفولة إلى مرحلة جديدة فهى أصبحت شابة وهو الطبيب المشرف على حالتها منذ الصغر
اهلا وسهلا ببناتي الحلوين واهلا بيك يا مدام كامليا
ازي حضرتك يا دكتور سعد معلش ميرال عملت دوشة
قهقه الطبيب وهتف من بين ضحكاته وهو يخص الصغيرة بالثناء تقصدي عملت حس الولاد كلهم كانو عاملين اضراب وزعلانين ووجود ميرال بينهم دلوقتي خرجهم من حالة الحزن الي كانو فيها
ابتسمت كامليا لما رواه له ولكن شغلها ما يؤرق اطفال كهؤلاء فمنهم اصحاب إعاقة ذهنية فكيف يستشعرون فلذلك هتفت بفضول
طب وياتري الولاد زعلانين ليه يادكتور
اردفت بأسف حقيقي
في صديق ليهم أهله جم اخدوه وقرروا يهاجروا وهو ودعهم ومن ساعتها والحزن مسيطر على المكان
طب وهما حالاتهم تسمح بالتفهم للأمر ده أنا أقصد طبعا الأطفال أصحاب الإعاقة الذهنية
طبعا بيحسو بكل حاجة حواليهم وصحيح أن إدراكهم مبيبقاش كامل إلا أنهم بيحسوا بكل حاجة زيهم زي اي اطفال عادين وكمان حالة الأشخاص من حواليهم بتنعكس عليهم بشكل كبير
حركت رأسها بإيمائة متفهمة واستقبلت فتاتها التي انتهت هى وابنة خالتها من توزيع الحلوى على الصغار تعالى ياميرا الدكتور سعد منتظرك من فترة يالا علشان منعطلوش اكتر من كده
ابتسم الطبيب ومد يده ليحتضن كف الفتاة فهو دوما يتعامل معها كأحد أبنائه
ها بنوتي القمر عاملة ايه
ابتسمت ميرال بخجل واردفت برقة
الحمدلله بقيت كويسة جدا بعد ماشفت أصحابي الحلوين دول قالتها وإشارت على هؤلاء الصغار
كامليا وهى تناوله ملف به بعض الأوراق اتفضل دي اخر إشاعة وتحاليل عملناها
ارتدي عويناته الطبية وتناول منها الاوراق بعملية وهو يتوجه أمامهم إلى غرفة الكشف طب اتفضلوا معايا صمت قليلا وهو يتطلع إلى تلك الأوراق المقواة في تركيز واستطرد بعدما رفع تلك العوينات ووضع الاوراق أمامه فوق سطح المكتب وقام بضغط مقبس الجرس لتلج إليهم المساعدة الخاصة به وهى تردف بأدب عملي
أوامرك يادكتور اتفضل
خدي ميرال للدكتور نادي اخصائى العلاج الطبيعي وخليه يبدأ معاها الجلسة وعرفيه أن ميرال هى الحالة إلى كنت كلمته عليها من يومين ثم توجه للفتاة واردف اتفضلى ياستي انت وصحبتك و هند هتعرفك على الدكتور نادي هو متخرج جديد لكن ممتاز في