وحيدته لنيرة
المحتويات
محاولاتي نفذت رغبته وبعدت ودي كانت اول مرة اشوفه من وقتها.
مع الوقت ادركت اني غلطت لما بنيت احلامي كلها على شخص لما خليت محمد محور الكون بالنسالي تعلقي بيه بشكل مفرط أذاني محمد مكنش حب طبيعي محمد كان هوسي اللي قدرت اتخلص منه و قدرت اعرف معنى الحب بجد لما اتعافيت منه
وصلت البيت بعد يوم طويل انا دلوقتي استقريت مع ماما واخواتي وبقى عندي عيلة بتحبني بجد.. عيلة ممتنة جدا لوجودهم في حياتي طلعت اوضتي واترميت على السرير بتعب لكن مكانش جايلي نوم اخدت الواني ولوحة وطلعت البلكونة وبدأت ارسم
بصيت على بلكونة خالد واتنهدت وانا بفتكره .. خالد اخد حبس 3 سنين ومحمد اتنازل عن القضية وقال ان الړصاصة طلعت بالغلط وخالد بينضف المسډس بس برضو اخد حكم لأن المسډس مكنش مترخص
فلاش باك
_ قالولي انك طلبت تشوفني
_اللي بينك وبين محمد عرفته سؤالي الوحيد هو ليه حاولت تقتلني عايزة افهم عملتلك ايه عشان تأذيني كدا
_ الوقت اللي رهف اڼتحرت فيه انا كنت مسافر ولما رجعت مفيش حد كان راضي يقولي عن السبب.. فضلت كتير ادور لكن موصلتش لحاجة وحالتي النفسية ساءت عملت مشاكل كتير هنا .. بابا كان عايزني ارجع انجلترا تاني وقالي اني بقيت مريض نفسي ولازم اتعالج وقتها مكنتش عارف اعمل ايه هربت من كل حاجه ورجعت انجلترا تاني بس كنت بدور برضو ورا اللي حصل لأختي لحد ما عرفت انها كانت بتحب دكتور زميلها وخاڼها مع بنت عمه عشان كدا اڼتحرت
_بعدها نزلت مصر واول مرة قابلتك في اسكندريه كنت نازل عشان ادور على محمد مكنتش اعرف انتي مين بس لما شوفتكم بعدها مع بعض افتكرت ان بينكم حاجه وكمان عرفت انك بنت عمه فكان كل هدفي انتقم منك انتي ومحمد .. يوم ما دخلتلك الاوضه بليل كنت مقرر اني اقټلك واخد حق رهف واخلى محمد يخسرك زي ما انا خسړت اختي بس مقدرتش وقتها ادركت اني بحبك عشان كدا بعدت عن البيت فترة وكنت بتجنبك لحد ما عرفت قصتك من والدتك وعرفت انك ضحېة زي رهف وان محمد بيحب جنة بعدها حاولت اجيب حقك وحق رهف وكانت اول خطوة عملتها لما بوظت الخطوبه
هز راسه بإيجاب واتنهد بضيق
_ وبعدين
_ والدتك اكتشفت اللي حصلك من تسجيلات كاميرات المراقبة وواجهتني قلتلها تديني فرصة واني مش هأذيكي تاني.. كنت فاكر انها صدقتني بس دا محصلش وقالت لبابا على اللي حصل والباقي كله انتي عارفاه
_ وقت الزيارة انتهى... انا لازم امشي
قولت كلامي ووقفت عشان امشي لكنه مسك ايدي
_ نورا انا بحبك
قطع كلامه امين الشرطة و هو جاي ياخده عشان وقت الزيارة انتهى
_ ابقى تعالي تاني... هستناكي
هزيت راسي وانا ببتسمله ومشيت
باك
فوقت من الذكرى دي على صوته
_ الرسمة دي حلوة اوى
_ وكمان صوته في وداني وكل شويه اتخيله... كدا كتير
_ امممم... يعني بتتخيلني كتير انا كنت فاكرك نستيني من قلة زياراتك
لفيت لمصدر الصوت وصړخت اول ما شوفته واقف في البلكونة بتاعته
_ ايه الاستقبال دا پتصرخي في وشي بدل ما تزرغطي اني طلعت
_ ا... انت هنا بجد... انت طلعت امتى
_ ما انتي لو مهتمة كنتي عرفتي لوحدك
قالها وهو بيربع ايده وبيبص الناحية التانية
ضحكت على شكله وهو مقموص كدا
_ على فكره بقت قديمة دي في ميمز طلعت اجدد
_ اعذري جهلي بقا بقالي 3 سنين مش متابع
_ متقلقش هذاكرلك اللي فاتك
نط البلكونة عندي كالعادة
_ انت رايح فين
_ وحشتيني
ابتسمت _ وانت كمان
_ واضح حتى كنتي مغرقاني زيارات
_ مكنتش بستحمل اشوفك في الحالة دي
طبطب عليا _ عارف يا حبيبتي عارف
فجأة سمعنا صوت العاب ڼارية ولقينا السماء كلها
متابعة القراءة
