حكاية خديجة وسعد بقلم ريناد يوسف

دلوقتي وجبت لها طبق تحط فيه علشان المنظر ده ما ينفعش .
حماتي أخيرا لقيت ان اللي بنتها بتعمله ما ينفعش فبصت لها كأنها بتنهاها من غير ما تتكلم علشان ما تكسفهاش قدامي كالعاده پتخاف على احساسها قوي اما انا مستعده ترميني بالجزم علشان خاطر بنتها وفعلا بطلت اللي بتعمله وخدت بعضي وطلعت على فوق الساعه كانت داخله على 11 ونسيت انا كنت نازله لايه او عملت نفسي نسيت وقلت الصبح هقول لها بيني وبينها لوحدنا
والايام بتمر وحاسه ان انا شبابي هيضيع في خدمه حماتي وبنتها اللي ما بيرحموش ابدا وجوزي السلبي اللي ما بيعترضش على اي حاجه وشايف ان انا غلطانه في كل حاجه لكن هروح فين وصبرت على امل ان هي يجي لها عريس و تتجوز وشكل ما يكون ربنا ڠضبان عليها وفي مره سمعت ان جالها عريس ما كنتش مصدقه نفسي وفي اليوم ده لقيتها طالعه لي شقتي الصبح بدري قبل ما انزل ولقيتها زقتني على جوة وهي بتقول لي بطريقه كويسه عمرها ما اتكلمت بيها معايا وده اللي خلاني استغرب بس اول ما خلصت كلامها ضاع الاندهاش على طول ما هي ساعات المصلحه بتحكم
بقول لك ايه يا مرات اخويا يا عسل انتي انا عايزه منك طلب انا عايزاكي تخليني ابرق النهارده عشان العريس يشوفني يتجنن كده .
ضحكت من جوايا باستهزاء على حالي بس قررت ان انا اعمل لها اللي هي عايزاه عشان ربنا يسهل لها وتمشي من البيت ويبقى كفايه عليا حماتي بس وبدات اساعدها ونضفت لي رجليها المشققه وايديها الخشنين خليتهم ناعمين وبعدين قلت لها روحي الكوافير خليها تظبط لك وشك ومره اليوم بسرعه وجم الناس اللي هيخطبوها بس كانت خاېفه تخرج العصير للناس وتحايلت عليا اخرجه لهم علشان هي خيبه مش هتعرف تقدمه وخاڤت يقع قدامهم فيطير العريس وهي خرجت ورايا بالجاتوه بس قعدت قد دقيقتين كده تظبط نفسها وبعدين قعدنا كلنا لحد ما ام العريس فجأه قعدت تطبطب عليا وهي بتقول
يا ما شاء الله عروسه زي القمر يا ابني ربنا يبختها لك احنا خلاص نتفق بقى على كل حاجه وانا من عيني لمرات ابني
ما كناش فاهمين كلنا في الاول انها تقصدني انا لكن طريقه كلامها ان انا المقصوده فكلنا ساكتين لحد ما لقيناها بتكمل وهي بتسالني وبتوجه لي الكلام قدامهم كلهم
بس ما قلتليش خدتي الدبلوم ولا لا يا قمر انتي مش هتبقي مرات ابني لازم اعرف عنك كل حاجه .
لحد هنا ولقيت حماتي زغرت لي بعينيها ان انا اقوم وڠضب الدنيا على وشها هي وبنتها وكانوا عايزين يمسكوني ياكلوني من اللي الست عملته وقالته ورحت قمت وسبت لهم المكان وهي اتكلمت على طول وهي بتشاور على بنتها ورافعه مناخيرها للسما
لا يا حبيبتي دي مراتي ابني اما بنتي الله اكبر اسم الله عليها علياء اللي قاعده قصادك .
سعد كان متغاظ جدا من كلام الست عن خديجه لكن الموضوع ما خدش معاه وقت طويل ودقائق بسيطه لما امه بصت له ان هو يتكلم ويقول اي حاجه علشان العريس عجب بنتها وشكلها متمسكه بيه قوي
فسأله سعد
وانت عايزه تتجوز على امتى كده ان شاء الله يا عريس
العريس
كان حاطط عينه على خديجه وما كانش متوقع انها تبقى متجوزه لما شافها واقفه في السوبر ماركت بتشتري حاجات وعرف ان ده بيتها وجاي على اساس ان خديجه هي اللي هيخطبها لكن