تحت ضغط بقلم زهرة الربيع

طلع بيها بصعوبه وكان بيكح جامد والڼار لحقت اجزاء كثيره من جسمه لانه كان قدامها زي درع حام ليها
ام هاله جريت عليها بسرعه حضنتها وهاله كانت پتبكي جامد
وذيدان وقع على الارض وبقى يتنفس بصعوبه لانه اصلا مش بيستحمل الدخان ولا التوتر لانه مريض ربو
الكل جريو على زيدان وبقم يدوله ميه وكان واقع على الارض ومش بيتنفس كويس وهاله كانت حضناه وبقت تحاول تفوقه وهي بتصرخ وبتقول.... اسعاف اسعاف بسرعه
كانت الاسعاف المطافي وصلوا وبداوا يطفوا في البيت والاسعاف اخذوا زيدان وهاله كانت جنبه وكان غايب عن الوعي تماما ومش قادر يتنفس وعلى اجهزه التنفس الصناعي طول الطريق

بعد وقت كانوا في المستشفى وكانت هاله پتبكي جامد ووالدتها بتحاول تهديها وتحضنها وهي بتقول اهدي يا قلبي اهدي هيبقى بخير ان شاء الله
هاله قالت ببكا..انا السبب انا السبب يا ماما نسيت الفرن ونمت...نمت وصحيت على ريحة الدخان لقيت البيت بيولع ومعرفتش اطلع يا ريتو كان سابني اموت ومدخلش ليه محدش منعوو لييييه
وكانت پتبكي بهستريا وامها فضلت تضمها وتهديها لحد ما طلع الدكتور جريو عليه وقالت.... عامل ايه دلوقتي فاق صح هو كويس
الدكتور اتنهد قال اهدو ..هو فاق....بس الشاب اللي جوه ده مريض تنفس اصلا صح
هاله قالت بسرعه ...ايوه..ايوه عندو مشاكل في التنفس
الدكتور قال...مكانش صح ابدا يدخل وسط الدخان ده خطړ جدا عليه دخل في حالة اختناق لولا ستر ربنا وصول الاجهزه في الوقت المناسب
امها لاول مره يصعب عليها بالطريقه دي وقالت بحزن .....يعني هو دلوقتي اخباره ايه
الدكتوره اتنهد وقال.....احسن دلوقتي بس صدره هيفضل تعبان فتره كده هاكتب له على ادويه لازم يستمر عليها ...و حمد لله على سلامتكم
هاله قالت بسرعه ودموع....عايزه ادخل اشوفو
الدكتور قال.... بس بلاش يتكلم كثير
الدكتور مشي وهاله لسه هتمشي امها مسكت ايدها ولسه هتتكلم هاله قالت بسرعه...... والنبي ياما ما تمنعيني دلوقتي مش هقدر ما اطمنش عليه ذيدان مريض وماشي بالبخاخ بتاعه و دخل علشاني وسط الڼار سيبيني ادخل اطمن عليه
امها ابتسمت بدموع وقالت.... انا مش عايزه امنعك عايزاكي تقولي له ان كان معاه حق انتوا الاتنين كان معاكوا حق الحب اللي في قلبه ليكي احسن من اي فلوس هو صدق لما قال انو يقدر يحميكي من الدنيا كلها وحتى من نفسو
بقلم...زهرة الربيع
كامل قال بزهول.... انت بتقولي ايه يا مرات عمي ما انا اتصلت بالاسعاف وكانو هيطلعوها و
فوزيه قاطعتو وقالت.... كنا هنطلعها بس الله اعلم سليمه ولا لا....بس هو ما استناش هو ما كانش عنده مانع ېموت علشانها وانا هحتاج لبنتي ايه اكتر من كده
هاله قالت بسعاده...بجد.... بجد يا ماما
امها ابتسمت وقالت .....بجد يا قلب ماما انا مش عايزه غير مصلحتك يا هاله ما كنتش عايزاكي تتمرمطي زي ما انا اتمرمطت بس طالما معاكي زيدان ما فيش حاجه هتزعلك في الدنيا انا متاكده
هاله حضنتها بقوه ودخلت جري عنده
و كامل اتنهد بزهول وياس ومشي من المستشفى كلها
عند زيدان كان نايم وبيكح جامد ودخلت هاله ودموعها على خدها و مش قادره تنطق خالص
ذيدان ابتسم بسعاده اول ما شافها وشاور لها بدماغه بمعنى تقرب
هالة قربت منه بدموع واول ما وصلت عنده شدها جامد عليه حضنها بقوه وقال بتعب وصوته بالعافيه طالع...حمد لله على السلامه ربنا كتب لروحي عمر جديد انهارده
هاله بقت تبكي ببن اديه وقالت ....سلامتك يا زيدان حقك على قلبي كل ده بسببي يا حبيبي
زيدان كان بيكح وبيتنفس بصعوبه بس حاسس بارتياح وهيه بين اديه وقال..... المهم تكوني بخير المهم انك طلعتي سليمه واجمل ما في الموضوع اني شوفتك وحشتيني قوي اول مره اقعد اسبوع ما اشوفكيش
هاله بعدت عنو شويه وقالت پغضب ودموع.....ما انت السبب ليه تعمل فيا كده وتفضل مستخبي جوه البيت وانت عارف انهم هيمنعوني اجي لك...كل يوم انزل اشتري خضار حتى لو مش عايزاه بس علشان اشوفك ليه قفلت الورشه وحرمتني منك كده
ذيدان مشى ايده على شعرها بحنيه وقال....مش عايز اعمل لك مشاكل اكتر من كده مش عايزك تبقي متضايقه... نفسي تعيشي كل احلامك اللي بتتمنيها حتى لو مش معايا عايز اتحرق لوحدي واتوجع لوحدي يا هاله
هالة مسحت دمعه نزلت على خده وقالت...و مين قال لك انك كنت لوحدك انا دموعي ما نشفتش كل الوقت ده يا زيدان المۏت اهون بكثير من الايام اللي عدت من غير ما اشوفك فيها
ذيدان قال وهو بيتنفس بصعوبه.... بعيد الشړ ليه بتقولي كده وبعدين هتتعودي ..احم..سمعت انكم حددتوا الفرح مبروك
هالة ابتسمت وقالت... مش لما العريس يقوم بالسلامه ولا هنتجوز بحالتك دي
زيدان بص لها بزهول وقال.... نتجوز
هالة هزت راسها بسرعه وقالت.... حماتك موافقه واخيرا هنكون سوا
زيدان قال بتعب... اوعي..اوعي تكوني بتكدبي انا مش حمل صدمات ممكن اروح فيها دلوقتي
هالة ضحكت وسندت جبيبنها على جبينه وقالت ...وحياه عيونك موافقه صدقت وامنت ان محدش هيحبني اكتر منك
زيدان ضمھا بسعاده وهو بيقول.... الحمد لله يا رب الحمد لله ..ده انا لو اعرف كده كنت ولعت فيكي من بدري
هالة حمحمت وقالت.... على فكره دي تالت مره تحضني انا مقدره اللي انت فيه بس ما تسوقش فيها ها
زيدان ضحك جامد وبص لعيونها وقال.... بكره هحضنك قدام امه لا اله الا الله كلها مش هستنى كتير هنتجوز مش هسيبك لحد غيري ..بس...بس ممكن تعيدي تفكير هيه امك صحيح وافقت بس ده ميمنعش ان كان معاها حق و
هالة قاطعتو و قالت....انا كنت بس مستنياها توافق دلوقتي عندي استعداد اتجوزك هنا في المستشفى عادي
زيدان ضحك بخفه وقال...طب ما نتجوز دلوقتي وحالا انا ھموت واتجوز
هالة ضړبته بخفه وقالت... اتلم وبطل كلام كتير الدكتور قال ما تتكلمش
زيدان ابتسم وقال طب اتكلمي انتي عايز اسمع صوتك وبس
هالة ابتسمت و قالت.... بحبك يا ذيدان بحبك اوي
زيدان ابتسم بسعاده وقال.....انا اكتر يا قلب زيدان بعشق عيونك يا هاله ربنا يقدرني واخليكي مبسوطه طول عمرك يا قلب زيدان والعمر اللي اتمناه
كنتم مع اسكربت تحت الضغط اتمنى يكون الاسكربت عجبكم وحبتوه قولو رايكم في الكمنتات ..زهرتكم تحيكم ودمتم في امان الله مع من تحبون