وحيدته لنيرة
المحتويات
وتخسري دنيتك واخرتك
قومت وقفت
_انا عايزة اروح
شدني من ايدي وقعدني تاني
_هتخرجي كدا ازاي
بصيت على هدومي واتنهدت
_هدومي فين يا....
ابتسم
_ خالد.. بشمنهدش خالد
رديت بسخرية
_لازم تعرفني انك مهندس يعني
عدل الياقة اللى مش موجودة اصلا واتكلم بفخر
_ايوا طبعا
ضحكت على حركته
افتكرت محمد كان بيقولي نفس الكلمة لما پنتخانق ملامحي اتبدلت تاني واتكلمت بجمود
_هدومي فين انا عايزة امشي
في الاوضه غسلتهم ونشفوا بعد مدة كنا راكبين عربيته وبيوصلني للبيت قضينا الطريق كله ساكتين لحد ما وصلنا للبيت ابتسمت بمجاملة
_شكرا يا بشمهندش خالد
_ ممكن متعمليش في نفسك حاجه تاني واجههي وحاربي انتي تستاهلي تعيشي حياة سعيدة وبلاش تستني حد يسعدك عشان الناس مش بيجي من وراهم غير الۏجع خليكي قوية وبلاش تهربي تاني واجههي مشاكلك
هزيت راسي بإيجاب
_عن اذنك
_مش هشوفك تاني
مطيت شفايفي بمعني معرفش لقيته ابتسم واتكلم
ابتسمت ونزلت من العربية وقفت قدام البيت وانا بتنفس بصعوبة اتنهدت ودخلت كنت بقدم رجل وبأخر التانية اول ما دخلت البيت لقيت الكل جري عليا واولهم محمد اللي جري عليا كنت حاسه اني بتخنق جانبه وهو دا المكان الوحيد اللى كنت برتاح فيه ... زقيته بعيد ولقيت امي واقفة قدامي وشدتني وهي بتتكلم بقلق
_انا كويسه كنت بايتة عند واحدة صحبتي
اتكلم محمد بعصبية
_انتي معندكيش صحاب اصلا
رد عمي
_محمد اسكت انت دلوقتي تعالى يا نورا اقعدي
قعدت جمبه وانا بتنهد
_ انا اسفة إني قلتكم عليا يا عمي بس كنت محتاجة افصل شوية
بصيت لماما
_ ايه اللي جابك يا ماما
_عمك كلمني وسألني لو كنتي عندي وانه مش لاقيكي عشان كدا قلقت عليكي وجيت نورا لمي شنطتك وتعالي اقعدي معايا
_نورا مش هتروح في حتة دا بيتها ومش هتسيبه
_بس انا عايزة اروح مع ماما يا عمي
_ لا يا نورا مش هتسيبي بيتك
_لو سمحت يا عمي سيبني على راحتي
اتنهد بضيق
_اسبوع وترجعي متغيبيش عليا يا نوارة البيت
ابتسمت وطلعت احضر شنطتي لقيت محمد واقف على الباب
مردتش عليه وكملت تجهيز حاجتي لقيته دخل الاوضه وشد مني الشنطة
_انتي هتقعدي اسبوع بتاخدي كل حاجتك ليه
شديت منه الشنطة وبصتله برفع حاجب
_ وانت مالك
اتنهد بضيق
_نورا متعمليش فيا كدا بلاش تمشي
كنت خلصت الشنطة اخدتها ونزلت من غير ما ارد عليه لقيت جنة فى وشي كانت لسه هتتكلم لكني سبتها ونزلت لقيت ماما مستنياني في العربية سلمت على عمي ومراته ومشيت فضلت طول الطريق سرحانة وساندة راسي على الشباك رغم محاولات ماما الكتير انها تفتح معايا كلام لكني فضلت ساكتة لحد ما وصلنا اول ما دخلت البيت لقيت يوسف وريناد اخواتي من ماما جريوا عليا واخدوني قعدت معاهم شوية واتغدينا بعدها جه جوز ماما.. انا علاقتي بيهم كلهم كويسة لكن جدي مرضاش يخليني اعيش معاهم عشان مترباش في بيت راجل غريب لكن يا ريته كان سابني عشت معاهم على الأقل مكنتش هكون موجوعة كدا
طلعت اوضتي ارتاح فضلت كتير نايمة مصحتش غير الساعة اتنين بليل حسيت اني اتخنقت من الاوضة نزلت اقعد فى الجنينة شويه واخدت معايا ادوات الرسم بتاعتي كنت قاعدة برسم وسرحانة رسمت بنت بټغرق في البحر وافتكرت نفسي لما حاولت اعمل كدا امبارح وجه على بالي خالد اللي انقذني فجأة سمعت صوته ورايا
_ اللوحة دي حلوة وكل حاجة بس ناقصها انا
الټفت لمصدر الصوت واټصدمت لما لقيته واقف قدامي
_انت بتعمل ايه هنا
ابتسم
_مش قولتلك واثق اننا هنتقابل تاني
مشيت كذا خطوة لورا وانا ببعد عنه لقيته بيقرب عليا وجهت فرشة الرسم ناحيته بتوتر
_ انت بتعمل ايه هنا
رفع ايديه لفوق باستسلام وضحك
_حاسبي بس الالوان هتيجي على هدومي
اتنهدت وانا ببعد الفرشة
_ انت ازاي دخلت هنا
لقيته قعد على الكرسي وحط رجل على رجل
_ لا بس رسمك جميل
متابعة القراءة
