تحت ضغط بقلم زهرة الربيع

حافظك يا بت على العموم اخر همي يقول ايه عني المهم ما يكونش حد ضايقك بكلمه
هالة ابتسمت وقعدت جنبه وقالت ....ما حدش يقدر يضايقني ما تقلقش عليا...بقولك ايه يا زيدان هنخلص من الموضوع ده امتى احنا المفروض نتجوز الموضوع داخل في الجد
ذيدان اتنهد پخنقه وقال.... هو انتي ليه محسساني اني واحد ماشي معاكي وعايز يلعب ويتسلى يا بت انا بعشقك قلتها لك الف مره وقلتها لامك 50 الف وهي رافضه فالحه بس تسمعني كلام زي السم..وقولتلك كمان نتجوز ونحطها في الامر الواقع انتي رافضه اعمل ايه يعني اخبطها لك سنجه اجيب لك اجلها ما هو مش فاضل غير كده
هاله ضحكت وقالت.... هو انت كل حاجه كده عندك بالقوه مهي معذوره انت كمان اول ما تشوفها بتيجح فيها عاملها بالرقه يا سيدي مره ... زي ما بتتعامل معايا كده
ذيدان شدها من وسطها عليه وبص لعيونها وقال... ما ينفعش مفيش حد زيك يا جمل ..ولا حد في نص غلاوتك مهما عمل
هالة عضت على شفتها بكسوف وهو قرب اكتر وقال.... يعني مثلا هي لو عملت حركه زي دي طبعا مش هينفع انا ارد بحركه زي دي
هالة بصت له باستغراب وقالت..... حركه اي ..
بس قاطعها لما قرب لها بقوه رغم انها بقت تضربها وتحاول تبعد بس ما سابهاش
بعد عنها وقال بسعاده ....شوفتي ازاي هي ما اقدرش اراضيها بالشكل ده
هاله دفعته بغيظ وقالت ....هو انت كده بتراضيني على فكره انت كده بتضايقني مش بقولك كده غلط مينفعش تقربلي كده....بقول لك ايه يلا انزل اصلا انت مش هترتاح الا لما تجيب لنا بلوه
ذيدان ابتسم وقال.... ده انتي اللي جمالك بلوه ..واجدع جدع ما ياخدش قدامه غلوه
هالة لسه هتتكلم بس سمعو صوت كامل بيخبط وبيقول ...هاله نمتي
هاله ارتبكت جدا ووزيدان احتدت عنيه پغضب وراح ناحيه الباب عايز يتخانق معاه
بس هاله مسكت ايده بسرعه وقالت ...امانه عليك ما تعمل مشكله زي الصبح امشي انت امشي انت دلوقتي وانبي
ذيدان قال پغضب...لا والله امشي ليه ...وهو جايلك اوضتك ليه اصلا
هالة قالت پخوف...وانبي يا ذيدان امي لو عرفت انك هنا في الاوضه هتبهدلني علشان خاطري بلاش مشاكل وعمي كمان بره والنبي
زيدان اتنهد وحاول يهدى وقال ....طيب روحي افتحي له وانا همشي على راحتك
هالة اتنهدت بارتياح وقالت..... تسلم لي يا رب يلا بقى انزل
زيدان ابتسم وشدها ليه وحط الولاعه بتاعته على السرير من غير ما هاله تاخد بالها وقال..... طيب انا همشي.... تصبح على سريري..يا شاغل تفكيري
هالة ضحكت بخفه وهي بتدفعه ناحيه البلكونه وقالت.... بطل سفاله بقى وامشي يلا يلا
كامل قال من بره ...نمتي ولا ايه يا هاله
زيدان قال بغيظ....تنام ما تقوم يا بعيد

هاله ضحكت وقالت بصوت عالي شويه ....لا يا كامل جايه حالا
وهمست لزيدان وقالت يلا بقى امشي
زيدان اتنهد ونزل من البلكون زي ما طلع وهي راحت بسرعه فتحت لكامل وقالت بتوتر..احم اتفضل يا كامل
كامل قال بجديه.... عايز اتكلم معاكي كلمتين ممكن
هالة قالت بتوتر..احم اه طبعا اتفضل
كامل دخل وقال ....شوفي يا هالة انا محبش الف وادور انتي طبعا عارفه ان انا جاي ليه
هاله هزت راسها بالموافقه وهو كمل وقال....انا اساسا رجعت دلوقتي علشان نتجوز ونمشي سوا من هنا ..بس المنظر اللي شوفته تحت انهارده ده انا ما اقبلوش على نفسي ولا اقبله لاي حد عشان كده ايا كان بينك وبين الجدع ده لازم تشرحيهولي وتفهميني ايه طبيعه علاقتكم مع بعض
هاله اتنهدت وقالت ....بنحب بعض ....بنحب بعض قوي يا كامل ...صحيح ما فيش حاجه بيننا من اللي قالها ولا هيكون الا طبعا بعد ما نتجوز لكن ..
قاطعها كامل لما بصلها پغضب وقال...تت ايه تتجوزو..انتي اتهبلتي انسي تتجوزي غيري ما تحلميش بكده فاهمه
وحاول يهدى وقال.... هاله انتي بنت عمي اتربينا سوا واتعودت عليكي قوي وانت عارفه ان انا بحبك وشاريكي واتغربت علشانك عشان اعيشك عيشه محدش يستاهلها غيرك ...والحمد لله شركتي كبرت وبقى ډخلها كويس جدا هنسافر انا وانتي وحتى لو ...حتى لو بتفكري في البتاع ده دلوقتي بكره لما تسافري معايا وتشوفي فرق العيشه اللي هعيشها لك من القرف اللي هيسكنك فيه هنا هتنسيه انا متأكد....انا هشتري لك عربيه وهيبقى لك فيلا هناك ومصروفك الخاص ولو حابه تعملي مشروع كمان تعملي و
هاله قاطعته بسرعه وقالت.... كامل انت قلت اول كلامك اني بنت عمك ومربيني يعني انت عارف ان الفلوس دي اخر همي صدقني يا كامل لو كنت حبيتك انت من غير ما تسافر اصلا ولا تشتغل كنت هبقى ليك ....بس دي حاجه مش بايدي لو كنت اقدر ابعد عن زيدان كنت بعدت عنه من زمان بسبب ماما ورفضها ليه ... بس بحبه لما تعرف من دلوقتي ده احسن ليا وليك
كامل مسكها من دراعها پغضب وقال ...انتي ما بتفهميش بقول لك مش هتكوني لغيري انا بحبك علشانك اتغربت وبعدت عن اهلي علشانك مقبلتش اقرب لاي واحده...علشانك وصلت لكل اللي وصلتلو استحملت حجات كتير علشانك وبس الباشا بتاعك عمل ايه علشانك ده حته حداد شمام فاشل
هاله شدت دراعها منه پغضب وقالت.... اللي عمله زيدان عشاني محدش يقدر يعمله وانت ما كانش هيبقى عندك ربع القوه انك تعمله ....انت وماما بتقولوا عليه شمام ومدمن بس زيدان بطل علشاني علشاني انا وبس حبي عمل معاه اللي مصحه الادمان نفسها ما تقدرش تعمله وحتى لو ما كانش بطل انا قابله بيه زيدان مش فاشل هو بس ما لقاش اب زيك امنلو مستقبلو وبقى يبعت لو مصاريفه لحد ما يكمل تعليمه ويسافر ملقاش اللي حطه على الاول الطريق ومع ذلك كمل وعاش وفتح ورشته وخلص تعليمه لوحده وسدد ديون ابوه المتلتله اللي سابها بعد مۏته ... لو حطيتك في مقارنه معاه هتلاقي نفسك انت اللي افشل بكتير من انك تتقارن معاه
كامل بص لها پغضب شديد ولسه هيتكلم لمح الولاعه بتاعته على السرير قرب من السرير ومسكها وغمض عنيه پغضب شديد وبص لها وقال.... ايه دي ها
هاله بلعت ريقها بتوتر وقالت ...دي...احم دي ولاعه بيولعو بيها
كامل بصلها بدهشه من اجابتها وقالت... لا والله بجد ولاعه وبيولعوا بيها ....بيولعو بيها ايه بقى
هالة بلعت ريقها بارتباك اكتر وقالت ...ها....الشمع بيولعو بيها الشمع عشان النور اوقات بيقطع
كامل قال پغضب مكبوت.... يا سلام بتولعي الشمع ده على اساس ما فيش اختراع اسمو كشاف... ايه جاب الولاعه دي على سريرك الحيوان بتاعك ده كان هنا بيدخل اوضتك وصلت بيكي الحال انك تسمحي له يدخل اوضتك
هالة بلعت ريقها بارتباك وقالت..... اهدى يا كامل وهفهمك هو جاي يطمن يعني علشان خاېف تكون انت يعني قلت حاجه الاهلي
كامل قال پغضب شديد..... اسمعي بقى انا جبت اخري انا لازم اسافر تاني وهاخدك معايا كتب الكتاب هيتم...وفي اجازتي دي يعني اقل من 15 يوم ونكون متجوزين