مفاتن والشيخ عمار بقلم ريناد يوسف

لإصولها يافاتن.. ودلوك ينفع اشوف ابوكي ولا لساه نايم اعاودله وكت تاني
له وكت تاني ايه مينفعش اكيد تدخل البيت قدام ناس البلد وفعز النهار هيركبك العاړ كيف كل اللي عيدخلوه.. ابوي صاحي ولساه مصلي الفجر.. تعالا ياشيخ تشرف وتنور وتبارك ارض بيتي.
دخلت وهي مش مصدقه اللي عيجرا النهارده ديه ودخل عمار وراها وراحوا علي أوضة فتحي ودخلت فاتن وقالت لابوها
ابوي فيه واحد عايز يقابلك.
واحد واحد مين
إمام الجامع عمار.
الشيخ ابو حس حلو
إيوه هو يابوي.
خليه يدخل يابتي يامراحب بيه قوليله تعالى.
احمم السلام عليكم ورحمة الله وبركاته.
وعليكم السلام ورحمة الله ياشيخ اتفضل.
اني جاي النهارده اطمن عليك وعلى احوالك ياعم فتحي.. سمعت عنك سمع خير وحبيت اني اشوفك بنفسي واقولك حاجه.. صدقني الجنة تستحق.. تستحق كل تلك الخسائر التي خسرتها إنت عملت خير ياعمي والخير عند ربنا معيروحش.. ولو على بتك واللي جرالها متحزنش ديه إختبار من رب العالمين.
له ياشيخ ديه بلاءوبلاء كبير قووي.
. ماهو البلاء إختبار ربك عيختبر بيه صبرك وكل ماكان البلاء شديد عيكون اجره اكبر وأعظم.
والله ياشيخ لله في شئونه حكم وإني سلمت لله وفوضتله امري وماعدش حيلتي غير قولة حسبي الله ونعم الوكيل فاللي كان السبب.
ايوه ياعمي كلمة حسبي الله كافيه ووافيه.. ودلوك اني دايس عتبة بيتك وجايلك في الخير.. جاي اردلك اللي عيملته لوجه الله فيوم من ليام.. اني النهارده جاي طالب يد بتك فاتن على كتاب الله وسنة رسولة.. جاي اعفها واعاودها من الطريق العفش اللي ماشيه فيه ديه.
فتحي پغضب..
إيوه بس اني مش موافق ياشيخ عمار.. مش موافق واتفضل اطلع من بيتي في
التو واللحظه ومتعاودش إهنه تاني.
يتببع
مفاتن والشيخ عمار ٥
الشيخ عمار بإستغراب!
وه ليه إكده ياعم فتحي داني جاي قاصد الخير والستر جاي امدلك يدي بالمحبه وامدها لبتك!
إيوه هتمدهالنا إحنا بالمساعدة بس هتلمها بالخړاب اللي هيحل عليك هتلمها بشتات امرك ودمار بيتك وحياتك.. مش ساهله ياشيخ انك تتجوز غازيه ومش ساهله إنك تآمن وحده خاينه على بيتك وإسمك وشرفك.
غريبه ياعم فتحي إن انت اللي تقول الكلام ديه والمعنيه بالستر بتك
بتي بس ضاعت وراحت في سكة اللي يروح.. بتي بس حياتها اټدمرت انما إنت ياولدي لسه حياتك زينه وتستاهل الاحسن والأنضف.
طيب هسألك سؤال وعلى حسب إجابته هرد عليك.. بتك فاتن معتاجيش فجوف الليل مرات وتسمعها تبكي معتقعدش جارك وتشوف الندم فعيونها وبصتها ليك حتى لو لسانها منطقشي
هي لو عالبكا فجوف الليل فهي كل ليله بعد مالكل ينام عتختلي بروحها ومسمعش غير حس نهنهتها وبكاها المكتوم وهمس مفهمش منيه حاجه.. ولو على عنيها فمرات كتيره اشوفهم يفيضوا بالدمع وهي عتوكلني ولا تشربني أو وهي قاعده قبالي تبصلي وساكته.
طيب بعد الحديت ديه اسمحلي اقولك إن ضمير بتك لساه مماتش وبذرة الخير لساها جواها ولسه مضغتها نضيفه متلوثتش بالكامل.. البكا ومناجاة ربنا بالليل خير دليل على الإقرار بالذنب والنيه في التوبه والإصلاح موجودة.. بس هي محتاجه حد ياخد بيدها ويقويها.. وإسمحلي الحد ديه يكون اني ياعمي.
قولتلك له ياولدي مهينفعشي.
ليه يابا مينفعشي ليه تقفل فوشي باب ربنا فتحولي وطاقة اعدي بيها من الڼار للنعيم من غير حتى ماترجعلي ولا تشورني.. ليه يابا مستخسر فيا عيشة جديدة ونضيفه
اني مش مستخسر فيكي حاجه اني كل الحكاية إني خاېف علي فتحي تاني من مهجه تانيه.. خاېف على عمره يضيع على اديكي وانتي اللي شاربه من حوض الغوازي ومتعلمه علي طبعهم وغدرهم والاعيبهم.
حرام عليك يابوي تحكم عليا بالمۏت من بعد ماجاتني فرصه للحياة طيب ايه قولك اني مش هفرط في الفرصة اللي طلبتها من ربنا ليالي طويله وبعتهالي.. وموافقة على جوازي منك ياشيخ عمار ومن الساعة اللي هيقترن فيها إسمي بإسمك له الساعادي كمان.. اوعدك واعاهدك علي التوبه عن كل طريق مشيت فيه وعن كل ذنب ععمله وهصون روحي والازم بيتي واجيب عيال واربيهم احسن ربايه.. هيبقى ابوهم شيخ وأمهم تايبه والتايب عيعاود كيف التوب الجديد اللي محدش لبسه ولا دنسه.
كلام ياولدي كله كلام سمعته قبل منك وصدقته وادي النتيجه قدامك بقيت واحد عاجز لا حول ليه ولا قوة ولا قيمة ولا حتى عازه.
يابوي حرام عليك متقفلش في طريقي وتسد باب توبه ربنا فتحهولي.
سكت فتحي فرد عليها عمار
متقوليش إكده بافاتن عمر مابني آدم يقدر يقفل باب رحمة ربنا فتحه استغفري ربك واوبقي حاسبي علي كلامك من إهنه ورايح لأن لا يلفظ من قول إلا وعليه رقيب عتيد.
حاضر ياشيخ عمار إستغفر الله العلى العظيم.
ههملكم دلوك وهعتبر إنك وافقت على طلبي ياعم فتحي وانك باركت الجوازة وهعاودلكم بأمي على بعد المغرب عشان تطلب فاتن رسمي كيفعا كيف أي بنيه عياجوها خطاب.
بص عمار حواليه وشاف البيت نضيف متنقصهوش نضافه لكنه لما بصلها ولقاها بصت للأرض فهم. انها عايزه تنضفه من ۏسخ تاني غير ۏسخ التراب والغبار.
اتبسم عمار برضى وطلع من البيت وهمل فتحي حاسس بمشاعر مخلوطة مابين فرحته بستر بته ومابين خوفه من غدرها وطبعها اللي معارفش ممكن يوديها ويودي عمار المسكين فين.. مع ان فاتن لغاية قبل ماتظهر مهجة فحياتها عمر الغدر ماكان من طبعها وكانت احسن بت في الدنيا لكن اكيد الطبع اتغير مع تغيير الاخلاق وغسيل العقل.
أما فاتن فبعد ماطلع الشيخ عمار وقفت في نص البيت وزعقت بعلو حسها
روايح ياروايح.. تعالي إهنه قوااام.
روايح فزت من النوم وجاتلها جري
خير ياست جرا ايه عتزعقي ليه إكده وتصيحي من قبل مايفيق الزرزور
عزعق من فرحتي ياروايح.. عارفه مين كان إهنه دلوك الشيخ عمار ياروايح إمام الجامع الشيخ عمار اللي ياما اتمنيته جه لحد باب بيتي وطلب يدي وعايز يتجوزني فى الحلال. دعوتي ربنا استجابها واتاري لسه فيه بيني وبين ربنا عمار وعيسمع دعوتي حتى بعد كل الذنوب اللي عيملتها وعصياني ليه واتري صوح باب التوبه عمره ماعيتقل ولو كانت الذنوب كيف الجبال.
صوح ياست فاتن طب والله فرحتلك من كل قلبي الحمد إن ربنا اخيرا هيتوب عليكي والله وحق الصبح الجديد اني كل يوم ادعيلك بالهداية وإن ربنا يبعتلك حد زين ينور بصيرتك ويهدي قلبك والحمد لله ربك استجاب ليا وليكي.. انتي زينه قوي ياست فاتن وقلبك طيب وطول عمري اقول انك خسارتك في السكه اللي انتي ماشيه فيها داي.
الف الحمد لله ياروايح.. يلا يلاهمي نضفي البيت من قزايز المدعوق اللي فيه وارمي كل حاجه عفشه وكسري الشيشه وخربي ركن
المزاج.. نزلي الستاير الحمره العفشه داي وافتحي الشبابيك وخلى هوا ربنا النضيف يدخل ويطهر البيت من اللي فيه.. ارمي الدربوكات والدفوف وكسري شرايط الاغاني ومعايزاش لا مره ولا راجل من النهاردة رجله تخطي البيت.. والبنات صحيهملي هديهم فلوس واقولهم يروحو يشوفولهم شغلانه نضيفه ياكلو منها عيش.. وزيعي في الناحية إن فاتن خلاص معادش ليها فسكة المشي البطال وتابت وتاب عليها ربنا.
اتحركت روايح بفرحة تنفذ الاوامر وفاتن جريت على اوضتها قعدت قدام مرايتها وابتدت تمسح وشها من البودره وتشيل الكحل من عينها وعلى ماخلصت بصت لروحها في المرايه وضحكت بفرحة ضحكت وهي واعيه فاتن القديمه البت البريئة بوشها الخالي من أي صبغه واي الوان وحست كأنها عاودت بالزمن لورا سنين.
قامت راحت عالدولاب بتاعها ودورت فيه على حاجه واسعة تلبسها غير الديق المقسم اللي لابساه ديه لكنها ملقتش للأسف.. فقفلته ووقفت تفكر وبعدها راحت على أوضة ابوها دخلت وفتحت الدولاب وطلعت جلابية من هدوم امها اللي لساه ابوها محتفظ بيهم للنهاردة ورافض إن حد يروح ناحيتهم ولا يتخلص منهم طول السنين اللي فاتت.
راحت على اوضتها جري ولبستها وعاودت اوضة ابوها ووقفت قدامه بيها وفتحي اول مابصلها وشافها شهق وهو مش مصدق عيونه.
كانت نسخة من راضيه أمها واقفه قدامه شكلها وطولها وحتي ضحكتها وسأل روحه كيف ماكانش واخد باله من حاجه كيف داي قبل سابق
أني دلوك بس حسيت إن فاتن بتي رجعتلي دلوك بس حسيت إن الجنيه اللي كانت لابساكي اتحرقت وماټت ورديتي انسيه وعاودتي من عالم الشړ يابتي.
سامحني يابوي.. سامحني عشان ربنا يسامحني ويقبل توبتي.. اني محقوقالك ومحقوقه لروحي.
ربنا يسامحنا جميعا يابتي ودلوك عايز اطلب منك طلب يافاتن.. الشيخ عمار هيخاطر بسمعته واسمه وكل حاجه تعز عالراجل خسارتها عشان يسترك كل الناس هتقفله وبالذات انه امام جامع وقدوه وعايزك يابتي تعينيه على حاله وتخليه يحس انه مخسرش لما اختار يسترك وانه احسن قرار خده.. صونيه وحبيه وحطيه في عيونك عشان صدقيني اللي يعمل العمله اللي هيعملها معاكي داي يستاهل يتصان ويتشال فوق الراس.
ردت عليه فاتن وهي مبتسمه
متخافش يابوي وغلاوتك هحط عمار فعيوني التنين.
ومر يوم والتاني وجات ام عمار مع ولدها لبيت فاتن عشان تخطبها
ياولدي احنا لساتنا عالبر راجع حالك ياعمار دانت من ساعة ماقلت انك هتتجوز فاتن والناس كلت وشي وهياكلو وشك في الرايحه والجايه ياولدي راجع روحك.
خلاص يمه اني عقدت النيه وعزمت واستخرت ربنا
خلاص ياولدي امر الله نافذ وانت حر عاد وعقلك في راسك.
طيب عايز دعوه حلوة يمه ابتدي بيها حياتي.
روح ياولدي ربنا يجعلها ليك خير متاع الدنيا يارب ويجيلك منها الخلف الصالح.
الله يمه عالدعوه داي يارب تتقبل وتتحقق.
بس اعمل حسابك لو جالك الخلف الصالح الناس هتعايرهم بامهم.
فأما من تاب وأصلح يام عمار.
وتخيروا لنطفكم فان العرق دساس ياعمار.
لا إله الا الله.. احنا واقفين قدام باب الناس وديه مش حلو فحقنا. سمي الله وارفعي يمينك ودقي باب السعد لولدك وخليه يتفتح.. داي فاتن يمه اللهم بارك ربنا عاطيها من الجمال اللي مش على بنيه غيرها وتنسيش انتط اللي حببتيني فيها وفتحتي عيوني عليها من حكاويكي ياحجه.. عشان بس تعرفي إن الودن عتعشف كيف العين بالظبط.
سكتت ام عمار قدام فصاحة ولدها كالعادة ودقت باب فتون من سكات.. اصل مين يعني اللي هيقدر لولدها عمار ذو العلم والدين
ودخلو البيت.. وأول ماعمار شاف فاتن في شكلها الجديد وقغ موطرحه وهو متاخد من الفرحة والمفاجئة وقال بهمس مسموع
اللهم صلي وسلم وبارك على اشرف الخلق سبحان من خلق فسوى.. سبحان من وهبك مالم اراه عند سواكي.
اتبسمت فاتن بخجل ودعتهم للدخول لأوضة ابوها وتمت الخطبه ومن بعدها تم الجواز قوام.
في ليلة الډخله بتاعة عمار وفاتن.
عمار
فاتن اني عايز اوصيكي وصية.
واني عايزه اطلب منك انك متوصنيش ياعمار وعايزاك تشوف عمايلي نابعه مني اني عشان متقولش فعقل بالك اني ماشيه على تعليماتك وطايعاك عايزاك تشوف كل اللي هعمله ليك وعشانك محبه وبس حاجه طالعه من قلب فاتن لعمار.
عمار ابتسم ابتسامه واسعه ورد عليها
لكي مااردتي ياذات
الحسن ودلوك همي بينا نبتدى حياتنا بركعتين شكر وتوبه ونطلبوا من ربنا انه يكرمنا فحياتنا الجاية.
وتم الجواز وحست فاتن لأول مره بأنها مش رخيصه وجمالها متهان وهي فأخر الليل عتاخد تمنه قرشين يترموا فحجرها ويمشي اللي كان معاها على داره وام عياله ويبيت فباطها ودمعت عيونها وهي نايمه على دفوا انفاس عمار والنهار عيطلع عليهم من غير مايفز من جارها پخوف ويجري قبل ماحد من الناس يشوفه وهو طالع من بيتها وتخرب سمعته ويتخرب بيته.. داقت طعم الحلال على يده وعرفت بعده قبح الحړام اللي كانت غاطسه فيه.
اتسحبت وقامت من جاره بالهداوه وطلعت اتوضت وسجدت لله تصلي وتبكي تبكي ندم وخوف وفرحة وخجل
تبكي على كرمه ليها اللي متستحقهوش.
فتح عمار عنيه علي حسها وصوت بكاها واتبسم بسعادة لأنه اتوكد إن توبة فاتن نصوحه والدليل دموعها وخۏفها من ربها اللي من غير كدب ولا زيف لانها مفكراه نايم ماسامعهاش.
فقام وقعد وراها واستنى بعد ماسلمت ومدلها يده وقومها وخدها وراح بيها على دنيتهم الحلوة من تاني.
ومرت الايام وعمار عايش مع فاتن اسعد ايام حياته كل يوم يشوف فيها ميزه حلوه اي راجل يتمناها تكون في مرته غير جمال الشكل والمنظر كانت شاطره في الطبخ ونفسها حلو مرتبه ونضيفه ومنظمه هاديه وكلامها موزون وريحتها دايما فواحة بالطيب وكلمة نعم وحاضر ماعتفارقش لسانها وعيونها طول الوكت باصينله وخشمها عيهمس كيف ماتكون عتشكر ربها عليه.
اما ابوها فتحي فسعادته مكانتش تقل عن سعادة عمار وفاتن وهو واعي بته فعصمة راجل ولا كل الرجاله.
ولكن عشان الزين معيدومش ومحدش عيهمل حد فحاله كان عمر سعادة عمار وفاتن قصير واتنغصت حياتهم واتعكر صفوها.
مالك بس يافاتن ايه اللي جرالك يابنيتي
معرفاشي يمه حاسه إن حيلي رايح ورجليا مقادراشي اقف عليهم.
تكونيشي حبله يابتي
له يمه محبلاشي.
امال ايه بس طيب خليني اشيع لعمار ياجي يوديكي لحكيمه.
وشيعت ام عمار لولدها وجالهم جري واول ماشاف فاتن واقعه في الارض ومفهاش حيل تقف على رجليها حتى قلبه وقع فرجليه وشالها وطلع بيها قوام عالمستوصف وكشفت عليها الحكيمه والغريبه انها قالتلهم مفهاش اي حاجه وانها سليمه! فعاود بيها تاني وهو محتار من اللي جرالها فجأة وهو فايتها الصبح زينه!
ومرت ليام عليهم وكل يوم فاتن تتعب اكتر ويبان عليها العيا واحتارو فيها الاطبه فما كان من عمار الا انه يشك فأنها معمولها سحر أو مأذيه بفعل فاعل فابتدا يعالجها بالقرآن وبالفعل اتوكد من شكه لما بدات مع الرقية والقرايه تظهر عليها كل علامات السحر وبدأ معاها رحلة علاج كانت صعبة على الكل مش على فاتن بس.
واثناء علاجه ليها قدر يعرف ان مرت ابوها مهجه هي اللي مسويالها السحر مهجه اللي من ساعة مافاتن اتوكدت انها هي ورا اللي جرا لامها وانها موتتها باعمالها واسحارها وشافت معاها خاتمها وحلقها وهي اتحولت عليها وبدال المحبه اتحولت لكره وقدرت بجبروت الڠضب تخرج بره دايرة سيطرتها بالسحر وحاربتها بنفس سلاحھا.. عملتلها سحر بنفس الأذي ونفس المصير اللي حكمت بيه على امها. لكن عشان مهجه تعرف كل دهاليز المكر قدرت تكشف الموضوع وتتعالج وتداوي روحها قبل فوات الأوان.
ولكن حرب فاتن عليها موقفتش وكانتلها ند بند وقدرت تغلبها كمان عشان الاستاذ دايما يقدر يتغلب علي استاذه لانه عيبدأ من الموطرح اللي وقف فيه الاستاذ.
ولما مهجه مقدرتش علي فاتن اتطلقت من فتحي ونفدت بعمرها من سطوة جبروت فاتن اللي علمتها الفرعنه وكانت هي من ضمن اللي اتفرعنت عليهم.
بس مشت بعد مابيعت فتحي كل ارضه وحتي الطاحونه فحال لاول لما كان مسبي وراها بالسحر وعيونه معميه هو وفاتن سوا.
ومن يومها ومهجه عتتطقس وتعرف كل اخبار فاتن ومتابعاها ومرقدالها لأذي كبير لكنها متحملتش تشوفها عتهمل العالم اللي جرتها ليه وترجع تاني لعالمها النضيف فقررت انها تموتها عشان متوبقاش احسن منها.
اتعالجت فاتن على يد جوزها عمار وقرر بعدها انه يبيع بيته وبيت فاتن وياخدهم ويرحلوا من البلد خالص.. يروحوا بلد محدش يعرفهم فيها ولا يعرف عنهم شي.
وابتدوا حياة جديدة كل سعادة ومحبه وفرح وربنا رزق عمار من فاتن بولدين سماهم الحسن والحسين.
اما فتحي فحالته اتحسنت كتير لدرجة ان العافيه ردت فيه وقدر يعفص على رجليه ويقوم ويمشي وكل ديه ببركة القرآن وطهارة الشيخ عمار وقلبه النضيف ودخوله حياتهم في الوكت المناسب.
واللي علمهم وعلم الكل إن وكت التوبه مش هيفوت واصل وإن ربنا غفور رحيم ولازمن البنى آدم ياخد من صفة الغفران اللي يخليه يلتمس الاعذار للناس ويسامحهم وميجلدهمش للدرجة اللي تخليهم يتمادوا في الغلط.
وعشان كل قلب نضيف وله أجره عاللي عيكنه للناس عمار ربنا رزقه من وسع وخد توكيل مصنع اجهزه كهربائية بجانب شغلته إمام في الجامع وبقى من اعيان بلدهم الجديده.
امه اتجوزها فتحي لجل عيشتهم فبيت واحد تكون حلال ومفيش عليهم حرج من قعادهم مع بعض وداي كانت فكرة عمار اللي يعرف الشرع قبل الاصول وعمره ماعمل لحديت الناس حساب مادام اللي هيعمله مش عيخالف شرع ربنا.
وزي ماعمار وفاتن خدوا من الفرحة نصيبهم مهجه هي كمان خدت من الاذى نصيبها.
وراح الجمال اللي عصت بيه ربها واللي سحبه منها صاحبه فثانيه وخلاها تقعد فبيتها ذليله تستني العطف والاحسان من الناس وتاكل لقمتها من الشحاته من بعد ماخسرت كل اللط حيلتها على علاجها وكل اللي كانوا حواليها عشان جمالها هجروها لما جمالها راح.
وداي كانت قصة الشيخ عمار وفاتن او خلينا نقولو مفاتن اللي اتغيرت ٣٦٠ درجة بفضل الحب وبفضل يد اتمدتلها بالخير.. جربوا تمدوا يدكم بالخير للناس وخلوا مابينكم الف عمار بدال
ماتكونوا جلادين وحكام وقضاة تشوفوا الغلط ومتحاولوش تغيروه.
تمت..