ابن ليل الجزء الرابع لأميرة أسامة

ايوه واول ما رجع وعرف من المستشار القانوني الخاص بيه اني قدمت ورق بطعن فيه بالتزوير والإستيلاء علي ممتلكاتك
وعرف انه بعلمك وبتوكيل منك اتصل علي طول بيا يوسف كان راجع اول امبارح بليل فا عشان كده انا استغربت انه سافر امبارح بعد ما بعتله الرقم هو حتي مقالش ان الرقم وصله ولا علق
دره يعني ايه مش فاهمه
چاك انا شاكك ان يوسف جاي يقابلك يا دره
حست دره انها اټصدمت وسكتت ثواني
دره يقابلني انا طب وهيروح دبي ليه
چاك مش عارف بس ممكن يكون هيجي علي دبي الاول وبعدين ينزل مصر ويمكن يكون كل دي مجرد تخمينات ويكون عنده شغل
دره طيب ليه شكيت انه ممكن يكون نزل عشان يقابلني
چاك لان لما يوسف كلمني كان مصمم اني اقنعك عشان توافقي تكلميه وكان عايز رقمك بأي شكل ولما كلمتك الوقت استغربت انه لسه مكلمكيش لحد الوقت انا توقعت بمجرد ما يوصله رقمك يكلمك علي الاقل حتي قبل ما يسافر بس كمان انا شكيت في سفره المفاجئ بالشكل ده انا كلمته بعد ساعه بالظبط لما بعت الرقم وبعدها عرفت انه طلع علي المطار وقفل موبايله بعد ما استلم الرساله اللي فيها رقمك ولما كان بيكلمني مجابش سيره السفر ولما سألت السكرتيره بتاعته هي كمان كانت مستغربه سفره فا مفيش اي حاجه في دماغي غير انه جاي مخصوص عشان يقابلك لان لو كان مسافر لشغل كانت السكرتيره عرفت بس هي قالت يمكن جاله شغل ضروري
دره طيب ولو هو فعلا جاي عشان يقابلني زي ما بتقول ليه
مجاش علي مصر علي طول ليه هيروح دبي الاول
چاك حقيقي مش عارف بس يمكن مكانش في طيران لمصر في الوقت ده وملقاش غير دبي ويمكن هينزل ترانزيت في دبي الاول زي ما انتي سافرتي ويمكن في سبب تاني شاكك فيه
دره ايه هو
چاك يوسف لما كان مصمم يكلمك حسيت من طريقته ان في سبب قوي مخليه متوتر كان عايز يوصلك بأي شكل فا يمكن يكون في حاجه عايز يقولهالك ومش عايز دينا تعرفها فا قرر يسافر علي دبي عشان هي متشكش فيه
دره ايه خاېف منها يعني
چاك يمكن في سبب دره اكيد في سبب قوي بس انا رغم شكي ان في سبب قوي موتر يوسف لكن ده مش هيمنعني اني اطلب منك تخلي بالك كن نفسك وخدي حذرك دره
دره اخد حذري مش فاهمه چاك انت عارف حاجه ومخبي عليا
چاك انا لو عارف اي حاجه ممكن تأذيكي مش هتردد لحظه اني اقولهالك بس انا بعد اللي يوسف عمله معاكي مش بثق فيه وخاېف عليكي دره فهماني ولحد ما نعرف السبب مش هقدر اثق في الشخص ده عشان كده لازم تنتبهي دره
دره بقلق حاضر چاك متقلقش عليا انا وسط اهلي عمره ما هيقدر يأذيني
چاك حتي لو خدي حذرك منه ارجوكي وياريت اي جديد تبلغيني بيه فورا
دره حاضر چاك متقلقش
چاك اوك دره هسيبك الوقت واكيد هكلمك تاني
دره اوك چاك سلام
چاك سلام
قفل جاك

________________________________________
مع دره وهو حاسس بۏجع فظيع ۏجع اعتراف دره بحبها لشخص جديد غير يوسف وۏجع قلقله وخوفه عليها من يوسف ودينا لان مش قادر يوصل للي في دماغهم ولا عارف هما بيفكروا في ايه كان حاسس انه تايه ومش عارف يعمل ايه ولا يتصرف ازاي وكل اللي كان جاي في باله في الوقت ده انه محتاج يكون جنب دره بأي شكل في الوقت ده
اما دره فا كلام چاك مطمنهاش بالعكس قلقها وخۏفها اكتر ما هي قلقانه كانت بتحاول تطمن نفسها انها بقت بين اهلها ومش هيقدر يأذيها ولا يعملها اي حاجه لكن حست بتوتر كبير جواها مبقتش عارفه هو عايزها في ايه وليه سافر ممكن يكون فعلا رايح شغل ولا قاصد السفر عشان يجيلها هي
التفكير والقلق اتملكوا منها وتفكيرها في كدبه كرم كانت مشتتها تفكيرها هي لا يمكن تقدر تنكر الحب اللي حست بيه وشافته في عيون كرم لكن مش قادره تصدقه بعد ما عرفت ان سونه كمان كانت مختفيه ونظرته ليها بعد كلام عبدالله وتوتره اكدولها انه مخبي حاجه قررت دره تقوم تشوف شغلها وتحاول تلهي نفسها في اي حاجه عشان تخفف عنها التوتر شويه وفعلا قامت تتابع الشغل
بعد حوالي 3 ساعات كانت الساعه واحده اتصل عليها كرم اول مره كنسلت و أستني عشر دقايق فكرها مشغوله لكن رجع اتصل بيها تاني لما متصلتش وقرر انها لو كنسلت تاني هتبقي اكيد مش عايزه ترد عليها و هيروحلها لكن ردت
دره پخنقه باينه علي صوتها الو
كرم بترقب ايه يا حبيبي مبترديش ليه
دره ابدا كنت مشغوله
كرم طيب هتعرفي تكلميني الوقت
دره معاك يا كرم
كرم دره انا عايز اتكلم معاكي واكيد مش هينفع في الموبايل شوفي هتخلصي امته شغلك وانا هعدي عليكي ونطلع علي ابن ليل
دره كرم انا معاك لو حابب تتكلم في حاجه قول انا مش هقدر اروح معاك انهارده علي ابن ليل
كرم انا قولتلك يا دره مش هينفع الكلام علي الموبايل وبعدين ليه مش هينفع تيجي معايا لو علي البنات انتي عارفه انهم خارجين بعد شويه واكيد مش هيرجعوا علي طول
دره لا يا كرم انا تعبانه شويه ومليش مزاج اخرج
كرم دره في ايه بالظبط
دره في ايه يا كرم بقولك تعبانه شويه ومش عايزه اخرج
كرم بس انا عايز نشوفك وعايز نتكلموا معاكي ضروري وبعدين انا ليه حاسس من طريقتك انك مش حابه تتكلمي معايا
اتنهدت دره بحزن وسكتت شويه
دره مش حاله نتكلم معاك ليه يا كرم هو في حاجه حصلت
كرم اه يا دره في حاجه حصلت وياريت تخليكي دوغري معايا
دره انا اللي المفروض اكون دوغري معاك يا كرم انا اللي عندي كلام مخبياه عنك
كرم لا يا دره انا اللي عندي كلام مخبيه عنك وقولتلك قبل كده يوم ما سألتيني كرم الرفاعي لسه مخبي حاجه يومها مكدبتش عليكي وقولتلك اه مخبي عليكي اهم حاجه بس كله
بوقته
دره و وقته ده جه خلاص ولا انت لما حسيت ان كلام عبدالله عن اختفاء سونه يوم ما انت اختفيت بيكدب اللي انت قولتهولي فكرت تقول ياكرم
كرم بتنهيده حزن اه يا دره فكرت نقول لما عبدالله قال اللي قاله بس عشان مش بنكدب يا دره
دره بدموع امال عشان ايه يا كرم
كرم عشان النظره اللي شوفتها في عينك امبارح يا دره مموتاني ومش قادر ننساها لحد الوقت سوفت في عينك انك مش مصدقاني وشوفت شك وعدم ثقه يا دره
دره حط نفسك مكاني يا كرم لو انا اللي في نفس موقفك هتقدر تصدقني
كرم لو واثق فيكي هصدقك يا دره
دره ملهاش علاقه بالثقه يا كرم هكدب عيني طب بلاش تبقي مختفي من الصبح ووقت ما اشوفك اشوفها هي كمان في نفس المكان وبعدين اصدقك لما تحاولي تقنعني وبعدها اعرف ان هي كمان من الصبح مكانتش موجوده وبنتها بتدور عليها والصدفه ان انت وهي تظهروا في نفس الوقت عايزني اصدق ازاي يا كرم
كرم بتنهيده طيب ممكن تهدي وتبطلي عياط وحيات كرم عندك وبلاش كلام الوقت خليني لما اشوفك نتكلم
دره عشان خاطري يا كرم بلاش انهارده انا اصلا اعصابي تعبانه ومزاجي مش حلو خالص
كرم مش هقدر اسيبك كده كتير يادره وبعدين مش يمكن لما تسمعيني مزاجك يتغير وتنسي اي حاجه وتبقي مبسوطه كمان اهدي عشان خاطري وانا هعدي عليكي اول ما اخلص اتفقنا
دره ماشي يا كرم حاضر
كرم بحبك يا دره ولازم تتأكدي من ده كويس اوي انا لا حبيت ولا عمري هحب غير دره الجمال وبس و بلاش تمشي وراء اي حاجه بتدور في دماغك عشان لما هتكلم معاكي هتتأكدي ان باب قلبي اتقفل عليكي من زمان ومفتاحه في أيدك انتي بس ماشي يا دره
دره نزلت دموعها تجري علي خدها هستناك يا كرم
كرم طيب بلاش عياط بدل ما اسيب اللي في ايدي واجيبك الوقت
دره حاضر
كرم يلا يا حبيبي خدي بالك من نفسك وشويه هخلص واجيلك
دره حاضر سلام
كرم سلام يا قلبي
عند حسن كان واقف في المحل اتصل علي سماح
سماح بصوت ناعس الوو
حسن احييه انتي لسه نايمه
سماح هي الساعه كام
حسن واحده ونص يلا قومي
سماح طب

________________________________________
والنبي سيبني شويه كمان انا مش قادره
حسن يابت بطلي كسل كل ده نوم
سماح انا نايمه والنهار طالع والله ملاحقتش ننام
حسن انتي مش قولتي انك هتنامي بليل
سماح بابتسامه معرفتش ننام الخبر اللي قولتهولي طير النوم من عيني خالص
حسن بحب افهم من كده انك مقولتيش لسه لسونه
سماح لا لسه لما نقوم هنبقي نقولها
حسن طيب متطوليش احنا هنتحركوا علي خمسه عشان تلحقي تظبطي روحك
سماح ماشي متقلقش ابقي صحيني علي الساعه تلاته كده صحيح هي دودو جايه امته
حسن قالتلي هتروح بعد صلاه العشاء تشرب معاها القهوه وتفتح معاها الكلام وترسيها علي الحوار عشان يوم ما نيجي يتفقوا معاها علي كل حاجه ونقرأ الفاتحه
سماح بفرحه باينه علي صوتها ماشي يا حسونه
حسن تمام يا قلب حسونه يلا روحي نامي وانا شويه وهنصحوكي
سماح ماشي يا حبيبي سلام
حسن سلام
الوقت كان بيمر وكل واحد فيهم عقله مشغول دره مقسومه نصين نص مع كرم وكدبته جواها شخص بيقولها صدقيه كرم لا يمكن يكدب وبيحبك وشخص تاني بيقولها متصدقيهوش كرم راجل زيه زي يوسف كلهم طبعهم الخيانه متصدقيش انه قعد عشرين سنه من غير جواز او حب ووقف حياته عشانك ونص تاني كان مع يوسف عينها علي الموبايل مستنيه يتصل عليها ويقولها هو عايز ايه وتخلص كانت بتدعي من قلبها انه ميكونش سافر من امريكا عشان يجي يشوفها ويكون رايح فعلا دبي عشان شغل كانت بتفكر ودماغها ھتنفجر لو فعلا جاي عشان يشوفها فا هو جاي يعتذر منها ويبرر كل اللي عمله بسبب مكانتش تتوقعه ولا جاي عشان يأذيها هي وبناتها خصوصا بعد ما طالبته بكل حقوقها اللي سرقهم منها ولو جه موقف اهلها منه هيكون ازاي موقف كرم هيكون ازاي قلبها كان مقبوض بطريقه متعبه وكانت حاسه ان ممكن يحصل مصېبه لو كل اللي بتفكر فيه ده حصل حست دره انها وقعت في دوامه من التفكير والوضع اللي كانت فيه لا تحسد عليه
اما كرم فاهو كمان كانت دماغه متلغبطه احساسه بۏجع دره كان تاعبه وعارف ان معاها حق متصدقش او تشك فيه لكن كمان كان عارف انه لما يقولها كل الحقيقه هترتاح وهتتأكد انه
مكدبش