مفاتن والشيخ عمار بقلم ريناد يوسف

عايز بيوت.
له ياحدق مفيش حاجه اسمها معاوزش.. فيه حاجه إسمها انا راجل وقلت كلمه وطلعت من خاشمي.. وانت في بداية كلامك قولت ياياخدو نصيبي يا يسيبوه هما وياخدو نصيبهم. يوبقى تتنفذ بحزافيرها وإلا قسما عظما ياجاد اسففك تراب البلد كله وأصلبك على كل نخله هبابه لو ماجبت الفلوس وخدت البيت وحليت عن المساكين دول.
جاد وقف وپغضب رد عليه
مش مرجله اللي عتعمله ديه يابو عمو على فكره ومش عدل إنك تاخد مني وتدي للفواجر دول واني اللي حداي عيال صغيره عايز اربيها.
فتحي بضحكة
هه مبلاش إنت بالذات ياجاد تتكلم عن المرجله وخليك بعيد عن الشي اللي متعرفوش.. شوف خلاصة الحديت الفلوس تكون حداي بكره بالكتير واني هخلي مهجه وامها وأختها يبصمولك على تنازل عن نايبهم فيه من النهارده ويكون جاهز على بصمتك.
حاضر يافتحي.. حاضر.. بس بشرط يخلولي البيت من النهارده من دلوك يخلوه عشان اجيب ناس تتفرج عليه وتشتريه.. انت خابر زين اني حداييش فلوس.
له وإنت الصادق اني كنت مفكر إنك هتقول خلاص سبت البيت للولايا بدال مااخده بالخساره وإكده إكده مهاخدش منيه حاجه.
له دا نجوم السما اقربلك واقربلهم وحتى لو غلبتني فحق البيت أني برضك الغالب حتى لو دفعت فوق حقه الطاق طاقين عارف ليه يافتحي عشان البيت ديه اني متوكد إنه غالي عليهم للدرجه اللي هتخليهم يبكوا بدال الدموع ډم وهما مهملينه وماشيين ديه إن وافقوا يهملوه ويطلعوا من الأساس.. البيت مدفون جواه ابو مهجه عشان ملناش مقاپر في البلد وإنت خابر زين ولا مهجه ولا امها ولا اخته هيهملوا تراب ابوهم يدوس فوقه الغريب.
تقوم تستغل النقطه داي وعايز تدفعهم حق نايبك من البيت مطاوق مش إكده
إكده.
له احب اطمنك هيطلعوا والبيت انت اللي هتاخده وجتتة اخوك المدفونه إنت اللي تحير بيها ياكش تاخد عضامه وترميهم في الرياح حتى محدش فيهم هيقولك عتعمل إيه وداي عليا اني
أصل اللي يهين لحمه الحي عادي خالص يهين عضم التربه وإنت لا عتقدر ولا عتمايز واللي معايمايزش يعمل مابداله.
خلص فتحي حديته وهم يمشي لكن وقفه صوت جاد المغلوب على امره
خلاص هاخد منهم ٨٠ بس واتنازلهم عن نصيبي.
والله ماحصل وإحنا قولنا ٢٠٠ وهما اللي هيتنازلو غير إكده رط مليهش عازه ياجاد.
جاد پغضب شديد
خلاص يخلولي البيت من دلوك يافتحي من الساعادي ياخدو خلجاتهم ويهملوه يهملوه كيف ماهو إكده عمران ميطلعوش منيه قشاية واني هبيع بيتي اللي في النجع التاني واديكم حقه واجي اسكن ديه.. هسكن جارك عشان بس اشمت فيك وكت مامهجه تخليك مضحكة البلد كلها وتخلي فتحي الديب اللي كل الناس عتهابه شخليله فيدها ومسخره فخشوم الخلايق واني وإنت وبكره قريب ياديب.
خلص حديته ومشى من قدام فتحي بالخطوه السريعه وفتحي عاود من تاني لدار مهجه وقالها
خلاص يامهجه اني كلمت عمك الخسيس وخلصت معاه الموضوع وحكمت عليه حكم ونفاذه واجب عليكم وعليه.
مهجه پخوف
ايه هو الحكم ديه ياسي فتحي
هيجيب هو تمن نصيبكم في البيت وزيادة كمان على حقه وهياخده وانتوا تهملهوله واني هشتريلكم بالقرشينات بيت تاني احسن واكبر وأبرح.
ام مهجه بإعتراض شديد
له له.. له وحياة بتك اللي طلعت بيها من الدنيا يافتحي ياولدي ماتخليه ياخد البيت ويطلعنا منيه البيت ديه فيه ريحة الغالي وعضامه البيت ديه فيه عمري كله وفيه الهوا اللي عتنفسه ولو طلعت منيه وهملت حبيبي اموت والله اعمل كيف السمكه اللي طلعوها من الميه عشان ېموتوها.
معلهش ياام مهجه بس مفيش حل غير ديه للأسف المبلغ اللي طالبه جاد في نايبه من البيت كبير قوي كد حق البيت وزيادة وداخلها عند وعند بعند اني لزمته البيت وربطت لسانه بالكلمة اللي طلعت منيه وإنتوا الكسبانين
ولو على جتتة المرحوم متقلقيش هو اللي هيسكن البيت وهو مش هيقدر يطلع عضم اخوه ويرميه
مهما كان.
مهجه
يعني إنت ملقيتش معاه صرفه واصل يافتحي غير إنه ياخد مننا البيت
بصلها فتحي شويه وركز فعيونها الباكيه ورد عليها بحس دايب من الشفقه على حالها
وحياة عيونك الحلوين اللي دبلو من البكا دول مالقيت معاه حل غير إكده يأما تاخدو انتو البيت وتدفعوا عالاقل خالص ٨٠ الف جنيه واني خابر زين انكم متحتكموش على ربع المبلغ ديه حتى ولا حتى ١ على عشره منيه والبير وغطاه اني اكتر حد مطلع عليهم فجبت معاه من الاخر وكفيتكم ۏجع القلب والمناهده..
فا هموا يلا لموا حاجتكم وخلجاتكم عشان تخلوا البيت وهشوفلكم بيت قريب عليه بإذن الله متقلقوش.
أم مهجه بيأس
يعني خلاص ياولاد ههمل بيتي ههمل حامد وامشي ومصبحش عليه الصبح واقراله الفاتحه ولا اقعد احكي معاه بالساعات واشتكيله حال الدنيا وافضفض معاه عن اللي تاعب قلبي
ولا هيكون اخر من يتحدت معاه لساني واقراله الفاتحه فوق راسه قبل ماعيني تروح في النوم
خلاص هتحرموني من الهوا ياولاد وټموتوني
خلصت حديتها وبصت لفتحي اللي دنقر في الارض بأسى ومعرفش يرد عليها ومهجه هي كمان بصت للأرض بحيره أما اختها لواحظ فقامت تلف في البيت بدموعها وتتأمل كل زاويه فيه وتلم فلعبها وحاجتها قبل مايفوت الأوان ويطلعوهم منيه وتنسى حاجه منهم.
أما أم مهجه فراحت على قبر جوزها وقعدت جاره وفضلت تملس عليه بأديها ووطت على حيطانه تحب فيها كيف ماتكون عتحب فيه وهو حي قدامها وعتودعه بالدموع وفضلت تبكي وتنهنه لغاية ماتعبت وسندت راسها فوق القپر وعينها غفيت.
أما مهجه فقامت بعد تشجيع من فتحي تلم حاجتها وحاجة امها واختها قامت مغلوبه على أمرها وفضلت تلم وتستف فى الحاجه تحت انظار فتحي اللي كان قاعد محتار عيفكر هيقعدوا فين لغاية مايجيبلهم بيت وملقيش حل غير انه ياخدهم فبيته ياخدهم عند مرته اللي خابر زين انها هتقوم حرايق ماليها اول من آخر من وجود مهجه معاها تحت سقف واحد وهي اللي عتتجنن من سيرتها بس ومهما قالها وحلفلها وإكدلها إن اللي بينه وبينها شفقه وعطف وإحسان لوجه الله مش إكتر معتصدقش.
بس دلوك الأمر محتم عليه يعمل إكده ومفيش قدامه حل تاني وتتحمل مرته غيرتها عاد ويتحمل هو اللي هتعمله وتسويه لغاية ماينهي الموضوع ديه
وكيف ماخد على كتافه حمل إنه يخلي مهجه ترجع عن طريق الحړام ويعفها بمساعدته ليها ويصون اختها ويحميهم هيشيل حموله للنهاية.
فقام وراح على بيته يمهد للأمر مع مرته ويجيبهالها وحده وحده بدال مايدخل بيهم عليها فجأة والجرس والفضايح تسمع سابع بلد.
وبس فتح مع مرته السيره وقالها عاللي هيعمله.. اللي حسبه لقاه وقالت مرته ياصراخ بحسها العالي
بووووه عليييك وعلى سنينك يافتحي بوووووه مش كفايه صارف ډم قلبك عالغازيه وامها واختها وقاطع مني ومن بتي وعتديها كمان وصل بيك الحال إنك تجيبهملي إهنه خلاص يافتحي مبقاش حد مالي عينك والحرام حداك بقا على عينك ياتاجر وقدام الكل عيني عينك
خلاص يافتحي مبقاش ليك رداد ولا كبير تخاف منه وتعمله حساب ولا عامل حساب لكلام الناس اللي هياكلوا وشك وانت آني غازيه فبيتك وعايش معاها بالحرام
ياوليه يا مهبوشه افهمي حرام ايه وحلال ايه اني طول قعادهم في البيت مش هخطيه ولا رجلي هتعتبه ولغاية مااشوفلهم بيت ويطلعوا عليه ويهملو بيتنا مهتشوفيش وشي في البيت.
مليش صالح بحديت الضحك عالدقون ديه وتنويم العقل لغاية ماتقع الفاس في الراس يافتحي والغازيه مهتدخلش بيتي وهفضل اقول بوووووووه لحد ماالناس تاجي تشوفلي حل معاك.
ناس مين يابت المركوب اللي هتاجي وتشوف معاي حلول
ومين اللي هيتجرأ من أساسه ويقف قدام الديب ويراجعه فحاجه قرر انه يعملها!
عقولك ايه متخلينيش اتغابي عليكي بدال ماعحدتك بالحسنى اني قولتلك اللي حداي وانتي وشوقك والباب يفوت جمل يأما تاخدي بعضك وتغوري على بيت اهلك فبلدكم لغاية مايخلص الموضوع وتوبقي تاجي يأما تقفلي خاشمك وتقعدي كيف حاجه محطوطه فبيتك عشان تشوفي بعينك اللي هيجرا ومخك المعفن ديه ميفضلش يودي ويجيب وتتجني عالأخر.
طلعت فاتن بته صاحبة ال١٢ سنه من أوضتها علي حس امها العالي وهي عتفرك فعيونها وبصتلهم وسألتهم
فيه ايه يابوي فيه ايه يمه مال حسكم عالي إكده ليه وعلي ايه الصړاخ ديه كله يمه لمېتي علينا الخلق
امك اتهوست يافاتن ومصممه عالجرس والفضايح وهي عارفه إن سمي وڼاري الفضايح وإن حد يسمع حسنا ويعرف اللي عيدور فبيتنا..
بس الظاهر انها نسيت أو اني مقصر في اني افكرها بعلقھ تفوقها علي تعاليمي ونظام بيتي من وكت للتاني.
اني اللي اتهوست برضك يافتحي ولا انت اللي بعت المستحا وخلاص واخد كل حاجه حش بصل والعيب حداك بقا اسهل من شربة المي.
تعالي يافاتن وشوفي ابوكي واللي ناوي يعمله ديه عايز يجيبلنا غزيه تعيش معانا فدارنا وجاي يكلمني اني على الجرس والفضايح.
قولتلك هتقعد كام يوم مش هتعيش ياام مخ خربان
انتي.
يوم زي كام يوم زي عشره بيتي متسكنهوش الغوازي يافتحي وديه اخر حديت حداي.
واني اخر حديت حداي ان مهجه هتاجي وتقعد ومفيش كلمه فوق كلمتي.
يعني ايه يافتحي
يعنى اعلا مافخيلك اركبيه ياام فاتن وسبق وقولتهالك الباب يفوت جمل.
إكده يافتحي.. طيب يلا بينا يافاتن ماشيين وهنهملوله الجمل بما حمل وخليه يشبع بالبيت هو والغزيه ويبرطعوا فيه كيف مايحلالهم.
له لو هتطلعي تطلعي لحالك فاتن بتي مهتهملش بيت ابوها وتروح حدا حد البت لأهلها يعني انتي تروحي لاهلك بطولك كيف مادخلتي بيتي بطولك وتهمليلي بتي.
حاضر يافتحي.. حاضر ههملهالك عشان تقعد مع الغزيه وتلقط من طبعها وتاخد من عمايلها وتعمل.
وابقا تعالا بعد إكده وعض صوابعك ندم بعد فوات الأوان واللي يأوي الغوازي فبيته يتحمل حنجلتهم ورقيصهم.
خلصت حديتها ودخلت اوضتها تلم فخلجاتها وصرت بؤجتها ولفحتها فوق دماغها وطلعت من البيت
وأول ماطلعت شافت الناس كلها متجمعه قدام بيتها ووقفت وحكتلهم اللي فتحي عايز يعمله قبل ماتروح
وفاتت الناس تتهامس وتتوشوش على الراجل الرزين اللي عمر مالعيبه طلعت منه وهو ممشي مرته من بيتها عشان يجيب الغزيه تقعد فيه وداي اول عيبه يعملها فتحي الديب وغلطة الشاطر اللي فتح علي روحه بيها ابواب جهنهم الحمره.
فاتن والشيخ عمار ٢
طلعت ام فاتن من دارها وهملته وهملت بتها وبيتها وجوزها وراحت لأهلها غضبانه...
يابوي إنت لازمن تشوفلك حل ففتحي وعمايله اللي مترضيش حد ولا انت عاجبك اللي عيعمله وهتسكتله وتسيب حق بتك
استهدي بالله بس ياراضيه واقعدي وهودي هبابه هو جوزك بصراحت ربنا غلطان ومش غلطان ومحدش يقدر يلومه عيساعد بحكم الرأفة والانسانيه وعيستر ولايه بس فنفس الوكت الولايا دول عاملين كيف عش الدبابير واللي يقرب منهم يتلسع وميسلمش وفنفس الوكت كمان جوزك مشهودله بالاخلاق والتدين يعني اللي عملتيه ديه والجرسه اللي سوتيهاله الناس كلها هتغلطك فيها وكت مايشوفوه مهمل بيته وعايفه للغازيه وامها واختها