مفاتن والشيخ عمار بقلم ريناد يوسف

تحط بودره أما باقي الحديت فاكان لغز لفاتن مليهش حل في الوقت الحالي.
بعد هبابه عاود فتحي ومعاه مرته ام فاتن اللي اول مادخلت البيت بصلها وقالها
نورتي بيتك ياام فاتن نورتي يابت الاصول يامحترمه حقك عليا عشان بعت خاطرك واشتريت بيه الرخيص حقك عليا عشان جيت على قلبك ومقدرتش لا غيرتك عليا ولا غيرتك على حرمة بيتك..
بيتك وعاودتيله واوعاكي تطلعي منيه لو مهما حوصول حتي لو اني طلعتك متطلعيش وقولي بيتي ومش ههمله واصل.. ودلوك يلا خشي ونضفي البيت من الدنس اللي فيه وبخريه من ريحة الشيشه والدخان ورجعيه كيف ماكان لاول.
بصت راضيه لبتها وشافت التغيير اللي حصل ليها ورجعت بصت لفتحي وقالتله
تفتكر هقدر ارجع كل حاجه زي ماكانت يافتحي
ايوه يا راضيه تقدري هما مقعدوش في البيت غير تلات ايام وملحقوش يغيرو فيه حاجه.
متهيألك يافتحي اني شايفه إن الغازيه غيرت فبيتي كتير قوي حاسه لا بيتي هينفع يعاود كيف ماكان ولا حتى اللي فيه.. علي كل حال روح انت هات حاجتك اللي فمندرة العمدة وبعدها الكلام يحلو لما تاجي ونقعدوا ونشوفو ايه اللي ينفع يرجع كيف ماكان وايه اللي مهينفعش يابو فاتن.
وفعلا راح فتحي على مندرة العمده وجاب حاجته وهو ومعاود شاف مهجه وأمها واختها قاعدين على جزع نخله في الطريق وعيبكوا والناس ملمومه حواليهم يشوفوا فيه ايه فهملهم ومشى ولا كأنه شايفهم وعاود بيته ودخل واول ماشاف مرته قاعده في البيت رجعله الإطمئنان من تاني وحس إن الامور عادت لطبيعتها مره تانيه وإنه غلط غلطه كبيره قوي مكانش شايف حجمها ولا مصدق كلام الناس وتحذيرهم ليه
وحمد ربنا انه عرف غلطه في الوكت المناسب وقعد وسط بته ومرته يتعشوا وحس إن كل شي رجع لقواعدة
لكنه شاف اول تغيير بعدها بثواني لما خلصوا وكل وام فاتن قالت لفاتن
يلا يافاتن قومي شيلي الوكل واجلي الصحون واعمليلنا الشاي المظبوط من اديكي الحلوين.. اتوحشت شايك قوي يافاتن ومكنتش عارفه اشرب كباية شاي طول مااني فبيت جدك.. اتعودت على شايك يامضروبه.
معلهش يمه اني تعبانه مقدراشي اشيل ولا احط ولا قادره اعمل شاي قومي انتي شيلي الوكل واعملي الشاي واظبطيه كيف ماتحبيه اني داخله انام محدش يصحيني.
كلامها كان صډمه كبيره لابوها وامها وخصوضي إنها اتحدت بطريقه اول مره تتحدت بيها معاهم طريقه فيها نديه وعند وكأنها عتقولهم اني من إهنه ورايح محدش يؤمرني ولا يطلب مني حاجه وداي اول نوبه تجرا من فاتن الهاديه المطيعه اللي معيتسمعش حسها غير بكلمة نعم وحاضر ومن عيوني
ومن غير ماحد يقولها عالحاجه تقوم تعملها من سكات لحالها.
بصت راضيه لفتحي بعد مادخلت فاتن اوضتها وشاف اللوم في عيونها ليه علي عصيان بتها الأول وبداية تمردها على المألوف
وفتحي نكس عيونه للأرض بخجل من شي هو اللي اتسبب فيه من غير قصد.
تاني يوم فاق فتحي علي حس منعم عم مهجه وهو عينادي ويصيح قدام باب بيته ويقول بحسه العالي
قوم يافتحي يلا جبتلك الفلوس والعقود هات يلا مهجه وامها واختها يتنازلولي ويبصمولي واشهد إنت وشيخ البلد عالبيعه وكل حي يروح لحاله.. اني بعت البيت بتراب الفلوس عشان خاطر عندك وجبروتك خسرتني ووكلتني للغوازي ودعيت عليك من قلب محروق إنك تدوق قرصة الغوازي عشان تضروب روحك بالمركوب كل يوم على وقفتك ليهم واهو ربنا استجابلي دعوتي في التو.
طلع فتحي ليه وخده على بيت شيخ البلد وهناك شيع لمهجه وامها واختها لواحظ وتم البيع وبصموا على العقد.. وبعد مامشى عم مهجه وفات الفلوس مع فتحي بص فتحي لمهجه وقالها
خدي فلوسك شيليها معاكي واني حدا وعدي واول ماهلاقي بيت هشيعلك تتفرجي عليه وتدفعي حقه وتشتريه.. هطلع معاكي زين للآخر يامهجه ومش هعاملك بمعاملتك ولا باللي عيملتيه.
قولتلك حقك عليا وغلطه مهتتكررش ديه القلم عيغلط ياسي فتحي واني محقوقالك ومعترفه بغلطي سامح ياطيب داي اول غلطه معتتكتبش حدا الحكومه وربك عيسامح التايب النادم.
واني مش ربنا يامهجه ولا اني الحكومه اني واحد فتحتلك بيتي وأمنتك ونبهتك من حاجه وحده وانتي عميلتيها من غير ماتعمليلي أي حساب ولا تقدير ومن إهنه قطعتي كل حبال الموده والرحمه والعشم اللي عتربطني بيكم ومخلياني واخد حماكم واتبخرت الثقه اللي حطيتها فيكي وكنت واقف قبال الكل بيها.. دانتي ياوليه حتى بتي مسلمتش من اذاكي ولو كنت غفلت عنك هبابه كنتي هتسقيها فحوضك وتعلميها على طبع الغوازي..
روحي يامهجه ربنا يصلح حالك ويهديكي على روحك. اهي تجربه ودرس خدته على يدك يخليني احرص من الناس اكتر واشوف حالي ععمل الخير فمين..دانتي حتى من بجاحتك وقفتي قدامي تتوعديلي عشيه
كان من قهرتي والله وغيظي ياسي فتحي وخلاص
مهزعلش منك وهاخد حديتك على انه حديت زعل وهسامحك واعذرك وياسيدي اني متشكره ليك وممنونالك من إهنه لاخر عمري وجميلك فوق راسي.
وهطلب منيك آخر طلب وكلي عشم فمروتك وعارفاك مش هتردني.. خلي فلوس البيت معاك اني مهقدرشي اخلي مبلغ كيف ديه معاي فبيوت الناس واني مضامناشي حد.
خليهم معاك لغاية ماتتمملي موضوع شړ البيت وتدفعهم للبايع وبعدها كل حي مننا فطريق وميبقاش لينا من بعض غير الذكرى الحلوه والمعروف اللي عمره ماهيتنسي.
سكت فتحي هبابه ومردش لكن ام مهجه خلته حسم أمره لما قالتله
معلهش يابو فاتن عشان خاطر ربنا النوبادي إسمع حديتها وخلي الفلوس معاك متضيعناش وديه كل اللي حيلتنا في الدنيا واديك واعي لو راح نهيموا في الدنيا علي وشنا بلا متوى.
حاضر ياام مهجه عشان خاطرك انتي بس هخلي الفلوس معاي ومن بكره هشوفلكم دار حتي لو في بلد جارنا مش مهم بلدنا اهم حاجه تلاقوا حيطان تلمكم من الشوارع.. ودلوك بالاذن هروح اني.
اذنك معاك ياولدي.
خطي خطوتين وبعدها وقف.. حط يده فجيبه وطلع فلوس عطهالها وقالها
خدي دول ياام مهجه خليهم معاكي هاتو بيهم وكل وشرب ومټخافيش اني متكفل بيكم برضك لحد ماتسكنو مطرحكم وتشوفولكم شغلانه فأي غيط تاكلوا منها لقمتكم بالحلال كيف حريم البلد.
تشكر ياولدي وتسلم وتعيش ربنا يجازيك عننا كل خير ويبارك فعمرك ورزقك وصحتك يارب.
غاب فتحي عن عنيهم ومشى وراه منعم عم مهجه وهي رفعت عنيها من الارض وبصت للفراغ وقالت
بقى اني عايزني اطلع اشتغل في الغيطان يافتحي بقا عايز مهجه ست الحسن تقف في عز الشمس وتشيل الدوده من القطن وتنقى الحشېش من الارض وتعزق وتفلح له دانت عقلك خرف خالص.
والله ماحد عقله خرف غيرك يامهجه عشان الراجل مقالش شي غلط.
اسكتي إنتي يمه ومتحكيش معاي فحاجه خدي بتك لواحظ وعاودو علي دار زنوبه واستنوني هناك واني هقضي مشوار وجايه مش هعوق..
على فين يامهجه شكلك ناويه على مصېبه سوده على راسك وراسنا
تخافيش يمه مفيش مصايب ولا حاجه مفيش غير كل خيررر..هاتي بس الفلوس داي اللي اداهملك فتحي عايزاهم ضروري.
مشيت مهجه ومدت الخطاوي ووقفت عند زاوية شارع واتلفتت شمال ويمين ونادت بحس واطي
وينك رحت وين مش قولتلك استناني إهنه.
فجأة ظهر عمها منعم من الشارع التاني وقالها
مستني اهه ممشيتش رحت بس اشتريت ورقة بفره وجيت طوالي.
طيب طيب.. فهمت زين اللي قولتلك عليه عشيه ولا اعيد من تاني
له فهمت بس مش موافق بحكاية الربع داي ياآخد النص يابلاها.
النص كتير قوي ياعمي وبعدين داي فلوسي يعني.
فلوسك بس اني اللي هسرقها واني اللي هعرض روحي للخطړ وانتي خابره فتحي حدش عيقدر يهوب يمه وإن فلوسك داي لو سرقتها مهتوبقاش فلوسك ولا حاجه اني بس هديكي النص عشان دليتيني علي مداخل البيت ومخارجها وعطيتيني المفتاح وعرفتيني الموطرح اللي عيدس فيه فتحي الحاجه غير إكده كنت خدت الفلوس لحالي ولا طولتلك مليم اوحمر..بس اني مش واطي يامهجه زي حلاتك ومش هعاملك كيف ماكنت تعامليني وتستخسري فيا القرش وتقوليلي روح اشتغل واصرف على روحك وعيالك اني ملياش صالح بيك
مش هشوفك محتاجاني وابص عليكي وممدلكش يدي كيف ماكنتي تعملي.. ياللي كنتي تشربي في اليوم قزازة المدعوق حقها يوكلني اسبوع اني وبناتي ولا فلوسك اللي كنتي تبعشكيها شمال ويمين وعند عمك تلمي يدك وتقولي معييش واجيب من وين.
خلاص ياعمي انت هتنصبلي المحكمه دلوك.. خد النص اللي عايزه وهاتلي النص بس اهم حاجه تخلص الليله معاوزاش الفلوس تبيت في دار فتحي عايزاه يصحى الصبح علي فجعة سړقة الفلوس منيه ويلف حوالين روحه ويفرفط كيف الفروجه المدبوحه
ههههه والله يافتحي وهتدوق قرصة الغوازي كيف ماقولتلك بس احسن عشان جه عليا وموقفش فصفي ربك بالمرصاد عاد ودعوة العبد لله ماعتنزلش الارض.. يلا بخاطرك يابت اخوي اروح اشوف هعمل ايه وأسوي ايه وهجلح على بيت فتحي كيف الليله.
روح ياعمي ربنا معاك واني هكون مستنياك في دار زنوبه ولو عوقت عليا او حبيت تلعب بديلك خلي فمعلومك اني هروح افتن لفتحي عليك واقوله انك انت اللي خدت الفلوس وفتحي مهما حصل وجرا لساه عيصدقني.
مټخافيش يامهجه اني مش خاېن اني خابر زين إن الفلوس داي ممكن تكون سبب مۏتي علي يد فتحي زي ماممكن تكون سبب موتك انتي كمان.. خلاص دباره واتعلقنا فيها اني وانتي يابت اخوي ولو فتحي مسك اولها وعرف واحد مننا حتما ولابد هيوصل لأخرها ويعرف التاني.
مشى منعم عم مهجه وهي بعد مامشى كملت طريقها وراحت على البلد اللي جنب بلدهم وقصدت بيت قديم وبابه مكسر وخبطت كام خبطه واستنت وسمعت حس عيقول
ايوه مين.. انت مين ياللي عالباب
اني ياخاله نفوسه.. اني مهجه بت مهدي.
مهجه الغزيه
ايوه هي بعينها ياخاله.
يامراحب يامراحب.. والله زمان ياوش الخير اشتقنالك
وإشتقنا لفلوسك.. حييي يا اسيادي ودستور اهو جالكم اللي هيجيبلكم البخور..
ادخلي يامهجه وارمي بياضك قبل ماتقولي مرادك.
دستور يااسيادنا السماح من اهل السماح.
ردت عليها نفوسه وهي عتمسك الفلوس وتقلبهم بين اديها
الاسياد عيقولولك اطلبي تجابي يامهجه.
طالبه الاسياد تطوعلي قلب وعقل واحد ياخاله نفوسه وتخليه كيف خاتم فيدي.
عرفوه وعيقولولك اعتبريه تم وفتحي بقا مداس فرجلك.. غيره.
مرته يجيلها مرض مليهش علاج وتتسل وټموت قدام عنيه ويصرف عليها اللي وراه واللي قدامه لحد مايفتقر.
بسيطه اعتبريها من بكره علي فراش المړض والمۏت.
بته فاتن.. عايزه منها السمع والطاعه ليا.
ساهله.. بس دول ٣ طلبات يامهجه وفلوسك قليله عليهم.
يتم المراد واللي عايزاه هديهولك وطلبات الاسياد اوامر انتي عارفاني زين يانفوسه وعارفه اني معتأخرش عنك.. خلصي بس انتي الموضوع ديه قوام قوام وكل مايخلص قوام فلوسك هتاجيلك قوااام.
طيب روحي واستني البشاير يامهجه الاسياد عيقولولك نامي ببال مرتاح ومرادك اعتبريه تم
بقلم ريناد يوسف.
مفاتن والشيخ عمار ٤
صحي فتحي فجر اليوم التاني على حس مرته راضيه وهي واقفه جار الدولاب وماسكه الشكمجيه فيدها وفاتحاها وعتصرخ بعلو حسها
بوووه..