ابن ليل الجزء الرابع لأميرة أسامة

فظيعه كانت مستشفي عام
نزل بكر وعبدالله بعد ما ركنوا
بكر خليكم هنا هنسأل ونرجع علي طول
مها فتحت ونزلت انا مش هنستني علي اعصابي
جريت معا وسبقتهم نزلت دعاء وسونه وراهم ودخلوا علي الاستقبال
بكر بنقولك يا صاحبي بالله عليك ولادنا كانوا في مكان الحاډثه ومش عارفين هما هنا ولا لأ نعرف ازاي
الموظف ده كشف باسماء اللي دخلوا بطايقهم هنا واساميهم كمان شوفوا في الكشف وفي ناس كمان دخلت لسه مسجلناش اساميهم وفي ناس مكانش معاهم اي حاجه اصلا
خد عبدالله الكشف وبكر فضل يدور في البطايق هو ومها
عبدالله اساميهم مش موجوده
بكر ولا بطايقهم كمان طيب ولاد دره معاهم بطايق او اي حاجه
عبدالله ايوه دره طلعتلهم بطايق وانا كنت معاها
دعاء ومعاهم كرنيهات الجامعه كمان
بكر طيب الحمد لله اساميهم مش هنا
سونه طيب في ناس بيقول مش معاهم اي حاجه خلينا نشوف فيهم
بكر طيب بنقولك ياصاحبي معلش اللي دخل بيروح علي فين
الموظف اجري علي الطوارئ شوف هناك لو ملاقتش يبقي مش موجودين
بكر تشكر يا صاحبي
جري بكر وكلهم وراه فضلوا يدوروا ويبصوا في وشوش كل المصابين اللي نايمين علي السراير وبيصرخوا من الۏجع
مها ودعاء وسونه كل ما يشوفوا حد دموعهم تنزل والخۏف يزيد في قلوبهم مناظر الناس مرعبه والحاډثه مكانتش سهله
بكر يلا مش هنا خلينا نروح مكان تاني
سندت مها ضهرها علي الحيطه واڼهارت
مها الناس متبهدله يا بكر ولادنا حصل فيهم ايه
بكر مسكها من ايدها اهدي يا مها ان شاء الله هيبقوا زي الفل يلا خلينا ندوروا عليهم
سونه يارب لو كانوا موجودين خليك حنين عليهم ومتوجعناش فيهم
بكر يلا يلا ياسونه
عبدالله يلا ياسونه يلا يامها امسكوا روحكم شويه يا اما ترجعوا

________________________________________
واحنا نطمنكم
سونه لا انا مش هنرجع غير لما نشوف بنتي ونطمن عليها
بكر طيب يلا بسرعه
خرجوا كلهم علي العربيات
زكريا پخوف ايه لقتوهم
بكر مش هنا دورنا في الكشوفات والبطايق مش موجودين
نبيله الحمد لله كملها بالستر يارب
ركبوا العربيات وطاروا علي تاني مستشفي نزلوا من عربياتهم بسرعه كانت مستشفي خاصه وكان نفس الوضع فيها زحمه وناس بټعيط وناس بتصوت وناس بتجري دخلوا بسرعه علي الاستقبال وسألوا وفضلوا يشوفوا في الكشوفات ملاقوش حاجه
بكر مش موجودين بردوا
عبدالله بنقولك يا اخ في اي حد دخل ومش معاه بطاقه
الموظف اه الدور اللي فوق في طفلين وبنت في العشرينات وشابين وراجل كبير مش معاهم اي حاجه ولا نعرف اساميهم
بكر الدور اللي فوق علي طول
الموظف اه بس متقلقش اصابات مش خطيره
بكر طيب شكرا جري بكر وهما جريوا وراه علي فوق فضلوا يجروا وسط الطرقه ويسألوا ويدخلوا اوض ويخرجوا من اوض واتاكدوا انهم مش موجودبن هنا كنان نزلوا بسرعه علي تحت وراحوا علي العربيات
زكريا ايه موجودين
بكر لا مش موجودين
عبدالله بكر في عربيتين اسعاف هناك اهم تعالي نبص فيهم
نجوي بسرعه يا ولاد والنبي
جريوا وراء بعض راحوا علي العربيات المسعفين فتحوا الباب ونزلوا جري ينزلوا المصابين كانوا واقفين يبصوا في وشوش الناس وهما مرعوبين لكن مطلعوش معاهم
بص بكر لعبدالله من بعيد والاتنين هزوا راسهم بمعني مش موجودين
جري عبدالله علي العربيه و بكر لحقوا واتحركوا وراحوا علي مستشفي تانيه كرروا نفس اللي عملوا مكانش ليهم اثر
نبيله اطلعوا علي المستشفي اللي دره بتشتغل فيها نشوفهم هناك ولو ملاقيناهمش اكيد دره هتعرف تتصرف وتتصل بأي مستشفي وتعرف عنهم حاجه
دعاء دره ادام مبتردش يبقي عرفت اللي حصل واكيد مشغوله
زكريا استرها يارب خلونا نروح ونشوف
بص بكر لمها و رفاعي هز رفاعي راسه لبكر وركبوا العربيه وطلعوا علي المستشفي
الخبر علي ما وصلهم كان فات نص ساعه علي الحاډثه وعلي ما لفوا علي المستشفيات اللي في طريقهم وسألوا كان فات ساعه كمان وصلوا اخيرأ المستشفي عند دره وفي الوقت ده كان العدد بدأ يتضاعف مابين مصابين و أهالي وإسعاف وناس بتساعد لأبعد حد اما في داخل المستشفي الوضع كان اصعب بكتير الطرقه بتاعت الطوارئ كانت مليانه ناس اللي متسند علي كتف صاحبه واللي قاعد في الارض واللي نايم علي الكراسي غير طاقم التمريض اللي بيجري مع المسعفين بالناس كل ما الوقت كان يعدي عدد المصابين كان بيزيد بعد ما يطلعوهم والحالات بتبقي حرجه اكتر
دخلوا كلهم علي جوه وهما مصډومين من مناظر الناس
عبدالله جري علي موظف الاستقبال
عبدالله من فضلك انا ابقي اخو دكتوره دره متعرفش نلاقيها فين
الموظف دكتوره دره في العمليات يا افندم وللاسف مش هتقدر تشوفها لان زي ما حضرتك شايف الوضع
عبدالله طيب احنا ولادنا وبنات دكتوره دره كانوا في مكان الحاډثه ومش عارفين نوصلهم سألنا عليهم في كذا مستشفي من اللي نقلوهم عليها بس مش
لاقينهم
زكريا انا والد دره يا ابني لو تقدر تطمن قلبنا تبقي عملت معانا جميل كبير
الموظف علي راسي يا حاج طبعا وكل اللي اقدر اعمله حاليا هو اننا نراجع اساميهم في الكشف اتفضل الكشفين اللي مع حضرتك دول فيهم اسامي كل اللي وصل
خد عبدالله منه كشف وبكر التاني وفضلوا يدوروا فيهم وهو الموظف بيتكلم
الموظف دول فيهم اللي كان قادر يقول اسمه وفيهم اللي كان غايب عن الوعي بس لاقينا بطاقاتهم معاهم وزسجلنا أساميهم ومن حوالي ساعه إلا ربع الدنيا أتقلبت اكتر والعدد بقي اكبر مبقيناش ملاحقين نسجل يعني في عدد كبير دخل متسجلش وفي ناس خدوهم علي العمليات علي طول لان حالتهم كانت صعبه ودول بردوا لسه موصلناش اي معلومات شخصيه عنهم
بكر اساميهم مش هنا
عبدالله وانا كمان مش لاقي اساميهم
نبيله وبعدين هنفضل واقفين ندور علي العيال كانهم تايهين كده
الموظف انا اسف والله مش عارف ممكن أساعدكم ازاي بس لو حابين تدخلوا تبصوا علي الناس اللي في الطوارئ شوفوا يمكن تلاقوهم لو مش موجودين يبقي ممكن تستنوا شويه يمكن دكتوره دره تخرج من العمليات وتقدروا تشوفوها
بكر عبدالله تعالي معايا وانتوا خليكم هنا
مها قولتلك مش هستني
بكر مها خليكي هنا شوفي في الناس اللي بتدخل دي كلها يمكن حد فيهم يظهر وانا لو لقيت حد هنادي عليكم
سابها بكر وطلع يجري وراء عبدالله وراح وراهم زكريا ورفاعي
نجوي يمكن مكانوش هناك انا حاسه انهم راحوا اي مكان تاني
نبيله يارب يارب طمن قلبنا العيال كلهم قافلين موبايلاتهم
دعاء بدموع ماهو ده اللي قالقني مستحيل كلهم يقفلوا موبايلاتهم في نفس الوقت
نجوي يابنتي يمكن في مكان مفيهوش شبكه اتفائلي بالخير
دعاء يارب انت عالم بينا وبحالنا احميهم و طمن قلبنا عليهم
وقفوا جنب بعض وكانوا مصډومين من المنتظر اللي داخله قدامهمالاصابات بشعه و أغلب اللي داخل فاقد الوعي
غاب بكر و عبدالله عشر دقايق ورجعوا جريوا عليهم
مها لاقيتوا حد فيهم
بكر ملهمش اثر بس في ناس كتير في العمليات
مها طيب يمكن فيهم
بكر منعرفش يا مها منعرفش
عبدالله ميتهيأليش لو حد فيهم جوه اكيد كنا هنلاقي حد مستنيهم من العيال ماهو بردوا مستحيل كلهم يدخلوا العمليات في وقت واحد
نبيله ما تسكت انت وهي انتوا هتبشروا علي العيال ليه ربنا يسترها

________________________________________
يارب
زكريا أتفائلوا بالخير انا حاسس انهم كويسين إن شاء الله
دخل قدامهم في الوقت ده توريلي لمحوا عليه منكش غرقان ډم وفاقد الوعي
بكر مش ده الولا منكش
عبدالله هو
جريوا كلهم عليه بلهفه
بكر منكش ولا يا محمود
عبدالله هو في ايه
المسعف مش عارف هيطمنوكم في الطوارئ يلا اجري
بكر خليكم هنا
جريوا وراه ودخلوا معاه علي الطوارئ
عبدالله دكتور هنا بسرعه
قربت منه دكتوره وبدأت تكشف عليه
الدكتوره جهزوا الاشعه بسرعه هيدخل عمليات حالا
بكر عمليات ليه يا دكتوره هو في ايه ماله
الدكتوره إشتباه في أرتجاج و في كدمه في بطنه جامده إحتمال بكون داخلي هنعمل اشعه الاول ونطمن لو في هيدخل عمليات فورا خليكم قريبين عشان ممكن نحتاج تبرع پالدم
بكر انا جاهز يا دكتوره
عبدالله وانا كمان جاهز خدوا مني اللي يكفيه ويكفي غيره
زكريا خليكم معاه ياولاد محدش يسيبه وانا كمان جاهز اتبرع
عبدالله ماشي يابا خليكم معاهم بره و هنطمن عليه ونرجعلكم
يلا ياعم رفاعي معاه
رفاعي تعالي يا زكريا
زكريا قلقان يا رفاعي قلبي مش مطمن
رفاعي ولا انا بس وحد الله إن شاء الله خير
زكريا يارب
الحالات عددها بيزيد وغرف العمليات كلها مشغوله لدرجه ان بيبقي في حالتين في الغرفه الواحده عشان يلحقوهم
خرجت دره من اوضه العمليات بعد ما خلصت العمليه وجريت علي بره لما سمعت حد بينادي علي دكتور لمحوها في الوقت ده
مها بلهفه دره اهي هناك يا دره
بصت عليهم دره واول ماشافاهم قلبها وقع جريت عليهم وجريوا عليها
دره بدموع اوعوا تقولوا حد من الولاد حصله حاجه والنبي
زكريا اهدي يا بنتي مفيش حاجه
مها يعني ايه ده انتي اخر امل لينا لفينا عليهم المستشفيات ومش لاقينهم
دره الحمد لله يبقوا بخير محدش فيهم جه هنا
نبيله طيب شوفتي بنفسك يابنتي
عبدالله هتشوف فين كل ده ياامي انتي مش شايفه المستشفي فيها قد ايه
دره انا كنت في العمليات وملمحتش اي حد دوروا عليهم والنبي يا عبدالله انت وبكر شوفوا كرم فين وخلوا يدور معاكم هو قالي انه هيطمني بس معرفش راح فين
بكر بترقب ااا هو انتي شوفتي كرم
دره ايوه بس اول ما حصل اللي حصل والمستشفي اتقلبت انا سيبته و روحت اشوف شغلي وهو مشي
بكر بأرتياح ااا طيب اهدي انا هقلب الدنيا عليهم وان شاء الله هنلاقيهم
دره الحالات اتنقلت اغلبها هنا وفي المستشفي العام وفي الرياده دوروا عليهم هنا الاول كويس انا بقالي اكتر من ساعه جوه في العمليات يمكن يكونوا جم ومشوفتهمش
عبدالله طيب يا حبيبتي اهدي انتي عشان تقدري تقفي علي رجلك
في الأثناء دي دخل المسعفين والناس وراهم بتصرخ وبتطلب المساعده سريرين واحد عليه طفل عنده تسع سنين وست كبيره
ألحقونا يا نااااس دكتور الواد الصغير بېموت
دكتوووور حد ينقذ الست الكبيره
وقفوا كلهم علي جنب عندهم ذهول سابتهم دره وجريت عليهم
دكتور راح علي الست الكبيره ودره راحت علي الولد الصغير وجري وراها الممرضين
دره بفقدان اعصاب الولد پينزف من بوئه ومناخيره عمليات بسررررعه
ممرضه من الممرضين بصت علي الولد پصدمه
الممرضه ده ياسين
و مدام هناء
دره انتي تعرفيهم
الممرضه ايوه ده أبن دكتور عمرو التهامي ودي والدته قعدت معاها من فتره كانت عامله عمليه وهو جوه في العمليات ميعرفش
دره تعالي بسرعه خدوا الولد اي اوضه تانيه بلاش اللي هو فيها يلاااا
جريت دره والممرضه وراء الولد
اما الدكتور اللي كان مع جدة الولد حاول يسعفها في نفس المكان من