لتَكُن لي سُلطانًا وأنا تاجُك بقلم هدير هاشم

سري الدنيا بترميك في اكتر مكان مش عايز تكون فيه وبتكون لوحدك.
_أساعدك
_ لا شكرا.
_ اللي جاي قطر طنطا!
_ أيوة هو.
لفيت وشي وأنا بجهز بصيت من بعيد على كل اللي واقفين كل دي ناس بحواديت وقصص مختلفة كل دي زحمة كل دول ناس هيبقوا جوا القطر!!!
كنت بمد أيدي علشان اخد الشنطة وقت ما الكل ركب وانا كالعادة وقفت للآخر لقيت حد سبقني _ بسرعة القطر هيتحرك.
_ طيب خلاص انا هتصرف.
قال وهو منتظرني اركب_ اتفضلي خلاص القطر هيتحرك.
دخلت القطر وانا بعد ارقام كتير عندي ڤوبيا الزحمة وعلشان انا عارفه دوايا وقفت في مكان فيه هوا وفتحت الفون وقررت اكتب القصة الجديدة اللي هتسحبني لعالم تاني عالم فيه أنا والفارس واحلامي وبس.
_ بتكتبي المشاهد وبعدها نقط ليه مش فاهم ليه مش بتنهي الحوار يعني
بصيتله پغضب شوية وانا برتب أفكاري اكتر حاجه ممكن تعملها وتضايقني هي أنك تخرجني من العالم الافتراضي بتاعي قاطعني وهو بيقول.
_ انا اسف مكنش قصدي اقاطعك بس لفت نظري كل المشاهد والكلام فيها مش كامل أو انتي مش حابه تنهيه.
_ عادي مجرد حركة عفوية بعد كل جملة مني حصل خير.
_ طيب بس...
حطيت الهيدفون وبدأت اكمل كتابة انا مش بسمع فيها حاجه بس مش حابه حد يقتحم العالم ده او يفهم فيه حاجه محدش هيفهم أنا قاصدة إيه هنا محدش هيحس بۏجعي اللي بوصفه هنا كل حاجه مقصودة كل حرف وكلمة كل حاجه يا إما حصلت يا اتمنيتها تحصل.
مش فاهمين ليه بحط نقطتين دايما بعد كلامي أو ليه بسكت فجأة بدون تبرير يمكن لان اللي حاسة بيه لسه مقولتوش أو لأن كل مشاعري مبعرفش أظهرها هوضحلك حبي بطريقة انت متفهمهاش بس انا فاهماها انا حساها.
_ آنسة تاج في هناك مكان ممكن تتفضلي.
اتكلمت وانا عيوني في الفون زي ما هي_ لا مش هقعد شكرا خلاص وصلنا.
_ اتفضلي روحي اقعدي على الأقل مش هتضطري تمثلي انك بتسمعي مزيكا.
يتبع
لأنها_تاج
هدير_هاشم
_مصالحتيهوش ليه
_هو انا هزعله واصالحه
_لا بصراحة عيب في حقك.
_اهو شوفتي وانا العيب ميطلعش مني.
_قصدك غير منك.
_اتربي يحيوانة.
أنا عمري عمري عمري ما هصالحه في يوم هو الحقيقة أنا مبعديش فرصة اقدر اضايقه فيها وهو كل مرة بيتحمل وهيفضل يتحمل علشاني مش انا تاجه دايما بيقولي كده يبقى يتحمل علشاني كل حاجه
_ انا آسفة.
_ وحشتيني.
_احلى حاجه الثبات على الموقف خد بالك لا لا بس أنا زعلانه.
_ انتي برضو
_ قصدك ايه آه مانا مبقتش أعجب قولي ها حلوة يعني طبعها حلو عجباك
_ جامدة أوي.
_ والله!
_ زيك كده.
الموقف ميستحقش حاجه مبيحبهاش سهله مش هعملها بس دايما بتعمد اضايقة نقدر نقول على ده نوع حب جديد انا كده بحب اضايق اللي بحبهم بستمتع وانا معصباهم مع اني خلقي أضيق من خرم الإبرة حقيقي بس ولو ولو...
_ طول عمرك قد كلامك.
_ اعمل ايه يعني! كان واحشني وكنت عايزة اصالحه بصراحه.
_وبتزعليه ليه من الاول
_ علشان بحبه عادي.
_ تاج انتي غبية!
_ لا والله أنا بس بحب شوقه ليا وقت ما بنغيب فترة زعلانين.
مش شوقه بس نظرته ليا الأمان اللي بحس بيه وياه رعشة قلبي مع كل كلمة منه بتخطفني كل حاجه بيعملها علشان يفرحني علشان يشوف ضحكتي وبس يمكن الحياة لطيفة بيه الحياة بقت حلوة اوي بوجوده.
_ هننزل نجيب طوق الورد لعيد ميلادك.
_ أيوة هننزل فين بقا
_ بتسأليني هو أنا اللي عارف!
_مبتنفعش في حاجه خد بالك.
_ والله
_ وحياتك.
_ عيونك سود.
_ ارحمني يارب.
مفيش
مرة أقابله إلا