ابن ليل الجزء الرابع لأميرة أسامة

عليها
بكر كمان كان عقله مش معاه وكل شويه يبص علي كرم عارف انه زعله ووجعه بكلامه لكن مرتاح انه خرج اللي جواه وواثق ان مهما قال اكيد كرم مش هيزعل منه لانه عارف هو بيحبه قد ايه عارف كمان ان دره مش شخص وحش لكن حبه وخوفه علي كرم كان اقوي من اي حاجه وكان خاېف عليه بجد اكيد مش مضايق ان هو ودره ممكن يكون في بينهم حاجه حقيقيه المرادي بجد لكن كان خاېف ان حاجه تحصل وكرم يرجع يتوجع والمرادي وجعه هيبقي اصعب بكتير خصوصا لو دره فعلا اعترفتله بحبها والۏجع اللي غير كرم زمان اكيد الوقت هيختلف
مر الوقت واتصل حسن علي سماح عشان تقوم وتبدأ تجهز وتلحق تتكلم مع سونه
قامت سماح من النوم راحت علي دولابها حضرت لبسها اللي هتنزل بيه وبعدين خرجت وهي حاطه فوطه علي كتفها سونه كانت واقفه في الصاله لابسه العبايه
سماح صباح الخير يا سونه
سونه صباح الخير ايه ناموسيتك كانت كحلي
سماح معلش يا سونه كنت بنذاكر لحد ما الصبح طلع المهم انتي نازله ولا ايه
سونه اه في حجات ناقصه هننزلوا نجيبوها وهنعدي علي ام صلاح عشان كلمتني قالتلي تعالي خدي الجمعيه انا اللي هنقبض
سماح اوباااا هتقبضي يعني فيها عزومه حلوه لاعبه معاكي ياسونه
سونه لا لاعبه ولا نيله كلها فلوسك بتاعت جهازك وجامعتك
سماح ربنا يخليكي ليا يا ست الكل المهم متتأخريش عشان عيزاكي
سونه ماشي
سماح خدي معاكي المفتاح عشان انا هناخد دش
سونه بتنهيده حزن معايا واوعي تقفلي علي روحك من جوه عشان البخار ميخنقكيش
سماح بأبتسامه حاضر يا ست الكل
فتحت سونه الباب ونزلت ودخلت سماح علي الحمام
غابت سماح في الحمام حوالي نص ساعه خرجت كانت الساعه داخله علي اربعه راحت اوضتها وبدأت تجهز نفسها في نفس الوقت البنات كمان كانوا بدأوا يجهزوا نفسهم ويلبسوا والشباب كانوا خلصوا شغلهم وطلعوا ياخدوا شاور ويجهزوا
علي الساعه اربعه ونص رجعت سونه وقفت من بعيد لمحت كرم واقف مع عبدالله وزكريا ومعاه ابوه وبكر وواقفين يضحكوا دموعها اتجمعت في عينها وحست بڼار جواها من اخر مره شافت فيها كرم وهي مش بتتكلم معاه ولا بتحاول تنزل كتير عشان متشوفهوش وتتوجع اكتر بس ڠصب عنها وقوفه معاهم ورجوعهم مع بعض بالطريقه دي خلوها تغير وڼار قلبها تزيد وتحس انهم بيرجعوا أحسن من الاول وده معناه ان كرم ودره ممكن يحصل بينهم اي حاجه ويروح من ايدها كانت عارفه ان كرم قفل في وشها كل باب أمل كانت متمسكه بيه لكن ڠصب عنها لسه مش قادره تصدق انه مستحيل يكون في حياتها اه قالها كتير قبل كده بس كان ديما عندها امل انه يحس بيها ويغير رأيه لكن اخر مره قالها عرفت ان خلاص كل المحاولات فاشله خصوصا بعد رجوع دره

________________________________________
بس كانت لسه مش قادره الحب مش زرار ممكن اي حد يدوس عليه او كلمتين رفض يتقالوا في وشنا فا ننسي و قلبنا يبطل يحب
نزلت دموع سونه وهي شيفاهم مسحتها بسرعه و طلعت علي بيتها وهي حاسه ان ڼار قلبها بټحرق فيها من الۏجع
دخلت وقفلت الباب بقوه كانت مش في وعيها و ڠضبها عاميها رمت الحاجه اللي كانت في ايدها علي الكرسي پغضب ووقفت تاخد نفسها كانت بتحاول تهدي عشان سماح متحسش بيها
خرجت سماح من الاوضه علي صوت رزع الباب كانت لبست وظبطت شعرها وكان في فأيدها ساندوتش وكبايه شاي بلبن بتفطر بيهم
سماح بهزار في ايه ياسونه ما براحه علي الباب ده مال يتامي ده
سونه بهدوء عكس اللي جواها اتقفل ڠصب عني عشان الاكياس اللي كانت في ايدي
سماح ماشي ياستي وشكرا علي الفطار اللي معملتيش حسابي فيه وعموما انا عملت لروحي
بصت سونه علي لبسها
سونه انتي خارجه
سماح اه
سونه رايحه فين انتي مش قولتي مش نازله الجامعه
سماح اه ماهو حسن كلمني وقالي انه اتفق مع البنات و ولاد ابله مها وهيما هنروحوا نركبوا الترام عشان البنات يتفرجوا علي اسكندريه وهنتمشوا شويه
سونه پغضب رفعت حاجبها ايه بقيتي تتفقي وتخرجي من غير ما ترجعيلي يا بت سونه عدمتي امك يابت
سماح في ايه يا سونه بس بعد الشړ عليكي
سونه وبعدين انا مش قولتلك ملكيش دعوه بحسن خالص لغايه ما ياخد خطوه جد
بتكسري كلامي ليه يابت سونه ولا خلاص لا بقي ليكي لا ظابط ولا رابط
سماح متقوليش كده ياسونه ابتسمت بهدوء عشان تهديها كانت حاسه انها مټعصبه وبعدين هو ده اللي كنت عيزاكي فيه يا سونه موضوع ارتباطي من حسن
سونه پغضب كانت تقريبا بتتخانق معاها ومش مديالها فرصه تتكلم وكل ده بسبب ۏجعها
كمان خلتيه ارتبااااااط اسمعي يابت سونه من اللحظه دي تنسي حسن ده خاااااالص لا عيزاكي تتكلمي معاه ولا تشوفيه و لا حتي ترمي عليه سلام ربناااا فهمتيييييي وخروج من البيت من غير اذني يا سماح مش هيحصل لا بنات دره ولا زفت حتي الجامعه ودين محمد اليوم اللي هعرف ان حسن رايح فيه والاقي تروحي من ورايا لا هتبقي بنتي ولا اعرفك
سماح كانت واقفه مصدومه ودموعها بتنزل مش عارفه في ايه وليه قلبت عليها بالشكل ده
سماح بۏجع لا يا امي نبوس ايدك متحلفيش اهدي وصلي علي النبي فيكي ايه بس انا نعرفك اكتر من روحي وغضبك ده مش بسبب خروجي عشان دي مش اول مره نخرجوا معاهم
سونه بدموع وهتبقي اخر مره يابت بطني خلاص انسي
سماح ننسي ايه يا سونه ننسي حب عمري كله طب ازاي ابتسمت سماح من بين دموعها وقربت منها
بتك ياسونه هتبقي عروسه وتفرح قلبك مش طول عمرك نفسك تشوفيني في بيتي زي ما بتقولي حسن كلمني امبارح وقالي انهم هيجوا يقروا فتحتي الاسبوع الجاي وقالي كمان ان ابله دعاء هتيجي انهارده بعد العشاء تشرب معاكي القهوه وتعرفك عشان تكوني جاهزه الاسبوع الجاي اللي كنتي عيزاه حصل يا سونه وطلع معاكي حق لما تقلنا عليه مقدرش علي بعدي وجاي عشان يأكدلك انه بيحبني زي ما بنحبه وانه عايزني يا سونه
سونه وانا معنديش بنات للجواااااز مش هتتجوزي حسن يا سماح ولو علي چثتي تنسي العيله دي خااااالص وتقعدي في البيت ومتخطيش عتبه الباب ورجلك فوق رقبتك سيبتلك السايب في السايب لحد ما سوقتي فيها وبقيتي تلفي علي حل شعرك الوقت بقي حلو ليكي يابت سونه تخرجي قدام الخلق مع حسن وشباب الرفاعي
كنتي بتقعدي قدامي تنصحي فيا وتكلميني عن الصح والغلط كنتي بتعملي كده عشان پتخافي علي شكلك قدام حسن من تلسين الخلق عليا ولا كنتي خاېفه نعرك قدام عيلته يابت سونه
كنتي بتقعدي تديني محاضره في الاخلاااااااق عن كلام الناس عليا وانتي الوقت بتعملي الاۏسخ خارجه مع الشباب وسط الشارع كله ولا همك تلسين الخلق ولا همك حتي امك
سماح بدموع لا عشت ولا كنت يا سونه انا لما كنت بنتكلموا معاكي كنت بنتكلموا عشان انا اكتر حد عارف انك نضيفه وان اي كلمه بتتقال عليكي بتتقال من مره متكاده منك او راجل معرفش يطولك انا عمري ما استعريت منك يا سونه ده انا ياما اتعاركت بسببك وكنت بنقف للتخين ونحط صوابعي في عينه عشانك لو حسن واهله مستعرين منك مكانوش فكروا يجولك ويطلبوني منك بس هما عارفين انا مين وبت مين ونسبك مش بس يشرفهم ده يشرف اي حد بلاش تقولي كده يا سونه والنبي بلاش توجعي قلبي انتي عارفه بنتك علي ايه وعارفه ان الكل بيحلف بيا وعمري ما عملت حاجه توطي راسك
سونه بصتلها بۏجع كانت بتتقطع عليها لكن ڠضبها كان عاميها هي كلمه واحده قولتها يا سماح تنسي حسن ونسب عيله الجمال مش عيزاه
سماح هي لعبه يا سونه شويه تقوليلي يجي يخبط علي بابك و لما يجي يخبط علي بابي تقولي انسيه ومش عايزه نسبه لا يا سونه انا

________________________________________
مش موافقه انا كنت فاكره ان لما نيجي نقولك انتي اول واحده هتفرحيلي كنت فاكره ان لما نيجي نقولك اني هنبقي عروسه هنقدر نخرجك من حاله الحزن اللي بقالك فتره فيها وتاخديني في حضنك وتنسي اي زعل وتنسي كرم اللي شقلب حياتك كلهااااا لكن لا انتي لا فرحتي ولا اتمنتيلي الخير والزعل اللي جواكي من رفض كرم ليكي اتحول لڠضب و نااااار
ڼار بټحرق فيا انا اول واحده يا سونه بس لأ
انا لأول مره مش هنسمع كلامك ومش هسيب حسن عشان وجعك اللي انا مليش ذنب فيه اوعي تكوني فكراني مش فهماكي يا سونه قولتهالك انا
اكتر حد فاهمك انتي من يوم ما دره جات وانتي حياتك اتلغبطت من يوم ما اتصالحوا وبقوا كويسين وانتي خاېفه ان صلحهم ده يقرب بين كرم ودره وانتي اكتر حد عارفه ان كرم مهما دره عملت فيه هيسامحها عشان بيحبها وطبعا انتي موجوعه واللي بيحصل مش علب هوي قلبببببك فا تخرجيه علي مين مفيش غيري صح يا سونه
رفعت سونه ايدها ونزلت علي وش سماح اخرسييييي يابت بتعلي صوتك عليا واقفه قدامي وبتعرفيني ايه اللي بيدور جوايا
سماح بۏجع بتضربيني ياسونه ده انتي عمرك ما عملتيها واه ياسونه واقفه قدامك وبنقولك اللي بيدور في قلبك ولسانك مش عارف ينطقه انتي قررتي تعلني الحړب علي الكل وادام انتي مش هتطولي كرم يبقي محدش يطول فرح بعدددددك واولهم بنتك
سونه انا يابت
سماح اه انتي يا سونه عملتيها اول مره لما عرفتي اني بنحبه وكنتي عيزاني نشبك مع محمد او احمد او هيما وده ليه عشان تكوني اقرب لكرم ويومها كدبتي احساسي وقولتيلي انتي فاكره اني هنبني سعادتي علي حسابك وانا صدقتك بس انهارده انتي انا بنقولهالك يا سونه انا كنت صح انتي اهم حاجه عندك نفسك وبس ومستعده تعملي اي حاجه عشان تكوني اقرب لكرم ولو معرفتيش يبقي تيجي عليا وتكسري قلبي بس صدقيني يا سونه مش هيحصل
سونه هتخرجي عن طوعي يا سماح
سماح انا تحت رجلك في اي حاجه لكن تيجي عليا عشان اللي في دماغك اه ياسونه هنخرج عن طوعك
سونه ده انا كنت نحطك تحت رجلي ونكسر رقبتك قبل ما تفكري تخرجي عن طوعي
سماح يبقي تفكري فيا زي ما بتفكري في روحك وترضي عشان انا مش هنتجوز غير حسن ويوم ما تفكري ترفضي يا سونه صدقيني هتبقي خسرتيني
في الوقت ده البنات كانوا نزلوا مع حسن و اتقابلوا مع الشباب
ووقفوا مع