ابن ليل الجزء الرابع لأميرة أسامة

هيما بلاش رخامه بجد
هيما انا رخم عرفتي منين يلا
دارين خلاص هختار الطلب
هيما وانا مستني اسمع
دارين طيب بقولك ايه ينفع اكتبلك في ماسدچ
هيما ااااه احنا بنفاصل بقي وبعدين مسدچ ايه علي اساس انك مش هتقدري تقوليها فا هتكتبيها بصي قدامك دقيقه لو منفذتيش يبقي الطلب راح ومفيش قدامك غير العقابين وكل ما هتتأخري الوقت هيروح وهتخسري اوبشن
دارين بضحك انت كل الاوبشن بتاعك صعب
هيما وصعب ليه انا قولتها بسهوله وحشتيني بذمتك في اسهل من كده انجزي قدامك نص دقيقه
دارين لا استني نص دقيقه ايه
هيما بقوا ربع
دارين بضحك وإحراج يا هيما بقي بلاش رخامه
هيما عشر ثواني
دارين علي فكره انا غلطانه اني رديت عليك اصلا المفروض مكنتش قولتلك اني فاضيه وعملت نفسي نايمه
هيما 3 ثواني وهسمع احلي وحشتني يا قلبي
دارين فضلت تضحك وتهوي علي وشها من كتر الاحراج
هيما وراح الطلب وبدانا في الدقيقه التانيه خلصت استحملي العقاپ بتاع بكره
دارين هيماااااا
هيما ايوووووه ياما علي اسمي
دارين بضحك طب ايه هنفضل نضيع الوقت في العد التنازلي ده ومس هتقول ايه حاجه تانيه
هيما والله لو عايزه تخلصي نفذي انتي اللي بتضيعي وقت
دارين ماهو انا مش عارفه
هيما ليه مكسوفه مني
ابتسمت دارين وسكتت
هيما مكسوفه هاااا
دارين بس بقي
هيما طيب انا هسكت اهو بس عايز افكرك راح منك نص دقيقه وداخلين علي عشرين ثانيه
دارين هو انا المفروض اقول
ايه
هيما وحشتني يا قلبي
دارين بضحك هيما متبقاش رخم مش هعرف اقول
هيما براحتك قولتلك انا ديمقراطي بس بكره معنديش اي اوبشن هفاجئك
دارين خدت نفس طويل وخرجته بهدوء طيب غمض عينك
فطس هيما من الضحك علي كلامها وفضل يضحك
دارين انت بتضحك علي ايه
هيما يعني انا لو قولتلك اني غمضت عيني هتعرفي ازاي اني مش بنكدب وبعدين لو غمضت مش هسمع يعني
دارين ماهو انت موترني اعمل ايه طيب
هيما يؤسفني اني اقولك العقاپ كمان طار من ايدك وبصراحه انا مبسوط عشان ھموت و انفذ العقاپ بتاع بكره
دارين لا لا خلاص هقول والله
هيما بعد ايه راحت الفرصه من ايدك اسف
دارين لا متهرجش انت طيب وهتزودلي عشر ثواني
هيما مين قالك اني طيب انا شرير جدا
دارين طيب وحشتني ياقلبي
سكت هيما ثواني وفضل مبتسم
دارين علي فكره بقي انا قولت ومفيش عقاپ
هيما والله هنشوف وبعدين انا قولتلك هفاجئك وعشان بعد كده لما اقول الطلب يتنفذ
دارين بضحك علي فكره بقي انا مش جايه بكره وهقول اني تعبانه
هيما وعلي فكره بقي هقلب عيل صغير بجد وهقول قدام الكل دارين بتكدب وهي بتهرب مني وهعرفهم انتي بتهربي ليه
دارين انت مچنون صح
هيما بيقولوا بس انا هعرفك الجنان اللي علي حق بكره
دارين طيب بص هنتفق اتفاق بما انك ديمقراطي يعني
هيما امممم ايه هو
دارين هتعديهالي المرادي وبعد كده مش هعترض علي اي طلب
هيما لا هو كده كده حتي لو اعترضتي هيبقي في عقاپ اول رفضتي في عقاپ تاني وده بنفذه من غير ما هاخد رأيك ده اولا اما ثانيا بقي وده الاهم

________________________________________
انا مش هعديهالك لان بصراحه انا مبسوط وياريت كل مره ترفضي الطلب والعقاپ الاول عشان تقعي تحت ايدي يا دراين
دارين بابتسامه جميله طلعت شرير بجد
هيما اوي
دارين ماشي بس علي فكره انت بتخم وانا قولت وعملت اللي عليا عايز بقي تنفذ عقابك انت وضميرك
هيما بضحك والضمير معډوم متقلقيش
دارين يعني مش هعرف أثر عليك
هيما لا خالص المهم
دارين قول
هيما بكره علي العصر كده تكونوا جاهزين
دارين علي العصر ده مش بدري هتبقوا مخلصتوش شغل
هيما لا هنخلصوا بدري متقلقيش وبعدين عشان نلحقوا النور اصلا مشوار زي ده عايز بدري اكتر من كده عشان تتفرجوا علي جمال اسكندريه براحتكم
دارين مش مهم نبقي نروح مره تانيه في وقت اجازتكم
هيما اكيد ان شاء الله وعموما متقلقيش انا هخليكي تشوفي اسكندريه كلها
دارين ان شاء الله ايه مش هتنام بقي
هيما عايزه تخلصي مني طبعا
دارين لا والله بس عشان هتصحي بدري
هيما ماشي يا ستي تمام انتي هتنامي
دارين اه هنام
هيما اكيد ولا بتوزعيني
دارين لا والله هنام
هيما تمام يلا تصبحي علي خير
دارين وانت من اهل الخير يا هيما
قفلت دارين وهي مبسوطه ومبتسمه ونفس الحال كان عند هيما
في صباح يوم جديد صحيت دره دخلت الحمام خدت شاور وخرجت صلت ولبست مرضيتش تصحي البنات عشان مكانوش رايحين الجامعه شربت قهوتها وبعدين سابتلهم فلوس ونزلت
عدت عليهم تحت كانوا بيفطروا ولسه محدش نزل فيهم
خبطت حسن فتحلها
دره بابتسامه هاديه صباح الخير يا عريس
حسن بابتسامه صباح الفل يا احلي دره في الدنيا ادخلي
دره هما بيفطروا
حسن اه جوه تعالي يلا
دخلت دره علي السفره
دره صباح الخير
الجميع صباح النور
نبيله تعالي افطري
دره لا مش قادره فطرت خلاص بالف هنا
زكريا فين البنات يا دره
دره نايمين ما هما مش رايحين الجامعه
دعاء سبيهم انا هنبقي نصحيهم ونفطرهم قبل ما يخرجوا
دعاء حبيبتي يا دودو
زكريا ايوه صح نسيت طيب تعالي واقفه ليه
دره هنتأخر والله يا حبيبي انا قولت بس نصبح عليكم
عبدالله صباحك فل ان شاء الله صحيح العربيه تمام ولا فيها مشكله
دره لا زي الفل متقلقش
عبدالله لو حصل فيها اي حاجه عرفيني
زكريا انا بنستغربوا العربيه دي جديده ايه اللي حصلها مره واحده كده
حسن من الركنه يا جدي متنساش انها كانت مركونه وكل فين وفين بتتحرك
زكريا يلا مش مهم عموما لو حصل فيها حاجه وغلبتك هنغيروها خالص
دره اطمن هي ماشيه كويس ومفيهاش
اي حاجه
نبيله ربنا يسلم طريقك ويديكي خيرها ويكفيكي شرها
دعاء امين
دره امين يارب يلا مش عايزين حاجه
زكريا سلامتك يا بنتي
نبيله لما البنات يصحوا دعاء هتطلعلك الحاجه بتاعتك
دره ملهوش لزوم يا بلبله ما احنا علي طول معاكي هنبقي ناكلوا معاكي
نبيله يابنتي الحاجه كتير وبعدين قسمناها خلاص
دره ماشي يا حبيبتي يلا كملوا فطار صباحكم فل
نبيله صباحك هنا بالسلامه يا دره
زكريا خدي بالك من الطريق
دره ربنا يسترها سلام عليكم
الجميع عليكم السلام
نزلت دره بصت علي محل كرم كان في واحد من اللي شغالين بيفتح ولسه محدش فيهم نزل ركبت عربيتها وطلعت قبل ما ينزل لا كان عندها طاقه للكلام ولا كانت قادره اصلا تتكلم معاه وكانت حاسه انها لتاني مره تحس بالضغط و الخنقه نفس الشعور اللي كان عندها يوم ما سمعت دانه بتكلم يوسف وقبلها بيوم لما شافت الکابوس وبعدها شافت كرم رايح لسونه كل اللي حست بيه يومها هو نفس اللي بتحس بيه الوقت ولتاني مره يشتركوا في ۏجعها مع اختلاف المواقف والمرادي يوسف مصمم يكلمها في الوقت اللي هي كانت صدقت فيه كرم انه مكانش مع سونه وعبدالله من غير ما يقصد نفي كلامه ورجع شكها من تاني في كرم كانت حاسه انها تايهه ودماغها ھتنفجر من كتر التفكير ومبقتش عارفه هو كرم يوم ما قالها ان الباب بتاع سونه اتقفل كان بيكدب عليها ولا كان بجد مش قادره تصدق غير صوت عقلها وقلبها في اللحظه دي مكانش قادر يفرض سيطرته ويكدب عقلها الضغط اللي كانت حاسه بيه كان اقوي منها هي شخصيا خصوصا ان الۏجع اللي مرت بيه مع يوسف حتي لو كرم قدر يخليها تتخطاه شويه لكن هي مستحيل تنسي بسهوله لانها في النهايه ست وۏجع الست بالطريقه دي من الراجل اللي امته علي نفسها وقلبها بيعلم ويسيب اثر وكان ڠصب عنها انها تشك في كرم الخيانه والۏجع عملولها عقده ومن الصعب تقدر تثق بسهوله وكرم كان ليه كام موقف وراء بعض يخلوها ڠصب عنها تشك فيه
لكن دره مكانتش تعرف ان قبضه قلبها دي وراها سبب تالت متأجل كام ساعه
مكانتش تعرف ان في الكارما
بتقرب منها وإذا تحرك قطار الكارما فمن الصعب ان توقفه عفوا إنه قانون الكارما يا ساده
وللحديث بقيه
و للكارما رهبه
أبن_ليل
صاحبة_البطل_الواحد
أميره_اسامه
البارت السابع و الثلاثون
وصلت دره المستشفي في تمام الساعه العاشره صباحا دخلت علي اوضتها عشان تغير كانت في حاله نفسيه سيئه كل شويه تبص علي الموبايل علي قد ما هي مكانتش قادره تسمع صوت يوسف ولا حابه تاخد الخطوه دي علي قد ما كانت عايزه تعرف ايه الحاجه الضروريه اللي عايز يقولها في اقل من خمس دقايق بصت علي الموبايل اكتر من عشر مرات
لبست البالطوا بتاعها وسمعت صوت موبايلها بصت عليه بسرعه
لكن طلع چاك ردت علي طول وهو صوتها في رعشه وكان قلبها بيدق للحظه فكرته يوسف
دره بحزن ايوه

________________________________________
چاك
چاك اهلا دره مال صوتك
دره بحزن تعبانه چاك تعبانه جدا نزلت دموع دره ڠصب عنها
چاك دره انتي بټعيطي
دره اول مره احس اني ضعيفه بالشكل ده حاسه روحي بتتسحب مني
چاك اهدي دره كل ده بسبب مكالمه يوسف لو مش حابه تتكلمي مترديش عليه
دره انا متلغبطه چاك
چاك لسه بتحبيه يا دره
دره من غير تردد نطقت بسرعه
لأ لأ چاك انا ندمانه علي حبي ليه بس فكره اني اسمع صوته بعد كل اللي عمله فيا تعباني وفي نفس الوقت عايزه اعرف ايه الشئ الضروري اللي عايز يكلمني فيه وحتي كرم ااااا
سكتت دره وركز چاك
چاك مين كرم
دره بتنهيده ۏجع نزلت دموعها ده اكتر شخص ظلمته چاك كنت مخطوبه ليه قبل اسافر اهلي هما اللي كانوا حابين ده وانا رفضته و فضلت يوسف عليه واتجوزته وسافرت معاه كنت فاكره انه مش بيحبني واننا لسه صغيرين بس بعد كل السنين دي اكتشفت انه اكتر شخص حبني ورفض انه يتجوز عشاني ولسه متمسك بيا چاك بعد ما وجعته
چاك بحزن وانتي دره بتحبيه
دره بۏجع طول عمري بشوفه اخويا وشخص مقرب ليا هو واهله بس لما جيت وقربت منه بجد حبيته حبيته اوي چاك لدرجه انا نفسي مستغرباها عمري ما توقعت اني اشيل الحب ده كله لكرم في قلبي كرم طلع اوفي من يوسف ابو بناتي اللي ضحيت بكل حاجه عشانه
چاك بحزن ابتسم بهدوء انتي مينفعش متتحبيش دره
مسحت دره دموعها
دره المهم انت بعت ليوسف رقمي صح
چاك بتركيز اه نسيت انا كنت بكلمك عشان كده امبارح لما كلمتك بعت ليوسف الرقم علي طول اول ما قفلت معاكي وبعدها بشويه افتكرت لما قولتلك اني هعرفك قبل ما يكلمك فا رجعت اتصلت بيه تاني بعد ساعه عشان اطلب منه يعرفني امته هيكلمك بس موبايله كان مقفول ومردش اتصلت علي طول علي مكتبه ردت عليا السكرتيره وقالتلي حاجه غريبه
دره بتركيز قالتلك ايه
چاك قالتلي ان يوسف طلع علي المطار من ساعه ولما سألتها سافر فين قالت انه سافر دبي
دره باستغراب دبي هو مش انت قولت انه كان مسافر
چاك