مفاتن والشيخ عمار بقلم ريناد يوسف

ياتاخد اللي حكمتلك بيه وتطلع وتهمل البيت ديه وتمضيلهم على ورقة بيع لنصيبك ولو حسبتها هتلاقيها هي هياها يعني اللي هتكسبه إهنه هيروح إهنه.
له مهاخدش حاجه ومهطلعشي من البيت الشرح البرح ديه وكمان اني حابب إن مهجه وامها وأختها يتمرمطو ويتهجولو من بيت لبيت.
طيب مادامك داخلها عند اتحمل العند وبكره تكون الفلوس حداي.
هشوف يافتحي وارد عليك.
مفيش شوف ولا رد بكره يعني بكره.
أما حدا مهجه..
ههههه ناويه على ايه يامهجه مع البنيه
ناويالها عالخير كله.. فصلي بس انتي وبيني الجمال وإظهري البضاعه وليكيش صالح باللي ناوياه مهجه انتي ليكي فلوس خياطتك وبس.
ومالو.. نفصلو ونديقو ونبرزو ونبروزو ونخلوا البضاعه على عينك ياتاجر.
احبك يامحاسن وانتي فاهمه شغلك وعتعمليه من سكات.. النهارده عايزه منهم حته تكون جاهزه والباقيين براحتك.. خيطي الحمره فلاول
عايزه فاتن تلعلط الليله وتكون كيف البلطيه.
من عيوني ياست الكل اديني ساعتين واجيبلك الجلابيه واجيلك جري.. طيب بقول ايه ماتلبسيها من حداكي مادام الليله فيه حاجه مهمه
له مقاسي غير مقاسها البت لساها ورور والخصر غير الخصر والقياس غير القياس وبعدين اني عايزاها تحس ان الخلجات متفصلين مخصوص ليها وعلى حسها عشان متحسش إنه لابسه حاجة غيرها وتستغربها عايزاها تحس إن ديه هيكون لبسها من إهنه ورايح وتحبه وتحب روحها فيه أصل لو محبتش روحها وشكلها وقدرت جمالها مهتعرفش تستغله زين.
كلك مفهوميه يامهجه ومن يومك تعرفي تمشي الدنيا على كيف كيفك.
طيب يلا خفي رط وروحي اعملي اللي وصيتك عليه وعاوديلي قوام.. خدي الفلوس دول تحت الحساب وخدي دول كمان هاتيلي بيهم وانتي جايه حبة تسالي عشان هجيب الحريم معرفتنا الليله وهنسهرو صباحي وجيبي الدربوكه من انعام وانتي جايه.
ايوه عاد والله زمان يامهجه وزمان ليالي السهر والأونس اللي حرمتينا منها.. هجيبلك كل اللازم واقول لجوزي ومعاكم النهارده.
معانا اكيد وهي السهره تحلا من غير محاسن امال مين اللي هيمسك الدربوكه ويصهلل الليله بغناويه الحلوة.
داني هخربها وهرقص لما ادوخ.
له هملي الرقص النهارده عشان الرقص النهارده مهمة فاتن.. من النهاردة فاتن هتكون حكاوة كل لسان من الحريم اللي هياجو والحديت حتما هيتقال قدام جوز الوحده او ولدها أخوها عمها إو خالها وجمال فاتن وقوامها هينتشر خبره ويتزاع في البلد والعيون كلها هترغب فشوفتها
وعشان ابوها داسسها هتكون شوفتها حلم يحلم بيه الكبير والصغير وتحقيق الحلم ديه هيكون فيدي اني وعشان الاحلام معتتحققش بالساهل مش هينضرها غير اللي يدفع ډم قلبه تمن الشوفه وبعد الشوفه عاد هياجي التمنى وديه تمنه غالي قوي قوي.
وتفتكري فتحي هيهملك تعملي كل ديه يامهجه
له ماني مش هبله وكيف ماعجهز فاتن عحفر تحت اقدام ابوها عشان وكت ماهي تكون جاهزه يكون هو سقط في الحفره ومتقوملهوش قومه.
طول عمرك واعيه وناصحه وعتعرفي للدنيا يامهجه وتعرفي كيف تمشيها على مزاجك وكلامي ديه عمره ماعينزل الأرض ولا رأيي عيتغير فيكي واصل.
خلصت محاسن كلام مع مهجه وطلعت طوالي وراحت على بيتها تفصل الفستان
ومن بعدها لواحظ طلعت تدي خبر لنسوان معينه في البلد بالسهره اللي فبيت فتحي مع اختها وبعد ماخلصت لف عالبيوت حودت عالسوق اشترت الطلبات اللي قالتلها عليهم مهجه وعاودت بيهم عالدار وهناك..
وي وي وي.. مين داي ياناااس.. آوعاكم تقولولي إنها فاتن!
له له والله مااصدق ديه القمر سقط من السما حدانا!
فاتن بفرحه
صوح يالواحظ طالعه حلوه
حلوه ايه ياقزينه دي كلمة حلوة قليله عليكي دانتي فوتي الحلاوة بمراحل..ايه القد المياس ديه وايه المفاتن داي كلها وكانت مدسوسه فين وظهرت فجأه إكده!
مهجه
ماتصلي عالنبي فقلبك يالواحظ وتخشي تودي الحاجه اللي فيدك الموطبخ وتعمليلك حاجه بدال ماواقفه تبحلقي في البنيه بعينك المدوره داي.
دخلت لواحظ المطبخ عشان تجهز التسالي وتغسل الشيشه للنسوان اللي عتشيش من الجايين وهملت فاتن مع محاسن الخياطه واختها مهجه اللي كانوا هيتجننوا من جمالها بالفستان الجديد ومهجه بقت طايره من الفرحة وحاسه إن مهمتها وخطتها ماشيه في الطريق الصحيح وهي واعيه فاتن عتتطلع على انعكاس صورتها في المرايه وفرحانه بشكلها ولبسها الجديد
إبتدت الحريم تيجي ومع إكتمال العدد صاحت مهجه فلواحظ اختها وقالتلها..
سخني الدربوكه عالنار يالواحظ عشان تتشد وهاتيها قوام خلينا نبتدو السهره.. وانتي يلا يافاتن جهزي حالك الليله هترقصي وتتمايلي قدام الحريم وتوريهم جمالك وتعرفيهم فتحي مخلف ايه الليله عايزاكي تولعي الدنيا وتاكلي الجو وتزغللي العيون يافاتن.
إيوه ياخاله بس ابوي لو عرف إن فيه حريم جات بيتنا ولا إني رقصت قدام حد هيقطع خبري خالص.
مټخافيش مهيعرفش ابوكي بعيد ومهيحسش وحتى لو حس هقوله ان اني اللي رقصت وهطلعك منها ويلا عشان جايبالك حاجه حلوه قوي هتعجبك خالص هديهالك بعد مالناس تمشي محلويات من البندر ومشبك بالعسل يستاهل خشمك الكيف خاتم سليمان ديه وخليكي فاكره طول مانتي سامعه كلامي ومطاوعاني هدوقك الحلو كله يافاتن ومهخليش نفسك تشتهي حاجه بس انتي قولي حاضر وكل الدنيا تحضر تحت رجليكي.
بدأت السهره وابتدا صوت الطبل يعلا من بيت فتحي وحسه يسمع وتتناقل الناس خبر إن بيت فتحي اتقلب غرزه لحد ماراح الخبر لدوار العمدة.. ووصل لفتحي
فتحي.. قوم يافتحي ياللي لمېت الغوازي فبيتك وطرت ورا مرتك وعتعمل فيهم خير قوم شوفهم قلبو بيتك ايه وخلو سيرتك علي كل لسان قوم شوف بيتك وحس الطبل وصوت الضحك والكركره طالع منه وموصل للبلاد اللي جارنا قوم شوف الخير اللي عتعمله في الغوازي وهو عيتردلك مسخره وقلة قيمه قووم.
عتقول ايه ياعمده ايه الكلام ديه بيت مين اللي اتقلب غرزه وضحك ايه وطبل ايه اللي عتتحدت عنيه ديه
قوم اوصل بيتك وانت تعرف بنفسك يافتحي.
قام فتحي وطلع بنومه من مندرة
العمده وخدها جري لحد بيته وكل مايقرب يسمع حس الطبل والضحك صوح وكل مايسمع ويتوكد دمه يفور ويغلي
ولحد ماوصل قدام باب البيت وسمع بودنه الضحك والمرقعه فتح الباب ودخل ووقف مصډوم وهو واعي بته واقفه وسط الحريم تتمايل وتترقص وتضحك وهما يسقفولها ولابسه فستان عمره فحياته ماكان يتخيل إن بته تلبسه إلا لجوزها وفغرفتها ومحدش غير جوزها ينضرها بيه.
سقف بأديه وخلي الكل انتبهله وأول مافاتن شافته صړخت وجريت على أوضتها ومهجه هبت واقفه تبلع فريقها پخوف وهو زعق بعلوا حسه وقال
والله عال يامهجه والله عال على بيتي اللي اتقلب ماخور والطبل والزمر سكنوه من بعد ماكان طاهر وعتسكنه الملايكه سكنته الشياطين.. صوح يابوي صدقوا اللي قالوا غوازي معيتوبوش واني مصدقتش وجبتهم بنفسي عشان يدنسوا بيتي. له ومش بس إكده دي بتي كمان جروها فسكتهم ومحزمينها وعيرقصوها.
مهجه
افهم ياسي فتحي بس دول نسوان حبايب وجوا عشان يخففو عن امي زعلها على طلعتها من بيتها وقهرتها علي هميلتها قبر جوزها داي ناس غرضها خير واني كمان معملتش حاجه تزعلك مني ولا تغضب ربنا ياسي فتحي.
اقفلي خاشمك يامهجه وطلعي الحريم داي وفضيلي داري اني كلامي كان واضح من لاول ومتنسيش تلمي خلجاتك وخلجات امك واختك عشان من النهاردن مليكمش قعاد فبيتي.
وه.. طيب وهنروح وين ياسي فتحي
تروحو موطرح ماتروحو مليش صالح بيكم ودلوك قومي يامره منك ليها غورو من بيتي وخدوا الشيشه والدربوكه والقرف بتاعكم ديه معاكم واي وحده اشوفها ولا اسمعها تتحدت علي بيتي وانها داست عتبته وشافت اللي جواه ولا انها شافت بتي عترقص هقطع لسانها واعلقه فرقبتها ودلوك همي انتي وهي وغادرو قوام.
طلعت الحريم من البيت يجروا وهما خايفين من بطش فتحي بيهم فبيته لكنهم بمجرد مابقوا براه واتوكدوا انهم نالو حريتهم انطلق لسانهم بالحديت عن اللي جرا واللي حوصول وجوهر الحديت كانت فاتن وجمالها ودلالها اللي فاق دلال مهجه واللي الكل كان يحلف بيه ودلوك طلعتلها منافسه اجمل.
أما في بيت فتحي فكان الإعصار لساه شديد على مهجه وفتحي عمال يشتم فيها ويسمعها اپشع الكلام وهي واقفه عامله روحها ندمانه ومكسوره لكن لا ندمها المزيف ولا عيونها المكسوره شفعولها حداه وخففو من جرم غلطتها
وبحزم أمرها مره تانيه تلم حاجتهم وتغادر
بصي يامهجه اني معقولش كلمتي مرتين وانتي كسرتي اول كلمه ومش هتكسري التانيه فا بالأدب إكده لمي الحاجه وفارقي.
وهروح وين بس ياسي فتحي دلوك
روحي علي جهنم الحمره ميهمنيش.
يعني يرضيك اعاود للغرز وارقص من تاني وسط الرجاله من بعد مالميتني وستتني ودوقتني العيشه الحلال والراحه وعفيتني.. يرضيك بعد مانضفتني ترميني بيدك في الوحل من تاني
ارميكي بيدي وابعدك عني بدال ماتشديني معاكي وتعوصيني بالوحل زيك.. عالأقل إنتي الوحل منه وواخده عليه
إنما أني لو وقعت في الوحل مهتقومليش قومه.. فارقي يامهجه بالتي هي احسن. شوفيلك دار من دواوير الحريم اللي لمتيهم دول يأويكي كام يوم لحدت مااشتريلكم البيت واني كرم مني للآخر هدور واشتري ومش ههملك من غير بيت انتي وامك واختك
بس ديه هيكون اخر اللي يربطني بيكم.
يعني خلاص إكده يافتحي خلصت.
خلصت يامهجه.. ودلوكيت بالاذن هروح اراضي مرتي الاصيله بت الاصول وارجعها دارها اللي هملتها تفوته وتمشي عشان اسكن فيه الغوازي يقلبهولي ماخور من بعد ماكان مسكون بالملايكه من كتر ماعتصلي فيه ام فاتن وتقرا القرآن ليل نهار
طردتوهم انتو بطبلكم وزمركم كيف ماني طردتها.. ودلوك لازمن الملايكه تعاود تسكن بيتي من تاني وانتوا اطلعو بشياطينكم.
مهجه سمعت حديته والڼار قادت فيها وقالتله بغل واضح
إكده يافتحي.. طيب يابو فاتن حاضر.. اني هفارق اني وشياطيني عشان ترجع مرتك وملايكتها بس خليك فاكر يافتحي إن انت اللي بديت بالغلط من ناحيتي وإن غلطتي متسواش اللي عتعمله ديه كله وإنك ععلت بمهجه واللي يعيل بمهجه يتحمل اللي يجراله يافتحي
.
وه دانتي عتهدديني علي إكده يامهجه.. عتهددي فتحي وتخوفيه بإيه ياغازيه يارباية الغوازي
اني معهددش يافتحي اني لما عنوي على شي عنفذ طوالي.. وبكره هتشوف وهوريك الغوازي علي حق عيعقدروا يعملو ايه.. ودلوك بخاطرك ياسي فتحي.
خليكي فاكره يافاتن إن مهجه تقدر تعيشك في دنيا غير الدنيا دنيا حلوه وهتكوني فيها ملكه تؤمري تطاعي..الكل يركع تحت رجليكي عايز ينول رضاكي
ويومها هيكون عيدك وعيدي ويوم سعدك وسعدي.. وهتكوني مهجه التانيه خليفتي ومتإكده انك هتكوني التلموزه اللي غلبت استاذتها وعلى قلبي كيف العسل.. سلام ياام المفاتن ياجميلة الجميلات.. هشيعلك باقي الجلاليب اللي حدا محاسن.. كل عشيه البسي وحده واقعدي قدام مرايتك وبصي لروحك وهملتلك علبة بودره على التسريحه جوه حطي منها وخططي عيونك ولوني خاشمك العامل كيف خاتم سليمان ديه واتزوقي وافضلي بصي لروحك في المرايه وقولي لحالك إن الجمال ديه مينفعش يتداري عن عيون الناس واااصل.
مشت مهجه وهملت فاتن لعقلها
الصغير يودي ويجيب ويحاول يستوعب اللي سمعه ويفهمه لكن علي كد فهمها ترجمت الكلام على إن مهجه عايزاها تفرح بالجلاليب الجديده وتتعلم