سكريبت رنيم بقلم ريم خالد

اللي مخليني مش علي بعضي ..!
_ريم أنتي قلقك زيادة شويه وياستي عشان متبقيش قلقانة ليكي ساعتين تروحي تشوفي أختك فيهم وتطمني عليها راضية ياستي .
ضحكت وأنا بقولها_ راضية جدا ..
قولتها ورميت نفسي في حضنها وهي بتطبطب عليا بحنية وبتضحك.
بعد أسبوع قاعدة مع رنيم في أوضتها وهي بتحكيلي عن مدرستها الجديدة وقد أي هي فرحانه بيها ..
_ أهم حاجه متعمليش شقاوة في المدرسة ..!
_ لا مش بعمل أي شقاوة والمس بتاعتي بتحبني كتير ..!
روحت شيلتها علي رجلي وأنا بزغزغها وهي بتضحك سألتها بعد ما وقفت ضحك..
_مرتاحة هنا يا رنيم ..!
_ أوي أوي وأنا بحب تيته وجدو وهما كمان ..
نزلت من رجلي وهي بتجري تجيب التاب بتاعها وبتقولي بفرحة ..
_ وكمان عمر صاحبي بحبه أوي ..
رفعت التاب ليا وهي بتوريني صورة ليها هي وعمر وهما بيضحكوا حسيت بغيرة خفيفة بس سألتها بهدوء
_ وعمر دا كويس يا رنيم .!
_ ايوه خالص بيلعب معايا هو وتيته حياة كتير في الجنينه .!
سألتها براحه_ مش بيطلع أوضتك خالص ..!
ردت بحيرة _ لأ بيطلع بس مع تيته حياه ..
أتنفست براحة وأنا ببصلها قربت مني وهي بتبوس خدي وتقولي بحب ..
_ بس بحبك أنتي أكتر منهم ..
ضحكتلها بفرحة وأنا بأخدها في حضڼي قاطع كلامنا صوت خبط علي الباب فتح الباب وكان عمر دخل وهو بيبص عليا أنا ورنيم اللي جرت عليه وهي بتقوله بفرحة ..
_عموري ..
برقت پصدمه وأنا بقول_ عموري ..!
شالها من علي الأرض وهو بيضحكلها حضنته جامد وهي بتقوله بعتاب ..
_ بقالي أتنين يوم مش بشوفك ليه ..
_ معلش ياروح عموري كان ورايا شغل ..!
_ روح عموري ..!
تخطاني وهو بيقعد علي الكرسي اللي قصادي ورنيم علي رجله وبتحكيله بلهفة علي مدرستها الجديدة وهو بيسمعها بأهتمام قالها بضحك ..
_ مين أشطر كتاكيت ..!
ضحكت وهي بترد بحماس_ رنيم وعموري ..
قولتلها بتحذير _ رنيم أيه عموري دي عيب ..!
بصلي وهو بيقولي بأستفزاز ..
_ لو سمحتي متتدخليش ما بين الأخ وأخته ..!
صړخت بغيظ وأنا بأخد شنتطي وبحدفها عليه ..
_متبقاش مستفز بقا ..!
ضحك هو ورنيم مسك الشنطة وحدفها عليا وهو بيقولي ..
_ وأنتي متبقيش معقدة ..!
_ أنا مش معقدة يا رخم ..!
نزل رنيم من علي رجله وهو بيقف قدامي وبيقولي .
_ خلاص عشان لا أنا أبقي مستفز ولا أنتي تبقي معقدة نتعرف من جديد ..
عدل لبسه وهو بيمد أيده وبيقولي بأبتسامة ..
_ معاكي المستفز عمر الدهبي ..
ضحكت وأنا بعدل لبسي وبقوله بأبتسامة ..
_ ريم..
ميلت علي ودنه وأنا بقوله بضحك ..
_ المعقدة ..
ضحكنا أحنا الأتنين بصينا علي رنيم كانت مشغولة بالعروسة بتاعتها بصلي تاني وهو بيقولي بضحك..
_ رنيم كلها أنتي بس علي صغير ..!
ضحكت وأنا بهز رأسي وبقوله بحب ..
_رنيم بنتي مش أختي .
سكتنا شويه بعدها أتكلم وهو بيقولي بهدوء
_ بابا قالي كل حاجه حصلت معاكي ..
بصيتله بتوتر وسكت كمل كلامه وهو بيقولي ..
_ الشيله كانت تقيلة عليكي معلش بس أنتي قدرتي عليها ..
رديت بسخرية_ مقدرتش أنا أتكسرت من تقلها ..!
_ بالعكس اللي يخليكي لسه واقفة علي رجليكي ولسه بتحاولي يثبت أنك متكسرتيش ... يمكن وقعتي بس وقفتي تاني ومكملة ..
ضحك بخجل وأنا بقوله ..
_ مش عارفه أققولك أي بس كلامك حلو ..!
_كلام مش حلو كلامي حقيقي ..!
قولتله بضحك _ باين عليا