لم يكن أخي بقلم إيمان شلبي

ده
انس وهو بيقرب منها وبيميل بجسمه وبيبص في عيونها مباشره وبصوت هادي ممزوج پحده
لا صغيره وانا ادري بمصلحتك اكتر منك عشان كده مفيش جواز من سي زفت ده
اتعصبت وهبدت علي الارض بغيظ
لا بقي انت مش من حقك خالص علي فكره مش من حقك تتحكم فيا ولا في قراري انا مش صغيره ومسؤوله عن نفسي وعن قراري وهتجوز طارق
انس وهو بيضحك بسخريه وبيبص لمامتها اللي كانت قاعده علي الكنبه بتراقب مناقشتهم بصمت رهيب
ماشاء الله ساره كبرت ياماما وبقت بتعرف تاخد قرار
ساره بعصبيه
انت مستفز وعلي فكره بقي متاخدش قلم في نفسك كده انت ولا اخويا ولا ابويا ولا حتي ابن عمي ولا تقربلي حاجه عشان تتحكم فيا انت حياله ابن صاحب ماما وجاري وبس
انس پصدمه من كلامها
انتي واعيه لكلامك ده
اه واعيه
مامتها پصدمه
انتي اټجننتي انتي ازاي تقولي كده ا...
انس وهو بيقاطعها وبيشاورلها بايده
سيبيها تكمل ياماما
ردت ببرود
اه اكمل مكملش ليه
ورفعت عينيها تبص في عيونه وهي بتقول ببطئ
انا وطارق بنحب بعض وهنتجوز بموافقتك أو لا
انس بجمود
ده آخر كلام عندك
لفت وشها النحيه التانيه وهي بتربع ايديها
معنديش غيره
انس برفعه حاجب
حتي لو قولتلك أنه متجوز
ايه!!!!
زي ما بقولك لو مش مصدقاني اثبتلك وحالا
بلعت ريقها بصعوبه
ا ا انت كذاب
انس بسخريه
وماله اثبتلك
وخرج الفون بتاعه وضغط علي رقم وبعد شويه ردت عليه بنت
الو
انس بجمود
ازي حضرتك يامدام ميار
ميار باحترام
الحمد لله يا استاذ انس خير في حاجه بخصوص القضيه
انس
ا احم ل لا لا انا بس كنت عايز اعرف من حضرتك القصه تاني لأن حصل لبس بينك وبين شخص تاني عندي ومحتاج اسمع القصه معلش
ميار وهي بتتنهد بحزن
تمام انا كنت بشتغل في شركه طارق الغندوري كنت السكرتيره الشخصيه بتاعته أعجبته بيه وهو كمان كان معجب بيا بدأ يتقربلي وحبيته وطلب مني الجواز ووافقت فورا واتجوزنا واول شهر اكتشفت أنه متجوز غيري واني مش اول واحده يضحك عليها ده ضحك علي بنات غيري كتير لما طلبت الطلاق رفض وقالي يا تفضلي علي ذمتي يا هسجنك بوصل الامانه اللي مضاني عليه من غير ما احس كأن قايلي أنه ورق شغل !
وانا حاليا علي زمته وعايزه اتطلق منه في اسرع وقت ارجوك
انس وهو بيبص لساره اللي كانت واقفه مصدومه وحاطه ايديها علي بوقها پصدمه وذهول
تمام يامدام ميار في اقرب وقت أن شاء الله هطلقك منه
شكرا جدا بجد
عن اذنك يامدام مضطر اقفل
قفل معاها وبص لساره اللي كانت الدموع بتلمع في عينيها
ها صدقتي
ساره پصدمه ودموع
حقيررر
انس بجمود
انا داخل بيتنا
ساره بلهفه
انس
انس بجمود وقسوه
استاذ انس
وبصلها بكل سخريه
انا ولا أبوكي ولا اخوكي ولا حتي ابن عمك انا حياله ابن صاحب مامتك ف اتمني متشليش الألقاب من هنا ورايح !
ساره بدموع
لا ا ارجوك انس متزعلش مني انا ...
كانت لسه هتكمل كلامها بس هو فتح الباب وخرج وهو بيرزعه وراه بكل قوته لدرجه اتنفضت ساره علي آثره
ام ساره بغيظ
انتي ازاي تعملي كده ها ازاي
عشان واحد متعرفهوش بتخسري انس اللي رباكي وحماكي وحبك اكتر من نفسه وفي الآخر تقوليلوا انت متقربليش حاجه
انتي
بياعه كده ليه يابت انتي وياريت زعلتيه عشان حد عدل ده واحد حقېر وبيكذب عليكي منك لله يا شيخه انا رايحاله كتك الهم
قالت كلامها دفعه واحده وخرجت من البيت وهي واقفه مڼهاره من العياط
كانت مصدومه من اللي قالته !
هي ازاي تقوله كده ازاي قدرت اصلا تجرحه بكلامها
ازاي في لمح البصر نست كل اللي عمله عشانها من صغرها
ازاي قدرت تنسي أنه كبر قبل أوانه وبقي اب ليها