وحيدته لنيرة
المحتويات
وقف بعدها وهو بيفك الكرافت بتاعته لقيت خالد مسك ايدي ورحنا قعدنا على ترابيزة لوحدنا
_ هو انت قولتله ايه
ابتسم
_ الف مبروك
_بس كدا امال اتوتر ليه
هز اكتافه بلا مبالاة
_ مش عارف
قاطعنا صوت سامية اللي وقفت قدامنا
_ عقبالك يا نورا
مسك خالد ايدي وابتسم
_قريب جدا ان شاء الله
_مين دي
_مرات ابويا
_ شكلها مش مريح
اتنهدت
_جدا
فضلت متبعاهم لحد ما جه وقت تلبيس الدبل حسيت ان قلبي بيتقطع خانتني دمعة وقتها لكن مسحتها بسرعة مش عايزة اعيط قدامهم مش عايزة ابان ضعيفة تاني ..قامو يرقصوا حسيت ان خلاص هنهار مش قادره اقعد اكتر من كدا لقيت خالد وقف قدامي ومد ليا ايديه
_ لا انا عايزة امشي
شدني وقفني
_ يلا بس
مشيت معاه ڠصب عني وهو اتعمد اننا نقف جمبهم بصيت لمحمد لقيته هو كمان بيبص لينا اتلاقت عنينا للحظات كانت نظرات كلها عتاب واسف .. خلصت الرقصة والكل بدأ ينزل من على الاستديچ كنت لسه هنزل انا كمان لكن وقفني صوت خالد اللي لفيت لقيته راكع على الارض وهو ماسك فإيديه خاتم
الكل بدأ يسقف وانا واقفة مصډومة مش عارفة انطق ولا اتحرك بصيت لمحمد لقيته متعصب وبيشاورلي براسه ب لأ
ساعتها معرفش ايه اللي حصل ليا ولقتني مديت ايديا لخالد اللي لبسني الخاتم وقام وقف بعدها باس ايدي
كل اللي في القاعة سقف لينا لكن محمد كانت نظراته غريبة مقدرتش افهمها وسامية كانت نظراتها كلها حقد وغيظ اما جنة كانت مبسوطة وبتسقف كانت لسه جايه ناحيتي لكني نزلت بسرعة وقعدت على الترابيزة تاني وخالد جمبي
_ دا اللي كان لازم يتعمل اصلا
_ انت متخيل عمي ممكن يعمل ايه انا مش عارفه هو سكت كل دا ازاي أصلا
_ ما انا مستأذن من عمك اصلا
بصتله پصدمة..
_ يعني انت متفق معاه
قاطعني صوت مسدچ على الموبايل من رقم غريب فتحتها ولقيت اسكرينات وفويسات لجنة وهي بتخون محمد وبتقول انها ارتبطت بيه عشان تضمن حقها في ورث ابوها
_ متتحركيش من مكانك
_بس....
_اششش اتفرجي على حقك وهو بيرجعلك
لمحت محمد خارج من القاعة وعيونه كلها دموع كان جوايا صوت بيقولي اجري عليه واسيه وصوت تاني بيقولي اتفرجي واتبسطي قطع تفكيري خالد كالعادة
_ يلا بينا
مسك ايدي ومشينا قابلنا محمد في الكراچ واللي اول ما شافني في ايد خالد مسك ايدي بعصبية
_ انتي ماشية مع معين يا نورا
خالد زق ايديه بعيد وقربني ليه
_ ماشية مع خطيبها يا دكتور
لقيت محمد اتجاهل خالد وبصلي
_ انتي عارفة دا مين عارفه بيقرب منك ليه
خالد شدني وركبني العربية مسابش فرصة لمحمد يكمل كلامه او اني افهم قصده ايه
_ انت تعرف محمد
_ اعرفه منين
_ متردش عليا السؤال بسؤال
_ معرفش حد يا نورا
_ امال هو قال كدا ليه
_معرفش ومش عايز اعرف
سندت راسي على الشباك وانا بتنهد
_بلاش تفكير كتير المفروض تكوني مبسوطه دلوقتي
_ هتصدقني لو قولتلك مش مبسوطة
_ دا ازاي
_ مش عارفه بس متعودتش اشمت في حد
ابتسم
_انتي طيبة اوي يا نورا
في اوضة محمد كانت كل حاجه متكسرة ومحدش قادر يقرب من اوضته اخيرا محمد حس بالخېانة والغدر وكسرة القلب قعد في الارض بتعب وهو ساند راسه بإيديه الاتنين لحد ما لمح صورة لرهف واقعه من الدولاب اللي كانت كل حاجه فيه على الارض مسك الصورة وهو بيضحك
_دا ذنبك يا رهف انتقمتي مني صح كنت عارف
متابعة القراءة
