ابن ليل الجزء الرابع لأميرة أسامة

تاني ابدا
سمعت صوت رساله تانيه
هيما طب ايه افهم من كده انك مش عايزه تكلميني ولا خاېفه تردي عليا عشان مطلبش باقي طلبات العيد ميلاد
حاول هيما علي قد ما يقدر يحسسها انه بيهزر وزيبعدها خالص عن التفكير في الموقف لكن دارين مكانتش قادره لان هي عارفه ان هو اللي شاف دانه واللي بيعمله ده مش اكتر من انه يحسسها ان مفيش حاجه حصلت
تصرف هيما كان بيزود إعجاب دارين بيه و بيكبره في نظرها لكن هي ڠصب عنها الموقف محرج جدا يمكن لو كانت علاقتها بيه قويه او بقالهم كتير مع بعض كانت ممكن تعدي اه الموقف هيبقي محرج بردوا لكن ارتباطهم القوي ببعض كان هيخليها تتخطي الموقف بسرعه لكن هما علاقتهم لسه مبدأتش هو اعترف بحبه من قريب وهي يادوب اول

________________________________________
يوم امبارح تفك معاه شويه فا الموقف محرج جدا
فضلت دارين حاطه صباعها في بوئها مربعه رجلها علي السرير وعينها علي الموبايل وكل رساله تجيلها تبص فيها من بره عشان ميعرفش انها فتحتها
وطبعا حركتها دي توقعها هيما ببساطه و بعتلها رساله بصوته
هيما واضح انك بتشوفي رسالتي من بره فا انا قررت ابعتلك ڤويس لانه مش هيتفتح إلا لو ډخلتي وبما ان فضولك هيقولك عشان تعرفي انا مسجل ايه
فا انا معنديش اي حاجه اقولها غير انك وحشتيني وهتنفذي باقي طلباتي ڠصب عنك يا دارين
طبعا شافت دارين من بره انه ڤويس وفعلا كانت ھتتجن وتسمع فضلت تفكر تدخل تسمع ولا تستني شويه
الموقف اللي حصل بينهم كان محرج ويمكن مكانش وقته خالص بس اللي يلغبط في الموضوع ان دارين عرفت انه شافها وهو اللي قال لدانه وعامل نفسه ميعرفش وهيما عرف من دانه انها سمعتهم وعرفت ان هو اللي شافها وهي هتحاول تعمل نفسها عبيطه
بس لا هي قادره تعمل نفسها عبيطه ولا هو قادر علي هروبها منه مش عارف يروح في وشها يقولها انسي اللي حصل وموقف وعدي وكويس ان انا اللي شوفت ولا يسكت
استنت دارين شويه وبعدين فتحت الموبايل سمعت الڤويس بسرعه وخرجت وبعدين ابتسمت مش عارفه تعمل ايه بس الاكيد انها مش هتقدر تواجهوا
وصلت دانه وديما علي الجامعه دخلوا جوه لمحوا سماح مستنياهم سلموا علي بعض و عشر دقايق ومشيت سماح راحت محاضرتها وهما استنوا معاد محاضرتهم كان فاضل عليها حوالي نص ساعه راحوا علي الكاڤيتريا يستنوا محمد واحمد وهي ماشيه أتلألمت بصوت مسموع نسبيا ومسكت في ايد ديما
دانه اااااه
ديما في ايه
دانه ديما الحقيني مش قادره
ديما پخوف مالك حصل ايه
دانه مش عارفه
رجلي فيها ألم فظيع من وراء
ديما من فين طيب
شاورتلها دانه علي مكان الۏجع وهي مش قادره تتحرك خطوه ومثبته رجلها في الارض
ديما دي عضله تقريبا
دانه مش عارفه بس بتوجعني اوي
قرب منهم محمد واحمد في الوقت ده
محمد صباح الخير
احمد صبااااحو
ديما صباح الخير بقولكم ايه دانه رجلها ۏجعاها اوي
محمد ايه ده في ايه مالك اتخبطتي ولا ايه
احمد طب تعالي اقعدي
دانه لا مش عارفه اتحرك خالص
محمد طيب من ايه وقعت ولا اتخبطت يا ديما
ديما لا دي مره واحده كده وتقريبا شد عضل
احمد طيب امسكي وش رجلها بالعكس هتفك بسرعه
ديما يعني ايه
احمد اقلعي بس الكوتشي
دانه ااااااه لا مش هعرف
محمد طيب ماهو لازم تفكي العضله دي انا مش عايز بس اعملهالك عشان الخلق اللي واقفه دي
ديما طيب قولي اعمل ايه وانا هعمله
محمد قلعيها الكوتشي وامسكي صوابعها اضغطي عليهم لفوق علي قد ما تقدري
ديما تمام
سابتها ديما وبسرعه مسكتها دانه
دانه لا لا متسبنيش بتحرك والحركه بتوجعني اكتر
بص محمد حواليه كان الشباب حواليهم بعيده شويه
محمد طيب اوعي اسنديها انتي يا ديما نزل محمد علي ركبته سحب منها الكوتشي بسرعه ومسك صوابعها ضغط عليهم بقوه لفوق
دانه ااااه لا لا بتوجع اكتر
احمد معلش هتفك الوقت
دانه محمد سيب عشان خاطري ااااه
محمد لحظظظظظه استحملي
حست دانه ان روحها اتسحبت منها وشويه شويه الوجه بدأ يروح
رفع محمد وشه ليها
محمد ايه فكت شويه
هزت دانه راسها
ساب محمد رجلها و قري منها الكوتشي
دانه لا لا سيبه يا محمد انا هلبسه بس اخد نفسي
محمد هتوطي قدام الخلق دي كلها
دانه وايه المشكله انا هلبس الكوتشي
محمد حطي رجلك يا دانه اخلصي
دانه بإحراج محمد خلاص والله انا ارتحت شويه
محمد عارف انك ارتحتي بس انا بنقولك مش هينفع توطي يلا اخلصي رجلي وجعتني
احمد بضحك اخلصي الولا رجله هيجيلها شد عضل هو كمان
ابتسمت دانه وحطت رجلها وللحظه حست انها اتخطفت وحست باحساس اول مره تحسه في حياتها كلن غريب عليها وفي نفس الوقت استغربت نفسها لان هي لا بتهتم بالمشاعر دي ولا حتي دي شخصيتها بس الموقف وكلام محمد و حتي لمسته لرجلها لغبطوها لبست بسرعه وفضلت باصه عليه وهو بيربط الرباط
قام وقف وبصلها وهو مبتسم اي خدمه معاكي دكتور محمد للعلاج السريع وهنستناكي في الاستشاره
ابتسمت دانه بإحراج
دانه ميرسي يا محمد
محمد طب ايه محاضراتكم امته
ديما يا خبر يلا فاضل خمس دقايق
احمد طب يلا بسرعه احنا كمان عندنا محاضره
مشيت دانه جنب ديما من غير ما تنطق كانت بتبص علي محمد بطرف عينها وعندها حاله من الاستغراب لنفسها ليه الموقف فرق معاها ليه لما قالت هتلبس هي رفض ليه نظرته الغاضبه نسبيا لما قالها هتوطي قدام الناس فرقت معاها
عشان اول مره تحس ان حد أهتم بيها وغار عليها عشان اول مره تعيش الاحساس ده رغم ان لا هي اظهرت قبل كده اي مشاعر تجاه محمد ولا محمد اظهر اي مشاعر ليها وحتي لما عمل الموقف ده مكانش باين عليه اي حاجه غير انه اتصرف تصرف عادي بس الموقف عموما اثر في دانه كانت مبسوطه من جواها وفي نفس الوقت مستغربه موقفها هي من الشعور الجديد اللي اول مره تحس بيه
مر حوالي خمس ساعات ودره مش عارفه توصل لكرم لا موبايله اتفتح ولا ظهر وكلمها واول مره تحس بالعجز مش عارفه تتصرف ولا عارفه تعمل ايه عشان تطمن عليه ولا قادره تكلم حد عنده وتسأله هتتصل تقولهم أيه وبأي

________________________________________
حق هتسأل عليه للحظه ندمت انها طلبت منه يخبوا موضوع رجوعهم لبعض وإلا كان زمانها متصله وبتسأل عليه قررت تبعتله رساله تانيه وصوتها المرادي كان باين عليه القلق والحزن
دره كرم انت فين بجد بقي طمني حرام عليك انا من الصبح هنتجنن ومش عارفه ازاي نوصلولك قولي فيك ايه يا حبيبي حرام عليك بجد انا من الصبح مش عارفه نركز في الشغل بسبب خۏفي عليك
اتنهدت دره وسابت الموبايل علي المكتب حطت ايدها علي راسها كانت مصدعخ ودماغها راحت لألف سيناريو اوحش من بعض واولهم ان والد منصور ورجالته يكونوا عملوا في حاجه الفكره نفسها خلت قلبها اتنفض وبسرعه مسكت موبايلها واتصلت علي مها وقررت زي ما تيجي تيجي
مها ايوه يا دكتوره حنيتي عليا يابت واتصلتي
دره بابتسامه حاولت تكون هاديه انا لو عليا مكنتش عبرتك بعد اخر موقف بس يلا خليها عليا
مها تقومي متسأليش عني تاني يا واطيه
دره كنت بنطمن عليكي من بكر وكرم وعيالك
مها بضحكه عبيطه كانوا بيقولولي
ولو مكنتيش عملتي كده كنت سمعتك ربع
دره ما كفايه ارباع بلبله هيبقي انتي وهي
مها وانا اجي فين جنب ربع امك يا بت
دره هتقوليلي المهم بنقولك ايه
مها قولي
دره بإرتباك حاولت تخفيه علي قد ما تقدر اااا انا كنت بنتصل بكرم عشان كنت عايزه نسأله علي حاجه بس موبايله مقفول من بدري متعرفيش هو فين
مها كرم تحت من الصبح في الدكان
دره لما نزلت الصبح مكانش موجود وكمان بنتصل من بدري موبايله مقفول
مها منعرفش والله يا دره اللي اعرفه انه تحت بس يمكن يكون راح مشوار شغل او في المزرعه انتي عيزاه في ايه
دره اااا لا اصل يعني كنت عايزه نجيب للولا هيما هديه وعرفت من البنات ان هيما مهتم بعربيته اوي فا قولت نسأل كرم علي هديه تنفع للعربيه وهو اكيد عار ذوقه
مها امممم يا بختك يا عم هيما عموما انا هنكلم بكر وهنرد عليكي
دره ماشي تمام مستنياكي
قفلت معاها دره وغابت عنها مها حوالي عشر دقايق وبعدين كلمتها
ردت دره بسرعه
دره ايوه يا مها
مها كلمت بكر يا دره هو قال انه خرج من بدري بعد ما فتحوا الدكان مع بعض وقاله رايح مشوار ساعه وراجع بس مرجعش من وقتها وهو كمان بيتصل بيه وموبايله مقفول
دره يعني ايه في مشكله معاه ولا ايه
مها لا مشكله ايه انتي هتقلقيني ان شاء الله خير
دره بقلق واضح طيب بالله عليكي يا مها لو اطمنتي عليه او عرفتي اي حاجه طمنيني
ابتسمت مها بهدوء
مها طيب هنطمنك يا دره متقلقيش
ارتبكت دره من كلمه مها ومعرفتش ترد عليها
دره ااا طيب تمام يلا هقفل الوقت ماشي
مها ماشي سلام
دره سلام
قفلت دره و جربت تاني وفضل موبايل كرم مقفول وهي ھتموت من القلق
فات حوالي ساعتين كمان ودره بقت علي اعصابها خلصت شغل وخرجت ركبت عربيتها وطلعت علي المارينا وقررت تنزل تشوفه بنفسها
نزلت وقربت من اللانش مكانش في اي حد والانوار بتاعته مقفوله سألت واحد قاعد علي كرسي وهو اللي بيحرس المكان بس قالها انه مجاش انهارده ولا ظهر شكرته دره وطلعت علي فوق تاني
واول ما طلعت لمحت كرم بيقرب علي السلم
كرم دره بتعملي ايه هنا
دره پغضب رفعت حاجبها انا اللي بنعمل ايه هنا طيب الاول جاوبني علي اسألتي اللي بنسألهالك من الصبح
كرم في ايه اهدي شويه ووطي صوتك
دره ده اللي فارق معاك يا كرم مش فارق معاك اني من الصبح بنحاول نوصلك وموبايلك مقفول و من الصبح وانت مش في الدكان وجيت علي هنا قبل الشغل بصينا عليك وانت مختفي ده انا من كتر ما انا كنت هنتجننوا اتصلت علي مها وسالتها عليك وقولت زي ما تيجي تيجي وهي كمان طلعت متعرفس عنك حاجه واتصلت ببكر قالها انك من بدري طالع مشوار وهو كمان مش عارف يوصلك
خلصت دره كلامها وبصت علي الشارع پصدمه ومركزتش في كلامه
كرم انا نزلت من بدري كنت بنخلص كام مشوار للشغل وروحت المزرعه وفي مزاد قريب كنت بنشوفه وبنجمع تفاصيل عنه و بعدين من اول ما نزلت موبايلي وقع مني وفصل خالص ومعرفتش حتي نروح نشوف جراله ايه عشان كنت مشغول
فضلت دره عينها علي الشارع