سكريبت رنيم بقلم ريم خالد

_أنتي هتمشي وتسيبيني ..
ميلت عليها وأنا بمسح دموعها..
_ مټخافيش المكان هنا جميل ومحدش هيزعلك ..
_ بس أنا عايزه أفضل معاكي أنتي ..!
_ هسيبك شويه صغيرين لحد ما أجيب شقة جميلة لينا ..
ردت بعياط_ خليني معاكي وأنا مش هزعلك والله..
_هأخدك تاني والله ..!
_ لا أنتي هتسيبيني زي ماما وبابا .!
عيطتت وهو بتمسك فيا جامد أخدتها في حضڼي وأنا بتنهد بتعب بصيت علي دار الرعاية اللي أحنا واقفين قدامه وصوت عياطها مالي المكان وهي ماسكه فيا..
_ رنيم متعيطيش ..
رفعت وشها ليا وهي بتقولي بترقب ودموع..
_ خديني معاكي ..!
أتنهدت بعمق وأنا بمسك أيديها وبمشي بعيد عن الدار وهي ماسكه في أيدي پخوف فضلنا ماشيين كتير في الشوارع والدنيا بقت ليل كونا تعبنا من المشي قعدت علي رصيف ورنيم جنبي غمضت عيني جامد وأنا بفكر لحد ما قطعت تفكيري صوتها وهي بتقولي بكسوف..
_ ريم أنا جعانة ..!
أخدت نفس عميق وأنا بقولها _ حاضر ..
سيبتها علي الرصيف وأنا بقوم بروح عند أقرب مطعم قدامي قبل ما أدخل طلعت الفلوس اللي في جيبي كانوا عشرين جنيه أتنهدت وأنا بدخل ..
_ لو سمحت الساندوتش هنا بكام ..
_ بيبدأ من خمسة وعشرين يا أنسه ..
قولتله بخجل_هو أنا مش معايا غير عشرين جنيه ينفع ..!
بص للشاب اللي واقف جنبه وهما بيضحكوا بأستهزاء..
_ لا مينفعش..
قولته برجاء _ أختي جعانة ومش معايا غيرهم بالله عليك ..
بصلي بزهق وهو بيمد أيده يأخد العشرين جنيه بعد دقيقة كان بيديني ساندوتش صغير ..
_أي دا ..
_اي ساندوتش علي قد فلوسك ..
_ دا علي قد فلوسي أنا مدياك عشرين جنيه ..!
سحب من أيدي الساندونش وهو بيرمي العشرين جنيه في وشي وبيقولي بسخرية.
_طيب يلا يا أختي خدي العشرين جنيه بتاعتك وأمشي..
بصيت حواليا كان دا تقريبا أكتر مطعم رخيص من وسط الموجودين كلهم مديت أيدي بالفلوس تاني وأنا بقوله..
_ طيب خلاص هاته وخد الفلوس ..
_ لأ خلاص شطبنا خساره فيكي ..
رديت بأنفعال_ أتقي الله بقولك طفلة جعانة ..!
مسكني من أيدي جامد وهو بيزقني برا المحل وبيقفل الباب في وشي وقفت أبص حواليا والناس اللي بتبصلي بأستغراب أتحركت من مكاني وأنا بدخل أي مطعم قدامي منهم اللي بيبصلي بشفقة واللي يبصلي بأستحقار لحد ما قدرت أشتري ساندوتش ودفعت آخر عشرين جنيه معايا قربت من رنيم وأنا بقولها بتعب..
_ معلش اتأخرت عليكي..
نطت من مكانها أخدت الساندوتش وقعدت تأكل بهدوء قعدت جنبها وأنا بغمض عيني حسيت بكف أيديها وهو بيتحط علي كتفي كانت ماده أيديها بنص الساندوتش اللي معاها وبتقولي بأبتسامة .
_ كلي معايا ..
طبطبت علي خدها وأنا بقولها بأبتسامة..
_ أنا مش جعانة ياحببتي كلي أنتي ..
_ بس أنتي مكلتيش خالص ..!
أبتسمت بهدوء وأنا بطبطب عليها ومردتش رجعت هي أكلت تاني وهي كل شويه تبصلي وتضحك ببراءة..
_ ريم هو أحنا مش هنروح بيتنا تاني ..!
رديت بحزن_ لأ يا رنيم ..
_ طيب هو مين الناس اللي أخدوه مننا دول ..
قولتلها بتعب_ ناس وحشة يا رنيم لما تكبري هتفهمي ..
هزت رأسها بحيرة وكملت أكلها لحد ما خلصت وحطت دماغها علي رجلي عشان تنام راحت في النوم من التعب وأنا ببصلها بحسره رفعت وشي للسما ودموعي بتنزل بتعب..
تاني يوم الصبح فضلت أنا ورنيم ماشين بندور علي شغل ليا لحد ما وقفت رنيم وهي بټعيط من التعب ..
_ أنا رجلي وجعتني أوي ..
_معلش خلاص قربنا