سكريبت رنيم بقلم ريم خالد

أحنا هنبقي مضطرين نحجز علي البيت لو متسددش المبلغ في الوقت المحدد بعتذر لحضرتك ..
رديت بأنفعال_ولما أنتوا تحجزوا علي البيت أنا أروح فين ..!
رد بأسف_ أسف يا آنسه مش هقدر أعملك حاجه دا القانون ..!
سألته بترقب_طيب والقرض دا بكام ..
رد بتوتر _100 ألف جنيه.
حطيت أيدي علي بوقي من الصدمه والدنيا بتلف بيا بتوهان ..
_ ولحد دلوقتي مش عارفه الفلوس دي فين ..
_ يعني مامتك وبابكي محدش فيهم أتكلم معاكي عليهم .!
هزيت رأسي بنفي كملت كلامي وأنا بغسل الأطباق ..
_ لما روحت لعمي وحكيتله قالي هو ملوش دعوه ومشغلش باله بمشاكلي أنا وأختي وأنه بقاله سنين مقاطعنا لولا كلام الناس مكنش جه العزا أصلا.
شهقت مدام إيمان پصدمة وهي بتسيب اللي في أيديها وبتبصلي كملت كلامي وأنا بضحك بسخرية ..
_ لما روحت لخالي بقا رسم علي وشه الشفقة هو ومراته وأخدها علي الأوضة وطلعلي أداني ألف جنيه في أيدي وهو بيقولي خدي الفلوس دي خليها معاكي ومتجليش تاني عشان مش هيشيل مشاكلي ومشاكلك .
خلصت كلام وأنا بسند علي الحوض وبغمض عيني بحزن ..
_ وبعد شهر مقدرتش أعرف مكان الفلوس ولا حتي عرفت أجمعهم وأتحجز علي البيت وأتباع في المزاد وهما عرفوا ومحدش فيهم سأل ..!
خلصت كلامي وبصيت لمدام إيمان لقيتها بتبصلي بحزن ..
_ يابنتي دا محدش فيهم طبطب عليكي حتي ولا طمنك بكلمة أي الجبروت بتاعهم دا .!
رديت بسخرية حزينة_أنا مكنتش مستنية منهم حاجه أنا كنت بس عايزه أحس بالأمان وأن ليا سند محدش فيهم قالي كلمة بيتنا مفتوحلك حتي لو عزومه .! دول جيراني اللي مش من دمي قالوها بصدق ..!
قربت مني وهي بتطبطب عليا بحزن ..
_ أي حد عنده ذرة إنسانية هيأخدك في حضنه ويطمنك مش لازم من دمك ساعات الناس الغريبه بيبقوا أحن بكتير ..
أبتسمتلها بهدوء وهي بتطبطب علي خدي بحنية ..
_ لعله خير يابنتي متزعليش ربنا يعوض عليكي ..
رديت بحزن_ خير ..!
_طبعا خير كل اللي بيجيبه ربنا خير ..!
هزيت رأسي وأنا بتنهد كملت غسل الأطباق وبدأت مدام إيمان تحكيلي عن حياتها وأنها ورثت المطعم دا من جوزها وأن معندهاش أولاد خلصت كلامها وقالتلي في الآخر..
_أعتبريني زي والدتك بقا ..
_ أكيد دا يشرفني ..
أبتسمت وهي بتطبطب علي كتفي في الفترة دي قربنا من بعض جدا ومحستش بالغربه معاها بالعكس كانت حنينه أوي وحسيت بالأمان معاها ..
عدى شهر ونص كنت عماله بحوش عشان أخد شقة وأجيب أختي بدأت حياتي تستقر نوعا ما كنت بروح أطمن رنيم من بعيد وأشوفها وهي مندمجة مع الأطفال وأرتحت أنها أخدت علي المكان اشتريتلها عروسة من اللي هي بتحبهم والمره دي كنت ناوية أدخل أشوفها وأطمن عليها دخلت الدار كنت عماله بدور عليها وسط الأطفال بس مكنتش موجوده..
_ بدوري علي طفل معين ..
لفيت للي بتتكلم جنبي قولتلها بلهفة ..
_ أيوه كان في بنت أسمها رنيم هي حوالي ست سنين كدا ..!
ردت بفرحة_ أيوه رنيم عرفاها هي الحمدلله ياحببتي في عيلة كويسة جدا أتبنتها وراحت معاهم أنهارده الصبح ..
حسيت الدنيا بدأت تلف بيا وأنا ببص عليها حاولت أتحكم في اعصابي وأنا بقولها..
_ أزاي ..
بصيتلي بأستغراب حاولت أفوق من صدمتي وأنا بقولها بهدوء مش حاسه بيه ..
_أقدر أشوف مديرة الدار..
هزت رأسها وهي بتقولي _ أتفضلي..
كنت ماشية وراها وأنا ببص في وشوش الأطفال علي أمل أني