حكاية خديجة وسعد بقلم ريناد يوسف

لو رضي باللي حصل من امه واخته يبقا دا اخر اللي بينا أما لو وقفلهم وجابلي حقي في الحالة دي تنعاد الحسابات من أول وجديد.
وجه سعد اخيرا وسمعت صوت رجليه طالع على السلم وبعكس ماكنت فاكره إنه هيتصدم من منظري او هيتفاجئ لقيته داخل عليا وبكل ڠضب بيقولي
انتي ازاي ياهانم تعملي كده ازاي تغلطي فامي الست الكبيره وټشتمي اختي اللي كانت بتدافع عن امها وبالألفاظ اللي سمعتها دي.. انتي ازاي يطلع منك كل ده
بصيتله ورفعتله شعري اللي فأيدي ولسه هتكلم لقيته رد عليا وقالي
دا عقاپ شويه عليكي على فكره وانا لولا مابمدش ايدي على ستات كنت وريتك العقاپ اللي بجد.
اسمعي يابنت الناس من الاخر كده انا جايبك هنا خدامه لأمي يعني طلباتها أوامر وجزمتها فوق دماغك ودماغي أنا كمان.. عاجبك الوضع كده اهلا وسهلا مش عاجبك اتفضلي شوفي عايزه إيه وأنا اعمله.
بصيتله في اللحظه دي وحسيت إن مش دا الإنسان اللي اكمل معاه باقي حياتي
واحد حتى مسمعنيش ولا اداني فرصة ادافع عن نفسي واحد عايش طول الوقت خاېف من أمه وبيحاول يتفادى ڠضبها عليه بأي حاجه حتى براحة مراته.
وقفت علي حيلي وقولتله
وانا الوضع دا مينفعنيش ياسعد.. انا مش خدامه أنا إنسانه وليا مشاعر وعندي كرامه.. وجزمة امك حطها فوق دماغك إنت لكن انا مش ملزمه ولا مجبره.. انا ماشيه.
وفعلا سبتله البيت ومشيت رجعت بيت خالي اللي اول ماشاف منظري كان هيتجنن وصمم إنه يطلقني من سعد ولما جات مراته تتكلم حلف عليها وقالها تبقى طالق لو فتحي بوقك في الموضوع ده.
وفعلا طلقني من سعد اللي فاهم الرجوله والدين وبر الوالدين غلط.
انا عارفه إن دا بيكون عيب تربيه من البداية بس انا مش ملزمه اتحمل حد إتربي بطريقة غلط وعلى مبادئ غلط ومبيفصلش بين البر والذل.
ورجعت تاني لبيت خالي بس عالاقل انا هنا خدامه لفتره مؤقته وعارفه إن مسيري هتجوز والمرادي هختار صح..
ومش هيكون من طرف حد لاني اكتشفت إن العريس ده مرات خالي هي اللي سعتلي في جوازي منه..وهي اللي اتفقت مع جارتنا وادتها فلوس كمان عشان تورطني الورطه دي وكانت فاكره إني اضعف من قرار الطلاق بس انا فاجئتها برجوعي مره تانيه.
ومن يومها وانا اتعلمت اقول لأ للحاجه اللي مبتعجبنيش وأوافق بس عالحاجه اللي مقتنعه بيها ومساعدتي لأي حد انا اللي احددها إمتا وازاي.. عشان العلاقات اللي بتبتدي بسلبيه وإستسلام بتنتهي بذل وانا إنسانه كرمها ربنا ورسوله ومتخلقتش عشان انذل..إبدأو صح ومع الناس الصح ومتتنازلوش عشان دي حياة كاملة ولازم كل الاطراف فيها تكون مرتاحه..عيشوها وانتوا حاسين بالعدل عشان تقدروا تكملوا.