سكريبت رنيم بقلم ريم خالد

ظلمتك وطلعت شخص لطيف ..!
عمل نفسه بيعدل لياقة قميصه وهو بيضحك بغرور ..
_ الكل بيقول كدا مش لوحدك ..
بصيتله بزهق وهو بيبصلي ببرود لحد ما ضحكنا أحنا الاتنين بصوت عالي ورنيم بتبصلنا بأستغراب..
بعد مرور شهر قدرت أجمع مبلغ كويس لتأجير شقة ليا أنا ورنيم وأخدتها تقعد معايا بس بتروح لجدو عبد الرحمن وتيته حياة في فترة الشغل بتاعتي وعلاقتي بيهم بقت قوية جدا عمر كان بيجي كتير يقعد معايا أنا ورنيم اللي بتحكيلنا مغامرتها في المدرسة وفي يوم كنت في شغلي لقيت عمر واقف قدامي
أتخضيت وأنا بقوله_ في أيه ..
مسك أيدي وهو بيطلعني من المطبخ ومدام أيمان بتبصلنا بأستغراب حاولت أسحب أيدي منه وأنا بقوله .
_ في أي يا عمر ..
_ ال 100 ألف اللي أنتي بدوري عليهم عرفت مكانهم ..
وقف مكاني پصدمة وأنا ببصله شال المريلة اللي كنت لابساها وهو بيديها لمصطفي..
_ معلش يا مدام أعتبريها أنهارده أجازة ..!
قالها وهو بيسحبني وراه بسرعة ..
_ لقيتهم فين ..
_ لما نوصل هتفهمي ..
سكتنا أول ما ركبنا العربية أنا بفكر وقلقانة هو بيسرق نظرات ليا ..
_ متقلقيش كدا وأهدي ..!
_ أنت بجد لقيتهم فين ..!
_ هتفهمي دلوقت ..
وقف عند مستشفى معينة كان جدو عبد الرحمن واقف مستنينا نزلت معاهم وطلعنا قدام مكتب المدير بتاع المستشفى وكل دا وأنا مش بتكلم مع حد ..
_ أتفضلوا أستريحوا ..
قعدنا وأنا ببص علي عمر وبفرك أيدي جامد مسك أيدي وهو بيضغط عليها براحة عشان أهدي..
_ حضرتك آنسه ريم بنت أستاذ عبد الله..
رديت بهدوء _ أيوه ..!
أخد نفسه وهو بيسند علي المكتب اللي قاعد عليه قالي بهدوء وهو بيبص في عيني ..
_ والد حضرتك كان عامل أيداع بمبلع 100 ألف جنيه هنا في المستشفي قبل ۏفاته عشان يعمل عملية لوالدتك لأن كان عندها مشاكل في القلب وكان لازم عملية فورا والكلام دا كان قبل ۏفاته بأيام ..!
_ ماما كانت تعبانة.!
قولتلها وأنا ببصله پصدمه هز رأسه وهي بيكمل كلامه ..
_ وطبعا محدش بلغ المستشفي بۏفاته ولما بحثنا عن أسمه عرفنا أنه ټوفي هو وزوجته حاولنا نوصلك بما أنك الوريثة الشرعية ليه بس كنتي أختفيتي وبقالي أكتر من شهرين مختفية..
بص لعمر وأبتسم وكمل كلامه ..
_ وطبعا دكتور عمر كان معانا من الأول بما أنه زميل لينا في المستشفي هنا وهو حكالي عنك وعن مشكلتك وفضلنا نبحث وراكي لحد ما أتاكدنا أنه أنتي اللي أنا بدور عليها أخيرا ..
مد أيده بشيك بقيمة المبلغ وهو بيقولي بأبتسامة..
_ وكدا يبقي الحق رجع لأصحابه ..
مسكت منه الشيك وبصيت عليه وعلي والمبلغ المكتوب وأنا مش قادرة أستوعب أن مامتي كانت تعبانة وأنا معرفش زي ما بالظبط مكنتش أعرف بموضوع القرض نزلت دموعي وأنا ماسكه الشيك في أيدي ..
_ ريم أنتي كويسه ..!
فوقني من سرحاني صوت عمر اللي كان قاعد جنبي في الصالون عند جدو ورنيم واقفة قدامي بتبصلي بأستغراب.
أتنهدت وأنا بقوله _ مش عارفه دماغي فيها كذا حاجه في بعض ..!
رد جدو عبد الرحمن بهدوء_ متفكريش كتير خلاص كدا الحكاية كلها بقت واضحة قدامك ..!
_مش قادرة أصدق ياجدو أنهم عاشوا دا لوحدهم وأنا معرفش بيه ليه مشاركونيش..!
أبتسمت تيته وهو بتقولي_ هما الأهل كدا عندهم أستعداد يشيلوا هم الدنيا كله بس عيالهم ميحسوش بحاجه لما تبقي أم هتفهمي أحساسهم ..