جاريتي بقلم سارة مجدي الجزء الثالث

أيه يجو الناس دى يشوفوكى بعيونى أنا وساعتها هيعرفوا أنا ربنا بيحبنى اوووى علشان رزقنى بيكى
كاد قلبها يتوقف من شدة السعاده والخجل حين خرجا من الغرفه كانت جودى تجلس أمام التلفاز وحين رأت تلك الطله الرائعه لمهيره وبجانبها أخيها بتلك البدله التى زادت من وسامته واعطته هيبه وطله رائعه أطلقت صفير عالى وقالت
لا لا كده كتير بصراحه يعنى أخويا وأنا عارفه أنه شاب وسيم وهيبه لكن المزه الحلوه دى أنت مش خاېف تتخطف منك وأنت نازل بيها زى الملايكه اما تشوفها
ضحكت مهيره بخجل وشاركها سفيان الضحك لكن بصوت عالى وقال
اه يا جودى وردايه تحلم تقطفها بس هى ترضى
زاد احمرار وجه مهيره ولكن جودى سفقت بيدها وهى تقول
أخويا وقع يا رجاله
ونظرت لمهيره قائله
سرك باتع سفيان أخويا الراجل بزياده وقع فى هواكى ويخر ساجدا تحت قدميكى ويقول والنبى ده حرام
ضحك سفيان على تقليد أخته للفنان سمير غانم فى إحدى الأفلام مقلدا هو الآخر أحمد مظهر قائلا
شنجهاى شنجهاى افرنقع
عمت الصاله ضحك هستيرى لم ترى مهيره سفيان على حقيقته إلا الأن أنسان محب طيب القلب أخ يحتوى وابن حانى وزوج متفهم رجل مرح يقبل المزح دائم الضحك إذا لماذا كان دائما بالقصر مقطب الجبين عصبى المزاج افاقت من أفكارها على صوت السيده نوال تقول مقلده عبد المنعم إبراهيم من نفس الفيلم قائله
أنت ولد خنزئوره عايز تاخد حفيددونا أنت ولد أدب سيس خرسيس
ضحك الجميع فى سعاده حين قال
خلاص يا جماعه بقا الفيل برى تعب من كتر الوقفه وبعدين أنا راكنه صف تانى أخاف الزلومه تتسحب منى
ثم نظر لمهيره التى كانت تبتسم فى سعاده جعلت قلبه يرفرق داخل صدره وقال
اتفضلى يا سمو الأميره شاه فاضل قصدى يا مهيره .
ضحكت مهيره بصوت عالى وهى تشاركه اللعبه
اتفضل يا أستاذ عادل صبرى
كانت الضحكات تعم المنزل فتح لها الباب وهو يشير لها بالخروج ولكنها ظلت واقفه فى مكانها تنظر لتلك التى تقف أمام الباب حين لاحظ سفيان نظراتها نظر إلى الخارج ليجد زهره تقف فى حرج أبتسم لها وقال
أهلا آنسه زهره اتفضلى ...
ثم أشار إلى مهيره وقال
مهيره مراتى الأنسه زهره صحبت جودى يا مهيره وزميلتها فى نفس الكليه
وأشار لزهره قائلا
اتفضلى جودى جوه عن إذنك
وخرج أغلق الباب خلفه وهو يغمز لتلك التى تسير بجانبه لكن نظرها مثبت عليه هو فقال
عارف أنى حليوه واتعاكس بس لو سمحتى متعكسنيش علشان أنا بخاف من مراتى
ضحكت بصوت عالى وهى تقول
عارف أنا نفسى أعرفك
نظر لها بحب صادق وقال
أنا كلى ملكك هنروح مكان دلوقتى وهتعرفى كل حاجه وأى حاجه
خطت زهره إلى الداخل بقلق وحين لمحتها جودى وقفت سريعا تقول باندهاش
زهره
وقفت زهره مكانها وقالت
أنا جايه أعتذر
تغيرت تعابير وجه جودى واشارت لها بعينيها على أمها ففهمت زهره ان السيده نوال لا تعلم شيء عما حدث بالجامعه فتقدمت منها وألقت التحيه التى ردتها لها السيده نوال بترحاب وسعاده ثم تركت الصديقتان بعد كلمه زهره أنا جايه أعتذر إذا فسبب تغير مزاج ابنتها هى مشاجره بينها وبين صديقتها ففضلت تركهم بمفردهم
جلست زهره أمام جودى وقالت
أنا آسفه يا جودى سامحينى ارجوكى
ظلت جودى صامته تنظر إليها بلوم وعتاب صمت جعل احشاء زهره تتلوى ألما هل خسړت صديقتها إلى الأبد ظلت جودى على صمتها تنظر إلى صديقتها بهدوء دون كلمه تكلمت زهره بتوتر قائله
أنا عارفه أن من حقك تزعلى بس لازم تعرفى أنا عمرى ما شكيت فيكى أنا بس اتفاجئت يا جودى أنا أكتر واحده عارفه قصتك للحظه واحده بس تخيلت أن ممكن يكون حصل ما بينكم زمان ارتباط لكن الفستان إللى كنتى المفروض لبساه عرفت وتأكدت أنك مش إللى فى الصوره أنا بعتذرلك يا جودى وممكن متسمحنيش بس ارجوكى أوعى أخسرك إلا خسارتك يا جودى .
ظلت جودى صامته تنظر لزهره ثم قالت
أنا النهارده أخدت قلم فوقنى من حاجات كتير كنت فاكره أنى أقدر أعملها لكن الحقيقه عكس كده تماما أنا النهارده انجرحت واتهنت مش قادره أنسى نظرة الطلبه ليا فى الكليه ولا هقدر أنسى كل إللى حصل.
تنهدت بصوت عالى وهى تشبك يديها وتقول
مش هنكر أنى اټجرحت منك جدا ونظرة عينك وجعتنى وكمان مش هقدر أقول أنى صافيه تماما من ناحيتك لكن أنت صحبتى الوحيده يا زهره وأكيد مش هخسرك
وصل سفيان ومهيره إلى المكان المحدد كان مطعم راقى وهادئ رواده قلائل أختار سفيان طاوله جانبيه تطل على النيل سحب سفيان الكرسى فجلست مهيره التى لم ترفع وجهها من لحظه دخولهم جلس مكانه أمامها وقال
حرمانى من عيونك ليه
رفعت عينيها تنظر إليه وجد فى عينيها خوف وقلق عدم ثقه يعرف سببها ومسببها أيضا أبتسم لها بحنان يفيض من عينيه لها ومن أجلها وقال
أنا بحب لون عنيكى جدا
نظرت له باندهاش وقالت بعدم ثقه
عينى أنا أومال لون عينيك يتقال عليها أيه
قال بغرور مصتنع
أنا عارف طبعا أن عينى لونها تحفه ومختلف بس أنت مش ملاحظه الچرح البشع ده
نظرت له طويلا ثم قالت
عارف بالچرح ده انت شبه مين
نظر لها باهتمام وقال
شبه مين
ابتسمت بخجل وقالت
مره قرأت روايه والبطل كان عنده چروح كتير فى كل وشه وجسمه بسبب أنه أتعرض لحاډثه وشوهته وكان ديما بيحس بالحرج لكن البطله حبته بالچروح دى واتجوزته وخلفت منه كمان واتحدت العالم كله وأنت جاى تتكلم عن چرح صغير لون عيونك وضيها مغطى على أى چرح
كان مأخوذ بكلماتها وصدقها ابتسم بسعاده وقال
تعرفى أنا كنت على طول بلبس نظارة الشمس مش علشان الناس علشان كنت خاېف منك أنت
اندهشت من كلماته وقالت
منى أنا ده أنا كنت بخاف منك جدا كنت بټرعب
أدركت ما قالته من نظره عينيه ووضعت يدها على فمها
ثم قالت بصوت منخفض
أنا آسفه آسفه آسفه
قطب جبينه وهو يشير لها ان تهدء وقال
ما أنا عارف يا مهيره عارف أن أنا كنت بالنسبه ليكى وحش
نظرت له باندهاش وحاولت قول شىء ما لكنه اسكتها بإشاره من يده وقال
أيوه يا مهيره عارف وفاهم ومش زعلان
كاد أن يكمل ولكن قاطعهم النادل فقال له سفيان
عايز عشا مميز جدا لاحتفال مميز
تحرك النادل لينفذ طلب سفيان حين نظرت له مهيره بحيره وقالت
إحتفال إحتفال أيه
شبك يديه على الطاوله وقال
هو الحقيقه مش احتفال واحد عدى معايا أول خروجه وأول حديث طويل ومن غير خوف وړعب وحاسس كده أن ممكن تكون فى صداقه فى الطريق كفايه ولا نقول كمان
ضحكت ضحكه رقيقه وقالت
لأ كفايه جدا طيب أحنى اهو فى أول خروجه من غير خوف وړعب وبما أننا بقينا أصحاب أيه هو بقا الحديث الطويل .
صمت قليلا يلعب بتلك الورده الصغيره الموجوده على الطاوله وهو يقول
عايزك تعرفى عنى كل حاجه
بدء يحكى لها عن طفولته التى لم تخلو من مرح وسعاده وحياه مريحه كان