لتَكُن لي سُلطانًا وأنا تاجُك بقلم هدير هاشم

المشكله أن الواد محترم اوي بالك لو قليل الادب شوية كنت وافقت.
_ اتربي شوية.
_ عايزة ايه يا وعد!
_ بصراحه عايزاكي توافقي.
_ بت انتي حد سلطك عليا.
_ أمك.
_ امك انتي يحيوانه.
_ لا مش بشتمك امك فعلا اللي سلطتني.
_ اممم بقا كده تمام.
قررت استخدم اساليبي بما أن الكل موافق وانا صليت والحمد لله مش فاهمة أي إشارة مبدهاش بقا.
_ يماما ده كان بيقولي يا آنسة تاج!
_ عايزاه يقولك يبت يا تاج يعني!
_ لا يقولي حضرتك أحسن!
_ انتي عايزة ايه لو جالك حد مش كويس تقولي شبح ومش هننفع مع بعض ولما يجيلك المؤدب تقولي بيقولي يا آنسة انتي هبلة يبت!
_ مهي دي المشكلة أنه مؤدب يعني ده لو دخلت معاه سينما هيقعد جنبي عادي ده لو وافق يدخل معايا سينما ومخافش.
_ انا عايزة أعرف أنا تربيتي راحت فين.
_ في الحفظ والصون والله يماما شيلاها لجوزي.
_ نعم!
_بصي بصي أنا موافقة.
_ يبنتي طب بس فك.. ايه
يتبع
لأنها_تاج
هدير_هاشم
وداعا للجميع إلا هو فقلبي به مرحبا
_خلصتي القصة
_أيوة يا ماما.
قعدت جنبي وابتسمت _ اقرأيهالي...
بصيتلها بحب وبدأت أقرأها واشاركها أفكاري وشغفي وحبي وخيالي وحزني زي ما اتعودت...
_تفتكري الطير في السما مرتاح
_مظنش هو زيه زيك نفسه يكون ليه رجلين يمشي بدل تعب جناحاته تعب من الجري وسط السحاب حاسس جناحه خلاص قال كفاية وقف بتشنج فوقع على جدور قلبه وقع وحبك.
_ ما يمكن أنا اللي كنت بدعي يتعب يتعب و ينزل ع الأرض علشان ولهان برفرفة جناحه في السما.
_ ده آخر مشهد فيها وبعده التوقيع بقا.
_ طول عمري شيفاكي طير جناحك في السما بيعلى لفوق فخورة بيكي.
_ ربنا يديم وجودك نعمة في حياتي يست الكل.
ابتسمت وهي بتغير مجرى الكلام _بس انتي عارفه أن احسن حاجه عملتيها في حق نفسك إنك اتنازلتي عن خيال علشان حقيقة.
_شايفة حبي خيال!
_ شايفة طير بيتعلق بصيااده ميعرفش أن هو السبب في مۏته.
_ماما كل حاجه انتهت.
شاروت على قلبي_ بس منتهتش من هنا.
_صدقيني لو هيكون السبب في تعبي يبقى هتعامل كأنه مدقش.
كنت قاعدة على رصيف القطر مستنياه بلهفة علشان أرجع بيتي وبفتكر آخر كلام بيني وبين ماما.
كان في حد مشغل أم كلثوم وهي بتقول مخطرتش على بالك يوم تسأل عني
مفيش حاجه بتحصل صدفه إزاي أول مقابلة بينا كانت هنا ودلوقت لوحدي وجنبي عتاب أم كلثوم وبس.
فتحت الفون وبدأت اكتب القصة كالمعتاد وانا برمي عتابي ليه بين سطورها يا ناسيني وانت على بالي وخيالك ما يفارق عيني
كنت حاسة أن ام كلثوم بتقولي فاكرة فاكرة ضعفك لما حبيتي فاكرة ازاي كنتي بتتنازلي ابتسمت بحزن وانا بكتب بين سطور القصة.
أنا تاج نجحت في كليتي كونت معارف كتير بس بردو لوحدي بس الوحدة أحسن من وحوش الناس دي قربت من حد مرة واتوجعت لما قطع حته من قلبي وهو طالع منه أو نقول رميته براه بالڠصب.
كنت بكتب إنجازاتي واحد ورا التاني ازاي اتدربت من سنه أولى ازاي اخدت كورسات في تانية وازاي دلوقت بحارب في تالته ازاي قمت بعد كسرة عمر خسرتني حد مهم من أهلي وازاي فهمت ضعف حد كنت فكراه قوي ازاي دخلت لعالم لطيف اوي زي الكتابة ازاي بردو طورت نفسي في كل ده وفي الآخر مش حاسة إني فرحانه انا علميا انجزت عمليا انا لسه محصورة بين جدران علاقة خايبة وقلبي لسه پينزف بۏجع.
صوت القطر قطع صوت ام كلثوم وصړيخ أفكاري قومت ومسكت الشنطة وأنا بعد أرقام
كتير في