سكريبت رنيم بقلم ريم خالد

بسرعة عشان متأخدش برد ..!
بدأت تختفي عن عيني وأنا دموعي بتنزل لفتلي قبل ما تدخل وهي مش شيفاني بس أبتسمت بصيت علي الدار نظره أخيرة قبل ما أديله ضهري وأنا بمشي ودموعي مغرقه وشي..
تاني يوم الصبح وصلت للمطعم اللي هشتغل فيه كنت تعبانة جدا بس حاولت أتجاهل التعب دا أول دخلت لقيت صاحبة المكان قدامي قربت مني بأبتسامة هادية وهي بتقولي بحنية.
_أطمنتي علي أختك ..!
هزيت رأسي وأنا ببصلها بتعب أبتسمت وهي بتمسك أيدي وبتشدني علي الأوضة اللي موجوده في المكان أول ما دخلت أديتني لبس بيتي مريح ..
_ يلا غيري هدومك علي ما أجبلك حاجه تأكليها ..
_ مش عايزة أتعبك..
ردت بأبتسامة_ مفيش تعب يابنتي علي ما تغيري أكون جبتلك الأكل..
مشت من قدامي قبل ما أرد عليها قعدت علي السرير وأنا بأخد نفس عميق بصيت علي الأوضة كانت صغيرة بس دافية وفيها أمان حسيت بيه غيرت هدومي وقعدت وأنا بفكر في رنيم قطعت تفكيري وهي بتدخل بالأكل
_بعد ما تأكلي نامي شويه ريحي جسمك ..
_لا أنا هقوم أشتغل ..
_ لا مش أنهارده أبداي من بكره تكوني بقيتي كويسه ..
رديت بأمتنان_ شكرا أوي ..
_ أنا أسمي أيمان تقدري تقوليلي مدام أيمان..
أبتسمت بأرهاق_وأنا ريم ..
طبطبت عليا بحنية وهي بتخرج أكلت وبعدها حطيت رأسي علي المخده لأول مره من يومين نمت كتير مش عارفه قد أي بس نمت لدرجة أني محستش بنفسي غير ومدام إيمان بتصحيني أول ما فتحت عيني لقيتها بتقولي بلهفة..
_ أنتي كويسه ..!
أتنفضت من علي السرير وهي بتبصلي بأستغراب ..
_ بقالي قد اي نايمة ..
_ أنتي بقالك أكتر من عشرين ساعة نايمة ..!
رديت بإحراج_ أنا اسفة من الإرهاق والله ..
ردت بحنية_ لا محصلش حاجه أنا بس قلقت عليكي يلا قومي غيري هدومك عشان نفطر مع بعض قبل ما نبدأ شغل ..
هزيت رأسي بهدوء غيرت هدومي وطلعت لقيتها قاعده علي ترابيزة والأكل قدامها قربت منها وأنا بقعد علي الكرسي اللي قصادها بدأنا نأكل وهي بتشرحلي تفاصيل الشغل خلصنا أكل ودخلنا المطبخ وبدأ الناس تيجي هي اللي بتجهز الأكل وشاب صغير بيقدمه وأنا واقفة جنبها بغسل الأطباق الموجوده سألتني فجأة لما شافتني سرحانه ..
_اي حكايتك يا ريم ..!
بصيتلها وأنا بضحك بسخرية ..
_ حكايتي مش مفهومه ..!
_ أحكي يمكن نفهمها مع بعض ..!
أتنهدت وأنا بقولها بحزن
_ أنا من عيلة متوسطة الحال ماما وبابا موظفين كنت عايشة حياتي زي أي بنت عادية وكل اللي بطلبه مجاب وعمرهم ما قصروا معايا في حاجه مكنش ليا غيرهم كانوا كل حياتي..
سكت وأنا ببتسم بحزن كملت كلامي بتوهان..
_بس كل دا أتقلب في لحظة بعد ما ماما وبابا أتوفوا في حاډثة عربية من يومها وأنا مش عارفه أقف علي رجلي لقيت نفسي أتحشرت في مشاكل لدرجة أني مأخدتش وقتي أزعل عليهم مكنش ليا حد لا عم بيسأل ولا خال بيجي اليوم الوحيد اللي شوفتهم فيه كان يوم العزا ولو مكنش شكلهم قدام الناس مكنوش هيجوا أصلا..
طبطبت عليا بحزن وهي بتقولي ..
_هما اللي طلعوكي من البيت ..!
رديت بسخرية_ لا ملحقوش يطلعوني منه ..
بصيت بعيد وأنا بفتكر اللي حصل ..
_ قرض أي ..
_ والد حضرتك كان واخد قرض بضمان البيت وكان البنك لازم يبلغك لما عرفوا بۏفاته ..
_ حضرتك متأكد من الكلام دا ..
مدلي أيده بورق بيثبت كلامه كمل كلامه بجدية ..
_ وللأسف