رقية بقلم زينب خالد

حمدت ربنا أن زيد قدر يحميها على أخر لحظة وإلا كانت مش هتعرف تعمل حاجة وخصوصا من بعد طلاقها وهي مش بتستحمل أي حد غرريب ېلمس جسمها بتحس برعشة فيه وكأنه متغشب مش بتقدر إنها تتصرف بسرعة .. فضلت تتمشى في الطريق لوحدها لغاية لما لقت مقاعد موجودة قدام النيل فراحت تقعد هناك نسمات الهواء بتداعب وشها بلطف.. فكرت في كل حاجة حصلت كانت فاكرة إنها هتدخل في إكتئاب وتعاني من ۏجع قلبها ولكن الغريب أن حبه جواها انتهى كأن حد قفل الحنفية ف خلاص كدة .. سؤال فضلت تسأله لنفسها ازاي دة حصل ازاي كل شيء بهت جواها متنكرش إنها زعلت على الوقت اللي راح منها لشخص مكنش يستاهل ولكنها حمدت ربنا يمكن كل دة حصل في الوقت دة قبل ما يبقى فيه أطفال بينهم .. الجو كان جميل جدا وكانت مستمتعة بيه لغاية ما لمحت زيد وهو واقف عند السور لكن تقريبا ميعرفش بوجودها لو مكنش موجود انهاردة وحصل معاها الموقف دة يا ترى كان أي اللي هيحصل .. اتأملته شوية هو شخص لطيف هادي محترم جدا وبيحاول يساعدها هو وأخوها إنها تتلهي في الشغل عشان متفكرش في أي حاجة شخص كويس جدا بتتمنى له الخير بجد.
لف زيد بجسمه وعينه شافتها وهي بتبص عليه راح ناحيتها بعدين وقف قدامها وقال بتساؤل
بتعملي أي هنا
رديت عليه وقولت
كنت بتمشى ولقيت الجو حلو ف حبيت قاعد شوية باينك بتيجي هنا كتير
هز رأسه ورد
اه لما أحب أفضل لوحدي أجي هنا
وبعديها سكت مش عارفه ليه إحساس خبيث جواها كان عايز يكمل كلام ولكن أنكرت دة وقامت عشان تمشي فقالت
هضطر امشي عشان متأخرش .. سلام
رد بهدوء
سلام
مشيت ولمعة عينه اللي خفاها ظهرت من جديد اتنهد بحړقة وهو بيراقبها بعد ما مشيت .. بقاله أربع سنين مش عارف يتوقف عن حبها حاول بكل الطرق ولكن معرفش جرب أنه يرتبط بحد تاني لكن مكنش بيتوفق وكأن القدر قرر يقفل كل الطرق عشان عارف إنها راجعة ولكن راجعة بقلب مكسور وروح مطفية .. قلبه بيعتصر من الۏجع لغاية ما خلاص مبقاش قادر يتحمل بيشوفها دقات قلبه بتزيد وكأنه بيتلهف أنه يخرج ويقابلها بص لسماء وهي صافية وقال بحړقة
يااارب

بعد تلات أيام..
فجأة ھجم عليهم رجالة لابسين أسود وجسمهم ضخم جدا وملامح وشهم بثت الړعب في قلوب الجميع كانت رقية في مكتبها وأخوها نزل لشغل برة وكل واحد في مكتبه .. الرجالة انتشرت وكل واحد رفع سلاحھ في وش الموجودين وفيه حوالي تلاتة دخلوا لاوضة زيد بعد ما كسروا الباب اتفاجئ زيد بدخول رجالة غريبة ولقى هجوم عليه تفداهم بمهارة ولكن قوتهم سوا اتحدت وخلته مش قادر يهاجم بينهم خصوصا مع تدريباتهم العالية .. فضلوا يضربوا فيه اتكلم واحد منهم بصوت مخيف
ودة عشان تعرف قلة الأدب بتبقى ازاي
وزي ما دخلوا بسرعة خرجوا بشكل أسرع جريوا اللي في مكتب لزيد وبينهم رقية شهقت پخوف من المنظر اللي شافته .. جريوا عليه وطلبوا الإسعاف بسرعة لان كانوا خايفين يحركوا فيه أي حركة غلط فضلت رقية ټعيط واتصلت بعمر يحصلهم على المستشفى وقلبها ۏاجعها ولكن لسبب غامض.

في المستشفى..
فضلت رقية تبكي وهي حاسة بالذنب إنها السبب مشيوا كل اللي بيشتغلوا للبيت وفضلت مع عمر دخل الأتنين وفضلوا قاعدين معاه