وحيدته لنيرة
المحتويات
ترجعي بيتك روحي جهزي شنطتك يلا
بصتله وضحكت بسخرية
_ والله
_ نورا عشان خاطري يلا من ساعة ما سبتي البيت وبابا تعبان
على الاقل ارجعي عشان عمك
_ انا لسه مكلمة عمي وهو متفهم الوضع خليك في نفسك انت
فتحت باب العربية وكنت لسه هنزل بس مسك ايدي
_ بلاش تعملي كدا
بعدت ايده ونزلت لقيته نزل ورايا وشدني مرة تانيه
زقيته بعيد وضړبته بالقلم
_ اياك تفكر تقرب مني ولا تلمسني تاني اياك يا محمد
مسك خده بإيده وضحك
_ بس انتي متقدريش تعيشي بعيد عني انتي ضعيفة يا نورا ضعيفة وطول عمرك وحيدة مش هتعرفي تكملي حياتك من غيري وهترجعي انتي دايما محتاجة ليا في حياتك
حطيت ايدي على وداني ودخلت البيت بسرعة لكن وانا داخله لاحظت خالد واقف في البلكونة بيتفرج وهو بيشرب سيجارته ومبتسم مهتمتش بيه وجريت طلعت اوضتي قفلت الباب وسندت عليه وانا بعيط محمد عنده حق في كل كلمه قالها انا ضعيفة من غيره انا مقدرش اعيش بعيد عنه هو كل في حياتي زي ما بيقولوا كدا هو محور الكون بالنسبالي
_ ايه يا نورا هتفضلي قاعدة لوحدك على طول كدا ايه دا انتي كنتي بټعيطي
اتكلمت بتوتر
_ لا مفيش حاجه
شدتني من ايدي وقعدنا على السرير
_ انتي فيكي حاجه مش طبيعية ولحد دلوقتي معرفتش انتي كنتي سايبة البيت ليه وكنتي عند مين
_ وابن عمك قال انه معندكيش صحاب
_ ماما لو سمحتي انا عايزة انام ممكن تسيبيني
لقيتها شدتني
_ احكيلي يا نورا يلا ايه اللي مزعلك يا حبيبتي
عياطي زاد اكتر لكن بدأت احكيلها كل حاجه انا كنت محتاجة حد اتكلم معاه
_ كل دا حصل وانتي ساكتة وكاتمة في قلبك
_ دا بني ادم متخلف انتي ازاي مكملة في ۏجع القلب دا ازاي زعلانه عليه اصلا اللي زي دا ميستاهلش دمعة منك اصلا
_الكلام سهل يا أمي لكن الفعل صعب اوي انسى روحي ازاي
_ هتنسي وهتعيشي وكل ده هيعدي وبكرة تقولي ماما قالت بس المهم انتي تكوني عايزة دا تكوني عايزة تنسي وتكملي حياتك مش تفضلي واقفة مكانك و پتبكي
بقوة وعيونها دمعت
_ مش هسيبك ترجعي اصلا كفاية إني اتحرمت منك كل دا
...
جه الليل وحسيت اني بقيت احسن شوية لما ماما اثبتت ليا عكس اللي محمد قاله اكتشفت انه عندي ناس بتحبني هنا ويقدروا يدعموني وفهمتني انه محمد مؤذي قلبي رافض يستوعب الحقيقة دي لكن عقلي مصدقها كويس بس كنت إلى حد ما مرتاحة نفسيا النهاردة بعد تفكير كتير عنيا راحت في النوم بس حسيت بحد واقف قدامي وقبل ما افتح عنيا كان حط مخدة على وشي كتم بيها نفسي حاولت ابعده اكتر من مرة لكن من غير فايدة كنت بتخنق للحظة حسيت ان دي نهايتي وبدأت استسلم للي بيحصل بس فجأة لقيته بعد عني شلت المخدة من على وشي وانا بشهق كانت الاوضة ضلمة لكني شفته وهو بيجري على البلكونة اللي كانت مفتوحة طلعت اجري على برا وانا بتنفس بصعوبة دخلت اقرب اوضة جمبي واللي كانت اوضة خالد وكان واقف قدام صورة كبيرة لرهف اول ما شافني اتخض وجري عليا
مسكت فيه وانا بعيط وبتنفس بصعوبة مكنتش قادرة اتكلم سندني بقلق واضح وقعدني على الكنبة
_ في ايه اهدي هنزل اجيب ماية واجي طيب
مسكت دراعه وانا برتعش
_ لا لا متسبنيش هيقتلني
_ هو مين انتي بتقولي....
وقبل ما يكمل كلامه كان اغمى عليا فوقت تاني يوم في المستشفى لقيت ماما نايمة على الكرسي جمبي استوعبت اللي حصل امبارح وبدأت اعيط تاني صحيت على
متابعة القراءة
