زواج مدبر شروق خليل

اختك!
مروان سحبها وقعدوا _ انا مش زعلان منك انا زعلان من نفسي اول مره امد ايدي عليكى بس والله مكنش قصدى انا اسف عاوزك تتاكدى انى بحبك اكتر من اى حد وانى متاكد انك عمرك ما تعملى حاجه وحشه بس أنا خفت يكون ضحك عليكى
نيرمين  _ وانا مش زعلانه علفكرا
مروان ابتسم _ وانا موافق على معتز
نيرمين _ بحبك بحبك بحبك يا مارو
مروان ضحك بعد ما خرجت _ عبيطه
بالليل كان الكل جهز يوسف كان مع مصطفي في فيلا احمد
يوسف _ ما يلا يا ابنى دا انت لو بنت مش هتاخد الوقت دا كله
احمد بصوت عالى _ ما يلا يا ابنى انت وهو على بيتصل عليا من بدرى علشان مستنينا
يوسف ومصطفي نزلوا ومشيوا
احمد _ يوسف روح من طريقكم علشان على وهدى وساره وعمر واقفين علشان مش عارفين بيت عزيز فين
يوسف _ تمام
الكل وصل بيت عزيز وليلي واهلها ومروان
ليلي شافت عزيز _ عزيز
عزيز _ اهلا يا ليلي نورتى البيت
ليلي _ اتمنى تنسي الخلافات اللى بينا ونبقي اصدقاء
عزيز _ انا ناسيها من زمان احنا مهما كان بينا بنوته وكبرت وانت صديقه عزيزه عليا
ليلي ابتسمت وعزيز مشي علشان الضيوف
فوق عند البنات
مريم _ خلاص خلصنا
ملك _ انا فرحانه يا ولاد
ليلي دخلت عليهم وزغرطت _ ربنا يحميكى يا حبيبتى زى القمر يلا علشان عريسك تحت
نزلوا كلهم وملك كانت واقفه مع مصطفي وبيشوفوا الناس اللى بتبارك ليهم
مصطفي _ انت جميله اوى
ملك خجلت _ شكرا
و يوسف سحب مريم _ خليكى واقفه معايا هنا
مريم _ طنط ليلي عاوزانى
يوسف بسماجه _ علا ونيرمين هيشوفوها
مريم _ بس
يوسف _ شوفي البنات حلوه هنا ازاى
مريم _ نعم!
يوسف _ يعنى قصدي شكلهم حلو وكدا
مريم _ والله!
يوسف غمز لها _ بس انت احلى طبعا
مريم بصتله بغيره وفضلت واقفه جنبه ومروان كان واقف لحد ما عينه جات على علا فونه رن وخرج بعيد عن الدوشه وعلا شافته
مروان _ ها!
.
مروان _ تمام أوى لو حاجه جديده حصلت تقولي وحسابك هيوصلك
مروان قفل الفون وضحك ضحكه جانبيه
علا جات من وراه _ انت كويس
مروان ابتسم _ ايوا كويس ليه
علا _ شفتك خرجت من جوا ففكرت في حاجه
مروان _ لا كنت بتكلم في الموبايل
علا _ امممم تمام انا هدخل انا بقي
علا كانت داخله مروان وقف قدامها فجأه _ طلعتى ورايا ليه!
علا _ ها! انا يعنى فكرت فيه حاجه كان شكلك مش كويس بس
مروان _ وانت يهمك في ايه ومركزه معايا ليه!
علا _ انا! مش مركزه بعد اذنك
مروان منعها تمشي _ انا شايف مشاعرك وحاسس بيها وسامع نبض قلبك من مكانى يا علا
علا رفعت عيونها بتوتر وفضلت ساكته
مروان بخبث _ كفايه كڈب وقوليلي الحقيقه انا متاكد انك مخبيه حاجه
علا فاقت من شرودها وبعدت _ انا انا مش مخبيه حاجه
مروان اتكلم پغضب وضيق _ تمام يا علا
مروان خرج من المكان خالص وركب العربيه واتجه بيها لمكان غريب
في بيت عزيز كان الكل مشي ما عدا مصطفي اللى فضل مع ملك شويه وبعدين قرر يمشي
مصطفي وهو خارج _ هكلمك لما اوصل
ملك _ تمام
عدت الايام وجه يوم الحفله والكل كان موجود علشان تكريم مروان ومصطفي.
علا _ ملك انا خاېفه بجد اوى
ملك _ مټخافيش طول ما احنا سايبنها مش هتعمل حاجه
علا _ ربنا يستر كلها نص ساعه بس والکابوس دا يخلص
مروان من وراهم _ كابوس!
علا وملك لفوا پخوف _ ها
مروان _ انتم كويسين وكابوس ايه اللى بتتكلموا عليه!
ملك _ اها اصل انا حلمت حلم وحش
مروان رفع حاجبه _ والله!
مصطفي _ مارو يلا علشان كلها ربع ساعه واسم شركتنا هيتنادى ولازم نبقي جاهزين عاوزين الجايزه تبقي لينا يا اخويا
مروان مشي معاها وهو باصص لملك وعلا وفعلا الحفله خلصت علي خير ومن غير اى مشاكل وعلا كانت فرحانه جدا هي وملك.. 
علا كانت خارجه علشان تمشي بعد ما كل حاجه خلصت بس جنى جات من وراها _ علا
علا وقفت بضيق _ نعم عاوزه ايه تانى!
جنى بمكر _ زى ما قلتلك نفذت علشان انت بس وفيتى بوعدك
علا _ انا عملت كل اللى عاوزاه ممكن تدينى الصور بقي
جنى _ نو نو ياروحي لسه اخر step بس
علا بعدم فهم _ نعم!
جنى _ خطوبه نيرمين خلاص قربت جدا وكمان خطوبتى انا ومروان معاها ولوقتها الصور معايا وانت عارفه بقي عريسها ممكن يسيبها لو شاف كل الصور دى لو خطوبتى عديت على خير خلاص نيرمين هتفضل زى ما هى والصور هتتحرق لو العكس فأنا مضمنش ممكن اءذيكم ازاى
علا بدموع _ انتى ...
جنى ضحكت بخبث وسابتها ومشيت علا قعدت مكانها وفضلت ټعيط نيرمين كانت خارجه وشافتها جريت عليها هى وملك
نيرمين _ علا مالك
علا حضنتها جامد _ انا بحبك اوى
نيرمين بقلق _ وانا كمان بس مالك جنى ضايقتك!
علا _ خلاص يا حبيبتى انت هتتخطبي لمعتز ويومها