رواية المتمردة الفصل الثلاثين إلى الثاني والثلاثون للكاتبة منى لطفي

وقال والغموض يغلف نظراته وانا موافق ...وانا متأكد انى هكسب التحدي ....لأني مش من النوع اللي بيسلم بالهزيمة ابدا.. قالت ريتاج بنزق هو ماتش ملاكمة قال لها بنصف ابتسامة ساخرة تقدري تقولي انه معركة البقاء والبقاء للأقوى يا ....مراتي !! زفرت ريتاج بحنق بينما كتمت سعاد بسمة كادت ان تفلت هي تعلم بحب ابنتها لأدهم ومدى ۏلع وعشق أدهم لها ولكن لابد من درس صغير ليعلما هما الاثنان ان علاقتهما اغلى من ان تمر بمثل هذه العقبات التافهة ولابد ان يثبتا لبعضهما البعض مدى حب كلا منهما للآخر ولن يحدث ذلك ولن تقتنع ابنتها الا بإسلوب الضغط الذي مارسته عليها الآن .....
خرجا من غرفة سعاد بناءا على طلبها لهما لتركها لترتاح قليلا ما ان غادرا الغرفة حتى نادته ريتاج بصوت منخفض وقالت ببرود ممكن كلمة لو سمحت نظر اليها مستغربا من لهجتها ولكنه أومأ برأسه موافقا واشار لها لتتقدمه الى غرفة المكتب بعد ان اغلق الباب وراءهما اشار لها بالجلوس ولكنها رفضت وقالت مالوش لزوم انا مش هاخد من وقتك كتير هما كلمتين اتنين وبس!! نظر اليها وقال ساخرا وهو مكتفا ذراعيه امامه كلمتين وبس يعني عموما مش هضيع وقتي في اقعدي لأ ..عادتك ولا هتشتريها ..ها ....ممكن ندخل في الموضوع على طول نظرت اليه مليا ثم تلكأت في الكلام مما جعله يندهش ومال برأسه ناحيتها وقال مقطبا ايوة يا ريتاج سامعك قالت تحدث نفسها بصوت هامس وانا أقولهالو ازاي دلوقتي الله يسامحك يا ماما بس لازم اقولهالو مالهاش حل تاني قال لها وهو يمد يده ليضعها على جبهتها لا مش سخنه ولا حاجه ثم ازاح يده وهو يقول مستفهما هو ايه دا اللي لازم تقوليه يا ريتاج قالت بعد ان تمالكت نفسها قليلا وحاولت اخراج صوتها بثبات واضح كدا اننا لازم نتمم الجواز صح أومأ برأسه موافقا وقال صح .. قالت بعد ان اخذت نفسا عميقا احنا هنتجوز فعلا بس....بس..بس مش هنتجوز! نظر اليها مندهشا وعينيه مفتوحتين على آخرهما نعم يعني ايه هنتجوز بس مش هنتجوز دي ان شاء الله قالت وهى تهرب بنظراتها منه ايه يا ادهم ..احنا هنتجوز... قال لها مؤكدا ايوة ..جميل فأكملت بس مش هنتجوز! نظر اليها قائلا بريبة انت حاسة بحاجه يا ريتاج تعبانه مثلا يمكن ما فطرتيش علشان كدا مهنجة قالت له بنزق وحدة انا مهنجة ولا شكلك انت اللي فاصل والاستقبال عندك مقطوع !! نظر اليها لبضع ثوان مندهش من انفعالها وما لبث ان رمى برأسه الى الوراء مطلقا ضحكة عالية جعلتها تنظر اليه بدهشة واعجاب بالرغم منها بملامحه التي اصبحت اصغر من سنوات عمره المقاربة ل عاما بعد ان هدأت ضحكته قال معلهش يا ريتاج بس اصل اول مرة حد يقول عليا مابفهمش ....انا دايما الريسيفر عندي شغال هوا ..بس معرفش جه لغاية عندك ووقف !! قالت له بارتباك نوعا ما بص يا ادهم من الآخر ومن غير لف ودوران ..احنا هنتجوز بس شفهي مش تحريري !! قال لها مقطبا جبينه ما احنا متجوزين تحريري والمأذون كتب القسيمة وخلاص يبقى شفهي ازاي بأه زفرت بضيق وقالت بحنق جرى ايه يا ادهم اللاه معقولة تكون مافهمتش ...ثم تنهدت بنفاذ صبر وقالت بص يا ادهم من الاخر علشان شكلك هتتعبني ..احنا هنتجوز على الورق بس ....وصلت ثم قالت ساخرة ما اللا الخازووج تكون مافهمتش مقلدة سهير البابلي في مسرحية ريا وسکينة سكت قليلا ناظرا اليها مقطبا جبينه ثم قال بهدوء وتساؤل انت قصدك انا هنكون متجوزين بس مش متجوزين اشارت برأسها بالإيجاب فقال مستفهما بهدوء ادهشها عاوزانا نقعد سنة كاملة متجوزين على الورق بس اشارت له بالايجاب مجددا سكت قليلا ثم قال بنبرة الهدوء التى تسبق العاصفة ريتاج معلهش انت شايفاني ايه قدامك ارتبكت من سؤاله وقالت مستفهمة نعم شايفاك ايه هو دا سؤال يا ادهم قال بقوة انا اللي بسأل ...انت شايفاني ايه قدامك ارتبكت قليلا وتلعثمت وهي تقول شايفاك راجل طبعا يا ادهم !! تقدم منها حتى وقف امامها وقال وهو ينظر في عينيها بقوة شايفاني راجل ..طيب كويس ..يعني مش كيس جوافة تبيعي وتشتري فيه براحتك !! قالت له معترضة ايه طريقة الكلام دي يا ادهم قال بنزق والله طريقتي مش عجباكي ! وانت اللي عماله تبيعي وتشتري فيا طول الفترة اللي فاتت دي كلها تبقي ايه وانا اقول معلهش حقها ..زعلانه واخده على خاطرها اصبر عليها انت بردو بتحبها وهي لو ماكانتش بتحبك ماكانتش زعلت بالطريقة دي زعلها معناه انك فارق معاها وبعد دا كله تقوليلي جواز ع الورق بس !! قالت ببرود والله دا شرطي وانت قرر قال لها ساخرا وايه اللي هيخليني أقبله ان شاءالله تفتكري لو مامتك عرفت بالشرط دا هتفرح بيكي مامتك عاوزانا زوجين بجد ..بحق وحقيقي يا هانم مش تمثيل وكدا وكدا !! ثم زفر پعنف وقال عموما انا هريحك يا ريتاج انا عمري ما فرضت نفسي على حد ولا هفرض نفسي عليك ....انا موافق يا ريتاج ومش هلغي اتفاقنا غير بموافقتك انت ... ثم تابع رافعا حاجبه باستفزار وابتسامة ماكرة ترتسم على وجهه وياريت بس انت اللي ماتجيش بعد كم يوم وتقولي رجعت في كلامي ! نظرت اليه وقالت بحنق يا سلام ....دا في الحلم يا ادهم بيه ..قال ارجع في كلامي قال!!
مرت الفترة التي تسبق الفرح على قدم وساق بين تجهيزات العروس وانشغال ادهم بتجهيز شقة الزوجية التي جهزها في طابق منفصل كامل في الفيلا لكي يضمن لهما الخصوصية من جهة وحتى لا يبعد عن والدته واخوته وتستطيع سعاد البقاء معهم بالقرب من ريتاج من جهة أخرى ....
وافقت سعاد على ترتيب ادهم ولكنها طلبت منه ان تظل محتفظة بمنزلها وتذهب من آن لآخر لتلقي نظرة عليه مع الاحتفاظ بابتسام وزوجها في رعاية المنزل ووافقت ريتاج على قرار امها ولم تعارضه فعقلها مشغول بما هي مقبلة عليه ويكفي ان امها ستكون معها لئلا تقلق عليها ...
في الليلة التى تسبق الفرح فاجئتها مها وصديقاتها بالقدوم وعندما سألت قالت مها بمرح الليلة دي الحنة يا عروسة!! قدمت راندا وهى تشير لسيدة سمراء اللون وتقول اتفضلي يا قمر ......العروسة هنا اهي .... وكانت ليلة من ليالي ألف ليلة وليلة فقد اتفقت راندا مع نزار ومحمود ان يرافقا ادهم خارج المنزل ليتسنى للعروس وصديقاتها الاحتفال بحرية تامة اندهشت ريتاج عندما جذبتها احدى مساعدات قمر التي اشتهرت بإقامة ليالي حنة للعروس يشهد لها القاصي والداني واشارت لها راندا الى غرفة لتستطيع تجهيزها بحرية رفضت ريتاج ارتداء بدلة للرقص الشرقي كما هي العادة ليلة الحنه ولكن تحت اصرار امها وحماتها ارتدت جلبابا للرقص الشرقي على غرار سامية جمال زينتها قمر ثم بدأ الغناء والتف صديقاتها حولها وهن يشجعنها على القيام بحركات الرقص الشرقي كانت خجلة وصاحت في راندا پغضب وهى تقسم في داخلها انها لن تمرر لها هذه الفعلة وقالت لراندا من بين اسنانها والتى كانت مصرة على الرقص معها راندا صدقيني انت لو عرفت انا عاوزة اعمل فيكي ايه دلوقتي هتختفي من قدامي في ثانية ..ابعدي عن وشي الساعه دي ...اشتري نفسك احسن لك!
ضحكت راندا وهي تقول غامزة لمها بردو هترقصي ! اشارت لصديقاتها اللاتي تجمعن حولها وقامت فرقة قمر بالغناء ....عارضت ريتاج في البداية وما لبثت ان استسلمت عندما قامت والدتها وامسكت بيدها لترقص معها ...وكانت راندا تسجل ما يحدث امامها بكاميرا الموبايل وهى تقول بمكر ماشي يا تاج ابقي وريني هتعملي فيا ايه بجد لما تشوفي الفيديو بتاعك دا وانت بترقصي دا انت فشړ كاريوكا في زمانها كنت مخبية دا كله فين ...ربنا معاك يا اخويا مش عارفة هتعمل ايه مع الموزززة دي ! ....
انتهت ليلة الحناء بضحك وفرح ودعوات من القلب ان يتمم الله للعروسين بالخير ويرزقهما الذرية الصالحة وقد احمر وجه ريتاج للكلام الضاحك الذي تبادله الموجودات عن العرس وليلة الزفاف !! .....
صباح يوم الزفاف استيقظت ريتاج لتطالع امها وقد جلست بجوارها على الفراش وهي تنظر اليها مبتسمة اعتدلت ريتاج جالسة وقالت بقلق صباح الخير يا ماما ..انت كويسة اجابت امها بابتسامه وهى تداعب بيدها خصلات شعر ابنتها صباح النور يا عروسة ..انا الحمدلله بخير حبيبتي ...بس حبيت اشوفك اول ما تصحي لأن من بكرة مش هينفع... حد تاني اللي هيتصبح ويتمسى بالوش الجميل دا !! قالت ريتاج معترضة وقد احمر وجهها بشدة ماما !! ضحكت سعاد وقامت وشدت الستائر فتحتها لتدخل اشعة الشمس الى الغرفة وقالت لها وهي تشير بيدها ياللا ياللا بلاش دلع اتفضلي حضرتك قومي خدي الحمام بتاعك علشان الكوافيرة قربت تيجي ..كويس انها هتيجي هنا علشان تكوني براحتك بس معرفش ليه ادهم صمم انها تيجي هنا وماتروحيش لها عندها في الصالون مع انها طلبت مبلغ كبير علشان تيجيك هنا في البيت لكن هو ماهموش ودفع !! تذكرت ريتاج مناقشتها مع ادهم عندما سألها عن صالون التجميل فأخبرته انه ذات الصالون الذي ذهبت اليه مع راندا ومها فأخبرها انه يفضل ان تأتي اليها مصففة الشعر في المنزل وعندما عارضته فقط لمجرد المعارضة مع انها في داخلها مقتنعه انه من الافضل ان تأتي المصففة لتكون على راحتها ولكن شيئا ما هو الذي يدفعها لمعاندته ولرفض اقتراحه فقط لمجرد الرفض !! فما كان منه الا ان نظر اليه قائلا ببرود بصي يا ريتاج ..مافيش قدامك غير حل من اتنين يا تيجي الكوافيرة هنا يا اما مافيش كوافيرة خالص وابقي اعملي انت شعرك وماكياجك بنفسك ولا ماتعمليش مش مهم ايه رأيك نظرت اليه بدهشة وقالت ايه انا أي نعم مڠصوب عليا انى اكمل الجوازة بس بردو مش هفرح الناس فيا لما يشوفوني في الفرح ولا كأني عروسة خالص ....انا عاوزة افهم انت ليه رافض انى اروح الصالون العروسة بتروح الصالون والعريس بيروح ياخدها من هناك زي اخواتك كدا يوم خطوبتهم يعني مش تقليع جديد ولا حاجه يبقى ليه تقدم منها ناظرا في عينيها وقال بثبات هو انت لما تروحي الصالون دا مش المفروض بتلبسي كمان فستان الفرح هناك وهما اللي بيوضبولك كل حاجه أومأت برأسها ايجابا فقال بهدوء وانا ارفض
انك تقلعي وتلبسي في مكان