مفاتن والشيخ عمار بقلم ريناد يوسف

فاتن والشيخ عمار
خرج الشيخ عمار من بيته ومشي فنفس الطريق اللي بيمشي فيه كل يوم وعند بيت معين من بيوت البلد رفع اديه وسد ودانه ومشي بالخطوة السريعة مشي ميبصش ناحية البيت ده ولا يشوف اللي بيحصل فيه وكفايه إن ودنه بتسمع
بيسمع وساكت ومش قادر يعمل حاجه ولأول مره يكون متكتف إكده وعاجز قدام رفع بلاء عن أهل بلده.. وصل الجامع وأذن وأم الناس للصلاة وقرر إنه هيحاول النهاردة يعمل حاجه حاجه من اتنين ملهمش تالت عشان يخلص البلد من اللعڼة اللي في البيت ديه ويطهرها.
بعد الصلاة وقف عمار على المنبر وقال
ياأهل البلد ياجماعة الخير من النهارده هنعمل صندوق تبرعات وكل واحد يحط فيه اللي يقدر عليه واللي هنجمعه هنعمل بيه عمل انساني ينفع أهل البلد ويطهرها من الذنوب والمعاصي.
هتعمل ايه يعني ياشيخ عمار هتبني جامع ماالبلد فيها بدال الجامع اتنين وبلدنا مش كبيره ياتري غير الجامع ايه الحاجه اللي هتطهر البلد من الذنوب والمعاصي داي
عمار
ماظنك بي ياصالح
شيخنا ومولانا واللي عيعرف مصلحة البلد وإهلها اكتر من أي حد واللي عمر الغلط ماعرف طريق أعماله ولا تصرفاته.
طيب مادام عارف إكده عتسأل ليه عن اللي هعمله ياصالح
مفيهاش حاجه ياشيخنا ومش تقليل مني ليك انا بس عايز افرح واتحمس لما اعرف هتعمل ايه واساعدك.
عمار
خليها لوقتها ياصالح نجمع بس المبلغ المطلوب وهقولكم هنعمل بيه ايهكل شيئ فوقته حلو.
خرج الكل من المسجد وكل واحد راح على بيته او غيطه والشيخ عمار رجع على بيته رجع فنفس الطريق وجه قصاد البيت وسد ودانه وجري عشان ميسمعش اللي بيخلي الڼار تقيد في چتته والعفاريت الزورق يتنططوا قدام عنيه.
أما في البيت المقصود فكانت واقفه هى في الشباك وشايفاه من ورا الشيش شايفاه ومراقبه كل تحركاته لأنها بتستنى ميعاد مرواحه للجامع ورجوعه بفارغ الصبر.. بتستناه عشان تشوف الراجل الوحيد من رجالة البلد اللي مقدرتش عليه بسطوة جمالها وجبروته الراجل الوحيد اللي رافض وجودها في البلد وعيحارب بكل الطرق عشان يتخلص منها ولحد النهارده مقدرتش تخليه يبص عليها ولو لمرة وحده وهي متأكدة إنه من بعدها هيقع اسيرها وسجين عيونها الكحيلة حتى وإن كان إمام جامع عابد وناسك.
قفلت الشيش بعد مااختفى من قدامها ودخلت البيت على حس روايح خدامتها وهي عتقولها
كلمي ياابلتي شيخ البلد جه تحت وجايب معاه شي وشويات إشي فواكه وإشي طيور وقماشات حراير وحجات حلوة قوي تزغلل العين البنات هيتجنوا عليها تحت واديهم عتتسابق عايزه ټخطف منها وتدس.
انزلي ياروايح شيلي الحاجه فآوضه واقفلي عليها ومتخليش وحده تمد ايدها على حاجه وقوليلهم اللي هتاخد حاجه من غير إذن ابلتها هعلقها من شعرها.. وقولي للشيخ اني نازلاله حالا وقدميله واجب الضيافة واعمليله شيشه على ماانزل.
حاضر ياأبلتي فوريره.
وفضلت هي بعد مانزلت خدامتها ترتب نفسها قدام المراية وتتملى فجمالها اللي ربنا اداهولها بسخاء وهو سبب نعمتها وكل الخير اللي هي فيه
ونزلت للشيخ وهي بتتمايل فرحانه بجمالها وهو أول ماشافها ابتسم والشيشه وقعت من ايده وحاله بقا زي حال اي راجل يشوفها وميقدرش يتحكم في نفسه ولا تصرفاته ويخضع لجمالها وينذل قدامه ولو كان ملك الملوك وحداه من الجواري بدال الوحده ١٠٠.
اتقدمت عليه ومدتله ايدها وهو قوام وطى على أيدها وقدم فروض الولاء والطاعة وبعدها قعدت جنبه وادت أمر للبنات اللي معاها انهم يدلعوا الشيخ ويشوفوا طلباته ويقعدوا تحت رجليه لكنه طبعا مش جاى عشان اي وحده فيهم وغايته ومراده هي وبس
ودي اللي بتكون مسك الختام والجايزه اللي بينالها بعد مايدفع ډم قلبه فلوس ودهب كل مره شكل ولون.
ابوي قوم كل جبتلك فاكهه من اللي يحبها قلبك من كل نوع عشان تاكل وتتقوت وكمان البت روايح قولتلها تسلقلك لحمه وفروج وتعملك شوربة خضار.. قوم يابوي وبطل تبصلي وإنت ساكت إكده ومتردش عليا وتخليني اناهد كتير اني تعبانه ومش حمل مناهده.
فضل ساكت وباصصلها ومش متكلم وهي قربت منه وقعدت جاره وابتدت توكله فخاشمه وهو ابتدا ياكل من يدها بعد دقايق رفض وزي كل مره كان يحاول يرفض لكن جوعه وعجزه يغلبوه يغلبوه ويخلوه ياكل من يدها وياكل من الوكل اللي جايباهوله واللي السم عنده اهون وأحسن منيه لأنه خابر زين هي جايباه كيف.. لكن للأسف ميملكش القوة على الإعتراض.
خلصت فاتن مع أبوها وسابته وطلعت من الأوضه طلعت وهي بتتقطع من جواها على منظره وحاله حال فتحي الديب اللي كان يتهزله اكبر شنب في البلد واهلها كلهم تحت امره وماشيين بشورته وكلمته
واللي كان عزيز قومه وبيته بيت كرم وجود لكن الأيام الدواره وعمايلها بدلت أحواله أو بمعني أصح كيد الحريم هو اللي عيمل فيه وفيها إكده.
فضل فتحي باصص للباب اللي طلعت منه فتون بته أو فاتن زي ماكان مسميها بته الصغيره الجميله الحنينه اللي حياها كان
يمنعها من ان رجلها تخطي بره البيت لحالها وكان داسسها من بعد ماكملت عشر سنين من عيون الناس كلهم من خوفه عليها عشان جمالها اللي يخطف العين ويأسر نظرها.. إنما إسم فتون ديه لا يعرفه هو ولا صاحبته ولا طايقه وطايق اللي عيجرا من يوم مااتسمت بيه
وافتكر كل حاجه جرت قبل سنين ووصلتهم للحال ديه...
فتحي.. يافتحي عنادم عليك همل ري الارض واترك اللي فيدك ديه وتعالا قوام.
فيه ايه يالواحظ مالك متسربعه إكده ليه جرا ايه
اختي مهجه عايزاك قوام في التو واللحظه.
روحي قوليلها مش فاضي عيروي ارضه وعشيه هجيلك وتبقى تقولي اللى عايزه تقولهوله الدنيا مطارتش.
له طارت يافتحي واختي مهجه قالتلي معاودش غير بيك ورجلي على رجلك.
اووووف ياربي على عقل الحريم المهوي ديه.. طيب غوري دلوك واني هبطل مكنة الري وجاي وراكي.
له رجلي على رجلك مليش صالح احسن تضروبني وهي لحالها عتبكي ومطايقاش دبان وشها احسن تفش غلبها فيا.
طيب اصطبري البس جلابيتي وابطل المكنه واجي معاكي دانتي حجنه.
إحم إحممم..
خش يافتحي على طول متقفش عالباب.
ايه فيه يامهجه مالك جايباني على ملى وشي إكده ليه القيامه قامت ولا الدنيا خربت ولا خش عليكي ډم حامي فرفطك
اهيئ اهيء.. لا ديه ولا ديه يافتحي بس هتقوم القيامه لو هملتني في الورطه اللي اني فيها واللي محدش هيمد يده ويطلعني منها غيرك.. احنا مليناش غيرك يافتحي بعد ربنا سند وعون ولو هملتنا يوبقى متلومش عليا في الطريق اللي همشي فيه عاد واللي إنت منعتني منه.
ورطة ايه يام الورايط قولي من غير تمهيد ولا كهن حريم حاكم اني خابرك زين.
البيت يافتحي البيت اللى أويني وأوي أمي وأختي عمي جاد عايز ياخده مننا ويرمينا في الشارع بحجة انه ليه ورث فيه وأخوه مخلفش واد ياخد الورث كله
وقال يانشتري نصيبه في البيت يأما نطلع ونسيبله البيت وهو يبيعه ويدينا نصيبنا ولغاية مادا يحصل ملناش مكان نروح فيه ولا م طرح يتاوينا
وانت خاير زين إن اهل البلد كلهم محدش فيهم طايقنا ولا طايق وجودنا إهنه ومن ساعة ماجينا وسكنا وهما عايزين يكرشونا من البلد بأيوتها طريقة..ومافيش غيرك انت ياسيد الناس اللي واخد حمانا وعتدافع عننا وساترنا ومبعد عننا الأڈى.
إيوه واخد حماكي يامهجه بس بشروط ومتنسيش انك لو خالفتي الشروط هشيل عنك يد الحمايه وبدال مايدي مضلله عليكي هي نفسها اللي هترميكي بره البلد.. يعني تهديدك بإنك تعاودي للي كنتي فيه ديه هياجي فوق راسك انتي مش هيخوفني اني ععينك على الستر والنضافه وانتي وميلك واللي تهواه نفسك عاد يابت الناس اني فلاول ولاخر ععمل خير لوجه الله مش لجل سواد عيونك ولا جمالك ععمله
ودلوك اني رايح لعمك موطرح ماعيقعد عالغرزه مع انه مليهش مواعيد ولا حد يعرفله طريق.. بس هعطل مصالحي واستناه عشان اخلص معاه الموضوع ديه.
على القهوة..
جاد.. ياجادد تعالا قرب عايزك فكلمتين.
خير يافتحي عايز ايه مني مش من عوايدك تعوزني لا فكلمه ولا كلمتين
اقعد بس جاري وصلى على النبي واسمعني للأخر وبعد مااخلص كلامي لولا ماتفتح خشمك.
الف صلاة عليه قول ياسيدي واني سامع.
البيت اللي فيه مهجه وامها واختها.
اشمعنا
عايز تعمل ايه فيه انت وناوي على ايه مع الولايا مكسورين الجناح دول عايز ترمي لحمك في الشوارع تنهشه الكلاب ولا ايه ياجاد
ههههههه وهتفرق ايه كلاب الشوارع من الكلاب اللي بتدخل البيوت من بابها يافتحي ولا تكونش ناسي مهجه ايه وعتعمل اي مهجه رجاصه يافتحي رجاصه في الغرز والموالد والأفراح مهجه غازيه والكل شبعان من لحمها ولولا ماني حداي عيال صغيرين ولسه ميه ميعرفوش شمالهم من يمينهم كنت خلصت عليها وتاويتها واللي يجرالي يجرالي بعد إكده
بس المشكله فاللي وراي ومربوطين فرقابتي ومقدرش اخلا بيهم واهملهم في الدنيا تلطش فيهم وبدال مااتاوي مهجه وحده اهمل وراي مهجتين غير اللي جاي في الطريق.
مهجه تابت ياجاد ودلوك بقت ماشيه بما يرضي الله لا فيه كلاب عتدخل بيتها ولا حد عيهوب ناحيتها ولا هي عاطيه مجال لحد خلاص اللي عتقول عليه ديه كان ماضي وراح لحاله وهي دلوك وحده جديده قاعده فدارها كافيه غيرها شرها ومستنيه تجوز اختها وبعدها تشوف حالها.
ديه حديت تضحك بيه على روحك يافتحي اني وانت خابرين زين إن ديل الكلب مش هيتعدل الا دقايق والقالب معلق فيه وبعد مايتشال القالب عيرجع الديل يتعوج من تاني وانت القالب ديه يافتحي ولو فيوم بس حبيت تاخد اجازه من كفالتك لمهجه وامها واختها هتعاود ريمه لعادتها القديمه من غير تفكير حتى متفكرش انها مبطله ورع ولا تقوى ولا كانت مغلوبه على امرها وماصدقت لقت الطريق النضيف عشان تهمل الۏسخ.. له يافتحي مهجه الۏساخه متأصله فروحها وعقلها وقلبها والطريق ديه مشت فيه بخطرها
هي بس مستنيه توصلك لمرحله ميوبقاش فيها فيدك حاجه وبعدها مش هتوبقا ليك عازه معاها بشمة بصلة واديك وهتشوف وتقول جاد قاال.
شوف ياجاد حديتك ديه كله لا يقدم ولا يأخر إنت تقول عايز كام وتحل عنهم من سكات وتهملهم فدارهم مستورين.
غاليه عليك قوي إكده مهجه يافتحي
يوووه ماقولنا إخلص عاد وبطل رط كتير.
عايز تلت حق البيت واني متمنه وخابر حقه زين عايز ١٠٠ الف جنيه عدا ونقدا.
وه.. عتقول ايه إنت إيه المبلغ ديه وفين البيت اللي يجيبه اتدبيت فعقلك إنت ياك
ديه البيت كله لو ضربه الډم يادوبك يجيب ١٥٠ الف يوبقي تلته ب ١٠٠ الف كيف ولسه هيطلع منه تمن مرت اخوك حسبتها كيف إنت ياحزين
والله ديه اللي حداي ياديب.
توبقى إنت اللي حكمت على روحك عاد وبكره تجيب ٢٠٠ الف حق تلتين البيت وتاخده إنت وحلال عليك.
بلع جاد ريقه وقال..
أ أيوه بس اني مش