تحت ضغط بقلم زهرة الربيع

ڠصب عن عينك وعينه سمعتي...عالم متجيش بالذوق اصلا ...ورمى الولاعه على الارض وداس عليها پغضب كسرها وطلع ورزع الباب وراه بعصبيه
هالة انتفضت پخوف على صوت خبطة الباب وبصت للولاعه وقالت بغيظ...اقطع دراعي لو ما كنت قصدها يا زيدان ماشي يا بايخ خليك كده بس فالح تجبلنا المشاكل
في صباح يوم جديد كانت هالة مع والدتها ومرات عمها وبيحطو الفطار على الطاوله علشان يفطروا
خرج كامل من اوضته وقال بضيق وبدون مقدمات .... صباح الخير يا جماعه.... بابا انا لازم اتكلم معاك بخصوص جوازي من هاله
ابوه اتنهد وقال... طيب يا ابني خلينا نفطر الاول
كامل لسه هيتكلم هالة قالت پغضب... ولا نفطر ولا نتعشى انا قولت قبل كده وهقول تاني قدام الكل انا رافضه الجوازه دي
امها مسكتها من ذراعها پغضب وقالت ....وليه بقى يا روح امك عشان الشمام بتاعك مش كده
هالة قالت بضيق..اه يا ماما علشانو ومتقوليش عليه شمام تاني...قولت لك انه بطل الزفت ده
امها قالت....مهو لازم يبطل يا عين امك هو لاقي ياكل علشان يشرب.... طب افترضي بقى انه بعد ما اتجوزك رجع للهباب اللي كان بيطفحوا هتعملي ايه وقتها
هالة قالت بزهق شديد ....هطفح معاه ياما حلو كده....الموضوع خلصان مش هتجوز غيره
عمها اتنهد وقال ...يا فوزيه الجواز عمره ما كان بالعافيه مدام البنت عايزاه ممكن نديه فرصه و
قاطعوا ابنه وقال پغضب وذهول.... يا بابا انت معايا ولا معاه هاله هتبقى مراتي انا والموضوع منتهي
فوزيه قالت بسرعه.... منتهي طبعا يا ابني اليومين دول هنعمل الفرح
هاله لسه هترد الباب خبط نفخت بغيظ وراحت تفتح بس اټصدمت لما لقيت زيدان قدامها وفي ايده ورد وشيكولاته بصت لو بزهول وقالت.... انت بتعمل ايه هنا الله ېخرب بيتك امشي بسرعه وهحصلك امشي
ذيدان ابتسم وقال...جاي اتعامل برقه زي ما قولتي ...هحاول تاني اقابل امك وهعمل باصلي معاها ولو انها قليله اصل
هاله بصتلو بزهول وقالت..... لا واضح انك جاي تتعامل برقه امشي بسرعه من هنا بقولك
فوزيه قالت بضيق... مين اللي على الباب يا بت

هالة قالت پخوف.... ما حدش ياما محدش
ذيدان دفعها بخفه ودخل وقال..هو ايه اللي محدش ... عفريت جيه يخبط على الباب و لما سمع صوت امك مشي ...وقال بصوت عالي.... ده انا يا حماتي
فوزيه قالت پغضب شديد ....سلاما قولا من رب رحيم انت عايز ايه على الصبح

زيدان ابتسم وقال ...جاي ادردش معاكي شويه يا فوز وجايبلك معايا ورد لاجمل ورده والشيكولاته دي علشانك برده شوكولاته صافي غاليه اللي ما بتاكلوهاش الا على الاعياد لما بتجيلكم من بره
هالة ضړبتو في رجلو وهو قال..اااه...قصدي شكولاته جميله يعني بمناسبه اننا دخلنا سنه جديده ربنا يجعلها سعيده على الكل والسنه الجايه تكوني حماتي ڠصب عن عينيكي.... اا قصدي ربنا يخليكي
فوزيه كانت بتبصلو پغضب وقالت .....جاي ليه يا زيدان
زيدان اتنهد وقال بجديه... جاي للمره المليون اطلب ايد هاله البت بتحبني وانا بحبها اللي بتعملوه ده هيضرها اول واحده انتي والدتها والمفروض تبقي اكثر واحده يهمك مصلحتها
فوزيه قالت بسرعه ....بالظبط ومصلحتها مش معاك يا زيدان
هاله لسه هتتكلم فوزيه قالت بسرعه ....انت تسكتي خالص ....بما انه جه هنا يعرف اللي فيها
وشاورت على كامل وقالت... اللي وراك ده ابن عمها وهو كمان عايزها وكمان انا شايفه انو مناسب ليها اكتر منك
ذيان اتنهد بضيق وقال....والسبب
قالت بجديه اسباب مش سبب يا ضنايا....هقولك اهمها...تقدر تقول لي هتسكن البنت فين بعد الجواز

زيدان قال بسرعه ولهفه....انتي عارفه ان بيت ابويا وامي الله يرحمهم لسه موجود وانا داخل جمعيه وهقبضها وهشطبها وهاعمل كل حاجه على ذوقها و
بس فوزيه قاطعتو وقالت....كامل بقى عنده شقه تمليك باسمه هنا و شقه وفيلا في الكويت
كامل بص لذيدان بسخريه وزيدان حس بحرج من كلامها ولسه هيتكلم والدتها قالت بسرعه....و هتعيشها منين بقى مصاريفكم بعد الجواز
ذيدان اتنهد وقال.... ما هو انتي عارفه الورشه بتاعتي شغاله كويس وبتكسب اللي يكفينا باذن الله ده غير اني عندي حته ارض ...
بس قاطعته وقالت بسرعه .....كامل بقى عنده شركه خاصه باسمه والي بيطلعو في الشهر ما تطلعوش انت في ثلاث سنين ....نيجي بقى للاولاد

ذيدان قال پخنقه ......ايه كامل هيولد بدالها ولا هو بيبيض
بصت له بضيق وقالت .....لا يا خفيف اولاده هيتولدوا ويتربوا في الكويت وهيدخلوا مدارس خاصه انت بقى اولادك ناوي تطلعهم ايه يتمرمطوا في ورشتك..... حتى حالتك النفسيه مش تمام كلنا عارفين انك بعد ما اهلك اتوفو وسابوك غرقان في ديونهم وكنت هتتحبس اتأثرت نفسيا واتجهت للادمان...حتى لو بطلت هتفضل انسان مش سوى ولا تنفع زوج لبنتي ولا اب لاولادها انا عايزه اقوله لك من المقارنه السريعه دي انك لو فعلا بتحب هاله وعارف قيمتها بجد هتعرف من نفسك ان كامل احسن لها منك ..انت عمرك ما هتقدر تحميها عمري ما هقدر امن على بنتي. معاك
كامل بصله بانتصار وذيدان بلع ريقه بالم شديد و لاول مره يحس انه قليل للدرجه دي بقى يجاهد علشان ميبانش كسرة نفسو قدامهم ابتسم بالعافيه وقال...احم تمام انتي معاكي حق ...بس هقولك حاجه واحده انا جايز اكون فعلا مش مناسب لهاله وكل كلامك عني مظبوط بسس ان هاله متبقاش في امان معايا دي مش صح ابدا يا مدام...هاله في قلبي واللي في القلب ميصبهوش اي ضرر ....كنت اكيد هقدر احميها حتى من نفسي.... عن اذنك
و لسه هيمشي رجع اخذ الورد والشيكولاته وقال بغيظ...ابقي خليه يجيب لك من الكويت حاجة الكويت اغلى بس ابقي اتأكدي منها لاحسن تطلع مغشوشه ومنظر على فاضي
و مشي پغضب شديد وهاله نزلت ددموعها وجريت وراه بسرعه و والدتها كانت بتنادي لها بس طلعت وراه من غير ما ترد عليها
نزلت وراه السلم وهي بتقول.... زيدان استنى زيدان ..ذييداان
بس زيدان مشي بسرعه ولسه هيطلع من باب العماره مسكت ايده وقالت ....زيدان مش بكلمك قطعت نفسي
ذيدان قال بعصبيه... سيبيني وارجعي يا هاله انا غلطت اني جيت اصلا والدتك معاها حق
ولسه هيطلع وقفت قدامه وقالت..... وانت من امتى بتاخد على كلام والدتي انت طول عمرك تقول لي مش هتكوني غير ليا يا هاله..... ايه اللي حصل دلوقتي
زيدان رمى الحاجه اللي في ايده على الارض وقال پغضب.... اللي حصل ان معاها حق انتي فعلا ما تستاهليش الحياه اللي هعايشهالك وابن عمك فعلا احسن مني عمر الحب ما اكل عيش
هالة حطت ايديها على خدوده برقه وقالت.... الا حبك انت يا زيدان يأكل الشهد كله وانا مش عايزه غيره
زيدان بص لعيونها بحسره واول مره تشوف لمعه الدموع فيهم وقال.... هتندمي وانا مش هستحمل انك ټندمي على جوازك مني
هالة قربت منه وقالت بابتسامه... عمري مااندم على اي حاجه تقربني منك انت عشقي الوحيد انا بحبك يا ذيدان وكل اللي قالته امي ده مش هيعوضني عن دفا وجودك جمبي ولحظات الامان اللي