مفاتن والشيخ عمار بقلم ريناد يوسف

يهديكي وتجمليها مع الراجل اللي مشفناش منيه غير كل خير ومتعضيش اليد الوحيده اللي اتمدتلنا ربنا يهديكي يابنيتي مفيش فيدي غير الدعا ليكي عشان اني معقدرش عليكي.
تاني يوم الضهر..سمعت فاتن خبط على باب بيتهم وقامت وهي ماسكه راسها المصدعه من سهر عشيه وراحر تفتح الباب..
سحر! .. خشي ياسحر تعالي.
له مخاشاش بوي نبه عليا اقولك الكلمتين اللي مشيعني ابوكي اقولهملك من ع الباب وقالي تدخليش حدا الغوازي.. ابوكي عيقولك خدي الخضار ديه واطبخي واكرمي ضيوفك ومتقصريش وأي حاجه تعوزوها ابقي شيعيله مرسال وعيقولك اغرفيله غدا من اللي عملتيه وهاتي هاخدهوله فطريقي واني رايحه اودي غدا ابوي في الغيط.
غدا.. غدا ايه دلوك اللي طبخته اني لساتني فايقه من النوم!
واااه قايمه من النوم بعد الضهر يافاتن وليه إكده امال ناموسيتك كانت كحلي ياك
على العموم اني هروح اودي وكل ابويا واقوله وكل عمي فتحي معاك وانتي وكت ماتطبخي يابرنسيسه اوبقي شيعي غدا ابوكي مع حد.. أو روحي وديهوله انتي يمكن دلوك بطل يمنعك من الطلعه وطلق رجلك.. أصل أحوالكم كلها اتبدلت وكل شي بقا جايز..يلا بخاطرك.
همت تمشي لكن وقفها حس مهجه من ورا الباب
وقفي عندك.
سحر
خير ياغازيه عايزه ايه
خدي ياحلوة ديه غدا فتحي.. اديهوله وقوليله مهجه صاحيه من الفجر تطبخلك وتنفخلك وعتقولك بألف هنا وموطرح مايسري يمري.
ايه الريحه الحلوه داي طابخاله اي امال
ليكيش صالح انتي وصلي الوكل وخلاص ولعلمك ابوكي هيرمي وكلك وياكل مع فتحي عشان لو مۏتي انتي وامك مهتوصلوش لطبيخ مهجه ولا نفسها في الوكل واديكي شامه بنفسك والريحه لحالها رجفت بطنك رجف.
وه! مالك إكده ياغازيه انتي عتحدتيني إكده ليه!
تكونيش عاكشاني عسرق من غيط ابوكي ولا اي هاتي يختي الوكل اللي فرحانه بيه ديه وهو كلو وكل واخرته وحده.. وانتي يافاتن خلي بالك على روحك وشيعي لامك
تعاود لدارها ومتهملهوش للغوازي يسرحوا ويمرحوا ويطبخو وينفخو فيه ويعملوا حالهم صحاب بيوت.
طب غوري من إهنه بدال مااكب الوكل الحامي فوق دماغك اسلقهالك واخليكي ام راس مسلوخه روحي عشان انتي متعرفيش الغوازي وكت ماعيتزرزرو عيعملو فاللي قدامهم ايه.
مشت سحر وهي عتبرطم على مهجه وحديته ا ومن بعد ماغابت عن العين بصت مهجه لفاتن وقالتلها بضحكه
صحي النوم يافاتن ياام المفاتن كل ديه نعس ياست البنته عشان خاطر ساعتين تلاته سهر أمال لو قعدتي للصبح سهرانه تنامي يومين بحالهم ولا ايه
معلهش يامهجه اصلي متعوداشي عالسهر اعذريني.
ياحلاة إسم مهجه طالع من خاشمك ينقط عسل ياعسل انتي.. تعالي يلا ادخلي اتشطفي عبال مااحطلك الفاطور تتريقي.
واااه.. انتي اللي هتحطيلي اني الفاطور.. ديه واجب عليا اني وبعدين حقك عليا عشان اتأخرت في النوم وشغل الدار كله عملتيه لحالك ومساعدتكش.. وهو في الأساس مهمتي اني.
له له ياغزالة البراري متقوليش إكده.. من اليوم وطالع ليكيشي صالح بشغل البيت واصل التنضيف واللذي منه شغل لواحظ والطبيخ والخبيز شغلتي.. وانتي بس تقومي من النوم عالوكل والدلع والراحه كيف البرنسيسات..وكماني جهزيلي حالك عشان شويه والبلانه جايه وجايبه قماشات من اللي قلبك يحبها هختارلك كام حته واشيعلك للخياطه تاجي تاخد مقاساتك وتخيطهملك.
إيوه يامهجه بس ديه كتير عليا قوي الجلع ديه كله اني ممتعوداش عليه داني شغل البيت كله اني اللي ععمله لحالي وامي مهملاني بحجة انها عتعلمني.
له انسي اللي كانت عتعمله معاكي امك وخليكي فاللي هتعمله مهجه معاكي.. اللي زيك يافاتن يام المفاتن ميليقش عليها غير العز والدلع والراحه.
شالله يخليكي ليا يامهجه يارب طيب والهدوم اني حداي كتير والله وامي لسه مفصلالي كام حته جدتد ملبستهمش ملوش لزوم تكلفي روحك.
له ياغزاله.. اللي مفصلاهولك امك ديه تركنيه علي جنب خالص اللي هفصلهولك اني شي تاني.. حاجات تظهر جمالك متداريهوش حاجات تخلي الحجر اللي تخطي عليه ينطق ويقول غيتوني من جمال فاتن.. مش كيف شوالات الخيش اللي عليكي داي.
اما حدا فتحي في الغيط..
عتقول ايه يامنعم.. كيف يعني بيت بجالوس طين من غير بونا ولا متقسم ولا ميه ولا نور ونص قراط يتيم عايز تبيعهولي ب١٥٠ الف ليه قالولك هيشتريه خواجه ولا ايه
له مش خواجه ولا حاجه بس هتشتريه لغوازي ودول الخواجه مياجيش فيهم حاجه فاني يافتحي قولت اللي حداي بيتي ب١٥٠ الف عاجبك خد معاجبكش همل وشوف غيري كان بودي اقولك البيوت كتير بس ياخساره اني خابر أن مفيش غير بيتي في البلد معروض للبيع والباقي كل اللي حداه شبر أرض متبت فيه وممفرطش.
لوي دراع يعني
له بس تفتيح دماغ اصل ياصاحبي الفرصه معتاجيش مرتين واني فرصتي وهستغلها.. هاه قولت ايه لازمك البيت ولا
هملني افكر واقلبها فدماغي وارد عليك بس الاكيد يعني مهاخدهوش.
له هتاخده يافتحي هتاخده وبكره هتاجي تعدلي الفلوس وتقولي مبروك عليك الفلوس واقولك مبروك عليك البيت وتفرح صاحبك ومتوكلهوش للغوازي اللي فلوسهم الحړام كيف الرز معتخلصش.
. مباقوش غوازي وتابوا وطالبين الستر وحرام عليك.. ولو عالفلوس داي فلوس بيتهم القديم اللي عمهم هيديهالهم نايبهم ودلوك لا حيلتهم فلوس غيرهم ولا حتى الرز اللي عتقول عليه حداهم تمنهيعني الشفقه حلوه.
مليش صالح بكل الحديت ديه اني.
ايوه صوح انت مليكش صالح..روح روح اتلقى سماح بتك جايالك بالغدا هناك اهى متخليهاش تدخل في الزرع والكعروب وهاتلي غداي معاك منها.
حاضر رايح اهه...
خد يافتحي غداك افتح وريني مشيعينلك ايه دالريحه خيشت في نغاشيشي.
فتح فتحي عامود الوكل بعد ماقعد على الأرض واول مافتحه الريحه فحفحت اكتر ومنعم قعد وحط الوكل بتاعه جاره وبص فوكل فتحي وقاله
يابوي ايه الريحه داي وايه شكل الوكل اللي يفتح النفس ديه صوح يابوي صدق اللي قال غوازي وكل حاجتهم زينه من وكلهم لشكلهم لرقصهم لفلوسهم.. هات بتاوه هات وقرب الوكل لمي خلينا ناكلوا عيش وملح.. يابوووي عالطعامه داحنا طول عمرنا حريمنا عتوكلنا سم مدوب ومفكرين نفسهم عيطبخوا جاهم الحزن.
اما فتحي فاكل اول لقمه واتبسم من طعم الوكل الزين واللي عمره ماداق زيه قبل سابق كيف ماتكون مهجه طابخاه بمكونات غير اللي الحريم كلها عتطبخ بيها أو حاطه فيه من روحها حاجه مخلياه مختلف وزايد حلا.
خلصوا وكل وقامو على شغل الغيط من تاني وطول الوكت فتحي يودي ويجيب ويحسبها فدماغه ياترى ياخد بيت منعم لمهجه وامها بفلوسه اللي زايده الطاق طاقين ولا يصبر ويدور بعيد عنه يمكن يلاقي حاجه احسن وأرخص مع انه صعب
وفآخر النهار عاود فتحي على دوار العمده وهناك لقى صينية وكل متغطيه ومستنياه والوكل اللي عليها لساه دافي وأول ماقرب منه وشم ريحته عرف طوالي إن مهجه هي اللي مشيعاه من شكله وجمال ريحته فدخل حمام المندره اتشطف وغير خلجاته وطلع وفضل ياكل وبعد ماكمل
عشاه خد المواعين الفاضيه عالصينيه وعاود بيهم لداره يشوف احوال بته اللي محرم عليها الطلعه بره عتبة الدار من خوفه عليها وحرصه إن العيون متتملاش في جمالها.
وقف عالباب ونده بعلو حسه..
فاتن.. يافاتن.
إبتسم اول مااتفتح الباب وكان فاكر إن فاتن هي اللي هتفتحه لكنه اتفاجأ بمهجه وراه وهي اللي عتفتح عرفها من يدها المتحنيه واللي الحنه من يوم ماعرفها معتروحش من اديها وهو عيكره الحنه ومحرمها على مرته لكنه معارفش ليه كان يشوفها فيد مهجه حلوه وملفته وفكر كذا مره يقولها بطلي تتحني لكنه كان يقول اني مالي ديه شي حلال واني مش من حقي اعترض عليه فغض بصره قوام واتنحنح وقالها وهو باصص بعيد
احمم كيفك يامهجه وكيف امك واختك هي فاتن فين أمال نادميها تتلافى مني الصينيه.
ردت عليه بدلع
وليه فاتن اللي تتلافاها ياسيد الناس اني اللي اشيلها فوق راسي وادخلها جوه.
ڠصب عنيه طالت النظره الأولي لأنه من يوم ماعرفها لما حاش عنها اللي كان عيضروبها فنص البلد وقدام كل الناس ووشها كان يشلب ډم ودافع عنها وخد حماها وشرط عليها التوبه نظير الحمايه وإنه يعفها.. وهو من يومها مشافش وشها غير خالي من كل الالوان!
خدت منيه الصينيه ودخلتها وعاودتله قوام وقالتله بنفس الدلع
ماتدخل ياابو فاتن البيت بيتك.
اني حالف يامهجه ويميني معرجعش فيه مش يمين حريم هو.. خشي نادميلي فاتن بس عايزها فكلمتين هي فين اومال
حاضر هنادمها بس قولى فلاول الوكل عجبك ولا ايه مقولتليش واني خاېفه ميكونش عجبك وعتعب عالفاضي.
له عجبني ونص وكلك حلو قوي يامهجه مشالله عليكي.. ولو الوكل مش مليح كنت نهيت على كل اللي عتبعتيه برضك
بألف هنا ياسيد الناس. كنت متوكده إنه هيعجبك عشان الحاجه المعموله بمحبه عتعجب المعموله ليه.
حسها ونبرتها الغريبه وشكلها ربكو فتحي وخلوه معارفش يرد فزعق وقال
فاتن.. يافاتن انتي وين
ضحكت مهجه وهي واعيه حاله اللي اتعتر وحبات العرق اللي اتكونو على جبينه وعيمسحهم بطرف كمه واتوكدت إنها عرفت تدخله من الطريق اللي معيقدرش اي راجل يقفلها فوش اي مره.. طريق الحنيه والدلع والدلال.
ظهرت فاتن من ورا مهجه وردت على ابوها اللي اول ماشافها ابتسامته وسعت ورجعت اختفت قوام وهو عيسألها
مالك يافاتن تحت عيونك أسود كده ليه ووشك المورد خاسس.. عيانه يابوي ولا معتاكليش زين لو زعلانه علي امك ومعتاكليش اوديكي النهارده تشوفيها وتقعدي جارها هبابه واجيبك.. ومټخافيش امك هتعاود تاني للدار بس الجماعه يروحو على بيتهم عشان المشاكل والفضايح يعني مفيش شي اتغير علينا هما بس كام يوم والميه ترجع لمجاريها.
إتبسمت فاتن ومردتش ولا قالتله إن السبب هو السهر وقلة النوم عشان ميعملهاش قضيه ويهد الدنيا على راس مهجه.. أما مهجه فهمست لنفسها وهي باصاله بعد ماخلص كلامه
لو إبليس كان عاود للجنه بعد ماطلع منها يوبقي مرتك هتعاود بيتها تاني يافتحي.. خلاص يابو فاتن مفيش ميه هتعاود لمجاريها.
مفاتن والشيخ عمار ٣
خلص فتحي حديته مع بته وهملها ومشى بعد ماسألها هي ومهجه لو محتاجين حاجه
وقوام راح على عم مهجه منعم اتعرك معاه واستعجله يبيع بيته ويجيبله نايب مهجه وامها وهو ناوي إنه يبعدهم عنه ويطلعهم من بيته فأسرع وكت بعد مادق ناقوس الخطړ جواه وهو طول ماماشي شكل مهجه ودلعها وحسها فودانه وطعم وكلها الحلو لساه على لسانه.. وابتدت المقارنه بينها وبين ومرته وديه شي مش زين واصل.
منعم انت يااا منعم
ايه يافتحي خبر ايه عتزعق ليه بعلو حسك إكده صحيت العيال
مايصحوا العيال وينامو تاني فيها ايه يعني.. المهم.. بكره فلوس الجماعه تكون حداي وديه اخر حديت.
واااه بكره كيف يافتحي مېته لحقت ابيع ولا اشتري ولا اقبض امهلني سبوعين عالقليله عشان اعرف اجيبهملك.
واني قولت بكره يعني بكره.
له دا مش حديت يافتحي إنت إكده عايزني ارمي بيتي رمي بتراب الفلوس وابيعه بيعة دين وديه ميرضيش ربنا.
له يرضي ربنا ومليكش صالح إنت برضى ربنا ياإكده