عوض آلاء بقلم سارة مجدي

الحلاوة دى البيجامه دى متتلبس تانى
لتحمر خجلا وتتجمع الدموع فى عيونها وتحاول سحب يدها من يده وهى تقول
انا اسفه هطلع اغيرها
ليمسك سيف يدها بقوه وهو يقول باستفهام
انت فهمتى ايه انا مقصتش تغيريها بجد انا اقصد انها حلوه عليكى جدا لدرجه انى غيران ان منصور يشوفك بيها
ظلت تنظر اليه بعيونها الدامعه حين اقترب منهم منصور ليضمها اليه وهو يقول بمرح محاولا كسر ذلك التوتر
سيبك منه وتعالى علشان تكلى
اجلسها على الكرسى بوسط الطاوله وجلس هو عن يمينها وجلس سيف عن شمالها كانت تنظر اليهم باندهاش ليقول منصور موضحا
ده مكانى من ايام والده سيف الله يرحمها
واشار الى سيف وقال
وده كمان مكانه وبما انك الست التانيه بعدها الى تدخل البيت ده فده من النهارده مكانك
كانت تنظر لهم بعدم تصديق هل هناك مثل هؤلاء الشخصيات فى الحياه لماذا لم يكن والدها مثلهم كانت عينيها تمتلئ بالدموع وكان كلا الرجلين يشعران بما يدور فى خلدها
كانت نظراتهم لها مليئه بالشفقه حتى قطع ذلك الصمت صوت سيف قائلا بقلمى ساره مجدى
مش بتكلى ليه يا الاء
لتنظر له بتوهه ثم قالت بخفوت
باكل اهو
ليضحك بمرح وهو يقول
لا واضح حتى الاكل كله خلص اهو ومش لاقين حاجه ناكولها
لتبتسم بخجل وبدأت تأكل بهدوء
انتهى الحج منصور من طعامه وقال قبل ان يقف على قدميه ويدخل غرفته
الحمد لله يلا تصبحوا على خير
ثم نظر الى الاء وقال
انا من عاتى بعد العشا بدخل اوضى واقفل عليا ومبخرجش غير على الصبح
لتقف امامه قائله
هو وجودى هيقيد حريه حضرتك
كاد ان يجيبها ولكن سيف سبقه قائلا
لا يا الاء دى فعلا عاده بابا وانا كمان بس دلوقتى انا بقا عندى سبب اغير علشانه العاده دى
نظرت له بتوتر وضياع لييتسم لها بصدق حين قال الحاج منصور
يلا تصبحوا على خير والف مبروك يا ولاد
ثم ربت على كتف الاء قائلا
نورتى بيتك يا بنتى .
نظرت الى سيف بعد ان اختفى العم منصور لتجده يبتسم فأشارت الى الطعام وهى اقول
خلاص ولا لسه
ليبتسم وهو يقول
لا خلاص الحمد لله شبعت كملى انتى اكلك
لتحمل الاطباق وهى تقول
انا كمان الحمد لله
قامت بتنظيف المطبخ بعد ان غادر سيف حتى يبدل ملابسه بقلمى ساره مجدى
مر وقت طويل وهو ينتظرها فى الغرفه فقرر أن يعود اليها ليرى سبب تاخرها ليجدها تغسل الصحون فقترب منها قائلا بشيء من الڠضب
انت بتعملى ايه يا الاء معقوله ده واقفه بتغسلى المواعين يوم فرحك
قالت له بصوت مرتعش
وفيها ايه وبعدين فى الاول والاخر مين كان هيغسلهم غيرى وعلى العموم انا خلصت
ظل ينظر اليها بضيق وهو يفكر تلك الفتاه افكارها مشوهه كليا وعليه اعاده تأهيلها من جديد
صعدا الى الغرفه لتقف الاء فى منتصفها تفرك يدها بتوتر ليجلس سيف حتى يريح قدمه وهو يقول
ايه رأيك فى البيت عجبك
نظرت اليه ثم قالت بخجل
ما شاء الله جميل وكبير ربنا يبركلكم فيه يارب
يبارك لنا كلنا متنسيش نفسك لأنك بقيتى من اهل البيت ده
قالها مصححا وموضحا
اقتربت منه وجلست على الكرسى المقابل له وهى تقول بخجل
ممكن يعنى اقصد ممكن انك يعنى تخلينى اكلم ماما
نظر لها باستفهام لتوضح قائله
اقصد يعنى انت تتصل على تليفون بابا وتطلب تكلم ماما وبعدين انا اكلمها
فقال باندهاش
طيب ما تكلميها على طول من تليفونك
اخفضت راسها ارضا ثم قالت بخجل
انا مش معايا تليفون
ليمد يده بهاتفه امامها نظرت الى الهاتف