لم يكن أخي بقلم إيمان شلبي

في بالك الفكره دي من دلوقتي يمكن مشاعرك تتغير
ساره بذهول
ازاي تتغير بس و....
نسمه بابتسامه باهته وحزينه
لو فكرتي بقلبك ولقيتي نفسك بنفس المشاعر بتاعه زمان اقدر اقولك وقتها انتي وانس اخوات ومحدش عالم النصيب فين و...
كانت لسه هتكمل كلامها بس سمعت جرس الباب
بصت وهي وساره لبعض وعلامات القلق وضحت علي ملامحهم وعيونهم
نسمه وهي بتبلع ريقها بتوتر
خ خليكي انا هشوف مين
ساره بحزم
رجلي علي رجلك
يابنتي ا...
ساره باصرار وهي بتبص في عيونها بقوه
هنفتحله وهنبلغه برفضنا وهنعرفه
اني متجوزه ومش هنخاف منه ولا هو ولا الف زيه تمام
مسكت ايديها وهي بتهز رأسها بدموع
تمام
فتحت الباب وكان بالفعل الضيف المنتظر واللي بصتله ساره بكل تحدي وقوه
خير ياعمي
كامل عمها بحزن مصطنع
بقي دي مقابله تقابلي بيها عمك برضو يابنت اخويا!
ساره بتحدي وهي بتجز علي اسنانها وبتبصله بقرف
معنديش غيرها واللي انت جاي عشانه مرفووووض نهائي
كامل بابتسامه خبيثه وهو بيبص لنسمه
جرا اي يامرات اخويا ما تعقلي بنتك وإلا...
وإلا هتخطفها وتجوزها ابنك بالعافيه مش كده !
لف كامل لمصدر الصوت باستغراب كان انس واقف وحاطط أيده في جيبه وبيبصله بنظرات ناريه
بصله من فوق لتحت بسخريه
وده مين ده كمان
انس وهو بيقرب منه وبيبتسم بكل برود
احب اقدملك نفسي انس الزناتي
وابتسم وشاور علي ساره
وساره بنت اخوك تبقي حرم انس الزناتي
كامل پصدمه وملامحه كلها بتنطق بالڠضب
مستحييييييل
ابتسم ابتسامه صفراء
المستحيل اوقات بيتحقق
وفجأه قرب منه وهو بيشده من طرف قميصه وبيبصله بكل غيظ وكره
ولو رجلك عتبت البيت ده تاني الفيديو اللي معايا اللي انت بتقتل فيه اختك عشان تاخد فلوسها كلها هيطلع النيابه ووقتها يبقي عليا وعلي أعدائي
كامل بتوتر والعرق اتكون علي جبينه
ا ا انت بتقول ايه ا انت ا انت بتخرف الكلام ده مش حقيقي ا انا
انس بجمود
عندي اثبات صوت وصوره واللي حاولت ټقتلها كمان لسه عايشه يعني وقتها مفيش مفر فخليك حلو كده وابعد عن طريق ساره مراتي ونسمه امي
وبصله بصه تحذيريه
وخد بالك كل حاجه بتعملها بتوصلي صوت وصوره وعايز اقولك حاجه كمان نسيت اقولك عليها
وضحك بخبث وهو بيسيب هدومه
بصراحه انا مقدرتش مسلمش كل حاجه للنيابه
كامل وهو بيتنفس بسرعه وخوف
ي ي يعني ايه
وهنا جه صوت تاني وكان صوت ظابط
يعني انت مطلوب القبض عليك ياكامل باشا هاتوووه
كامل بتوتر وړعب
لا لاااا مظلوم لا مش انا اللي عملت كده ده حسن ابني لا لا
قبضوا عليه واخدوا علي السچن ونسمه اول ما نزلوا قربت
من أنس وحضنته بفرحه
ربنا يخليك لينا يارب ياحبيبي انا مش عارفه اقولك ايه
انس وهو بيضمها بحب
متقوليش حاجه ياست الكل الحمد لله خلصنا من شره
عبير ام انس وهي بتغمزلها من علي الباب
طب تعالي يانسمه ياحبيبتي انا عملتلك كوبايه شاي
نسمه
هه ا اه ماشي
اول ما دخلت البيت قربت ساره من أنس وهي بتفرك ايديها بتوتر وبتحط وشها في الأرض
ا احم شكرا يا انس
انس بهدوء
علي اي انا معملتش حاجه
ا انس ا انا
انس وهو بيقاطعها
عايزه تتطلقي
ساره بلهفه
لااااااا
رفع حاجبه باستغراب
غريبه!!
رفعت راسها وسألته باستغراب اكبر
هو اي اللي غريبه!
ضحك بسخريه
يعني من ربع ساعه بس مكنتيش طيقاني ومش موافقه علي الجواز
ساره بمرح
هو انا مقولتلكش!
ابتسم بحزن
لا مقولتليش
مش انا طلعت بحبك
انس پصدمه
ايه!!!!!
ساره بكسوف وهي بتفرك صوابعها
علي فكره انا اكتشفت اني بحبك من زمان ومكنتش عارفه
ساره انتي بتتكلمي جد
جدا
ساره انا عايزك تفكري وتقرري براحتك وصدقيني اي قرار مش هيزعلني وهفضل اخوكي وصاحبك و
ساره وهي بتقاطعه بحب
وجوزي يا انس انا وانت لبعض من وقت ما جيت علي الدنيا انا لو اتجوزت حد تاني معتقدش هحبه قد ما بحبك انت كل حاجه ليا يا
انس وانا موافقه بكامل قوايا العقليه و
لولولولولولولي
انس وهو بيبص وراه وبيقول بهمس
هادمين اللحظات الرومانسيه عليا النعمه انا زهجتت انا ماشي
ساره بهزار
لوتفي استني يالوتفيي هنقضي شهر العسل في باريس ولا فين
انس بابتسامه صفراء
تعرفي روايه دعني احطم غرورك
ساره
اه اللي كنت بتقراها من شويه
عليكي نووور انا بقي هعمل زي عز وهنقضي شهر العسل في راس البر
ساره بذهول
احيه
انس
هههههه بهزر معاكي احنا هنقضيه في البيت ياحياتي
ساره
طلقني يا انس طلقني بدل ما ارقع بالصوت والم عليك العماره
نسمه بضحك وهي بتبص لعبير
شويه مجانين لايقين علي بعض اوي
عبير بفرحه
ربنا يسعدكم يارب
رد الكل وراها
امين يااارب
هافضل باحميكي من الدنيا و آخد ضرباتها وانا مكانك
انا قبلك ضيعت حياتي والباقي مخليه علشانك
تمت
لم_يكن_اخي
إيمان_شلبي